皇后飯店

營業中

休息中

自從政府出了預算案,  樓市撤辣招, 樓宇買賣變得熱鬧起來. 今日陪朋友去黃竹坑買新樓, 之後順道入 The SouthSide  商場找餐廳吃個晚餐.  由地鐵站行去, 只須五分鐘.   好開心這商場有 皇后飯店 (北角總店 已有 70多年歷史) 有信心保證.餐廳燈光悠和, 座位舒適,  有卡座, 也有方桌圓檯, 有音樂伴住食餐,  係不錯的選擇.  服務員勤快又親切, 安排了我們坐圓檯, 送上白開水及餐牌. 招呼好友善.  點餐容易, 價錢吾太貴.   經典套餐,  有湯, 頭盤, 主菜也有多 個選擇.  係我至愛.朋友愛吃牛扒, 點了散餐, 另加湯及茶. 侍應先送上餐湯及麪包,   我的套餐湯係 羅宋湯, 很足料, 酸酸地, 味道恰好.   麵包上枱夠熱, 塗上牛油味道不錯. 朋友 的散餐湯,  周打魚湯 也配上暖餐飽.  周打魚湯,  夠熱足料, 味鮮甜, 濃稠適中, 口感好滑. 焗田螺, 田螺肉嫩滑, 加上牛油及蒜味, 焗得香氣撲鼻, 大家一見立即想食.下面還有香滑薯蓉, 越食越愛. 套餐及散餐兩個主食同時送到,   我的套餐主食 是 紅酒燴牛尾配意粉, 紅酒燴牛尾又熱又夠香

「皇后飯店」是一間老字號西餐廳，1952年已在北角開業，早期主理俄國菜。現在黃竹坑分店新開業，今晚和朋友來回憶懷舊味道。餐廳新裝修，整潔亮麗，座位寬敞舒適，牆上掛著一幅幅壁畫，當中更有餐廳創辦人和早年餐廳的老照片，殊足珍貴。服務員推介了“皇后經典套餐”，當中包括：餐湯、前菜、主菜、飲品，非常豐富。餐湯：還附送牛油麵包“羅宋湯”，經典的俄國菜湯，除蔬菜、番茄外，更有牛肉粒，濃稠口感，酸甜微辣，十分醒胃。“南瓜忌廉湯”，香濃幼滑，忌廉味道突出。前菜：“俄國大蝦薯仔沙律”，蝦肉鮮甜，粒粒薯仔有口感。“焗田螺”，法式香草焗田螺，香而爽口，配上烤香薯蓉，真是錦上添花。主菜：“招牌紅酒燴牛尾”，牛尾份量很多，肉質腍軟入味，醬汁香濃惹味，配上爽口的意粉，果然是招牌菜。“經典俄國牛柳絲”，牛柳絲份量亦不少，肉質上乘，牛肉味濃而有質感，配上經典蒜蓉醬汁，懷舊味道，配飯最滋味。飲品：咖啡、朱古力追加甜品：“香蕉船”，香蕉、雪糕、糖果的混合，賣相精緻，入口香甜軟滑。“朱古力心太軟”，外面是脆皮朱古力蛋糕，裏面是熱朱古力熔岩，雙重口感，加上雪糕球，更是冰火兩重天，是必食的甜品。享用一頓極為豐富，又美味的晚餐，

