皇后飯店

營業中

休息中

星期日1130入場，限時75分鐘。餐廳人手非常不足，同行6人全部嗌羅宋湯 ，上左4碗之後2碗唔知去咗邊要追單，全程水都無杯，追左三次先有杯水飲下。湯味道正常，算好飲。招牌焗豬基本上係必點，之後都有點龍脷柳，沙律等等。上菜好慢，而且又唔收碟，食得都幾辛苦。講返個焗豬，份量夠，有炒底，豬扒肉質幾好，有炸過，唔鞋，又唔會鬆到散曬。個汁亦都有蕃茄，洋蔥，青豆等等。算幾好食。PS. 服務雖然慢，有漏單，態度係正常嘅。

Cafe價錢，茶記食物質素😮‍💨食過一次絕對唔會再幫襯🙅🏻‍♂️第一次同女朋友去The Southside食晚飯，完全冇做功課前睇下就入咗呢間Cafe試吓。先講下呢間餐廳服務質素、環境衛生其實都冇問題，但最大既問題係食物質素非常之差。以下係我哋當晚落單既食物：———————————————-- 蟹肉牛油果青瓜沙律 $148 蟹肉入面好多蟹殼碎 牛油果沙律有陣微妙嘅芥末味 難以形容嗰種怪嘅味道 完全冇食晒就放棄咗 (利申：我哋平時都唔得會浪費食物）-忌廉蘑菇意大利貓耳朶粉 $148 成碟粉都係蒜頭，menu奕無講明有蒜 唔知以為自己叫左蒜香貓耳朶粉😵 整過就係茶餐廳水準，完全唔值$148-加$80 轉套餐（餐包/飲品/餐湯） 餐包係一般普通餐包冇特別 叫咗蘑菇忌廉湯，成個湯都係生粉 仲要係未搞勻，湯入面好多一Pat Pat 野係到 又係完全搞唔掂 叫左杯薄荷梳打（再+$25) ,只係普通嘅梳水 加塊薄荷葉 小弟都食過好多間大大小小既Cafe,呢間係唯一一間忍唔住要去寫負評，因為食物質素真係完全對唔住個價錢，比緊Cafe價食緊茶餐廳水準，真係有啲過分。

極差嘅體驗！首先要塊牛扒，五成熟俾全熟，個經理仲要話佢地嘅5成係咁樣，九唔搭八。最好笑係第二次黎果塊牛扒都叫勉強做到5成🤯然後要個海鮮意粉，等左半小時後追單，次次問親都話黎緊，結果整左52分鐘，同隔離檯一齊上（隔離檯遲我地差唔多20分鐘入座）個經理仲要話因為廚房得三個人，所以煮唔切😵食物質素很差，講真呢個價錢係完全唔值，餐廳價錢，茶記質素，d海鮮全部鹹到不知所謂！最重頭戲係隻燒蝦燒到變左蝦乾！服務差，食物質素差，永遠無回頭！

仲記得喺北角嗰陣間中都會食，又一城都食過一兩次嘅Queens，睇嚟有啲同世界脫節。今次試Southside分店，食午餐。午餐嘅餐包溫度夠熱，紅湯夠料，白湯就麻麻。一個焗豬扒飯盛惠135 +10%，係非常誇張嘅價錢，食落勉強算足料，但係啲豬扒好嚡口…青醬意粉相對冇乜問題，牛扒甚至可以稱得上幾好食(叫Medium有部分位置過生，只係小問題)我比較唔滿意嘅係服務，水要問先有，餐湯餐包上咗之後唔夠20秒就上晒啲主菜，搞到一枱都係，十足上世紀嘅扒房餐廳咁。另外有幾個侍應成日踢到我張凳(個別有道歉)…反而呢度水吧做得幾好，奶茶檸茶朱古力夠香亦夠甜。但點都好，呢個價食lunch，以佢嘅質素同服務，唔算值。

