白石燒烤

營業中

休息中

適逢星期日係<Family Day>趁住天氣涼涼地，帶埋小朋友一齊嚟BBQ去過咁多個燒烤場，白石場地夠寬敞好舒適，最鍾意呢度搭車揸車都好方便最正係可以坐喺海邊BBQ一班朋友嚟聚會，帶埋狗狗一齊嚟放電 開Party就最啱喇我地揀咗個5人海鮮餐有13款食物 + 飲品另外加咗古法吊燒雞 跟住指引嚟燒．勁惹味每款食物獨立包裝，乾淨衛生肉類醃得惹味海蝦大大隻，蝦頭仲要爆膏已經約定班朋友，復活節要早啲帶小朋友嚟跳彈床到時必定彈到唔願返屋企

🔥馬鞍山 吹著海風Chill嘆海邊靚景BBQ場5人海鮮餐🔥記得好耐之前都成日跟朋友過來呢到聚會bbq ,好記得有原隻乳豬，乳鴿，吊燒雞可以燒，非常打卡，呢到係採取套餐或逐包肉買，鐘意食幾多買幾多，兩手fing fing 就可以揸架車入來燒，大部分區域仲有海景，足住海風咁食非常chill🔥5人海鮮套餐（ $1038 一至五，$1188 六日公眾假期）包括：燒烤網，鉗1隻，5人餐具，燒烤叉，蜜糖x1,炭x2 包5罐汽水， 5 支水🔥鍾意呢度的食材係全部都係一包包咁樣包裝，好乾淨衞生，豬扒一包有約2-3塊，醃得入味又夠腍，蜜汁叉燒雖唔係橙色，但係非常有咬口，以為食緊豬頸肉咁，而且都好有肉汁，雞翼都係好入味濃味，燒到燶邊位就最正，而且份量足夠5人食🔥彈牙海中蝦1 包🔥蒜茸半殼帶子(五隻)1 包🔥紐西蘭半殼青口1 包🔥蜜汁叉燒 2包🔥雞扒3 包🔥豬扒3 包🔥雞中翼2 包🔥海鮮三寶丸 2 包🔥爆汁芝味芝士腸1 包🔥雞肉腸1包🔥台式脆皮腸1 包🔥迷你日本甜薯 1份🔥香甜粟米2 份🔥古法吊燒雞一隻 $148燒烤包上面會有一本功課習作簿入邊有介紹點樣燒隻雞，跟住方法去燒，一約一個零鐘左右就食的，用炭火燒

上星期趁天氣仲涼涼地🍂同朋友去左馬鞍山白石一齊BBQ🔥疫情之前去過呢個燒烤場一次，印象好好，夠舒服同好chill🌿相隔3年後再黎都冇咩變過💕場地空曠舒服，可以吹住海風望住海景咁燒野食🍢食物質素都好OK！我地5個人揀左「5人海鮮套餐」同一隻古法吊燒雞🦐好欣賞呢度每款食物都係獨立包裝，感覺好衛生👍🏻另外仲包埋燒烤網、鉗、餐具包、燒烤叉、蜜糖、炭等等，基本上燒烤所有用具、基本物品都包齊，好方便！場地既人都會幫手開埋爐，服務周到，唔洗擔心唔識搞🤣5人海鮮套餐好豐富，份量都好足夠，我地食到好飽肚🤭😂海鮮方面有海中蝦、蒜蓉帶子、青口！海中蝦新鮮彈牙，帶子大大隻，配埋醬汁同粉絲，好入味！青口肉質夠爽🤩肉類方面有蜜汁叉燒、雞扒、豬扒、雞中翼，佢地醃製既口味都唔同，有咖喱、香茅等等。最鍾意食香茅雞扒，肉質超嫩，啖啖肉！咖喱豬扒好香口，食落唔會鹹唔會韌🤓蜜汁叉燒都有驚喜，甜甜地夠爽嫩😋當然仲有燒烤必備既丸類同腸仔🥰分別有海鮮三寶丸、爆汁芝味芝士腸、台式脆皮腸、雞肉腸、粟米、迷你日本甜薯～種類好多，夠晒豐富！至於古法吊燒雞，場地人員會幫手準備個架吊起隻雞，賣相幾有gimmick🤣佢仲有本小冊子教你點樣去燒！

