皇室冰廳

營業中

休息中

一日之計在於晨，要食個靚早餐全日先有動力做嘢💪🏼🥺小編最鍾意去茶餐廳食早餐，除咗可以食到港式地道嘅嘢食外，仲可以感受到茶餐廳文化，有啲食客同伙記好熟，會傾下幾句，再夾雜啲粗口，真係好鍾意呢種人情味😍==============================🍴皇室冰廳 @hkroyalcafe📍長沙灣元州街482-492號金碧閣地下14號舖⏰星期一至六 07:30 - 21:30 星期日 全日休息==============================1️⃣【特濃沙嗲牛肉通粉🍲】$32配西煎雙蛋🍳牛油厚多士加花生醬🍞+$1一黎到以為碗通粉係得個碗大無咩料🤨點知一撈起見到勁多通粉嚇親，心諗多到晏晝都食唔落🤣味道方面好正常，沙嗲牛肉🐮偏大舊同有少少韌，再淋少少會好啲🤏🏼個花生醬味都幾出，撈到成碗通粉都係花生醬味🥜整體黎講通粉勁多，顯得牛肉份量少，最後食完得返啲通粉🤭煎蛋🍳好正常，出街通常叫熟蛋，貪佢一定唔會食得好狼狽😌花生醬多士有啲失望，以為佢會一pat醬搽上面，黎到個醬係勁稀，仲要加多一蚊先有醬🤨好彩個味道唔差，不過唔好期望會有好濃郁嘅花生醬味😕(🔥怒食指數：8/10)======

之前都有食評提過，依家呢間的員工服務態度好差劣，所以不再多提。外賣本身包得差，打電話問有什麼餐又叫人自己睇餐牌，唔多想答。可能呢間依家生意太好，唔休做，所以可以唔使幫襯囉。

之前來過對那些風味住家菜特別難忘，很想喝住家湯水，尤其是湯頭食材多。餐牌多款選擇，有常餐也有晚餐小炒等，還有些限定特飲，蠻吸引的。晚飯套餐有例湯、白飯、餸菜、熱飲，這個價錢及食物質素非常貼地。一份點了即叫即蒸的豉汁蒸黃立倉魚，較其他小炒需時。蒸黃立倉，豆豉及豉油乃是最佳配搭。魚多肉，豆豉配白飯及湯，一人份量剛好。另一款點了個炒粉。港式的馬來煮法，黃色的馬來香辣炒貴刁，火腿絲放很多，麵條跟調味蠻入味，帶少許辣，吃到底卻有點油膩。不過勝在炒得夠鑊氣，而且即點即炒，上枱時還在冒煙，還是要趁熱吃香口惹味。

平時耐唔久都會幫襯，以前啲嘢食都唔錯。呢排叫過兩次外賣自取，接電話嗰位服務員嘅態度令我唔想再幫襯。第一次係我問佢可唔可以唔要牛肉轉其他肉，一句講「冇」就完咗⋯⋯😒我知呢個係最終答案，但係街坊生意，可唔可以態度溫和啲呢😅？第二次係電話落完單之後，我問佢外賣自取有冇折？佢話「全單九折」，然後我話「OK」，佢就cut 咗線😳我以為會有句「多謝晒」或者「Bye Bye」 ? 我諗多咗😅 叫個外賣都咁，又唔使你招呼。無下次，「Bye Bye」。

之前成日買外賣都好好食！唔知係咪換廚師，之前食開d野宜家都超鹹！味道也偏差！近e倆個月叫焗豬扒飯都覺得越來越難食，唔香！得少少鹹鹹地！尤其係日式茄子牛肉，鹹到呢……我以為係生意好師傅落錯鹽重手左！已經俾三次機會叫三次！三次都係一樣難食同鹹！真係失望！唔會幫襯了

星期三晚上我來到平日經常會看電影的「長沙灣」，不過今次反而不是為了看電影，而是為了光顧位於「元州街」，跟「昌華街」交界位置的港式茶餐廳「皇室冰廳」，我事前已經知道想在「皇室冰廳」食「牛腩飯」並非易事。不過等到我從「西貢」千里迢迢，不斷轉乘小巴跟港鐵來到「長沙灣」，進入「皇室冰廳」餐廳樓面範圍裡面之後，才發現我在星期三晚上來到「長沙灣」光顧「皇室冰廳」，不是最合適的時機。因為「牛腩飯」原來在「皇室冰廳」餐牌裡面，不是長期固定提供的熟食食品，「皇室冰廳」廚房只會在「晚飯餐牌」星期二、四、六這三日裡面，才有製作以「椰香咖喱牛腩煲」作為主菜食品的客飯套餐。除了星期二、四、六之外，食客若然選擇在其他日子才光顧「皇室冰廳」，就只能怪自己倒霉了，跟「椰香咖喱牛腩煲」無緣了。偏偏我就是這個自討沒趣，選錯日子光顧「皇室冰廳」的倒霉鬼。雖然我無緣「皇室冰廳」裡面的「椰香咖喱牛腩煲」，但是我發現「皇室冰廳」平日餐牌裡面，還有有關「秘製咖喱系列」飯或者意粉食品，只是沒有「牛腩」食材，只能享用「咖喱牛肉飯」而已。我就自問對「皇室冰廳」的「秘製咖喱系列」「咖喱牛肉飯」食品，一點興趣都沒有，所以最後沒有選擇享用「咖