去完海洋公園，朋友帶我嚟到黃竹坑站嘅皇后飯店，餐廳裝潢以木系風格為主，環境闊落，雖然係平日夜晚，但都好多人，適合一家大細同朋友聚會。今晚除菜主菜，仲叫咗兩份甜品，大滿足呀！✨皇后招牌俄國薯仔沙律配意大利火腿綿密嘅薯仔沙律加埋 parma ham、沙律菜同蕃茄，健康之餘，開胃又好食！✨烤原條時令鮮魚配小茴香薯仔酸瓜柳橄欖蕃茄醬店員介紹今晚嘅鮮魚係亞洲鱸魚，烤完之後魚肉依然嫩滑，配上伴碟嘅薯仔酸瓜，新鮮又美味，不過食嘅時候要留意細細嘅魚骨呀～✨1952招牌焗豬扒飯招牌焗豬扒飯除咗厚切豬扒，仲有濃濃嘅番茄汁，份量 2-3個人share就啱啱好，仲可以試埋其他菜式啦 😝✨周打魚湯周打魚湯味道濃郁，材料豐富，記得將餐包浸入湯度，就可以吸埋湯嘅味道～✨香蕉船好耐無食香蕉船啦，估唔到仲有一把紙遮仔係香蕉上邊，充滿懷舊嘅感覺。✨蘋果撻配雪糕 蘋果撻嘅肉桂味香濃，外皮鬆脆，配埋雪糕，口感豐富 😌

「皇后飯店」 細細個已經聽過依個名，記得以前仲係小朋友既時候，每個星期都會同屋企人去又一城分店食午餐😍 得知黃竹坑開新分店，今晚想搵番兒時的味道👅皇后香草焗田螺🐌田螺肉煙靭， 香草牛油汁好濃郁配上薯蓉一齊食好正 👍🏻蟹肉牛油果青瓜沙律🥗食落去每一啖都有蟹肉，撈埋牛油果蓉加青瓜，口感好清新 🥰皇后招牌惹味原著燒春雞🐓用南非醬汁烹調，比較重口味但係配上淡忌廉中和口感，肉質都幾滑 🥰西班牙黑毛豬扒配吼菠蘿石榴沙律🐷賣相好吸引，經燒烤過既黑毛豬有少少烤焦口感非常惹味，肉質鮮嫩多汁 😽

爺爺羅宋湯/周打魚湯 $78兩款湯都好足料，尤其係招牌羅宋湯！侍應哥哥果然冇介紹錯。撈起大量湯渣，牛腩粒咬落又淋又無渣。皇后香草焗田螺 $88田螺肉細細粒，肉質軟滑富彈性。田螺殼入面塞滿熱辣辣嘅蒜蓉香草牛油，撈埋微焦嘅薯蓉一齊食好滋味！蟹肉牛油果青瓜沙律 $148稍微幹身嘅蟹肉份量多，撈埋軟滑嘅牛油果蓉食就無問題。估唔到港式西餐廳擺盤都禁精緻，以食用花裝飾，打卡一流！烤原條時令鮮魚 $288酸酸美味嘅蕃茄汁好開胃，唔想咁heavy揀呢個做主菜啱晒！鱸魚肉質嫩滑，味道偏淡，配搭相對重口味嘅醬汁啱曬。欣賞洋蔥同埋先焗後煮嘅薯仔，好淋好入味！選用小茴香作香料，充滿地中海風情！頂級肉眼扒(12oz) 配薯條 $338生熟度煎得啱啱好，香嫩多汁，口感軟腍！份量一啲都唔孤寒，超大塊，份量適合分享。阿根廷紅蝦辣香蒜意大利粉 $178義大利粉偏淋身，以大量炒香嘅蒜片調味，紅蝦以中式油爆方式烹調，係fusion菜！雜果梳打/黑牛 $52兩款飲品都好有港式西餐嘅情懷！以罐頭水果粒炮製而成嘅fruit punch好懷舊，唔會太甜幾解膩！

自從政府出了預算案,  樓市撤辣招, 樓宇買賣變得熱鬧起來. 今日陪朋友去黃竹坑買新樓, 之後順道入 The SouthSide  商場找餐廳吃個晚餐.  由地鐵站行去, 只須五分鐘.   好開心這商場有 皇后飯店 (北角總店 已有 70多年歷史) 有信心保證.餐廳燈光悠和, 座位舒適,  有卡座, 也有方桌圓檯, 有音樂伴住食餐,  係不錯的選擇.  服務員勤快又親切, 安排了我們坐圓檯, 送上白開水及餐牌. 招呼好友善.  點餐容易, 價錢吾太貴.   經典套餐,  有湯, 頭盤, 主菜也有多 個選擇.  係我至愛.朋友愛吃牛扒, 點了散餐, 另加湯及茶. 侍應先送上餐湯及麪包,   我的套餐湯係 羅宋湯, 很足料, 酸酸地, 味道恰好.   麵包上枱夠熱, 塗上牛油味道不錯. 朋友 的散餐湯,  周打魚湯 也配上暖餐飽.  周打魚湯,  夠熱足料, 味鮮甜, 濃稠適中, 口感好滑. 焗田螺, 田螺肉嫩滑, 加上牛油及蒜味, 焗得香氣撲鼻, 大家一見立即想食.下面還有香滑薯蓉, 越食越愛. 套餐及散餐兩個主食同時送到,   我的套餐主食 是 紅酒燴牛尾配意粉, 紅酒燴牛尾又熱又夠香

