百元鹽水雞 (已結業)

太久不能出行，忽然想再嚐台灣的味道。經過此食店被它的文青裝潢吸引而試試光顧。自行點餐取菜，單點了滷肉雞絲飯及芝士火腿蛋餅，配一杯冰木瓜奶。食物的味道都很好，滷肉肥瘦適中，流心蛋與滷水汁配合剛好。蛋餅熱騰騰，餅皮軟軟的又有嚼勁，咬下去溶化的芝士加火腿亦是正常的好味道。木瓜奶要了少甜少冰很合意，略嫌奶味較重。店內只有五個座位但正值無人，所以享受到一點繁忙中的空間，如果店內不是播收音機節目而是悠閒歌曲會更好氣氛。

叫左個廚師發版鹽水雞+滷肉飯餐 $55 + 阿宗麵線（大） $60 + 滷肉雞絲飯 $29 + 芝士粟米強餅 $29 + 木瓜奶$29第二次幫襯了食過翻尋味見佢個位偏偏地租個鬼場無乜客，寫篇好評幫得就幫，驚無得再食。店名叫百元鹽水雞但最好食係滷肉飯55蚊餐好抵夠餵飽一個人 鹽水雞偏淡口味 同兩間連鎖味道好大分別 個人覺得唔錯，重口味者可skip叫其他上次叫左泰式口味，建議改良下呢款😅滷肉飯無得輸 香港食過top3 入味肥瘦均勻 咸甜剛剛好加埋油香 個汁超送飯 用左珍珠米更有咬口 濕左都唔會過爛，外賣食都唔驚，細份量都好多夠女仔食蛋餅好食足料，木瓜奶同台灣飲無分別。仲有個阿宗麵線（大），自己係台式麵線控，HKxxmall買同品牌急凍包都要$6x-70, 鋪頭仲要煮埋俾你🙈咁有良心得唔得架整體間店都係調味偏健康，好家庭式有feel

之前商場就看到有新的餐廳，3樓電梯大堂旁邊的，便有著主打外賣的呢，終於今天午餐品嚐一下。門面的裝潢簡單，但必定看到直搗主題: 鹽水雞。首次光顧，看著菜單有點不知就裡，店員非常耐心的解釋及介紹，成功下單後，幾位店員即時制作，這要點個讚呢！點了5號自選有雞餐先從20多款選3款配料 (甜不辣，黑木耳及蜂巢豆腐) 再選口味 (古早原味) ，重口味，走葱簡單的材料做出不一樣的味道，自己點的特別覺得好吃，雞肉亦嫩滑，甜不辣Q彈的啊，最愛蜂巢豆腐呢主菜點了2款:古早魯肉飯配蛋魯肉味道帶點咸，但不太濃，配飯一起吃非常適合香葱油伴麵配蛋葱油味道很香，伴麵真的一流，質感亦不錯的小食: 蒜片台灣腸非常喜愛的小食，炒蒜片亦不錯，口味更好，沒旅行就香港吃呢飲品: 古早冬瓜茶+檸檬加了檸檬更好喝啊，甜甜酸酸的，這種天氣喝一杯真的解渴，推介的木瓜鮮奶喜歡木瓜的朋友不要錯過，木瓜份量不少，跟鮮奶攪拌後，顏色及味道也很吸引呢下次再來點別的試試，外賣非常方便

真係好失望 估吾到份量可以少到咁 但價錢就咁貴食完都吾知食左咩 仲要$81蚊想試好耐 但之前去親都係閂左門今次終於食到 但真係好失望 覺得好呃錢吾會再有下一次 寧願岀葵廣食好過

4個人落單後岀咗嗰主食 主菜鹽水雞等咗40分鐘都無 連一杯普通冬瓜茶嘢飲都冇俾 見得一個收銀一個廚房都理解可能會慢啲 但係佢一邊又接外賣單一邊整俾嚟攞外賣嘅人 清況混亂到廚房要問翻嗰客人佢哋叫咗咩 成排人企係店門口等 我哋最早到嘅堂食就一直等唔到 估唔到等到50分鐘再問廚房幾時有 佢答而家即刻整 🤯 等到最後我哋4個人趕唔切食 全部都要打包攞走 翻到去打開外賣 見到啲分量以呢個價錢嚟講亦唔係多 味道普通得鹽同胡椒味 唔會幫襯第二次

