百味閣餐廳

營業中

休息中

今日又再次到這間餐廳！因為舊式西餐廳，係香港都唔多！又加上佢既菜式的比很多舊式餐廳做得更有心機，所以我再次黎！佢既套餐性價比高，我地叫左一個羊仔排餐和一個鵝肝肉眼牛扒餐！環境；有種舊式餐廳感覺，同埋入面感覺舒服！羅宋湯：唔會太水，有足夠蕃茄味😄蒜蓉包：正常發揮牛扒餐：侍應推介牛扒要五成熟！食落有牛味，唔會太硬！連同佢鵝肝食，真係好配！👍佢既炸薯，外脆內軟👍，牛同鵝肝都算大塊！直得推介！羊排餐：口感軟熟，仲有3塊羊架，數量算多👍仲有啖啖羊味！係我最愛！飲品：凍檸茶正常發揮甜品：咖啡燉蛋，唔會太甜，仲有很香咖啡味，很好味！👍侍應服務態度都很好，會主動幫你加水。個餐牌甜品都有好多款，女仔一定會想試😂呢間餐廳令我會再想來！

之前有看過介紹建新中心的影片，這個商場其實是80年代的一個地標，曾獲得建築學會獎項，風光一時，可惜由於之後附近大商場落成，這個商場像是停留在90年代的世界。是日第一次到訪，剛好是午飯時間，商場最吸引到我的餐廳，就是這間懷舊的百味閣餐廳 餐廳價錢都算親民，星期六都有午市套餐，我選了是日推介：西梅汁杏脯燴鴨髀 首先要試試餐湯，我選了現在比較少見的周打魚湯，非常足料，從相片可見湯裏有很多魚肉和蔬菜粒，配上非常香脆的蒜蓉包，正呀 之後就開始食主菜，西梅汁酸酸地好開胃，配上甜杏脯剛好中和酸味，鴨髀份量非常慷慨，應該煮咗好耐，因為好入味和肉質好淋，伴碟的還有炸番薯片和蔬菜，好豐富，營養都算均衡食完主菜還有熱咖啡，配上淡奶，圓滿的一餐 餐廳侍應的服務態度友善，亦會經常清理枱面、加水等，食物質素中上，午餐連加一唔使$100 ，難怪會成為大學和醫院的飯堂

琴晚同朋友去九龍塘約會完 佢話好肚餓咁我就睇下openrice睇下附近有咩好野食一打開就見到呢間百味閣餐廳 膽粗粗就入左去試入去果陣職員態度非常好 直頭係好度我哋都唔係幾好意思 咁我哋就叫咗個法式鵝肝牛扒 非常有質素 建議牛扒叫medium well食得出係貨真價實既prime牛 調味都岩岩好 鵝肝都係好好食另外叫左個帶子牛扒粒 帶子好彈牙有口感牛扒都有質素餐廳環境優美 性價比高 下次有機會一定會再黎食 又有甜品前菜水果餐湯送

好一段時間沒來光顧，趁周末在附近有活動，再來午餐。生意興隆，十分熱鬧，對老店是好消息。繁忙時間，點了午餐A餐。先上羅宋湯，外觀對辨亦足料，可惜味道太鹹，要自行加水才能入口，喝完湯後5分鐘，冷凍的蒜蓉麵包姗姍來遲。😕主菜是雞扒伴菠菜麵，份量很大，味道也不錯，美中不足的是，雞扒骨位有點生，我和鄰座都嫌生割愛了整份三分一。單尾咖啡很夠味，算彌補了前面的不足。

好朋友生日，不想如往年般到五星級酒店用膳，特意問問老闆娘，能否幫我安排一個特別的生日餐。結果，兩天以後，傳來老闆娘與廚師發辦的tasting menu，前菜、湯、refreshment 、主菜、甜品，朋友同我睇見已流曬口水。滿心期待了一星期，終於迎來拆禮物日。由於是吃午餐，一如以往，座無虛席。但老闆娘早已預留了位置，甫坐下，不用說什麼，她已與廚房溝通，同事們先送來溫水一杯，不到片刻，頭盤已馬上奉上。第一道菜是「牛油焗胡椒帶子BB魷魚配菜絲雀巢及龍蝦汁」，首先賣相醒神，帶子及BB魷魚輕煎，味道鮮甜多汁，磨菇新鮮，挑花用心，再配以龍蝦汁，味道出色。吃完第一道菜，老闆娘隨即送上親自採購及製作的「日本熊本士多啤梨特飲 - 粉紅仙子」。全杯飲料只用梳打水及鮮榨士多啤梨汁，不加任何糖水，保留最清新及天然的士多啤梨甜酸味，超級醒神。由於老闆娘知我平時喜歡飲牛油果及鮮蠔湯，所以這個特別餐，特別二合為一，變成「牛油果粒鮮蠔磨菇蓉湯」。味道保持一貫水準，但湯料明顯多了一倍，份量十足。之後奉上「萍果絲乳酪杯伴香橙」作為主菜前的refreshment ，看似簡單的一道主菜前戲，除了新鮮的萍果及香橙外，廚師還加