每日靚湯係粉葛煲豬骨湯，無味精，正😚大大碟 招牌椒鹽蒜香豬扒，金黃色豬扒沾滿金蒜，香口肉嫩，十分惹味。黑松露炒滑蛋、牛油厚多士，本身是正常茶餐的炒蛋多士，加了黑松露感覺高級了一點，果然是皇室冰廳😏 多士雖然只有半塊，但其實給一整塊也吃不完😂 因為蕃茄湯通粉份量超多的🥳鮮味蕃茄濃湯午餐肉粒粒通粉，蕃茄湯很開胃，酸酸甜甜的濃湯還有鮮茄蓉，又好吃又好喝😋很少在茶餐廳叫特飲，忽然想試試 雪山特濃朱古力 ，飲落不算很濃但也不錯，晚餐加$8也值得一試。

同很久沒見的朋友食餐飯，到了佢屋企樓下的茶餐廳食，八點鐘來到仍要等位，等兩張枱就到了。等位期間就睇定餐牌，揀定食咩先，小菜套餐包餐湯，餐飲同白飯，價錢由五十幾蚊起，幾抵食喎。是晚例湯係蓮藕綠豆豬骨湯，湯頭清甜幾好飲喎，仲食左舊煲到淋哂嘅蓮藕，正。餐飲要了凍檸茶走甜，夠凍茶又夠濃。小菜其一點了沙拉豬扒，酸酸甜甜夠開胃，味道有點像京都骨，但用上豬扒，啖啖肉配上菠蘿同洋蔥，豬扒有很多塊，沒有數，但兩個人食好似食極都仲有咁，哈哈。小菜其二點了香煎芙蓉蛋角，煎得金黃色很吸引，內裏就是叉燒，蝦仁，芽菜，韭黃等，蛋咬落香口酥脆，食落不油膩，水準之作。跟餐的白飯大大碗，粒粒米軟硬適中。小菜大碟又好味，朋友果然無介紹錯。

今日咁岩係長沙灣附近放工，就同朋友去左都聽過幾次既皇室冰廳食晚餐。呢間好似都係一間黃店，門口都有貼住”良心小店”既logo, 就入左去。因為實在太耐無食港式茶餐廳嘅關係，其實menu上既所有野都好想食。最好就嗌左佢地最出名既椒鹽豬扒同蝦仁炒蛋，聽落去雖然無咩特別，但絕對夠晒鑊氣，而且 性價比超高！一個餐60幾蚊，份量好足夠，又送湯，又送熱飲，加多19蚊仲有碟菜，依家其實好少冰室d價錢會咁親民，呢樣野好扺。我地另外叫左佢地杯Oreo 阿華田特飲，對於我呢d朱古力狂熱黎講，依杯係唔少得，更加係我心目中唔少分，haha!仲有唔少得就係入面個侍應姐姐好nice, 呢d就係港式茶餐廳食個種人與人之間既人情味。下次經過長沙灣都會想再嚟，不過會想試吓佢其他唔同嘅小菜，今晚係滿足既～

三點三下午茶時間好想食少少野，咁啱見到呢間望落幾地道嘅茶餐廳✨入面唔算好多位，但係周圍都放咗一啲有香港特色嘅擺設同埋海報，咁啱電視仲播緊香港電影🤩我哋都有少少餓，所以除咗自己份下午茶餐之外仲叫多咗份西多士一齊share~🧈金牌炸雞髀皇配沙律🍗 ($38+凍飲$3)一向都好鍾意食雞髀，果然冇令我失望😋啱啱炸好仲熱辣辣， 雞髀肉質嫩滑，外脆內軟好juicy🤙🏻餐廳好貼心咁去咗大部份嘅骨，食起嚟好方便！招牌皇室公司三文治配薯角🥪 ($45)比想像中大份，一個人食會有啲多😂三文治有烘過，可惜上菜時已經凍咗😕第一層有午餐肉、火腿、蛋，第二層有生菜、蕃茄、芝士，好貼心有支牙籤串住👍🏻邪惡芝士流心西多士🧈 ($30)第一次食加咗芝士嘅西多士，熱辣辣好好食😋雖然唔係想像中嘅流心，不過味道不錯不錯👍🏻整體而言味道不過不失，價錢合理，份量亦比想像中大🙈