我同我的他團年唔想食中餐，我的他話我知原來南區開咗個新商場，原來有間西餐廳喎，不如試吓🥰見是晚set dinner都吸引，order咗其中1款：皇后芝士焗蟹蓋忌廉意粉。因為我哋想另外點1個俄國大蝦薯仔沙律，所以呢個前菜梗係揀焗田螺🤤再另外點咗肉眼扒、窩夫，團年飯好豐富🥰餐湯嘅羅宋湯好濃啊😋個餐包好熱好軟熟，嘩！半點都唔馬虎👍皇后招牌俄國薯仔沙律配意大利火腿$129。呢款我倆都讚口不絕，我本身麻麻哋parma ham，但呢款parma ham無我唔喜歡嘅味道，而個沙律嘅醬汁配搭得好好，食完令我倆更開胃🤣😍晚餐前菜到了，有4大隻焗田螺，仲有好多薯蓉墊底，份量好多啊😍食落好香濃橄欖油、田螺味，用啲汁伴薯蓉食好正啊👍頂級肉眼扒（12oz）薯菜$338。我哋鍾意食較生，肉眼好嫩、半點不韌，又夠濃牛味，佢嘅薯條都調味調得好好，夠多菜，我哋點得好🤣晚餐$298嘅主菜 - 皇后芝士焗蟹蓋忌廉意粉到了，蟹蓋好豐滿，超級多蟹肉，果然足料👍蟹肉好香濃蟹膏味，拌忌廉意粉食真係好招積🤣食完咁多嘢都好飽了！但我倆仲點咗甜品🤣窩夫$88。窩夫底外面又甜又香脆，但內裡又有軟熟感，雪糕係士多啤梨味雪葩，作為甜品唔會膩，

這家餐廳主要供應俄國菜，室內佈置主要採用懷舊照片和懷舊漫畫，座位寬闊舒適，店員服務殷勤，態度親切。晚市套餐共有3款，價格介乎268元至298元之間。每款套餐均配有餐湯、開胃菜、主菜及飲品。羅宋湯內有牛肉和多款蔬菜，酸中帶甜，味道香濃。粟米忌廉湯，粟米清甜，忌廉香滑，味道清甜。俄國大蝦薯仔沙律，四隻大蝦彈牙，薯仔沙律美味，很有特式。焗田螺，田螺肉配香草牛油汁，很惹味。皇后芝士焗蟹蓋忌廉意粉，蟹蓋面層的芝士香脆味濃，內層的蟹肉味道鮮甜，意粉軟硬適中，忌廉汁口感滑味道濃。招牌紅酒燴牛尾，牛尾皮肥美甘香，牛尾肉被炆淋且很入味，紅酒汁香濃，配有紅蘿蔔和西芹等，口感層次豐富。熱檸檬茶味道正常。熱咖啡香濃。單點窩夫88元，窩夫熱，口感香脆，味道甜，白桃味雪芭清爽少甜。單點蘋果撻88元，賣相美麗，蘋果撻外層香口，內層蘋果味道酸甜，白桃味雪芭清爽少甜。

黃竹坑港鐵站連接的商場新開業，踫巧在附近，就走去逛逛。發現「皇后飯店」在這裏有分店，那就要嚐嚐其風味是否依然。皇后經典套餐看來不錯，有我最喜歡的羅宋湯和焗蟹蓋✨️ 羅宋湯羅宋湯是招牌菜之一。食材豐富，味道濃郁，酸中帶甜，甜中帶香。酸甜開胃，增進食慾。✨️ 周打魚湯濃稠的周打魚湯， 質地濃厚，鮮味魚肉粒，食材豐富又鮮美。✨️ 俄國大蝦薯仔沙律套餐的沙律也用心製作。大蝦爽口，沙律菜新鮮爽脆。薯仔混和的沙律醬混有日式麻醬，增添風味。✨️ 皇后芝士焗蟹蓋忌廉意粉芝士焗蟹蓋外層色澤金黃，香氣飄飄。揭開金黃香脆的外層，內裡滿是蟹肉，已令人垂涎欲滴。蟹肉鮮甜，塞滿蟹肉的蟹蓋實在非常吸引。忌廉意粉軟硬度適中，配搭鮮甜蟹肉，味道層次豐富。令人回味無窮。✨️ 頂級肉眼扒(12 oz) 配薯菜點了五成熟。烹調得宜，肉眼扒表面焦香，內裏肉質呈粉紅，緊瑣肉汁。肉眼扒肉質嫩度適中，牛肉味濃，味道甘香，不錯。🍹 凍檸檬茶清香不澀。經典風味依然

