皇茶 (已結業)

上星期同幾個朋友到旺角食晚飯，食完飯後有個朋友話附近開左間飲芝士奶蓋幾好飲，於是一行4四人就去試下，差不多所有飲品都可另加芝士奶蓋，不過覺得加芝士奶蓋有點貴+$10，我點了 芝士奶蓋玉露$30，細細杯，芝士奶蓋都唔多，不過芝士味都可以

我之前都有飲開皇茶，次次都係飲櫻花烏龍奶蓋常溫，今日去買同店員A講要櫻花烏龍，要奶蓋，常溫，店員A唔出聲，我又講左兩次常溫，佢都冇反應唔覆我，咁我問多次常溫可以架可，佢話可以。 之後沖杯熱嘅俾我，仲同我講因為杯野沖出黎熱，嘩!好廢話!我同店員B講我係要常溫唔係熱，店員B話因為我冇同店員A講，你冇野下?!你嘅店員發緊夢，你仲推個波落我到話我冇講?!我同佢講話有，店員B就好似唔想俾我講野咁「得得得，我沖過俾你」再沖過沖杯暖嘅!果下即刻忍唔住問佢「其實你知唔知咩係常溫」 等17分鐘沖2杯唔係我要嘅，我真係買咁多次都未試過發生咁嘅事!我唔知果2個店員究竟瞓醒未!!你若果係唔明可以講而唔係懶叻仲賴我冇講!檢討下你地店員工作時係唔係發緊夢!

芝士桃桃好味 內有桃肉 小小甜味好正 好新鮮同大陸喜x基本上係一樣味 芝士甚至仲好飲 但莓莓唔建議叫 有小小士多啤梨藥水味 如果唔加士多啤梨糖漿改為全新鮮莓會更好 但其實芝士已經好正

連喜愛芝士奶蓋的小妹都認為這間「皇茶」不行為什麼呢？.一起來看看吧～其實台灣飲品的外賣店有內用（立喝）是不錯咧再看看價錢再一個芝士奶蓋都要$10別家都只要加$4-$6左右！就來看看有什麼值這個價小妹點了皇芝士Oreo宇治抹茶$34價格跟Flamingo Bloom差不多，就看看質素吧～看到以後...不能更後悔🤦🏻‍♀️首先，芝士奶蓋不能說少，但肯定要用這隻杯喝嗎？只能說，除了不能邊走邊喝之外，更會𠝹到嘴唇如果是用飲管喝，就不能同時享受第二，這個價錢就這個Size嗎？最後，宇治抹茶？沒有抹茶味.......小妹還是最愛「壹茶」

【香港最好飲的奶蓋?】@皇茶👑Royaltea.冇錯 又係奶蓋🙆🏻‍♀️.#🍎👧🏽 成日掛住喜茶啲奶蓋 好多人話旺角呢間茶飲店質素不錯🤭 一於去試吓🤣 齋睇嗰menu 唔講以為自己去左喜茶😂 可以話有90%似🙈－－－－－－－－－－－－－－－－－👑🧀皇芝士奶蓋金鳳茶王 $28 (微甜).奶蓋好厚身 飲左幾啖先試倒啲茶 入口夠滑 但不算很挺身 芝士味都足夠茶底不錯 是👧🏽喜歡的 少少濃 叫咗微甜令茶味更出😋 整體中規中矩 茶底製作認真 值得一試😌雖然奶蓋依然冇喜茶咁出色 但算係最接近嘅一間－－－－－－－－－－－－－－－－－

今日，我同朋友👭去咗旺角行街，行咗好耐，一直行到接近油麻地，見到有好多新開嘅台式飲料鋪頭。我見到呢一間皇茶有啲凳畀客人坐，間店舖真係好貼心，讓顧客可以耐心咁等待飲品。🍸🍹本身鍾意芝士嘅濃口味🧀，又喜歡抹茶嘅我，必然會點 oreo芝士奶蓋抹茶$33,這是全店最貴的飲品。🍹等了差不多十五分鐘，我才品嚐到這杯飲品，其實當時的顧客不算太多，只有四至五人，所以等候的時間比較耐。嗰層奶蓋芝士真係好厚好香，外觀真係好靚，好吸睛😍 當然，我都係手機先食 。喝下去，芝士味真係很香很豐厚，可是抹茶真的太甜了，令我越飲越口渴。最後，我只能夠喝完一半就放棄了，希望下次喝的時候會有所改善。

