百份百餐廳 (逸峰廣場)

營業中

休息中

下午叫左個咖哩吉列豬扒飯 我指住並講出個no 個經理就覆述一次 不過佢係用3秒3語速同佢自己聽到既語調 我根本聽唔到佢講乜 亦無再問清楚佢 呢個我都有問題。根住黎錯左個印尼炒飯 我話我無叫 個經理仲要同我死撐係我落錯 好明顯佢無留心我講既野同埋佢都無望清楚我指住個no. 其實個炒飯我食都無問題 不過佢一黎就話我落錯單佢無問題戈下先好有問題囉 黎過呢間食野數十次 今次係第一次發生咁既事囉 希望呢度d員工會有d改進 由其是佢係經理級

決定寫呢篇文，唔係因為尋日既差員工，而係因為今日既好員工。因為臨時搬屋，每日都會去呢間買一個包加一杯茶走少甜返工，試過有一次午市買包買到「墨西哥奶黃包」我就愛上咗了！可惜既係朝早8點幾既時段係未出呢個包～都唔緊要，牛奶球都好味，配埋個茶走20蚊內就搞掂我個早餐嘞！尋日朝早如常過去，揀咗個腸仔沙津包，都唔差～加杯茶走，對方並唔係平常果個，佢聽到我哎「茶走少甜」就話，啲「田」自己落架吓！乜唔同咗咩，我再三同佢確定，又問佢係咪會配個煉奶比我⋯佢始終都係態度唔太友善咁指住包糖話啲田自己落！我皺哂眉頭咁問「你知唔知咩叫茶走？」佢亂噏咗2句終於肯幫我落茶走少甜⋯⋯杯奶茶出到黎平時我會自己拎袋，但尋日真係炆炆地，等佢包，佢居然包埋包糖比我！！平時唔覺意比多咗無所謂，佢分明就係度想講自己係啱既！我真係火都黎！係佢面前將包糖拎出黎比返佢！再同佢講「茶走唔使比糖架」！「唔識就唔好扮識」真係過分一句唔好意思都無！今日又過去見到係平時果個！我即刻問佢尋日係咪放假，話尋日果位員工唔識咩叫茶走！佢勁好態度咁兜話可能聽唔清楚⋯跟住又幫果位員工同我講唔好意思⋯其實我只係想分享你唔係度我係唔會黎買包⋯並唔係要你代佢so

唔知呢間係咪一樣集團式經營，佢既裝修好精緻，座位寬敞，有一種高檔既感覺。不過好可惜係雖然呢個商場係好似好高級但商場人流很少佢仲要收咁貴，可唸都冇咩人幫襯。唸住入去食個下午茶餐，點知望一望個餐牌要成三十幾蚊一個茶餐，最平就係喺門口買個麵包加$10有杯熱奶茶，凍就加$13😓我叫咗幾樣野食阿姐都話冇，嬲嬲地咪叫個印尼海鮮炒飯，唸住辣辣地啦，點知咩味道都冇又唔辣又唔喊，見到塊蝦片以為好吸引啦，點知都係淋既，真係好失望。百份百既分店我食過好幾間，呢間係第一次食，不過就唔好食囉

好耐冇係附近食野，價錢唔貴，係呢度食個下午茶都幾好，首先就叫咗個通粉，冇咩特別。雖然個碗好大但係入面分量就好細。煎漢堡扒煎蛋蕃茄濃湯通粉＄29煎蛋普普通通，大細適中。漢堡扒有少少鹹香，通粉雖然質素可以但係分量太少，唔係好夠食。好彩番茄通粉入面真係有D蕃茄，起碼有D野食吓唔係得個味道咁少。如果真係要飽既話可能要叫多個菠蘿油！野飲就係熱飲唔需要加錢，所以都係揀返熱飲，幾大杯熱可力!以前呢D價格食到好飽，但可惜而家真係做下午茶先夠