白石燒烤呢排天氣唔太熱又唔太凍，涼涼地幾啱燒嘢食，咁就約咗幾個朋友去白石燒烤到燒個嘢食。🥰🥰白石個燒烤場比較偏遠少少，如果唔揸車，可以係烏溪沙站附近搭shuttle bus，都好方便架。落車就先去售票處比錢入場，然後就有人帶你入去架啦。燒烤場任何一個位置都會睇到無適大海景，對住個海燒嘢食，真係幾爽架。呢到都好啱一家大細黎玩架，現場有好多攤位遊戲，夾公仔機，而小食部仲有泡泡槍，紙飛機等等，燒嘢食燒到悶悶地既可以出去玩下架。😍😍坐咗冇幾耐就有店員拎野食黎同埋開爐。不得不讚佢地真係好細心同好整潔，每樣食物都係獨立包裝，大部分既肉類甚至係封埋口架，非常衞生。而且佢地仲有包埋一盒紙巾，手套，毛巾，餐具，同埋一本燒嘢食指南，教埋你點燒先最好食，抵讚👍👍。咁我地就叫咗個五人海鮮餐，另外加多一隻古法吊燒雞。五人餐既份量非常大份，有囙同同種類既丸，香腸，粟木，甜薯。而肉類主要有叉燒，雞翼，雞扒，豬扒，每款都有不同調味架。而海鮮方面就有青口，扇貝同埋大蝦等等。☺️☺️先講另加既吊燒雞，隻雞真係好大隻，我地燒到個皮變金黃色就剪開佢黎食。呢隻雞唔似雪雞，肉質結實，唔會淋到豆腐咁，而且都食到有雞味。如果想個皮再脆啲

終於可以一大班人燒嘢食喇🥰。搵咗呢間好多朋友都推介嘅自助燒烤場，可以提供豐盛的海陸雙重美食。5人海鮮套餐好欣賞佢哋每款食品都以獨立包裝，亦包燒烤網、鉗、餐具包等，衛生方便。當中的海中蝦和紐西蘭半殼青口，鮮味十足，口感Q彈。 蒜蓉半殼帶子仲相當特別至於肉類當然有bbq 必須的芝士腸、雞肉腸、丸類、豬扒、雞扒、雞翼等，豬扒雞扒雞翼都有唔同口味，如咖喱、香茅等，大家可以試多幾款。我非常推薦蜜汁叉燒，口感甜而不膩，肉質也十分鮮嫩多汁，而咖喱豬扒和香茅豬扒也是絕對不能錯過此外，還有其他特色美食，如台式脆皮腸，還有迷你日本甜薯等。另外仲可以單點古法吊燒雞，工作人員會準備一個架，讓雞可唔慢慢燒至金黃色，外皮香脆，肉嫩多汁😋場地空間大，有多個區域，大人燒烤歡聚，小朋友又可以去彈床遊樂場，或玩攤位遊戲，適合所有人士

呢度非常熱門嘅假日BBQ景點，地方勁大，旁邊有哥爾夫球練習場，又有停車場，好方便，而且一邊燒烤一邊飽覽吐露港海景。場地有超過過萬平方呎嘅大型露天場地，有蓋BBQ燒烤場，仲有獨立屋場地，提供私隱度高嘅享受。此外，場內亦有多種娛樂活動例如大型戶外兒童彈床、風箏區、麻將租賃、扭蛋機和小攤位遊戲等等，見到好多小朋友都玩得好開心😀。聽店員講夏天仲會有玩水的設施💦真係好吸引😍至於食物方面，以套餐及單點為主，套餐有蒸蓉粉絲扇貝、海中蝦🦐，及各款肉類選擇。另外仲可以購買燒乳豬、龍蝦尾、和牛、羊架、乳鴿等，種類繁多多野食又多野玩，仲有無適靚景，一家大小都能夠享受這個非常適合親朋好友郊遊和BBQ的好去處。