星期六同男友喺新商場T.O.P食完飯, 突然好想飲杯台式飲品, 男友話有一間奶蓋好出名，卻忘記店名，我們只好上網search, search到一間東喜茶,我地就出發去試下。哈哈，不過今篇主角並不是東喜茶。買東喜的人很多，等了一段時間先有，但飲後覺得味道還好，心思思想多試一間，看到食評很吸引, 然後我找到了這間: 皇茶。我們由麥花臣球場一路行去廣華街找呢間幾”隱秘”的皇茶。廣華街一號呢個街號很騙人，地段很大。。原來店舖位置喺海景商場左面，廣華醫院對面。一路走來，汗流浹背，本想買完就離開，卻見店內竟有座位可享用，有得坐又有得嘆冷氣，於是我們決定入內抖抖。我點了一杯熱芝士奶蓋宇治抹茶。老闆好有禮貌，奉上嘅時侯，竟話沖製嘅時間耐咗向我們致歉！啊，我們倒卻沒為意有等很久，但老闆這麼說，我有點意外，現在是很少有禮貌的台式飲品店啊！品評一下飲品，入口讓我有驚喜！芝士奶蓋的味道很好！芝士味濃而且帶多一點咸味，口感很稠，相比起我手中另一杯東喜的奶蓋茉莉花茶，我卻更愛這一杯！而且抹茶的味道很香，也夠濃，並不是奶水！很讚！(可惜無影相呀）稍為可以改良的是飲品的熱度不太夠。不過大熱天時飲熱飲，唔夠熱反而可以接

最近四圍搜索奶蓋茶🍵皇茶係第一次飲，聽講佢嘅奶蓋不錯☀️拎到第一時間呷咗一啖，濃厚奶蓋同茶係口入面交融嘅感覺好爽好冰涼✨似食完一啖cheese cake再飲啖茶解膩嘅感覺，因為個奶蓋芝士同奶味都幾濃🧀個茶底就咁飲好濃茶味好苦，因為我叫半甜☹️所以飲晒d奶蓋後已經唔想飲個茶🤣下次嗌返小甜應該會好好多✨

比起貢茶，皇茶相對可能會比較少人知，亦比較少分店。就算係旺角，都係比較少人行既地方。之前因為表妹介紹，試過一次，一試難忘，今日天氣炎熱，決定再去買皇茶既芝士奶蓋茶降降溫-櫻花烏龍芝士奶蓋我每次都覺得佢好特別既一樣野就係佢既芝士奶蓋係冇冰既，所以唔會好凍。但因為冇冰，奶蓋同茶既味道亦唔會被冰水沖淡佢既奶蓋好厚，好傑，不過芝士味係我試過咁多間裡面，就相對比較淡。佢今次呢杯既櫻花味好淡，近乎飲唔出，不過我好鐘意既係佢既烏龍茶唔會好濃，唔怕飲完訓唔著。香芋奶茶佢既口味依然係偏淡，入口係自然既香芋味，唔會似飲糖水咁。呢杯就有冰啦，整體幾好飲。-如果你鐘意飲甜度高既，皇茶未必適合你。我比較鐘意自然淡淡既茶味，難得有一間比到呢種清新既味道我，我會再光顧既

在開飯網見『皇茶』的評價好像不錯，這個星期六下午剛好經過決定一試～ 跟大多手搖飲品店不同，這間店內設有數個座位，方便打卡和在等飲品時休息。「皇芝士奶蓋玉露茶后」很出色！芝士奶蓋咸咸的，芝士味突出；玉露茶味清香微甘，不會被奶蓋蓋過。本身因為怕太甜而叫了半甜，出來的效果是其他手搖飲品的20-30%甜，但我和友人覺得剛剛好，如果是喜歡較甜的話點70%甜應該較好～「超級鮮雜果四季春」內裡有滿滿的水果，茶底香，帶有天然果汁味（不是那種很假的味道），清甜解渴飲到底還可以打開蓋吃水果，這個十分夏天飲呢！ 這間的飲品真的很不錯，雖然價錢不便宜，但茶底高質，不是大大杯份量足，以後一定會再來！------------------------------By alvahana