去完海洋公園，朋友帶我嚟到黃竹坑站嘅皇后飯店，餐廳裝潢以木系風格為主，環境闊落，雖然係平日夜晚，但都好多人，適合一家大細同朋友聚會。今晚除菜主菜，仲叫咗兩份甜品，大滿足呀！✨皇后招牌俄國薯仔沙律配意大利火腿綿密嘅薯仔沙律加埋 parma ham、沙律菜同蕃茄，健康之餘，開胃又好食！✨烤原條時令鮮魚配小茴香薯仔酸瓜柳橄欖蕃茄醬店員介紹今晚嘅鮮魚係亞洲鱸魚，烤完之後魚肉依然嫩滑，配上伴碟嘅薯仔酸瓜，新鮮又美味，不過食嘅時候要留意細細嘅魚骨呀～✨1952招牌焗豬扒飯招牌焗豬扒飯除咗厚切豬扒，仲有濃濃嘅番茄汁，份量 2-3個人share就啱啱好，仲可以試埋其他菜式啦 😝✨周打魚湯周打魚湯味道濃郁，材料豐富，記得將餐包浸入湯度，就可以吸埋湯嘅味道～✨香蕉船好耐無食香蕉船啦，估唔到仲有一把紙遮仔係香蕉上邊，充滿懷舊嘅感覺。✨蘋果撻配雪糕 蘋果撻嘅肉桂味香濃，外皮鬆脆，配埋雪糕，口感豐富 😌

「皇后飯店」 細細個已經聽過依個名，記得以前仲係小朋友既時候，每個星期都會同屋企人去又一城分店食午餐😍 得知黃竹坑開新分店，今晚想搵番兒時的味道👅皇后香草焗田螺🐌田螺肉煙靭， 香草牛油汁好濃郁配上薯蓉一齊食好正 👍🏻蟹肉牛油果青瓜沙律🥗食落去每一啖都有蟹肉，撈埋牛油果蓉加青瓜，口感好清新 🥰皇后招牌惹味原著燒春雞🐓用南非醬汁烹調，比較重口味但係配上淡忌廉中和口感，肉質都幾滑 🥰西班牙黑毛豬扒配吼菠蘿石榴沙律🐷賣相好吸引，經燒烤過既黑毛豬有少少烤焦口感非常惹味，肉質鮮嫩多汁 😽

爺爺羅宋湯/周打魚湯 $78兩款湯都好足料，尤其係招牌羅宋湯！侍應哥哥果然冇介紹錯。撈起大量湯渣，牛腩粒咬落又淋又無渣。皇后香草焗田螺 $88田螺肉細細粒，肉質軟滑富彈性。田螺殼入面塞滿熱辣辣嘅蒜蓉香草牛油，撈埋微焦嘅薯蓉一齊食好滋味！蟹肉牛油果青瓜沙律 $148稍微幹身嘅蟹肉份量多，撈埋軟滑嘅牛油果蓉食就無問題。估唔到港式西餐廳擺盤都禁精緻，以食用花裝飾，打卡一流！烤原條時令鮮魚 $288酸酸美味嘅蕃茄汁好開胃，唔想咁heavy揀呢個做主菜啱晒！鱸魚肉質嫩滑，味道偏淡，配搭相對重口味嘅醬汁啱曬。欣賞洋蔥同埋先焗後煮嘅薯仔，好淋好入味！選用小茴香作香料，充滿地中海風情！頂級肉眼扒(12oz) 配薯條 $338生熟度煎得啱啱好，香嫩多汁，口感軟腍！份量一啲都唔孤寒，超大塊，份量適合分享。阿根廷紅蝦辣香蒜意大利粉 $178義大利粉偏淋身，以大量炒香嘅蒜片調味，紅蝦以中式油爆方式烹調，係fusion菜！雜果梳打/黑牛 $52兩款飲品都好有港式西餐嘅情懷！以罐頭水果粒炮製而成嘅fruit punch好懷舊，唔會太甜幾解膩！

