盛記粥麵

營業中

休息中

兩個人，點了兩碗粥，豬潤粥同及第粥，仲有炸兩同油菜。粥底軟綿滑👍炸兩的油炸鬼，有香脆口感，再加上甜醬、麻醬，正，油菜要咗芥蘭，得剛好，不會太硬。因出品都有用心做，多人光顧，缺點是坐位濶窄😅

今日忽然好想好想食雲吞麵，當然要去佐敦「盛記粥麵」。下午茶時段都坐滿了顧客，客似雲來。叫了一個套餐招牌雲吞麵 $38另以優惠價配炸鯪魚球 $32和凍薏米水 $8。 雲吞麵大大碗，湯底清澈鮮甜，濃厚的大地魚香味配上爽口彈牙的麵條，而且他們的麵條走鹼走得非常好，超正。雲吞餡料豐富，有兩隻蝦仁緊緊扣著，還有免治豬肉和大地魚香，一碗有四粒，一口一粒。炸鯪魚球即叫即做，脹卜卜，鯪魚球質地結實，爽口彈牙，還有很重的胡椒香，蜆芥汁也是這到小食的靈魂。薏米水煲得很夠時間，好味。

🇭🇰盛記粥麵·呢間我之前已經外賣食過架啦 覺得佢啲粥幾好味 不過麵就普通啲 所以個日想食粥暖下個肚就黎左食啦😎·美味黃沙豬膶粥$45 l 脆炸兩 +$28我自己幾中意呢度既豬膶 佢份量好多 而且佢既豬膶係好厚切既 口感好好 而且佢既豬膶好滑好juicy🤤🤤之後佢呢度既粥底都好綿 整體都唔錯 不過佢個脆炸兩我自己就覺得一般啲 雖然佢中間個油炸鬼都係熱辣辣既 但係佢係硬脆個種黎 食落口感無咁好🙊😂··📍佐敦白加士街11號地舖

夜晚諗住求其搵間餐廳食，見到呢間出面咁多人等外賣，就決定試下呢間。本身以為係好普通嘅粥麵店，點知食左幾啖覺得好有驚喜！即刻影返張相寫食評🤣🐤口水雞 $42 🌕🌕🌕🌕🌑唔係死辣嘅口水汁👍🏼帶啲酸酸地嘅辣味，好開胃，而且份量都好夠，雞肉都好嫩滑！🍜招牌雲吞湯麵 $38 🌕🌕🌕🌕🌑湯底係大地魚湯，飲到個鮮味。麵嘅份量都好多，亦都唔會有好大陣鹼水味；雲吞都比左6隻大嘅，食完真係要捧著個肚返屋企🤣🥤薏米水 $10 🌕🌕🌕🌗🌑幾足料，除左薏米仲落左啲薑。甜度都啱啱好👍🏼不過可能店舖太多人、太忙，店員未睇清楚我係咪飲晒就收走左，所以我有成差唔多半杯冇飲到😭😭😭不過整體食物質素都好滿意，暫時係我去過最鍾意嘅粥麵店。下次會再黎！

這間店舖見網上話盛記有幾款必食的推介，於是咪路過試吓，叫咗生滾及第粥，粥底冇問題，可惜料少到估唔到，一碗賣$53碗內只有有片不是網友講的厚豬潤兩片、肉丸一少粒、其他食材各一，值唔值得！睇個人？炸兩$28一碟大約有十件，一般啦！一杯薑汁薏米！不太平均，點解咁講，因為我見到前面嗰台客人都叫咗一杯薑汁薏米，但人家的薏米去到個杯一半，而望回自己果杯一半都冇，有少少奇怪！而雲吞麵可以說合理價錢$38，4粒雲吞是一口的，靚！麵一定叫爽才好食！湯底係有大地魚味！整體來講欣賞雲吞麵！其他就……..。如果說會不會再去🧐⋯⋯

今日午餐我係app上叫外賣，叫左豬潤粥和桑寄生茶。一開始我想食清淡一啲，所以今日揀左食粥，但當我打開碗粥蓋時，就已經見到一層油係粥面上面！而且味道也太咸了！☹️☹️讓我感到非常失望。雖然呢碗豬潤粥的份量都很足，但佢既味道卻令我感到非常失望。粥裡的油太多，令我感到有些唔開胃，唔想食落去～味道也有啲咸，我食左少少都已經有啲口渴。我覺得如果能夠減少油和鹽分的份量，碗豬潤粥會好啲🙈唔知係唔係因為外賣關係～堂食可能好啲？因為我見好多好評才試一下～🙈🙈🙈點知伏了..

