百好名宴

營業中

休息中

一早訂了枱 book左房，去到俾左個只係隔左層細移動板，隔離就有人既“獨立房” ，又吵又有煙味 隔離係咁爆粗，咁都要俾多800蚊，最後換了個外面的位置。 一席本來$3998，一開始即使沒有獨立房仍不讓人換餐單 ，獨立房每臺加800蚊，餸菜賣相不吸引，味道普通，上菜也好慢，30分鐘一碟餸，紅色領帶部長，非常臭寸，非常不耐煩，上菜“飛碟”，非常不建議人來吃飯，來吃飯只是受氣，亦只有四隻字形容 垃圾酒家盡量改善

很好笑下午大約2點叫左2個套餐已經好多野都無哂 五緊要 我地將叫點心紙咖野食轉反套餐 因為好多野食改左2 3次都無 無辦法就只要依個要求 個不知所謂咖經理話五得 仲叫我地為左一個點心放棄個套餐 幾個點心仲要丞半個鐘先同我地講無左依個點心 咩㗎人就會帶咩㗎團隊 問心 依個四眼經理 真系無能力 不會再黎依間野

入到嚟，侍應態度超差，同我地講：跟住前面(其他客人) 入呀！舉手揾侍應，幾個阿姐扮睇唔到囉！冷氣又唔夠。。。。598蚊6個餸嘅餐，看似好抵，其實係伏！金瑤鮑魚翠銀苗，其實係金菇西生菜囉！(相中係食左一大半嘅)一字骨，食時冇影相，因為賣相唔吸引，俾一舊粉漿包住條骨，每舊真係骨，冇咩肉食，立即向侍應反映，佢話來貨喎，來貨見到條條係骨，咁仲俾人食，我唔識食骨頭囉!燒雞就好食嘅，魚都正常。不過，冇下次，一定唔再嚟食！

之前母親節去左呢間酒樓食飯，都幾抵食！呢隻雞都燒得幾好，唔會太油膩，個皮脆脆地，份量都幾大份，一家人夠食！魚都煮得幾好，唔會煮得太老或者太軟整體黎講呢間都幾抵食呀！

新年都要食盆菜慶祝吓啦，盆菜是東莞市長安鎮以及香港新界的圍村裡的新界原居民的傳統食物，已有數百年的歷史，是一種雜燴菜式。傳統的盆菜用木盆或銻盆盛載。每逢喜慶節日，例如新居入伙、祠堂開光或新年點燈，新界的鄉村均會舉行盆菜宴。咁今次就選擇左呢一間嘅酒樓嘅盆菜，咁入邊有好多唔同嘅餸菜，咁又蝦丸啦豆腐啦貢丸啦芋頭啦，花膠鮑魚冬菇，豬手瑤柱等等，咁四個人嘅盆菜都係$398啱晒一家四口食，價錢方面都唔算貴，符合性價比

今日新正頭年初三，朋友屈在家中已經多日，一定要相約出來飲茶，今次去荃灣百好酒樓早茶，酒樓面積相當大，因為疫情關係，時間又比較早，所以人客很少坐得很舒服。因朋友一早到來就由他發版。計有流沙包、芋頭榚、薄撐、皮蛋瘦肉粥 、灼菜心、牛肉。流沙包的皮很柔軟，尚夠熱所以咬落餡料亦能流出來，芋頭榚的買相就不太好，入口只是暖暖的而且看上去有點黑黑的感覺。薄撑都煎得還可以，少許金黃色亦夠脆口。皮蛋瘦肉粥的餡料份量都很多;遺憾的亦是不太熱，還是暖暖的。 灼菜心的菜夠嫩，咬落沒有渣。蒸牛肉球就相當好，可能剛剛蒸起的緣故相當夠熱，牛肉亦夠嫩。今次的早茶可能因為疫情的關係，工作人手不足，出菜慢以致大多點心不夠熱，看下次來時有否改善。

平安夜放早，同同事去左飲茶，去咗近地鐵站的百好飲，上到去估唔到咁大地方喎，午市都超多枱唔使等位。有特價點心紙喎，求其點幾樣先，反正目的係為有傾偈，食野其次。先黎個炸鮮蝦韮菜餃，炸得香脆嘅，餡就唔多㗎啦，但都叫做真係有蝦係入面。煎蓮藕餅正正常常，鯪魚肉加上切碎蓮藕粒，點個辣椒醬正呀。紅油炒手醬汁略酸，雖然好紅但唔辣㗎，大大粒ok啦。煎讓尖椒煎得香口，鯪魚肉讓到滿晒，個人覺得好好食，同事話太辣喎。叉燒包ok嘅，包略甜。最後係蝦餃，大大隻又爽口，配埋辣椒油好正。唔知係咪平安夜唔係個個有得早放，我地飲到下午茶都唔多客大把吉枱喎，傾下偈飲下茶，一樂也。