難得過嚟黃竹坑食午飯就試下之前喺九龍塘都食過嘅皇后餐廳個餐牌好似稍為有啲唔同咗之前有啲喺九龍塘食過嘅呢度冇叫咗兩個lunch set, 平均都係百零蚊有湯有嘢飲湯要咗忌廉湯，味道幾濃厚，好似比九龍塘時更好餐包微脆舖好軟，熱熱地，超好食不過成餐最好食已經係湯同面包經典英皇雞飯$138就好似pizzahut 白汁雞球飯咁不過坦白講pizzahut 可能仲好食d....白汁望落好有份量，不過食落冇乜味，個湯都濃過佢雞肉一d 都唔嫩，都唔鞋，好似浸左好耐既雞咁，有d 梅而且有幾舊仲有雪味美國安格斯西冷薯條及沙律$188薯條係幼薯，正常發揮沙律好少，少到伴碟size 咁，伴碟既話咁其實唔駛特別寫明有沙律......西冷比預期大件但我已經叫5成熟，都好似overcook 咁，有d靭但牛味幾濃當日咁岩附近有學校open day餐廳極多人等員工們好忙，但都仲係態度好好，呢點值得一讚

之前見到九龍塘間皇后飯店光榮結業好心痛，但原來佢係Southside開返，知道左就即刻去食喇晚餐佢地有套餐，樣樣都係經典菜式，有餐湯，前菜，主菜同埋飲品餐湯我地揀左羅宋湯，蕃茄同牛腩味香濃，加啲辣味好正，一定要配暖笠笠牛油餐包前菜我哋揀咗大蝦薯仔沙律同埋法色焗田螺，田螺好惹味主食我地揀紅酒燴牛尾配意粉同埋皇后焗蟹蓋忌廉意粉，另外我哋亦都加咗個經典焗豬扒飯！紅酒燴牛尾，牛尾好稔，紅酒汁超香濃！皇后焗蟹蓋用咗三點蟹，蟹肉超鮮甜，經典焗豬扒飯好食，豬扒大件，秘製蕃茄汁好惹味，加埋炒底，冇得彈飲品方面，我哋嗌咗兩杯特飲，分別係Fruit punch 同埋黑牛，為晚餐做完美終結

星期日去開南區，順便去看看黃竹坑這個新商場，是一個住宅區商場，外面看起來很漂亮，應該是在試店階段吧，開了的店舖不算多，但就有這間久違了的皇后飯店！晚上約七點來到，已九成滿，還好剛剛有一張二人枱！Set dinner 價錢比我想像中貴，但由於主菜不合我們口味，我們就分開點了兩個主食。我點了燒羊肉骨扒配豆蓉烤薯仔磨菇（$288）賣相超靚，擺盤絕對係高水準，味道也好好，而且都幾西式，竟然不是記憶中的中式西餐味道！朋友懷念羅宋湯，單點了一客，雖然要$78，包餐包一個，好味，也覺值得。她點了焗豬扒飯（$148），也是招牌菜式，無論是味道和賣相都出色，希望這水準能保持下去！

老字號餐廳買少見少，近日去唔同地區的餐廳尋找昔日的味道。🌸周打魚湯周打魚湯濃郁，材料豐富，湯中有很多魚肉碎、洋蔥粒和蘿蔔粒，麵包脆口，麵包浸入湯中吸曬湯的味道。餐包軟熟可口。🌸桃，藍莓，士多啤梨雜果沙律經常食蔬菜沙律比較多，很少見到有雜果沙律，沙律顏色繽紛奪目，士多啤梨和藍莓清甜，紅色和橙色的車厘茄新鮮，沙律更加入咗黑醋，酸甜適中，令人開胃。🌸頂級肉眼扒（12oz)配薯條牛排係5成熟，肉質鮮嫩，肉汁豐富，又唔會過鹹，配上紅酒燒汁味道不錯，薯條香脆，沙律菜則配芝麻醬。🌸1952招牌焗豬扒飯豬扒鬆化唔羶，伴有西芹、洋蔥、蕃茄、車厘茄和青豆，蕃茄汁滿瀉，飯較乾身。🌸榛子咖啡棒子咖啡的拉花好靚，咖啡夠熱，味道唔會太甜。

