盈暉海鮮酒家 (已結業)

做冬果日同屋企人黎依度食左個3000幾蚊既餐，FOR 12個人份量。因為塞車關係有一個屋企人遲黎左所以我地唔係原定6點半起菜而係7點起。我地都明白係要準時8點半交場，但係我地一叫起菜之後啲野就好似快餐咁上。我地三份鐘內就有四碟野係台面。完全係食唔晒之餘，同時我地啲月菜因為冇位擺而放左係另一張台。結果啲野食就涷晒啦。之前其實都黎依度係平日時間食過一次晚餐。野食唔算好好食但至少唔會太差。但係今次就真係有少少失望。

星期日本想喺新城市廣場食晚飯，點知周圍都排曬隊等位，於是就揸車去第一城碰下運氣，果然見到呢間酒樓有位，再加上在酒樓門外見到有晚飯優惠三寶，於是决定在此吃晚飯。原來五個人只可以選擇一個優惠三寶，於是叫咗三寶之一 嘅生劏大海龍躉斑二食、再加豉汁涼瓜炒鵝腸、鮮腐竹瑤柱浸時蔬和招牌咕嚕肉。生劏龍躉斑二食 一食係翡翠炒斑球，另一食係蒜蓉蒸頭腩。翠玉瓜炒斑球分量都算多，不過新鮮程度一般，至於蒜蓉蒸斑頭腩，都算惹味，只係唔夠鹹。豉汁涼瓜炒鵝腸冇厘鑊氣，鵝腸炒到縮曬水，失敗之作。鮮腐竹瑤柱浸時蔬時蔬係用油麥菜，有少少苦澀味，瑤柱少得很，齋得嚟冇味道。招牌咕嚕肉份量好多，味道唔錯，侍應話係用黑豚肉，不過可能肉太瘦，有啲靱。呢餐飯只可以話抵，唔講得好好食， 不過以龍躉斑二食只收$108來說，就真係好抵。

今日係二零一七年八月二十三日。下午三時左右。今日和屋企人來到這間酒家飲茶。便叫了乳豬四宝飯，買$五十五元一碟。這碟飯在餐紙上，自稱是特惠價錢，益街坊價。當這碟飯到來上台的時候，真係嚇我一跳。這間店真的太離譜了，乳猪只五一小片，是手指尾的闊度，最（離譜）的是，居然用上了隔一夜在晚市剩下的乳猪頭來切片。完全無花無假，有相片提供給大家看的。所謂乳豬完全有皮冇肉，豬頭皮來充當正常乳豬售賣。實在無恥。

第一次去盈暉飲早茶, 相信亦係最後一次.價錢唔算抵早市有少量特價點心, 雙寶其他唔抵 (差不多正價)叫左一隻咸肉艐, 得六份一隻咸蛋, 一蚊甘多的咸肉 (大量肥膏), 細隻都唔在講, 完全無味的...點心, 味道十分一般, 全部比較淡味的.牛肉3粒, 鬆鬆的...雞扎, 算正常, 不過肉無肉味, 好淡的.優點係人少, 較為舒服....有得揀, 一定唔再揀!

兩個月前喺呢度飲過一次下午茶，令我有所改觀咗，覺得有咗明顯既進步喎於是今日三五知己下午茶聚咪又再去囉下午三点左右人都幾多下，友人先到取位，等咗10分鐘有位，隨即人齊……揀左11/2款點心，落單唔算好耐就開始有點心送到點心不過不失啦冇乜特別驚喜或驚嚇之後主角黎喇超級無敵中國薄餅。。。。睇真D……餅黎喎老細見到個賣相比埋刀叉你仲唔出事。。。。用刀叉去切，食扒餐咩？仲要係好用力先可以把佢切開就知道D粉有幾厚有幾硬啦唔緊要點都要試吓，用筷子夾起一件，嘩……油浸中國薄餅囉快快快……冇隔油纸唔掂，隔完油好勇敢咁試一啖，完完全全冇食餅既感覺同味覺囉，超重油味大於一切其實呢餐茶唔算太差架，不過餅煮比客人食之前，阿大廚阿老細你地究竟有冇自己試過D出品先架？我相信如果你地有試過既話，我心信你未必夠胆攞呢D出品比人客食囉！（唔信既話你自己認真試一試）

D 侍應竟然掉頭走, 時運高, 睇唔到D 客。 第一碟放低的燒賣係凍的, 完全犯了點心的大忌, 但係啲夥記好似都已經習以為常, 平日都尚且如此, 到星期六、日，就更加不堪, 真系希望佢地會檢討一下