難得過嚟黃竹坑食午飯就試下之前喺九龍塘都食過嘅皇后餐廳個餐牌好似稍為有啲唔同咗之前有啲喺九龍塘食過嘅呢度冇叫咗兩個lunch set, 平均都係百零蚊有湯有嘢飲湯要咗忌廉湯，味道幾濃厚，好似比九龍塘時更好餐包微脆舖好軟，熱熱地，超好食不過成餐最好食已經係湯同面包經典英皇雞飯$138就好似pizzahut 白汁雞球飯咁不過坦白講pizzahut 可能仲好食d....白汁望落好有份量，不過食落冇乜味，個湯都濃過佢雞肉一d 都唔嫩，都唔鞋，好似浸左好耐既雞咁，有d 梅而且有幾舊仲有雪味美國安格斯西冷薯條及沙律$188薯條係幼薯，正常發揮沙律好少，少到伴碟size 咁，伴碟既話咁其實唔駛特別寫明有沙律......西冷比預期大件但我已經叫5成熟，都好似overcook 咁，有d靭但牛味幾濃當日咁岩附近有學校open day餐廳極多人等員工們好忙，但都仲係態度好好，呢點值得一讚

之前見到九龍塘間皇后飯店光榮結業好心痛，但原來佢係Southside開返，知道左就即刻去食喇晚餐佢地有套餐，樣樣都係經典菜式，有餐湯，前菜，主菜同埋飲品餐湯我地揀左羅宋湯，蕃茄同牛腩味香濃，加啲辣味好正，一定要配暖笠笠牛油餐包前菜我哋揀咗大蝦薯仔沙律同埋法色焗田螺，田螺好惹味主食我地揀紅酒燴牛尾配意粉同埋皇后焗蟹蓋忌廉意粉，另外我哋亦都加咗個經典焗豬扒飯！紅酒燴牛尾，牛尾好稔，紅酒汁超香濃！皇后焗蟹蓋用咗三點蟹，蟹肉超鮮甜，經典焗豬扒飯好食，豬扒大件，秘製蕃茄汁好惹味，加埋炒底，冇得彈飲品方面，我哋嗌咗兩杯特飲，分別係Fruit punch 同埋黑牛，為晚餐做完美終結

星期日去開南區，順便去看看黃竹坑這個新商場，是一個住宅區商場，外面看起來很漂亮，應該是在試店階段吧，開了的店舖不算多，但就有這間久違了的皇后飯店！晚上約七點來到，已九成滿，還好剛剛有一張二人枱！Set dinner 價錢比我想像中貴，但由於主菜不合我們口味，我們就分開點了兩個主食。我點了燒羊肉骨扒配豆蓉烤薯仔磨菇（$288）賣相超靚，擺盤絕對係高水準，味道也好好，而且都幾西式，竟然不是記憶中的中式西餐味道！朋友懷念羅宋湯，單點了一客，雖然要$78，包餐包一個，好味，也覺值得。她點了焗豬扒飯（$148），也是招牌菜式，無論是味道和賣相都出色，希望這水準能保持下去！

老字號餐廳買少見少，近日去唔同地區的餐廳尋找昔日的味道。🌸周打魚湯周打魚湯濃郁，材料豐富，湯中有很多魚肉碎、洋蔥粒和蘿蔔粒，麵包脆口，麵包浸入湯中吸曬湯的味道。餐包軟熟可口。🌸桃，藍莓，士多啤梨雜果沙律經常食蔬菜沙律比較多，很少見到有雜果沙律，沙律顏色繽紛奪目，士多啤梨和藍莓清甜，紅色和橙色的車厘茄新鮮，沙律更加入咗黑醋，酸甜適中，令人開胃。🌸頂級肉眼扒（12oz)配薯條牛排係5成熟，肉質鮮嫩，肉汁豐富，又唔會過鹹，配上紅酒燒汁味道不錯，薯條香脆，沙律菜則配芝麻醬。🌸1952招牌焗豬扒飯豬扒鬆化唔羶，伴有西芹、洋蔥、蕃茄、車厘茄和青豆，蕃茄汁滿瀉，飯較乾身。🌸榛子咖啡棒子咖啡的拉花好靚，咖啡夠熱，味道唔會太甜。