呢排成日都無啦啦落雨就會心思思想食一啲熱嘅嘢跟住見到呢間舖頭超多人排隊 所以就跟隊🤣果然冇伏 幾好食🤤一🐾 黃沙豬膶粥｜$45啲豬膶真係好多塊😳佢係屬於厚身軟爽嘅質地但係又唔會過分軟芯！！而且粥底都非常棉滑一🐾 秘製豬軟骨撈麵｜$50個撈麵冇鹼水味，而且有淡淡的麻油香味豬軟骨，亦都好入味☺️一🐾 薏米水｜+$5超足料！！！除咗薏米、仲有啲小米、蜜棗😳佢薑味都幾重嘅～一🐾 香脆炸兩粉腸｜+$28炸兩都係香脆！但冇咩特別一🐾 蒜香南乳炸雞翼拼鯪魚球｜$35雞翼就炸得非常香脆😝但係就冇咩南乳嘅味道鯪魚球嘅魚味好突出配埋蜆蚧醬汁 😳呢個味道真係要傳統舖頭先食到✨😗一 🚏 盛記粥麵 (佐敦)佐敦白加士街11號地舖

黎過佐敦咁多次竟然都唔知有間咁高評分既粉麵店，就黎試下啦星期六1pm 午飯時間去到已經滿座，不過好彩無人排隊下個就到我地兩個，等左10分鐘左右食物牛筋腩麵牛筋同牛腩都炆得好濃好入味幼麵爽滑彈牙湯底清甜，中和返牛腩既濃味， 整體唔會太重口味炸兩腸粉又滑又薄，未食過咁好食既炸兩平時粥舖食到既炸兩都係好厚粉，而且入面油炸鬼通常已經過曬氣今次第一次食到入面嘅油炸鬼仲係脆既，好感動 就算擺耐咗食到最尾依然都係脆蒜香南乳炸雞翼拼炸鯪魚球相反，南乳雞翼配鯪魚球就有啲遜色唔係唔好食，但係比較普通蒜蓉南乳味都唔係好出，雞翼炸得過熟另外叫左杯凍薏米水無影到味道正常，唔係太凍生熟薏米佔左半杯份量服務啲姨姨都幾有禮貌環境雖然鋪位唔細，但座位都比較迫繁忙時間一定要搭檯架啦

雖然係附近返工 但成日都要排隊 所以我都未入過去試今日放工要陪朋友try try 所以就決心落去好彩未夠7點唔使排隊 但我一入去座低無5分鐘，其他檯全部滿曬朋友叫左 柱侯牛筋腩撈粗 佢話個 上湯 超濃 我試左兩啖 湯底厚 大地魚 胡椒味都好重牛筋見到咁上色都知超入味  jelly咁 平時我食開清湯 覺得柱侯太濃 但呢個筋腩 實在太驚喜了怕濃味都要食呀牛腩 用筷子一撕就開 淋到化開 完全無sip住牙喇朋友睇到哇一聲粗麵都好好 已經撈好和 無咩鹼水味個個都叫薏米水 朋友都叫左杯哇 不得了 蕃薯糖水的味道有薑和 菊花米水咁滑 有大量薏米和麥米 口感十足下次最好比多隻spoon 唔係好難筆d 薏米。。。艇仔粥 好耐無食 花生好香脆 唔油膩 入面海產偏多豬潤腸 細細粒 以為好孤寒 其實好貼心 分開可以一啖一粒 容易分又唔怕有筋仲有薑絲 要包腸粉 都好花心機腸粉皮晶瑩剔透 薄和煙韌 一定要食 可以套餐配腸粉 抵

去開佐敦想搵間粉麵店快食一餐叫套餐係抵d+$32 蔥花蝦米炸兩腸粉炸兩夠哂脆 但脆到太硬蔥花蝦米原來只係撒係面而唔係撈埋粉漿一齊整扣分叫左個豬潤粥豬潤厚度唔錯但食落有渣粥底太稀太咸扣分試埋水餃餡料味道OK 收尾有d厚但水餃都係太咸整體食物味道好咸坐得好迫唔會再黎！————————————————————————————————————————————————————————————————