呢日外賣揀咗鹽水雞套餐返屋企食，未食已經見到份量好足。配料好多選擇，我揀咗甜不辣同杏鮑菇。鹽水雞有得揀雞胸/雞髀，我食雞髀原味，蒜香同埋胡椒味好突出，簡單調味已經好好食！下次想試埋四川麻辣/泰式酸辣！滷肉飯好高質喎，滷肉入味，肥瘦比例啱啱好！仲有半隻溏心蛋。另外叫咗杯木瓜牛奶，唔記得影相，但味道超濃郁！真心推薦👍🏻佢係商場3樓，唔算好就腳，舖頭環境都幾舒適，行台式小清新路線，不過我趕住返屋企，未試過堂食。我其實好少寫食評，但一間製作認真有心、服務態度良好嘅食店，好應該支持下！❤️

超級超級掛住台灣嘅鹽水雞有日興起就search公司附近嘅鹽水雞店就發現左位於荃灣新商場嘅呢間主打台式小食嘅店店舖嘅裝修都好有心思 仲有啲吧台方便堂食〰️ 自選有雞餐< 雞胸/雞髀+3款配菜 > 我就揀左 雞胸+木耳+甜不辣 + 玉米荀🤘🏿雞嘅份量都幾多 肉質唔算好嫩但都唔會鞋另外除咗自選配菜之外 仲會配埋椰菜🤘🏿口味方面都有得揀古早原味/四川麻辣/泰式酸辣古早原味帶微微胡椒香 反而蒜香好重整體調味比較走清淡風 冇我想像中咁重口味但清清地食落冇咁有負擔都幾好💛〰️ 生酮椰菜飯〰️ 滷肉飯另外除咗鹽水雞 佢哋仲有好幾款主食選擇< 滷肉飯 / 蔥油拌面 / 椰菜飯 >椰菜飯出面真係比較少有 代替澱粉低卡又健康不過略嫌太過清淡 如果調味更加重就好了!另外滷肉飯都幾高質 肥瘦均勻份量剛好加埋隻溏心蛋一齊撈飯食真係一流〰️ 雙拼蛋餅 $29佢哋嘅蛋餅係偏向似古早蛋餅 蛋餅皮唔會煎到好薄好脆 食落煙煙韌韌 喜歡!配料方面就可以揀芝士粟米或者火腿幾鍾意佢哋用嘅芝士 半溶嘅芝士味又香！如果可以加埋醬油膏配呢個古早風蛋餅就好了整體來講幾不錯 有齊我最愛嘅台灣小食店員都好有禮貌 成個

今天下午來到這間特色台式小店享受午餐，Metime！店舖面積不大，只有五個靠牆座位，看來是以外賣生意為主呢。裝潢方面，簡單得來透露着經過精心設計的台灣特色，紅底白字讓人著目的特色菜式牌；台灣品牌的啤酒罐和汽水罐吊飾；還有那棵結了果子的綠色植物，在窗邊陽光的照耀下，為小店增添舒適休閑的感覺。花色磁磚地板、木紋餐枱，和幾個放置在餐枱上作點綴的乾花玻璃瓶，在這裡靜靜的享受午餐，心情都輕鬆起來呢！看了看點菜紙，選了「經典一人便當」套餐($69)，包括雞胸/脾+兩款配菜+一款主食。另外還點了一款小食「雙拼蛋餅」($29)和飲品「珍珠鮮奶茶」($30)。看看這台式感覺滿滿又精美的套餐。率先品嚐的是配菜。配菜方面特意選了比較健康的，雞脾+黑木耳+蜂巢豆腐，連同原有的椰菜和蔥花(可選擇走蔥)，既有豐富蛋白質，亦有補氣血、清腸胃和抗氧化等功效，整個配搭健康、清爽又開胃，營養滿分！鹽水雞雞髀共有三款口味供選擇，包括古早原味(可加辣)，和四川麻辣、泰式酸辣兩款較重口味的。選了古早原味，鹹淡適中，雞髀份量充足，而且肉質不會韌；蜂巢豆腐具空間感，一口吃下汁液從豆腐的空間中滲出；椰菜、黑木耳新鮮又爽口，整道菜只用