廿年前於浸大讀書的我，百味閣的菠菜石斑粒炒飯陪伴我渡過無數的寒暑。廿年後因為搬了去新界，多了用車，就每周特意回來重拾百味閣的味道，順道可以跟老闆娘閒話家常，說東說西。在這裡吃到的，不只是食物的鮮味，還有那份濃濃的人情味。若你是浸大師生舊生或醫院的同工，不用我介紹，每人都有自己跟百味閣的故事。但假若你是冒名前來，我強烈建議你來吃晚餐，以及叫每晚廚師精心挑選當晚時令的食材，保證你會有驚喜，常見的魚頭湯、紙包焗鮮魚、炒豆苗，做得十分出色，保證在別的餐廳、冰室找不到這種味道。在香港經營食店，絕不容易，人手、租金每每是個挑戰，百味閣也不例外，但在百物騰貴的今日，只要大家看看餐牌上的價錢，我們所得到的食物與服務質量，大概就會明白老闆，對做餐廳，是有多大的執著與堅持。時間能洗盡鉛華，但願卻永遠洗不走這九龍塘人的共同回憶。在大家感覺什麼都變得陌生的今時今日，我慶幸香港還有百味閣讓我知道有些美好的東西，永遠不變。

黎左依間餐廳好有年代感既餐廳，好似話已經開左好耐，但我都係第一次食啦！啲員工好好禮貌，好nice！我係下午餐時段去食，都幾多人。朋友叫左蘋果沙律伴炸雞腿，佢話雞脾炸得幾好，好juicy。我叫左煙三文魚波菜麵，食很出好健康，比較清淡。上面都幾多一絲絲煙三文魚，個醬其實係番茄醬，個面裏面都好多菜，有菠菜，甜椒，茄子...整體味道幾好，但個麵有少少太淋，硬返啲會好啲，間餐廳都幾多健康菜式俾人選擇，好適合進求健康既人食

在九龍塘晚上找朋友食飯，在朋友的介紹下去了這間有多年歷史的西餐廳。環境十分優美，好懷舊，氣氛好好，可惜今天一起進餐的不是我另一半🫠今日的是日餐湯是蓮藕煲猪骨湯，沒有味精味，真材實料煲的，十分美味。除了紅湯還有這種選擇，是香港西餐廳的一個特色吧。 另外有蒜蓉包，蒜蓉味好香，麵包也十分脆口。法國鵝肝配肉眼扒鵝肝香濃又唔醒，油脂剛剛好，口感豐，搭配上肉眼扒(5成熟),外表香口，內裡面鮮嫩的口感,十分美味。紅酒燴牛臉肉及牛脷紅酒燴牛臉面肉口感絕佳，雖然好厚但十分嫩滑，牛肉香濃，肉同膠質比例好好;牛脷則是非常嫩滑,質感不輸給牛臉肉。咖啡燉蛋蛋香與咖啡香完美的配搭在一起，配上餅和水果，十分滿足。價錢不貴，食品物和環境十分好，性價比超高，香港難見的懷舊西餐廳

今日放工與同事一起趕去九龍塘辦點私人事，之後諗住食個簡單晚餐，突然醒起好耐冇去百味閣，湊巧同事又未去過...... 這間是九龍塘街坊店，值得一試.  一坐低，立刻order 香草薄荷醬焗羊仔扒，完全無失禮，羊扒鮮嫩肉質夠鬆軟，配上扭紋薯角和雜菜非常豐富。跟着的是 芒果拆厘醬焗嫩雞，半分雞,雞肉非常嫩滑，配上芒果折厘醬，味道清新相當特別，同事未吃過，說想不到雞肉這麼嫩。今次order了兩杯生榨石榴賓治，好味。跟餐來的甜品幾得意，味道不算太甜，但那些果子十分新鮮，另外點的是芒果班戟，簡簡單單, 相當滿足😀我同事嘅comment就係 - 冇介紹錯😄😄

見到價錢幾抵走去試下懷舊餐廳 叫咗個栗子芝士豬 食落去個豬扒同 大加樂一樣肉鬆粉 冇味冇口感， 亦都冇豬肉味。 佢側邊有個伴碟洋蔥飯 啲飯好嚡口 80蚊包埋一個湯同餐包飲品 個餐包烘得over咗有啲硬 平時出面懷舊餐廳嗰啲明明係比較軟熟， 凍檸茶正常 羅宋湯都好飲 但係個主菜 可能我寧願去返大加樂 🤣 唔會特登走過嚟除非住附近 我見都係啲街坊客另一半走去試鵝肝牛柳 鵝肝係好軟熟 但係個樣 賣相真係唔ok 個餐210蚊 牛柳五成熟 不過不失但唔係叫好食。 叫咗個田螺 一百蚊左右都係好一般 。 另外佢入面會有啲茶餐廳嘅餐牌 有炒粉麵飯 60蚊左右 係抵 但美味程度就唔好有期望啦。 最後兩個大人食咗四百幾蚊 我唔應該有其他更好選擇呢這個價， 但間嘢啲職員 比較nice，服務好而又幾有禮貌喎！食到尾先至記得影相 淨係影到個田螺

