影片
趁住天氣突然轉冷，最好打鞭爐啦，慳慳哋又計到數梗係揀任飲任食個D火鍋，有數圍唔怕失預算。今次有住美孚老友介紹晌盈暉臺有間海鮮酒家，係位置隔涉少少，但價錢都幾抵，$45位，另外茶芥、酸菜、醬料收$18位，大路湯底（如香茜皮蛋、胡椒豬肚）每鍋$28，若選特色鍋（如花膠雞腳、鮮人蔘雞湯）就收$48，加埋一，拉均每人都係$75左右，都好大眾化。話就話入座起計食２粒半鐘，但好似我哋閒日哩，客唔太多，夠鐘佢都唔會催你走。收得咁嘅價錢，當然唔會有貴嘢食喇，但每枱都會送番生蠔同生蝦（但只係人頭數），此外，任點食物都有成70多款，例如花枝片、生打豬肉丸、青口、美國肥牛、鮮牛肉、台灣鱔片、九肚魚、竹笙、鮮腐竹、秀珍菇……等等。任飲方面，除汽水，仲有橙汁、酸梅湯同竹蔗水！當然想食好D，可以追加鮮帶子、珊瑚蚌等，想飲啤酒都無問題，不過就另外計。整體哩講，食物質素OK，環境OK，服務都幾好，最緊要係天寒地凍一大班人烚吓烚吓高興吓啫！
繼續閱讀
前兩日上左親戚屋企夜晚就近近地去左樓下搵間酒樓開飯啦由於係親戚食飯,所以都叫左好多例牌菜,都係普通貨色啦~味道都唔錯,最值得一提就係"鎮江排骨",個汁酸酸甜甜,d排骨又啖啖肉(唔係肥肉啦),一d都唔油膩,抵讚!一行十二人食到飽晒都係七百幾蚊咁ge價錢食物有番咁上下水準ge酒家已經好少見喇有機會ge絕對會再去捧場!
繼續閱讀
好耐無踫過d咁離譜既食肆,有時去得呢類型酒樓,都只不過大家可以坐埋一圍吹下水而已,食品水準唔太差,服務一般都可以.老實講,佢既士多啤梨骨甜酸適中,食落口亦知道係新鮮即炸,糯米飯明顯係生炒,粒粿分明,油份少,值得一讚,但可惜唔可以蓋掩一d食肆大忌.發菜蜆豉豬利生菜:油份多,獻汁'杰',都唔係大問題,預左,但係發菜竟然係'酸'既,同經理講左,佢二話不說挾走d發菜就算,(我地仲以為佢comfirm左之後會say sorry 或者取消碟菜啦,點知係錢照收,仲要若無其事,真係有無攪錯?)明明9大3細收13位茶芥,(有d酒樓依人頭收茶芥,所以我唔介意,但當我地表明人數之後,佢仲要唔信係度眼啤啤數)呢酒樓唔怪得weekend都唔滿.呢度係無大檯既,一般酒樓既8至10人檯,佢地當12人檯用,所以好逼.在坐有人生日,order左一籠壽包,但竟然係第二碟上檯,其他菜都未到呀!連上菜個阿姐都打個突.咁既服務水準,咁既處事態度,咁既收費手法,仲可以生存落去,奇蹟!
繼續閱讀
食物質素唔錯, 午市點心間中加新花款, 晚市菜式略嫌單調, 好耐都唔轉菜牌
繼續閱讀