今晚又去睇戲🎬，入場前要醫肚先，喺商場搵左間主打台灣便當嘅小店，雖然主打外賣，亦設有少量座位方便堂食👏我鍾意食雞，當然揀有雞餐😄有雞胸肉或雞髀肉揀添。嫩滑嘅雞髀肉，再加3個配菜，甜不辣、秋葵、杏鮑菇，古早味中辣用咗勁多黑胡椒調味😍辣辣哋好香，正😃香葱油拌麵配溏心蛋簡單的葱油拌麵，要做得好味就唔簡單😉炸葱是靈魂，散發的香氣，加埋香甜醬油，拌入煙韌彈牙幼麵條，風味一流👍生酮椰菜飯而家出街食飯都唔怕蔬菜食得唔夠，高纖飽肚嘅椰菜花飯，絕對可以解決呢個難題👏雙拼芝士粟米蛋餅香甜粟米和芝士被烙得帶點焦香的QQ蛋餅皮包住，這個小食唔錯！古早冬瓜茶飲落唔係太甜，好有冬瓜味，解渴一流😀紅火龍四季春茶紅噹噹的火龍果，配搭茶味甘甜四季春，感覺清新。

極少打食評呢間真係好差食過幾間鹽水雞，台灣都食過，通常鹽水雞都好滑見呢間新開試下，諗住撈粉應該都唔差得去邊，點知中伏味道得胡椒粉味，好淡，同用水煮一樣，同前面幾個食評一樣，好多水浸住，可能係所謂鹽水啦整體配料係新鮮嘅，正常菜味，因為真係好淡，我都唔知講咩好，我要打夠200字先俾到劣評雞肉好鞋，雞肉鞋唔鞋真係考功夫，味道咁點做生意，好味的話雞肉鞋真係唔緊要俾呢個負評唔係想打擊店主，係俾機會你諗下點改善，再唔改真係遲早執有心創業不如做好啲。

映日灣旁邊新開左個大商場，三樓有間文青風台式便當店主打鹽水雞。朋友和我一起去試下。🐱自選有雞餐很有趣。可揀雞髀雞胸，再自選三個配菜。配菜種類很多，我選了雞髀配蜂巢豆腐、甜不辣和貢丸。口味有三種：古早原味、泰式酸辣和四川麻辣，而且能揀重口味和正常口味。不太能吃辣的我選了台式古早的正常小辣。清清淡淡更能吃出原材料的味道，雞髀肥瘦適中，甜不辣微甜挺彈牙，貢丸菇味濃，蜂巢豆腐的口感有點Q，挺特別。全部材料都切成一小口撈飯撈麵一流。🐱香蔥油拌麵配魯蛋份量挺多，很夠飽！麵很彈牙，蔥油汁很香很惹味。半熟的魯蛋那橙紅色的流心蛋黃令人垂涎三尺，拌飯拌麵也一絕。🐱古早魯肉飯配魯蛋份量也大，同樣附有好味魯蛋。魯肉挺多，肥瘦適中，肉味香，拌著綿綿的米飯，令人一口一口吃個不停。🐱雙拼蛋餅蛋餅$28挺抵食！粟米、芝士、火腿材料三揀二。我揀了芝士火腿，鹹鹹香香簡單美味。🐱古早冬瓜茶（凍）跟餐加$9，大大杯挺抵！沒有冰，但清甜、清新，生津解渴。🐱黑糖珍珠鮮奶茶（凍）台式飲品首選珍珠奶茶，奶味香珍珠Q彈而且唔太甜。

個商場開咗一段時間都冇行過，今日經過嘅時候見到有一間台灣野，店舖幾有特色就吸引咗我入去台灣一直都好興鹽水雞，但作為吃貨嘅我竟然未食過，有啲肚餓就即興買咗份經典一人便當。便當包左一份鹽水雞，一份主食同兩款配菜。鹽水雞🐔 佢可以揀雞胸或者雞髀，我覺得雞髀應該會滑啲，所以就揀咗雞髀位，兩款配菜我今次好健康，揀咗萵筍同埋杏鮑菇。仲有幾款口味俾你揀，我就揀咗古早味要小辣，配合返台灣嘅味道。冇諗過原來鹽水雞真係幾好食😋古早滷肉飯配滷蛋主食裏面我揀咗滷肉飯，簡既原因係因為琴日已經好想自己整黎食，咁岩比我見到就唔使自己買材料整，呢個份量啱晒我，而且滷肉份量都多，半肥瘦嘅肉真係冇得輸。雙拼蛋餅 $29喺台灣嘅我勁鍾意食蛋餅，好耐冇食蛋餅忍唔住叫一份，揀咗芝士粟米，係台灣嘅味道，真係好掛住台灣。冬瓜茶 +$9以前嘅我唔鍾意飲，唔知點解自從喺香港冇得飛去台灣之後就勁鍾意飲冬瓜茶。