接仔仔放興趣班，諗住去食個下午茶抖下，門口寫住下午茶去到6:30，5:20喺門口就話下午茶已經完，唔緊要，問佢攞晚市餐牌，阿姐態度極惡劣，話只有情人節套餐，嗰個嘴臉，一世都幾得！擺明係趕客！老闆請著佢，真係多得佢唔少！立即轉去金記， 收銀姐姐熱情，夥計個個醒目！就算要等位都盡力幫你搵位！感動！其實廣播道夜晚人流都唔多，點解百味閣餐廳淨係做情人節套餐，完全唔做散叫生意，咁有信心？

今晚來到熟悉的地方，前一次到坊已經知道會有下一次，老公提意今晚就去浪漫一下這晚沒點羊架，而就點了三刀，是日精選，每次也有不同的魚類，這次用紙包魚的焗法來烹調，另一道主菜就是西冷牛扒先來鮮蠔蘑菇湯，好creamy, 而湯內有大大隻蠔，點上蒜蓉包來吃先暖暖胃。遠處就看到大大包用鍚紙包著，來到時漲卜卜很有趣。 侍應界開了鍚紙，一股香氣入鼻，用了白酒來煮，而魚的鮮味更得以保留，入口肉汁滑溜，是很好的菜式另一主菜是西冷牛扒，五成熟，配了薯菜，火喉得而，而肉味濃厚，十分滿意最後又怎少得了甜品，是朱古力咖啡brulee, 入口香濃滑溜，不太甜十分合我味兒相信我地好快又會再來

週六下午，與朋友有事到浸會醫院，午飯時間到附近既百味閣一試。平時搭車成日經過，但食就第一次。叫左午餐set, 豬仔脾carbonara意粉，有湯同飲品（要左青豆湯同熱咖啡），同麵包。$80需要加一。麵包正常嘢，青豆湯一般般，豬仔脾ok，份量都算多。個意粉就…吃不懂。味道食唔出有味，同唔知點解碎濕濕咁，同行朋友講笑話可能方便隔離醫院病人外賣時食。熱咖啡ok,算係全餐最好食。試左同行朋友既京都骨飯，味道同份量都唔錯的。最後，有送上蜜瓜。總括，份量同味道（非意粉）加上服務是ok 的。

幻想到懷舊西餐廳會多有聖誕氣氛！幻想戴著聖誕帽 餐廳滿是聖誕佈置！幻想23號有聖誕大餐食火雞是必須！幻想有幾熱鬧有幾多人！幻想肚皮會有幾滿足！Ok fine🤷🏻‍♀️事實證明 真的只有幻想⍥ 餐包蒜蓉？存在感頗低，dry dry 的即使點餐湯亦無補於事😕 絕對係又凍又乾又硬！—⍥ 是日餐湯 - 周打海鮮湯份量慷慨！有忌廉香但唔算好濃郁🫶🏻感覺無咁肥仔😂⍥ 跟餐 - 羅宋湯亦係好多菜，微微胡椒香，我本人好鍾意👍🏻—⍥ 紅酒燴牛臉肉及牛脷 配 菠菜飯份量不少，牛臉肉挺軟稔，有點驚喜喔😚牛脷相當厚身！生前應該是隻大蠻牛🤣可惜調味過鹹，怕腎仔頂唔順！至於個菠菜飯好有上海菜飯影子😂偏淡味不過不失。⍥ 鐵鍋爆帶子牛柳粒 配 菠菜麵及青胡椒汁帆立貝可口！未見過咁大片既牛柳粒🤣似牛柳肉多啲，鮮嫩又微微滲透牛香，惹味非常👍🏻配上綠色既麵🤣菠菜味？沒有，其實兩者好似⋯勉強在一起😅—⍥ 跟餐 - 咖啡燉蛋杯、生果好新穎既凍燉蛋😯蛋味欠奉，食落有淡淡咖啡香，不太甜挺滑溜。⍥ 哈密瓜唔甜🤣清清喉嚨ok la —⍥ 朱古力軟蕊布甸 伴 雲呢拿雪糕😳食到到喉唔到肺必須單點心太軟來止癮，外型好不羈🤣成個比薩斜塔咁，不過

今時今日做餐廳真係唔容易，能夠做到十年以上都唔簡單，喺九龍塘呢個小商場就有幾間做咗幾十年嘅老店，呢間就係其中一間，記得年青時候喺度讀書，間唔中有乜嘢慶祝都會嚟下。今日重臨舊地，間餐廳仲喺度，裝修設計方面就好似其他幾十年嘅西餐廳樓咁，冇乜變過，時光倒流三十年嘅感覺，餐廳服務員都係一啲比較資深服務員，同埋一啲老顧客，有講有笑好有人情味。今日下午茶時間嚟到簡簡單單叫咗一個 tea set ，係一個煎龍脷柳套餐，龍利柳係煎幾嫩滑嘅，但係賣相就爭少少啦，例如少咗一啲點算嘅汁醬啦，少咗一啲精緻嘅配菜，整體嚟講睇落係真係有啲過時，不過能夠屹立幾十年，證明賣相唔係最緊要，人情味搭夠。