南豐呢間百好態度真係好到不得了！想受氣嘅不妨一試。 首先，開位嗌一位 門口姐姐話 就咁比咗張飛我，冇話要搭位。我拎到張飛埋到枱見到有人座緊，我就出返去同姐姐講有人座緊，佢話係呀！一個人要搭枱架。我見咁多吉枱唔明點解要搭？佢答我一句：呢到一位嘅我地一定係搭枱！ok fine ! 佢搭咗我同一個係咁咳嘅呀婆到，我問佢方唔方便間返塊板？ 佢答我：我地冇板再間。我話疫情嚴重，你有吉枱又唔比我，要我搭枱又唔間板。呀姐冇應我就繼續開位比其他食客。唔想嘈，諗住快快趣食完就走人，叫樓面姐姐攞辣椒油，點知好晦氣咁叫我：你問傳菜員拎嘛！我淨係負責沖茶。😰真係啞咗。樓面原來淨係沖茶，我明白了。- 當時冇嘈，係想醫飽個肚就算，老實說，食物唔差嘅但態度就真係…… 唔會再幫襯囉😑😑

松葉蟹，古稱楚蟹，是日本三大名蟹之一。其蟹身呈啡金色，肉質軟滑、味道最鮮，蟹膏香濃。松葉蟹肉質細緻，與香港漸流行的阿拉斯加蟹清蒸食法，大相逕庭。阿拉斯加蟹肉厚多，是蟹皇。銀碼大，適合多人分享。此店今晚賣每斤298元，不算低價。松葉蟹只賣每隻438元，即每斤約220元，是街市價而已。包清蒸或薑蔥炒。我們4人想吃蛋白蒸的，只加100元，性價比高。每人用150元，可以味遊北海道。美麗地邂逅蟹后！鮮嫩口感有吃於阿拉斯加蟹肉。味道亦較清淡，海水味不濃。較特色是盡吸蟹汁的蛋白，如豆腐花。片皮鴨亦是有水準，鴨子超迷你，只有15片，但無損鴨肉味道。肥膩感超少，比傳統的細小了1倍。可以無限次以每隻78元食用，亦是廉價啊。第3寶是德國豬手，手型龐大，不會像別店只有厚皮一大片。辛辣汁老少咸宜，該讚。第4寶是辣柚炸大蝦，啖啖蝦碌，辛辣而柚酸，比咕嚕肉好食。

叫咗個澳洲龍蝦伊麵，大概一斤左右！專登揀冇龍蝦鉗嗰啲龍蝦，因為呢類型嘅龍蝦個身會重啲多肉啲！伊麵唔會煮到一pat pat ，仲食到一條條嘅口感，值得讚一讚龍躉飯龍躉份量唔算好多，啲飯都唔係好多，所以四個人食會有啲唔夠飽，唯有叫多啲點心😢龍躉都尚算新鮮嘅！燒賣啲黃色嘅燒賣皮都幾薄，不過啲肉就一咬落去散晒，可能係太多肥豬肉嘅關係砂礓雞腳就用錫紙包住，都幾有風味！蠔油鮮竹卷入邊好少肉絲椒鹽多春魚好似都幾新鮮，咬落去冇成口油！

第一次荃灣喝茶，見到環境好光猛同好多房都有分VIP夠私穩燒賣就不過不失，的皮好薄同會黏住旁邊個的。個豬肉好小肥膏，蝦比較細沙律明角，我覺最好吃。首先熱拿拿同好脆入面的料有蝦同紅羅白。現在好小地方有人做了朋友想食馬拉糕，不太甜可接受，食到庶香味炸兩腸粉，普通，又貴冇特別$58隻，完全唔值，勁瘦又乾，但調味幾好今次埋單$238，我覺得不太值可能新年同地點較方便而己

限敘令下假日已不能約三五知己飲餐茶，現階段只好兩公婆嘆茶了。今日去這間開張不久的酒樓，星期六早市都幾旺場，成個大龐都坐滿客，証明大家都係愛嘆茶，茶樓在疫情下都仲有生意。我哋要取票等位，以為等好耐，點知又幾快有位。原來除了大廳，入面仲有好多房，房內都有十六張細檯。新裝修樣樣都乾乾淨淨，紅色地毯好搶眼，天花又有不少水晶燈，夠光亮。座低睇吓有咩食先，有張早市點心紙，價錢較散叫抵，於是點了六種點心試下。皮蛋瘦肉粥配家鄉炒米粉 :粥底綿密，瘦肉和皮蛋都混和粥內，炒米粉爽口，配料有火腿絲、紅蘿蔔絲、椰菜絲，鹹味適中。蜜汁叉燒腸 : 三大條包得實實的腸粉，裏面蜜汁叉燒有很多，腸皮不厚，蜜汁叉燒嫩滑。懷舊馬拉糕 : 熱騰騰的馬拉糕，糕身鬆軟，甜度適中。南乳蒸豬手 : 四大塊豬手把碟子都填滿了，皮厚具膠質，肉質淋滑，南乳惹味，口感不錯。平時食開有花生伴底的豬手，不過這間造法是沒有花生做配料，感覺上少左D嘢。蝦餃皇：四大隻漲卜卜的蝦餃，皮內有兩大隻蝦肉，爽口彈牙，一口一隻十分美味。食完上面D點心已經飽曬，總體來說，每款食材都好味，而且份量適中，上菜速度也很快，待應服務良好。