今晚又喺佐敦食宵夜，又去咗呢間粥店，果然我呢啲悶蛋都唔係特別鍾意take risk 去試新餐廳😂😂（其實係太夜懶得搵）我連叫嘅嘢食都係一模一樣，啲阿姐都已經記得我要食啲咩啦。瘦肉粥多蔥，加一杯熱嘅薏米水～唔知點解我會成日叫咗做檸檬薏米水，明明呢一間嘅係普通薏米水😂今次佢哋嘅沖唔同咗喎，而家冇咗芫荽嘅？😂呢一杯熱薏米水，保持一貫嘅水準，係超好飲嘅！如果單買呢係要$15一杯，但係叫咗粥粉麵飯就加$5得啦！我係必定會飲

通常想食到正宗懷舊口味嘅粥品麵食都只會諗起去啲屋村小店附近尋覓🙌🏻估唔到朋友介紹話佐敦呢度有間成日要等位嘅隱世小店咁有質素！仲要有冷氣涼住食添😌. ✨ 招牌狀元及第粥 $53粥底夠綿又杰身👍🏻豬雜洗得好乾淨！包括有豬潤, 豬心, 豬粉腸等🐖當中尤其鍾意食入面嘅豬肉丸！係手打製成夠哂有口感！. ✨ 香脆炸兩腸粉 +$28加配見到隔離枱個個都叫！一於試吓😛外層腸粉滑溜！內層油炸鬼酥脆🤝🏻🤝🏻只加豉油/額外加埋甜醬都同樣好食！！. ✨ 招牌薏米水 (熱) +$5加配感覺好養生❤️飲落唔係稀薄嘅質地！出乎意料咁足料💯有薏米, 蜜棗等等…果然係招牌飲品！. ✨ 柱侯牛筋腩飯 $58牛腩牛筋都炆得超級軟腍入味😍😍色澤又靚！仲食得出有啲陳皮香味！伴隨嘅白蘿蔔都冇渣好味！連汁一齊撈埋食好快清碟🤭. ✨ 凍豆漿 +$8加配感覺上喺粥舖就係要叫豆漿飲😚正常發揮👌🏻

間中都鐘意香港地道美食，粥粉麵飯之中嘅粥我都好鐘意食，佐敦呢間小店望落懷舊地道，好多人幫襯，望落環境企理🥣薑蔥鯇魚腩粥好鍾意魚腩，啖啖肉又滑又香魚油味，不過都要小心有骨，粥底濃稠適中，唔會稀到似水，鐘意加多啲胡椒粉，少少刺激味蕾嘅感覺🦐鮮蝦腸粉估唔到佐敦小店嘅腸粉都咁薄咁滑，鮮蝦爽口新鮮，開埋邊感覺大少少🥢蒜香南乳炸雞翼拼炸鯪魚球好多人都食呢度嘅炸鯪魚球，的確做得幾出色，有魚味又邪惡惹味，而炸雞翼就炸到非常乾身🥬油菜🥣養顏桑寄生蛋茶係我好鍾意飲嘅養生糖水，自己之前都報過，呢度嘅煲得濃味，色澤幾深又靚，唔會太甜，雞蛋仲上晒色👍🏻🚩盛記粥麵 (佐敦)📍佐敦白加士街11號地舖

行開尖沙咀佐敦交界，就黎左呢間粥麵鋪食lunch，一個人食唔使等位，很好🙂因為香港租金太貴，而且中式食店類型較辛苦，依家已經好少中式粥麵店，實在有點可惜。今日想食清啲但又想飽肚，所以叫左個水餃面，再加杯薏米水去下濕水餃面，味道正常，有水餃3隻，size正常，今時今日物價水平黎講都勉強對得住佢價錢嘅熱薏米水，味道正常甜度適中，多料，非常impressive 整體而言，很好，如果去開附近又想食中式粉麵粥嘅話就會再去嘅

同事極力推薦盛記粥品十分出色，便來試一試，叫了一碗豬膶粥、蔥花蝦米炸両和一杯熱的薏米水。豬膶粥既粥底入口綿綿又滑，豬膶熟到剛好，又大件，真的暖胃又好食，腸粉炸両新鮮熱辣同樣出色，薏米水加左少少果皮同蜜棗，唔會太甜又好飲，同事真係好介紹👍🏻。聽聞盛記雲吞麵都出色，下次有機會再試😋