用歷史悠久形容真係唔過分，話晒1952年就開業，你同我都未出世。2024呢個年頭，好多餐廳都敵不過，難得佢仲保留住，而且仲有新店。新店位於黃竹坑站新商場，裝修絕對新淨，牆上又會有懷舊的部分，從舊相片可以感受一路以來餐廳的歷史變化。餐牌上不乏餐廳經典招牌食物。西班牙黑毛豬扒配烤菠蘿石榴沙律 $268西班牙黑毛豬扒有濃郁豬香，口感鮮嫩，入口有肉汁。配菜有高質既薯條，脆口好食，仲有烤菠蘿石榴沙律，非常豐富。招牌紅酒燴牛尾 $268紅酒燴牛尾鐵板上，溫度保持住熱辣辣，少有地牛尾連骨，但可以啜晒精華，亦好大舊。同時跟飯或意粉，意粉感覺較合適，撈汁勁正。蟹肉牛油果青瓜沙律 $148呢個蟹肉牛油果係幾高質，牛油果熟度剛好，口感滑膩，配蟹肉好滋味又開胃。焗田螺焗田螺有豐富牛油香草汁，底下大量薯蓉，鐵板上，熱辣辣最好食。羅宋湯餐湯揀羅宋湯有質素，好足料，跟埋熱辣辣既餐包，有誠意。

黃竹坑附近收工，見到有呢間超過半世紀嘅西餐廳立即去試。周打蜆魚湯-湯頭入口好濃郁香滑，有淡淡嘅魚鮮味，唔會太結身，好味！Caesar沙律-食材新鮮，脆生菜同埋濃郁嘅沙律醬搭配得好恰到好處-大量芝士，加埋流心蛋，整個沙律好滑好香焗田螺-十分經典唔係周圍都食到！田螺肉質新鮮彈牙，配上香濃嘅醬汁，味道鮮味-底下的薯蓉焗得剛好，表面有啲金黃色， 香草汁加田螺加薯蓉係完美配搭燒羊肉骨扒-羊肉骨扒燒得剛好，肉質鮮嫩多汁，少少羊的香騷味-搭配上淡淡嘅薄荷和香濃嘅青豆蓉同烤薯仔磨菇，味道更加豐富阿根廷紅蝦辣香蒜意大利粉-阿根廷紅蝦新鮮彈牙，有三大隻！-意大利粉配上辣香蒜嘅醬汁， 簡單好味蘋果撻配雪糕-蘋果撻餡料香甜，撻皮酥脆，搭配雪糕更加美味

黃竹坑開咗新嘅商場，雖然有啲餐廳都未開晒，但係見到一個熟悉嘅面孔：皇后飯店，晚市有套餐供應，會有出名嘅羅宋湯，可以配沙律或焗田螺，揀個主菜加埋餐飲，價錢約$260都幾合理！先嚟嘅羅宋湯，色澤紅潤，味道夠晒濃郁，有蔬菜甜味，又有牛嘅肉味，配埋熱焫焫嘅餐包+牛油，回憶即刻返哂嚟！大蝦薯仔沙律，味道幾清新，薯仔唔會太多沙律醬嘅調味，底有少少蔬菜，配埋面頭嘅大蝦，非常不錯！招牌紅酒燉牛尾，鐵板上枱，味道非常濃郁，帶月桂葉及八角香，牛尾非常入味，又唔會太軟糯。另外朋友叫了一個招牌原隻香燒雞，一上枱聞到濃郁嘅香辣味，外皮做得非常香脆，切開雞肉依然粉嫩，用上秘製嘅北非辣粉，帶點大蒜香又有少少孜然香氣，加上墊底嘅青紅椒，洋蔥及薯仔，非常惹味，味道好突出又有特色。另外再叫咗一個焗豬扒飯，飯底炒得夠香，鋪面嘅豬扒厚身，一咬就可以咬開，茄膏調味都非常濃郁，再配上一啲新鮮蕃茄鋪响面，完全食唔停口。之後見到個甜品餐牌，居然有好耐冇見嘅香蕉船，忍唔住口又叫咗一個，傳統嘅做法切開香蕉，中間夾住三個不同味嘅雪糕球，面有一把好精緻嘅紙傘點綴，加埋忌廉，士多啤梨及藍莓點綴，入口依然係香蕉船嘅味道，不過味道就精緻些，有咖啡