肥奶蓋mix with 消滯茶，飲好定唔飲好 😂當年貢* 奶蓋賣得好hit, 之後好似冇禁受歡迎，但近兩三年又一推舖頭出奶蓋，都唔知點揀好😓😓曾聽聞呢間不錯，見佢裝修又有諗過度過，又set 高枱高櫈俾食客休息下；又見佢啲職員好有熱情有講有笑教人點飲奶蓋，我今日決定幫襯佢😂但一睇meun 出事，太多茶揀。餐牌就推介金鳳茶王 (望完都唔知咩黎）， 可能晏就買冇禁多人，職員都有問下我啲口味而俾意見，就推介奶蓋四季春 (茶味較濃），冇刻意介紹自己皇牌我覺得已經同其他店好唔同 🙌第一口呷奶蓋，雖然冇另一間大埔店禁濃“結”，但都好有芝士咸香味同滑滑的～～ 再飲下終於飲到四季春，可能奶蓋太濃，所以初初飲會覺得有啲淡，心諗說好的茶味濃呢？但當飲左一半奶蓋，決定用飲管飲，當冇奶蓋阻住 😂😂，茶味來了，正，完全唔捨得搞混，兩種味道都好鍾意 😋😋旺角有間飲品店可以encore 了😘下次試下其他茶先～以26蚊買到呢杯同服務，不錯吧 ～～

友人話呢間芝士蓋茶好飲，本身諗住叫芝士蓋綠茶，落左單另一友人先話想飲宇治多啲，店員話可以改，咁就順佢意。等左十分鐘左右有得飲。飲左第一啖我打冷震，第一啲芝士酸酸地，即刻聯想到啲核突野，同埋宇治浸味好粉好假，成杯野就係怪味。我好鍾意飲綠茶，但就好抗拒任何綠茶粉製成嘅野，即係宇治。一杯成餐飯咁貴，飲過一次，下次不了。p.s. 臨走見到歐凱淳，感覺抵返哂

今日，天氣開始有d熱。我係旺角四周行行下，想搵杯飲品又想搵個地方坐下啦，四處都很多人，我行牙行，行佐黎依到，行佐去油麻地，我一見到唔係太多人等候。於是，我就上前試下啦，膽粗粗就去叫佐杯芝士烏龍，叫佐普通飲品，應該唔會難飲既。等待大約十分鐘左右，然後，店員好細心咁教如何飲，問你係咪第一次飲，會教你斜斜地飲，擔心成嘴都係芝士同時擔心飲唔到d烏龍。味道幾好，下次再去試下其他飲品。價錢合理，不算太貴。芝士烏龍$27

今日經過旺角的鬧市，間間大名氣的飲品店都要排很久的隊伍，於是繼續向前走，發現了這一間，門口沒什麼人，於是我決定喝這間比較少人的店了，下單速度很快，我叫了芝士奶蓋綠茶，可是等候的時間卻是漫長的⋯前後差不多等了有15min，但買的人並不多哦，可能沖飲品的程序有些問題，因為見店員很著急。其他的飲品店可能這個時間20幾杯都出去了⋯最後終於到我了，味道不錯，芝士奶蓋很鹹香濃郁，茶味也okay，並不差過其他有名的飲品店，可以說是不相伯仲，唯一缺點就是等太久了⋯飲品口味很好喝，就是等很久，希望店家可以改善一下出飲品的速度，如果排起隊來可能要等更久哦還是會再一次光顧此店，但如果還是等的久的話，那可能還不如直接去其他爆滿的店等好了

係旺角食完飯當然要去買翻杯珍珠奶茶類似果種飲品,而我最愛就係芝士奶蓋！今次就試試皇茶嘅芝士奶蓋，之前都聽過好多朋友話佢地嘅芝士奶蓋做得唔錯，今次就叫咗杯凍嘅皇芝士奶蓋桂花青茶，等咗一陣就有了。一拎到杯野飲，店員會問你之前飲過未，如果未佢會教你點飲。哇........飲杯野都有技巧好專業架。我答咗未，然後店員就千叮萬囑我唔好插之飲管住因為會破壞咗個奶蓋，佢話要先飲一半個奶蓋先，然後先放飲管攪拌均勻。個奶蓋面有少少抹茶粉，佢嘅奶蓋都算厚，然後飲落好滑好濃奶味，仲會有少量嘅鹽味吊一吊個味真係幾好飲，飲到一半就攪拌均勻然後就會飲到桂花青茶嘅味！飲落有淡淡嘅桂花未，而茶味都好濃係唔錯! 不過我都係鐘意就咁飲成個奶蓋。