百份百餐廳 (逸峰廣場)

營業中

休息中

等左半個鐘都未有得食，後來落單既人食完我都未有，離哂譜。問題係本身唔係peak hour，出邊無排隊，店入邊都唔係坐滿，完全唔明白點解會咁。野食無特別，你有兩個鐘食飯唔介意可以試下。

疫情數目日日穩步上升，本來想去街市買餸煮番兩味，諗諗下不如買外賣餸菜番屋企食，咁就唔駛行入人多嘅街巿啦。行過見到百份百張海報寫88蚊有兩個小菜，於是就買嚟試下。今次買咗個椒鹽焗肉排，俾我想像中好，首先佢係用紙盒裝的，呢個係要加分，另外佢有很多紅洋蔥同青椒絲，食落冇咁油膩，啲味道亦都不太咸，係悉中，食完唔會覺得口渴。另一樣餸係涼瓜牛肉，份量係小咗啲，但係啲涼瓜又炒得幾好味喎，味道夠哂'甘`，牛肉亦好滑，同樣地味道啱我，不太咸。總括呢講係OK 嘅，可以再幫襯。 完

平時去食午餐，下午茶都好正常，今天見佢出左新『冬瓜粒鴨脾湯飯』，諗住清清地可以試下，點知一上到枱已經心知不妙，個湯同鴨脾係橙色，好似蘿宋湯嘅顏色，飲落去咸到飲唔到，鴨脾係蜜汁鴨脾煮湯，加少少冬瓜粒同兩粒冬菇，完全唔係你可以係出面食到嘅鴨脾湯飯甘清(個湯同相片中完全係兩個唔同嘅顏色，一款係清湯，一款係燈色)叫佢地經理，就揾個普通職員嚟，我講明唔係要cancel 張單，佢就賴可能今日個厨房⋯⋯點整？唔該下次唔好揾醃製嘅蜜汁鴨脾加冬瓜粒溝水煮返熱去應酬食客

每次黎食呢間餐廳我食到既野都唔會令到我失望，今次都唔例外今日星期日梗係食個靚早餐啦，我一坐低二話不說就叫左個牛朳炒蛋。個餐仲有茄汁豆，午餐肉同牛油多士附送，同埋有都杯基本野飲，$40算係幾抵。 炒蛋火喉剛好，茄汁豆凍凍地，牛朳幾淋，啱我呢d無牙人士。多士烘得ok，食哂成個餐先食佢都仲係脆

星期六食個late lunch，見到餐牌show嗰個脆脆麵，好似一座山咁高， 好有gimmick ，忍唔住嗌咗一個嚟睇下，會唔會「圖片只供參考」呢？ 結果嚟到真係有咁高！ 而且汁都好夠味，可惜嫌汁嘅量太小，唔夠撈😅

我食野真係好隨心💖😛個刻心情想食咩就會二話不說衝去食🤣完全無任何pattern可言🤣🤣真係辛苦寶寶要適應對食飄忽不定嘅我🤣🤣🤣習慣了早起身嘅我地聯和墟咁早又無咩餐廳開就黎呢間百分百食個豐富早餐再返工😙✨✨✨✨✨✨✨✨✨✨👇🏻火腿炒蛋菠蘿包 $19.9一朝早，7點鐘，已經有新鮮菠蘿包出爐😂餐廳非常之有誠意💖💖💖菠蘿包+火腿蛋組合😙😙無得輸👇🏻漢堡排、炒蛋、火腿配茄汁焗豆 $34加配輕量通粉 $6埋單兩個人都只係六十幾蚊，抵👍🏻

叫餐等左10分鐘都冇人㴝 人㴝到啲服務態度勁差 衛生差 地下勁污漕 勁多食物殘渣冇人清理 櫈仲有幾粒飯係到 明顯冇清潔就入客 店內大量服務員掛有P牌字 依啲服務員啲落單 答問題都唔識

放完長假，黎到快餐連鎖店百份百食lunch。幸好不用排隊，直接取位。之前食過🐷排飯一般，今次食銀芽肉絲面，面和肉絲分開上，以保持面脆。面份量多，堆如山高，面脆肉滑，食得挺飽$50包熱飲，價錢還可以。