小妹在元州街完成工作後便到附近皇室餐廳歇息歇息😎波蘿生炒骨飯 HKD 52 這個份量己很足夠～ 酸酸甜甜開胃菜 ～ 連帶骨的肉質挺多，肥膏比例可接受。 餸份量挺多 好抵食 Oreo 特濃阿華田 餐 + HKD 8 這個特飲配搭得好合拍！ 每一口都感受到濃列Oreo 碎碎！ 不止防疫如量度體溫，防隔板做足，職員正確的帶上口罩餐桌還附上獨立包裝消毒紙巾清潔用具👍🏻 價錢貼地，午餐HKD 49 - 52，學生、醫護更有八-九折優惠！ 下次回頭可挑選蕃茄濃湯

平時好鍾意食蕃茄焗豬扒飯，朋友仔推介話呢間焗豬好食。一試果然唔錯。揀左鮮茄焗豬扒飯 $58 配特飲Oreo 朱古力 $8 (跟餐加配)大大入，唔係平面，係成個龔起。最欣賞佢係用新鮮菠蘿，新鮮菠蘿係特別香。加🍅，茄汁、芝士、菠蘿、鮮茄、少少菇同一大塊豬扒。整體好豐富，茄汁方面調味甜甜地微微酸，怕食酸野嘅人都啱食。豬扒已切好咗，可以唔使用刀。份量夠食到尾。口感鬆軟香口。加茄汁焗過，好開胃，中和左肥膩感。飯底炒過香口鬆軟。我覺得如果女仔細食其實兩個人share都會夠食Oreo朱古力好濃又唔會過甜，加咗Oreo餅碎算係錦上添花😋整體食物質素：4 / 5💰性價比：4 / 5👍推薦指數：4 / 5

皇室冰廳#醬爆茄子脆魚柳煲 🍆 🐟 $62上菜時個煲好有鑊氣，熱辣辣，茄子和魚柳的份量都好多，而且魚柳非常大塊。茄子煮到好香，而且仲係一條條好完整👍🏻茄子仲吸哂醬汁既味道，配埋個大碗白飯，加埋醬汁撈，好惹味，好快食完，係非常岩撈飯既小菜 😙因為佢係用鐵鍋上菜，所以食到尾都仲係熱辣辣👍🏻茶餐廳竟然可以整到大排檔嘅水準，真係無話可說🤤但唯一可以改善既地方就係比較油膩，一定要送白飯食先得🥰#Oreo特濃阿華田🍫本身以為會好甜， 但飲落好香阿華田味，配埋Oreo一齊飲好有口感，oreo餅好有咬口

今日要去長沙灣荔枝角附近，早上當然要食個豐富早餐才有力氣當然選的是良心小店啦這間之前去過食下午茶，今日食早餐抵食多選擇環境光猛舒服，量完體溫就坐下來點了沙嗲牛肉麵配炒蛋（可選煎/炒）加厚多士（走牛油），飲熱奶茶醒醒神先熱奶茶香滑好濃郁，不用加糖都好好飲炒蛋好滑有蛋汁，份量好多；多士好厚好脆，熱辣辣，配蛋一流本身想轉通粉，唔記得改；但麵都好好食，軟硬剛好，沙嗲牛肉好入味好濃郁又有咬口，湯唔會好咸咁多嘢好飽好滿足，抵食之選

最近好鍾意去唔同地方既茶記今日就比我發掘到呢間好有水準既焗飯價錢唔算貴同埋幾鍾意佢有呢個星期一至六餐牌我呢Ｄ選擇困難症既唔洗下下諗餐死不過因為今日好肚餓，所以點左個焗飯疫情之下相信大家都會好擔心餐具衛生問題呢到竟然好貼心咁有餐具專用既消毒濕紙巾椰香咖哩焗雞扒飯呢個焗飯都真係幾有水準淨係見到上面滿滿既芝士已經令人食指大動多到可以拉絲，極邪惡！雞扒好入味，而且咬落去好嫩唔會似一般茶記咁，一係焗到巢晒皮乾晒，一係未熟最驚喜係佢既薯仔入味程度滿分而且勁淋仲要入口有好香既薯味真係淨係食薯仔都好滿足炒底每一啖都有啖啖既蛋香，而且亦有微微既鑊氣，正飲品就叫左杯OREO特濃朱古力上面鋪左滿滿既OREO每一啖都食到而且朱古力非常之濃味飲完每一啖之後朱古力味都會係口腔到停留不散夠晒足料又靚料