乐游游地来到沙田第一城的＂盈晖海鲜酒家＂饮中茶，品嚐一下美食的同时也跟友人闲聊乐的！😀此的＂ 七色炒米粉＂，特色是少油的，有西芹丶火腿及红萝卜丝等食料的，真的是少油也少盐的健康食物呀！咸味及味道也是恰到好处的，可以的！👍👍👍＂蜜汁叉烧包＂，包内的叉烧馅是极新鲜跟香味可口的兼价钱也经济👍👍👍面粉也松软的！。＂山竹牛肉球＂，牛肉貭感特是松松软软，够热，够份量级的岀品呀！👏只惜的是，没啥牛肉的味道而己的啦！😏此酒家的服务人员，态度差，👎👎对客人无礼兼不热情的！😡👎👎👎👎👎

我应朋友的好邀，来到座落在新界区的沙田第一城的＂盈晖海鲜酒家＂饮茶聊乐聚的呀！😀😀😀😀沙田是个风景漂亮的地方呀👍👍👍👍👍👍😀😀＂盈晖虾饺皇＂👍👍👍👍皮簿餡靚，虾肉彈牙兼有鮮虾味道的呀！還是早丶中及下午茶時光都是同價錢的呀！13.80圓一籠的呀！真為便靚又正的呀！👍👍👍😀😀😀＂蟹子燒買皇＂👍👍👍👏👏也是此酒家招牌特價点心的呀！👍👍😀😀👏燒買極之大件，抵吃呀！內有冬菇丶蟹子丶虾肉及猪肉等餡料，香噴噴極的呀！而且，跟虾餃同是早中及下午茶都是同價格的呀！👏👏👏👏👏＂南乳猪手＂👍👍👍👍👍也是極好吃兼味道真的不差的呀！硬軟感恰到好处的呀！花生特昜進口的呀！👍👍👍👍👍＂叉燒包＂👍👍👍👍👍同是頂呱呱的呀！👍👍👍👍👍😀😀😀😀😀

同屋企人食飯，六個人點到六個餸。大約＄600買單我覺得酒樓來講都算係合理但又唔稱得上抵食。＄18/3罐示威啤酒，好平又唔講得上，好貴又唔算係。但啲餸個份量都算大，有一種屋村酒樓家庭飯嘅感覺。你個粟米班塊好食，因為啲魚系剛剛炸起，然後就加粟米湯上去，但係個魚真係炸到好香好脆，而且又唔會太咸。咕嚕肉片就係炸得好脆然後個汁酸酸甜甜。開頭睇仲以為係剩係得渣漿，原來唔係，真係炸到佢好脆口，呢一個係必食之選。上湯雜菜有啲海鮮係面頭，湯底味精不多，所以無好鹹好甜嘅感覺，清清地。份量都唔錯但海鮮我就覺得有改善空間，因為冇嗰種好新鮮嘅感覺。炒通菜一定要送飯因為喊咗小小。金銀蛋莧菜都住得唔錯反而唔會太鹹。南瓜排骨的南瓜未夠軟身，二排骨就反而做得都唔錯。全因為我哋叫咗幾個都係菜，但敗筆之處就係菜！因為啲菜並沒有洗乾淨！雜菜煲嘅菜有沙！金銀蛋莧菜仁有沙！雖然平均每人＄100，但論整體質素來講略貴少少。呢排都係附近，應該都迫住幫襯，每次食完都會寫下評下佢既食物。

去完威爾斯親皇醫院探病，跟住就去咗第一城食午餐，本來沒有打算寫食評，所以冇咩影相。但當我食到腸粉嘅時候，我就覺得一定要寫食評了。其實今日我哋叫咗餐包，芋角，蝦餃，燒賣，腸粉同埋一個湯米。其實餐包都幾好食，芋角都唔差，咬入去嘅時候都唔會有好油既感覺，比較乾爽。蝦餃燒賣啲高質素OK的。但係當我食到腸粉嘅時候，我真係覺得好耐冇試過食咁差既腸粉，一啲都唔柔軟，講真一句質素真係幾差。湯米係一鍋＄50蚊，＄50一個午市特價係有咩呢？就係我諗加埋都冇¼個節瓜份量嘅節瓜絲，同埋應該有半個食飯碗份量嘅菇，就無其他材料，對於呢一個地會嘅酒樓來講，呢一個出品，我真係覺得唔抵食！環境方面，冷氣極不夠，嘗試問職員，佢地話係中央冷氣所以無辦法。