其實一向住喺粉嶺中心附近食物選擇不多但係一直都覺得百分百是一間很有實力的茶餐廳，我覺得可以媲美大家樂，大家都是平靚正，而且百分百坐得好舒服有大量卡位。平時食開佢嘅嘢都覺得以茶餐廳你說食物很衛生味道很高質星期六，我同老公都通常好忙要到下午茶時段，才可以食午餐，下午茶給價錢便宜而且款式很多。而佢最愛嘅就係公司三文治，材料超級多有生菜蕃茄午餐肉...而我嘅最愛就係豬扒炒公仔麵，雜菜多😳而且豬扒都好細心咁切件，啱晒一口食的女仔！ 而且三十幾元一個餐，價廉物美！

作為街坊，就算唔係好好食，我都係會返黎食早餐。因為，呢度有bb櫈。通常都係叫呢個餐，有時2雞扒 有時 牛扒，其實乜扒都好，都係過salty 🙄以前超鍾意半焗流心蛋，而家轉咗大廚？ 今日隻蛋未夠熟。奶茶係最好味嘅，哈哈

餐牌上，寫明雞髀餐是「即叫即炸」，叫咗兩個雞髀餐，落單5分鐘唔夠，就上咗一碟啦！嚟到雞髀同薯條都係凍嘅⋯再追下另一碟，職員話炸緊，點解唔係一齊炸？令人極之失望！下次唔會考慮再嚟！

常常光顧的這家食市，裝修完外表靚哂，更加了訂枱機，但配套反而令人失望。非常失望，大部分的早餐套餐都是通粉餐，但竟然通粉賣哂，仲不可以轉其他粉麵。這跟茶餐廳無奶茶賣無大分別。茶餐廳給人的印象便是以客為先，選擇多和彈性大，一般的大家樂或大快樂都可以隨意轉粉麵，想不到這家又叫集團卻限制多多。理由更難接受的是每日新鮮送貨，莫非通粉是人手新鮮製造？這家集團餐廳，雖然事事行系統，但竟然無彈性，其他間間都以顧客行先，想不到這裡是系統話事。

百分百近年不斷擴張，店舖的地點多數鄰近民居，因此價錢比較平民，味道卻較一般茶記、快餐店高！粉嶺店以60年代作主題，懷舊得來又不失時尚感，今天過來吃早餐，想嘆個靚早餐，再去隔離MCL 睇戲。這類早餐其實很comment，幾乎每間餐廳都係提過呢d，但要整得有水準都不容易，由其雞扒要煎到又香又嫩很困難，很多茶記會煎到又乾又難。滑蛋亦然，M 記炒蛋滑是很滑，但牛奶成份太多難免失真；茶記又普遍太多油。這裡的滑蛋卻軟滑適中，蛋香十足，放上多士食，真係會人晨早差充電！

在粉嶺 逸峯廣場看完戲， 肚仔餓餓， 睇見對面嘅餐廳幾特別， 門口一邊買麵包另外一邊是茶餐廳， 裏面 的裝修像60年代， 懷舊味濃厚立即走個對面醫肚， 因為地點隔涉 人流比較少， 樓底比較高坐得舒服， 打開餐牌， 本來點了沙爹牛肉麵， 侍應姐姐說 是日沽清了， 只能夠點五香肉丁 蛋麵， 和凍鴛鴦上檯了賣相極美， 還有很多蔥花鋪在面， 麵煮得剛好， 值得一讚不過凍鴛鴦略嫌唔夠濃未， 咖啡味不重

午市時段永遠超多人等位嘅餐廳，即使一個人都幾難搵到位嫁!咁多人食梗係因為高質素啦!而價錢方面的確係比茶記貴，不過值得嘅。平日成日食番茄焗豬扒飯，貪佢多料，比其他餐廳多好多番茄，菠蘿等嘅食材。豬扒肉質軟嫩鬆化，唔會太乾太硬仲會有肉汁。同埋每次叫都熱騰騰上枱，新鮮出爐好高水準嫁!