第一次係open rice留言 因為睇唔過眼 唔想有其他人中伏！見屋企隔離新開左呢間鹽水雞 就搵日放工買黎試下。優1. 門面幾靚2. 員工有禮貌 落order後會口述一次對單劣1. 比少餸（唔係量少果個少，而係成款餸無左）…係有對單既情況下仍然可以比少一個餸我。我叫四餸，價錢都收我四餸。番屋企打開發現比得三個餸我。成款甜不辣消失左。睇番其他差評，也有其他人試過比錯野…2. 講真我食野好求其….但呢間野既鹽水雞絕對可以用「難食」黎形容。味道極之清淡，而且好濕好濕，濕到有水浸住，好似清水浸雞塊咁。味道極度清啖，雞塊好硬身，成碗野絕對唔係平時鹽水雞既味道及口感。3. 份量極少…每樣餸得三四件 細細件咁…4. 性價比低…講真 你好食既話，我話之你賣幾貴我都ok..大佬你難食到咁又比少野我又份量少，集各缺點於一身仲收呢個價錢 😒

今次係我第一次留食評，因為今次既經驗唔係咁好，希望可以提供少少意見俾餐廳。一路知道呢個新商場會開間鹽水雞，我作為鹽水雞既忠粉，每次去台灣都一定會食，今日終於有機會試下呢間百元。本身見都有唔少好評，都有啲期待。首先講下環境幾乾淨，好光猛。員工亦都好有禮貌。但論食物，其實真係唔合格。我點左外賣一份經典一人便當同一份自選有雞餐。一人便當我揀左雞脾配蜂巢豆腐同甜不辣加魯肉飯。返到屋企，一睇個份量非常少，本身個碗已經細，仲要只係裝得半滿。另外，完全俾錯哂野：雞脾變雞胸，仲要非常乾柴。甜不辣又變貢丸。。。主菜既魯肉飯份量就正常，但真係調味好淡同滷肉偏瘦。而另一份自選有雞餐揀左雞脾 水蓮 杏鮑菇同豆腐。呢一份就係岩。但份量都真係好少。。。杏鮑菇係唔夠一條，得三四片。而水蓮我自己有買過黎煮，都幾肯定個到無三條佢入面跟既椰菜可能仲多。。咁樣加埋都要$119，性價比真係非常低。我作為女仔食一份自選雞加三餸都完全唔夠飽我覺得食物質素一般，加上呢個價錢呢個份量真係唔得。同埋我買既時候其實得我一個同後面一個客人，明明見到店員俾order我個時有再三對單，但都會俾錯野食，真係比較失望。希望店員可以多加注意。

早排去荃灣個frd屋企，佢話附近新開左間鹽水雞好似幾靚咁，就買外賣去佢屋企試下👀點知咁失望😕我地2個人唔太肚餓，淨係叫左2樣野試下:經典一人便當($69) - 可以揀雞髀或胸+2款配菜+1款主食。我地揀左雞髀，甜不辣+蜂巢豆腐，主食要香葱油拌麵配蛋。滿心期待，但一開個盒已經心諗咁少雞嘅😅結果成碗加埋先得6片好細嘅雞😅 甜不辣都係得幾件，最多係豆腐同免費嘅菜😅份量少都算，d雞仲要無味，feel到係白烚雞求其撈d粉咁，完全無鹽水feel😕 就連蜂巢豆腐都好似無乜味咁。至於個葱油麵，味道ok嘅普通撈麵囉，個d麵勁淋好似唔洗咬咁，無下次🙅🏻‍♀️雙拼蛋餅 ($29) - 我地揀左芝士火腿，呢個蛋餅就唔錯啦，芝士都幾多幾足料，不過就要等成20分鐘先有咁囉🥱本身諗住支持下新開嘅小店，不過真係唔太掂😓 唔知點解好似好多人都有好評咁，可能我太重口味掛🤷🏻‍♀️ 總之我就不了，無下次😕