百利冰室

今朝坐車落嚟西灣河揾食，嚟到呢間係筲箕灣道既百利冰室食個早餐。係筲箕灣讀咗十幾年書都係第一次嚟呢間老字號，6點半到店，已經有好多街坊係度食緊早餐。我就搵個位坐低睇下個餐牌，最後點咗個特餐，有餐肉通心粉，牛油餐包，火腿奄列同一杯凍咖啡，$40蚊。火腿奄列有蛋味，仲有d蛋汁溝埋d火腿一齊食，好味，通心粉煮得啱啱好，有兩片餐肉，重點係個湯底，好似係金寶忌廉雞湯湯底，好好味。[米饭]口味：🥚🥚🥚🥚[薄荷]环境：🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

當然唔係第一次嚟呢間懷舊冰室，今次主要食佢嘅懷舊沙翁同埋飲奶茶。🥧☕️沙翁大約有手心咁大，都算幾大隻，個面鋪滿砂糖，外觀都幾吸引。✋🏼☺️切開時feel到空氣感十足，裏面差唔多係空心嘅，但又靭靭地咁，只係靠一啲類似麵筋嘅物體連住。😳不過食落就發現個皮係一啲都唔脆嘅⋯ 🙂‍↔️ 同埋油油地咁⋯🙂‍↔️而奶茶就夠滑，但就冇咩茶味。😝食咗俾錢時順便問個收銀：「我比較少食沙翁，但頭先食嗰個，面係唔脆嘅，請問沙翁本身係咁？定係啱啱出爐先會脆？」😳收銀回覆：「沙翁本身係咁㗎，好似油炸鬼咁，係唔脆㗎。」👀咁我唯有答佢：「哦～ 原來莎翁係唔脆嘅⋯」😳其實我心諗：油炸鬼都有分脆同唔脆㗎喎⋯🤔不過佢咁答，我咪咁聽囉⋯🫠…查看更多

有網友推介這間位於西灣河的冰室給我，見今日天氣不錯，又一於去試吓！😎早餐有兩款，還有茶餐、特餐、午餐、三文治餐、湯麵餐及出前一丁餐，選擇真不少；但因今次過來，主要想試試推介的茶廳，套餐包括有火腿通粉、牛油餐包、西煎雙蛋及咖啡或茶，餐包改多士添加一元，煎蛋改炒蛋，飲品要了茶走。🤗多士香脆，牛油也不少，雖然不是厚切，但也相當不錯；炒蛋比較熟咗少少，唔夠香滑，但味道不錯；通粉未至太腍，但如再爽身一點更好，火腿分量超多。🤔茶走香滑，煉奶味濃郁，但可惜茶味偏淡，可能熱奶茶會更好。☕️價錢$38加$1，明顯比較澳牛平了不少；水準不差但又未至於專程過來食。😬#百利冰室(香港)地址: 香港西灣河筲箕灣道216號地舖電話: +852 25605214…查看更多

嚟食野好多好多次啦，今次終於的起心肝寫下食評。首先嚟個沙翁。沙翁炸得恰到好處，外表鬆脆，內裏鬆軟，充滿疍香，甜度適中。跟住係，最喜愛嘅蝦多士。蝦多士好多舖頭都有做，但係間間嘅做法都唔同。有啲地方係多士上面擺隻蝦，而呢度係成舊厚厚嘅蝦膠咁樣炸。非常足料份量十足，滿足感爆燈。蝦多士甘香鬆脆，配埋蕃茄同沙律醬唔會覺得油膩。再嚟個蕃茄濃湯肥牛烏冬，蕃茄湯底味足，去搭肥牛同烏冬都好夾。加埋個茶走，好滿足嘅一餐。…查看更多

我本身住新界，一年有.二/三次過西灣河，間中都會去食，以往2大2細，坐細卡位都ok，今次帶埋工人姐姐，第一張飛，拎飛時門口果員工已經講［你地5個人呀，4個人就快啲］，我地都講我哋可以等，果時，幾張大卡位都坐滿，幾張圓檯就每張坐2/3個人，等了大約半個鐘，一直都不停入1/2人，佢地係冇諗過留檯，所以一直都等唔到，直到有張4人卡位一齊出嚟先叫我哋入去，我就話依張太細坐唔到5個，我話我地等長卡，或一張圓檯啦，之後我地行去門口等時，近收銀處有張長卡位有一邊食客離開，我就問員工，可以先比小朋友同工人姐姐坐低，幫佢哋叫埋野食先我再出去門口等另一邊位，果收銀就話我地食阻住人，我再話咁妳又不停放人，我點等到位，佢就補一句，《我地要做生意架嘛》，原來多人嚟果啲就唔係生意。…查看更多