老遠走入來沙田想話食下火鍋，呢間野門面幾靚仔一於試佢任食火鍋配料湯底都係好普遍個幾款，叫左個咸菜黑椒猪骨煲，其他就肉呀丸呀菜呀咁!!個湯一上來係清嘅，第一次見猪骨湯底咁清澈見底!味道清到連唔多有益嘅味精味都食唔到，猪骨碎蘿蔔碎菜少量，比起我食開個間同樣係任食免費湯底嘅稻X簡直差天共地頓時冇曬食慾!!而其他火鍋料上枱亦唔美觀，直頭更加影響食慾!!生肉同丸呀腸呀血淋淋撈埋一隻碟送過來，分量唔多唔係問題，太多反而怕浪費!唔緊要!全部一獲熟倒曬落鍋、照食可也!!食後感~除左芝士腸，其他我講唔出係咩味，感覺好似食左啲仿制品落肚!!食咩冇咩味!!火鍋任食$138一位都幾普遍下，但質素絕對唔至於淪落到咁!仲要係一間咁四正嘅海鮮酒家!所以話凡事唔好睇表面失望

威爾斯聽完talk已經8點半， 行去盈暉食中菜。見到有特價宵夜所以入黎食，但原來2個人選擇唔多，只可揀一款，其他都無特價特價鮑魚雞粥粥底煲到好綿，雞係咸雞， 粥上面仲有d 榨菜， 所以唔使再落其他調味。份量都好多，2個人食唔晒咕嚕黑豚肉係見到隔離枱order, 賣相幾吸引所以我地都叫左。 但我地果碟青椒菠蘿唔多, 成碟都係肉但d 黑豚肉都係新鮮炸，外脆肉軟唔乾身。個汁酸度岩岩好，難怪差唔多枱枱都order, 但我果碟真係太多肉，可唔可以比d 菠蘿我上湯瑤柱腐竹浸時蔬呢個真係好清，個湯一d 都唔上湯， 有d 瑤柱同磨菇，大部份都係生菜。 兩人埋單$230

介紹一樣我好鍾意食嘅----炸子雞盈暉嘅炸子雞可以話係我食過數一數二好食嘅。有時候有啲炸子雞都未點鹽就已經好鹹，呢一隻就鹹味適中。最重要係皮脆肉又唔乾，隻雞嘅皮下脂肪都已經炸到唔見晒，真係淨返佢塊薄薄嘅雞皮，學盧覓雪話齋，唔係所有嘅雞皮都值得去犧牲，不過呢隻炸子雞嘅雞皮就值得我去為佢犧牲！

開業於第一城商場，服務附近街坊，地方光猛四正。一客例湯粉葛鯪魚煲豬展唐排，豬展唐排份量不太多，幸而湯汁仍見甜美。士多啤梨骨口感鬆軟，調味和一般甜酸骨差不多，只是加入少量士多啤梨碎粒。即烤泰式乳豬除泰式甜酸醬外，感覺上和傳統的乳豬分別不大。乳豬烤得皮脆肉香，肉感不算很肥，都算不俗。海鮮孖寶蒜蓉蟶子皇拼蝦乾雜菜煲，蟶子皇夠大隻，肉質爽彈，鮮甜可口，配上香蒜更為惹味。蝦乾雜菜煲是多款菜蔬的大雜燴，口味合預期，但很難做得突出。人均消費百餘元，性價比合理。

一家三口逢星期日都要飲茶, 真是改不了的習慣! 呢間係第一城既酒樓算平, 食物唔錯, 最緊要係唔洗點等位!牛肉腸粉-皮薄餡靚, 鼓油又俾得多, 腸粉好滑, 可惜牛肉有啲少, 食落唔係啖啖肉!鮑汁雞腳-其實我真係好中意食雞腳! 呢度既雞腳炆得好淋好入味, 鮑汁又唔會太咸或者太甜, 識食梗係要食埋係底吸哂味既花生啦!'炒米粉-份量唔算多, 而且啲粉斷哂咁好碎, 炒得無乜鑊氣又無乜味, 火腿又唔多條, 同以前無得比, 唔知係咪換左師傅?咸水角-炸得唔算好脆, 所以食落好痴牙。不過啲餡都幾多, 算唔錯。點心拚盤-媽咪最中意, 大件夾抵食丫嘛! 馬拉糕好普通有啲苦lol...蝦餃燒賣其實都好難唔好食, 最緊要啲蝦夠新鮮! 千層糕煙煙軔軔幾好味, 又唔會太甜。另外嗰隻餃唔好味, 啲皮好厚啲餡又唔知係咩黎...