今次嚟到粉嶺華心邨商場2樓嘅百分百餐廳食下午茶，見到入面啲位置都幾寬敞，而且空間好大，坐得舒舒服服，所以入咗去食下午茶。我叫左一個魚片頭湯意粉，加一杯凍奶茶，茶餐價錢同食物質素成正比，味道都OK架，不過呢度係出名招牌咖喱牛腩飯，所以下次會係lunch或者夜晚來幫襯，一大班人嚟食可以食多啲嘢，見到佢都有好多中式晚飯，款式同出面啲餐廳都差唔多，不過呢度望落去就都幾乾淨，而且都幾靜，自己一個人來食都幾好啊。

20170317--是日下午約五時，到逸峯廣場的百份百餐廳，食客不少，但坐位頗多，不用等位，一人坐了四人的卡位。曾經到過其他百份百餐廳，發覺裝修有差異，這分店裝修特色，樓底特高，舒適度比其它分店高。下午茶餐時間2:00-6:00PM，價錢由$28-$41不等。點了墨西哥瘋狂辣肉醬茄汁意粉配即磨咖啡($36):即磨咖啡先上桌，杯子雖然是塑膠料製造的，但有點閃爍感，好感度增加，味道不錯，即磨咖啡也不用食客加錢。墨西哥瘋狂辣肉醬茄汁意粉--名字很長很特別，說穿了也是肉醬意粉罷了，意粉是用焗的做法，熱度十足，有幾件茄子，肉醬的確較一般的肉醬意粉多了半分辣味，醬汁不多，幸好意粉沒有乾和硬，味道不過不失。在桌子旁邊的自助餐具抽屜，看上去也清潔整齊。跟侍應要了茄汁和芝士粉，送上兩包獨立包裝的茄汁，芝士粉欠奉，我也沒再追問。埋單: $36沒有加一服務費。環境既特色又舒適，食物味道不過不失，價錢合理。在餐廳內待了約一小時，也沒有被侍應催促離去，感覺不錯。一試無妨。

粉嶺MCL 睇戲前食啲嘢，剛好過了兩點，下午茶時間開始。選擇都幾多，有粉麪、飯丶三文治丶多士餐。餐廳環境唔錯，懷舊設計風，坐位闊落，枱與枱有空間，坐得幾舒適，傾計都幾好腸仔溫泉煎蛋米粉加蕃茄湯底，外表有點hea，求其加少許蕃茄上去就係蕃茄湯，湯底無味勝在有兩條腸仔食吓。豬排芝士飯一樣完全無冇味道，啲飯一舊舊的外表更是如此杯熱咖啡係用膠杯裝的，味道尚可，因佢地標註用金牌牛奶冲嘅最可愛就是佢地嘅牙籤筒，Campbell's soup

見百份百餐廳下午茶價錢都ok,不防一試。1. 麻酸辣豬扒米線- 麻辣味夠出！ ！ 有層次甘帶到先酸後麻辣的味道，正- 但份量較少2. 炸雞脾配薯條- 本身對雞脾無乜期望，點知又幾好喎。多汁又夠熱，岩岩炸好食真係好食啲。- 但薯條就少少失望，因為唔係炸好，兼係凍的，可能等炸脾炸完先上碟，所以凍左。- 但有驚喜位就係薯條上洒左"淮"鹽，我好似無試過有餐廳會甘做。唔知係咪懷舊餐廳先會甘做，所以雖然係凍，但加左"淮"鹽絕對係好食點另外，熱咖啡係好飲的。可能奶味重，本身食唔飽，但飲完杯咖啡好飽。

今日屋企無飯食，走左落去百份百食晚市。星期六夜晚7點幾都唔算多人，一去到就有位。見到62蚊有海陸空鐵板餐仲要跟湯跟野飲，好似幾抵食，就叫黎試下。落單後，餐湯同飲品好快上左，但無餐包，鐵板等左十分鐘就上左，不過個鐵板唔夠熱，淋汁上去無炸炸聲，有豬雞牛炸魚柳配意粉薯菜，份量都好多，味道不過不失，2個人share都食得飽，真係抵食呀。