用歷史悠久形容真係唔過分，話晒1952年就開業，你同我都未出世。2024呢個年頭，好多餐廳都敵不過，難得佢仲保留住，而且仲有新店。新店位於黃竹坑站新商場，裝修絕對新淨，牆上又會有懷舊的部分，從舊相片可以感受一路以來餐廳的歷史變化。餐牌上不乏餐廳經典招牌食物。西班牙黑毛豬扒配烤菠蘿石榴沙律 $268西班牙黑毛豬扒有濃郁豬香，口感鮮嫩，入口有肉汁。配菜有高質既薯條，脆口好食，仲有烤菠蘿石榴沙律，非常豐富。招牌紅酒燴牛尾 $268紅酒燴牛尾鐵板上，溫度保持住熱辣辣，少有地牛尾連骨，但可以啜晒精華，亦好大舊。同時跟飯或意粉，意粉感覺較合適，撈汁勁正。蟹肉牛油果青瓜沙律 $148呢個蟹肉牛油果係幾高質，牛油果熟度剛好，口感滑膩，配蟹肉好滋味又開胃。焗田螺焗田螺有豐富牛油香草汁，底下大量薯蓉，鐵板上，熱辣辣最好食。羅宋湯餐湯揀羅宋湯有質素，好足料，跟埋熱辣辣既餐包，有誠意。

黃竹坑附近收工，見到有呢間超過半世紀嘅西餐廳立即去試。周打蜆魚湯-湯頭入口好濃郁香滑，有淡淡嘅魚鮮味，唔會太結身，好味！Caesar沙律-食材新鮮，脆生菜同埋濃郁嘅沙律醬搭配得好恰到好處-大量芝士，加埋流心蛋，整個沙律好滑好香焗田螺-十分經典唔係周圍都食到！田螺肉質新鮮彈牙，配上香濃嘅醬汁，味道鮮味-底下的薯蓉焗得剛好，表面有啲金黃色， 香草汁加田螺加薯蓉係完美配搭燒羊肉骨扒-羊肉骨扒燒得剛好，肉質鮮嫩多汁，少少羊的香騷味-搭配上淡淡嘅薄荷和香濃嘅青豆蓉同烤薯仔磨菇，味道更加豐富阿根廷紅蝦辣香蒜意大利粉-阿根廷紅蝦新鮮彈牙，有三大隻！-意大利粉配上辣香蒜嘅醬汁， 簡單好味蘋果撻配雪糕-蘋果撻餡料香甜，撻皮酥脆，搭配雪糕更加美味

黃竹坑開咗新嘅商場，雖然有啲餐廳都未開晒，但係見到一個熟悉嘅面孔：皇后飯店，晚市有套餐供應，會有出名嘅羅宋湯，可以配沙律或焗田螺，揀個主菜加埋餐飲，價錢約$260都幾合理！先嚟嘅羅宋湯，色澤紅潤，味道夠晒濃郁，有蔬菜甜味，又有牛嘅肉味，配埋熱焫焫嘅餐包+牛油，回憶即刻返哂嚟！大蝦薯仔沙律，味道幾清新，薯仔唔會太多沙律醬嘅調味，底有少少蔬菜，配埋面頭嘅大蝦，非常不錯！招牌紅酒燉牛尾，鐵板上枱，味道非常濃郁，帶月桂葉及八角香，牛尾非常入味，又唔會太軟糯。另外朋友叫了一個招牌原隻香燒雞，一上枱聞到濃郁嘅香辣味，外皮做得非常香脆，切開雞肉依然粉嫩，用上秘製嘅北非辣粉，帶點大蒜香又有少少孜然香氣，加上墊底嘅青紅椒，洋蔥及薯仔，非常惹味，味道好突出又有特色。另外再叫咗一個焗豬扒飯，飯底炒得夠香，鋪面嘅豬扒厚身，一咬就可以咬開，茄膏調味都非常濃郁，再配上一啲新鮮蕃茄鋪响面，完全食唔停口。之後見到個甜品餐牌，居然有好耐冇見嘅香蕉船，忍唔住口又叫咗一個，傳統嘅做法切開香蕉，中間夾住三個不同味嘅雪糕球，面有一把好精緻嘅紙傘點綴，加埋忌廉，士多啤梨及藍莓點綴，入口依然係香蕉船嘅味道，不過味道就精緻些，有咖啡