烏溪沙除左 心形石灘 ， 一路直行，經過沙灘、哥爾夫球場，來到白石燒烤，近海星灣、吐露港、八仙嶺及船灣淡水湖大壩景色，環境清幽。小朋友最鐘意攤位遊戲，還有超巨型戶外兒童彈床、夾公仔機等，玩足半日。海鮮套餐有5人或10人，還有乳豬、烤雞，零食、雪條等食物。家人喜歡蒜茸半殼帶子有粉絲和辣醬，夠惹味；我喜歡烤全雞，慢慢燒到熟，雞肉好嫩滑 ；紐西蘭半殼青口肉質爽；彈牙海中蝦爽口新鮮；扒類有豬扒、雞扒，還有蜜汁叉燒，啖啖肉；雞中翼蒜茸味濃；還有芝士腸、雞肉腸、脆皮腸，海鮮三寶丸 燒烤必備，因為快熟；迷你日本甜薯好香甜，粟米 新鮮，飲品有水和汽水，環境寬敞，假日多人，好熱鬧！

烏溪沙慢步來到海邊的白石燒烤，地方寬敞，吹著海風燒烤，別有一番風味！場內有不少夾公仔機，還可參加彈床嘉年華，VIP房等設施。今次訂了5人海鮮套餐+烤全雞烤全雞會放在架上，肉質嫩彈牙海中蝦 大隻又爽口蒜茸半殻帶子 已加入醬汁和粉絲，辣辣地惹味紐西蘭半殼青口 加蒜茸牛油，特別香蜜汁叉燒 燒到有焦邊，啖啖滋味雞扒 有咖哩和蒜茸味，咖哩味特別惹味豬扒 黑椒和蒜茸味，兩款都多汁雞中翼 蒜茸味加上珍寶size，加埋蜜糖最正海鮮三寶丸 有龍蝦丸、墨丸、魚蛋爆汁芝味芝士陽 燒到外皮脆卜卜雞肉腸 & 台式脆皮腸 燒烤必備啦迷你日本甜薯和粟米 香甜水 5支和汽水5罐包燒烤網、鉗1套、5人餐具、蜜糖和炭2包 還有其他優惠套餐，可以遠離煩囂，好舒服～

近排嘅天氣相當之好，最適合黎一個Bbq大餐。對比起任飲任食，呢一間餐廳嘅食物質素更加高質，而且餐廳亦都提供左唔同套餐，啱晒一大班人嘅聚會之選。🍤彈牙海中蝦🍥蒜蓉半殼帶子🦪紐西蘭半殼青口🍯蜜汁叉燒🐣雞扒🐷豬扒🐥雞翼🍢海鮮三寶丸🍡爆汁滋味芝士腸🍖台式脆皮腸🌭雞肉腸🍠迷你日本甜番薯🌽香甜粟米總共13樣食品，又有海鮮，又有燒烤必備嘅食品，我最鍾意就係蜜汁叉燒，調味幾香甜，而且啲扒類都已經完全解凍，仲醃好晒味，燒一陣就搞掂！最吸引嘅係佢仲有番薯同粟米，粟米更加配有蒜蓉牛油🧈醬。海鮮嘅份量睇落雖然唔係好多，不過勝在味道都幾鮮甜，特別係🦐，食落真係彈牙。唯一要注意嘅係，套餐並冇包含任何飲品。呢間燒烤場嘅空間感都幾大，而且佢係烏溪沙站都只係20分鐘以內嘅步程，食完仲可以行吓添。或者直接喺烏溪沙站仲有免費穿梭巴士乘搭。

呢排天氣涼涼哋，最適合就嚟一場BBQ！朋友介紹之下知道近烏溪沙附近有個無敵大海景嘅燒烤場，而且喺烏溪沙站仲有每半個鐘一班嘅穿梭巴士(美聯物業對出，冇任何巴士牌，只要企喺度就可以)一入到去，場地好大，職員亦都帶我哋入咗，入咗之前已經預先俾咗錢，今日叫咗以下嘅套餐👍🏻五人海鮮套餐建議先食海鮮，再食肉類。海鮮方面有：新鮮大蝦、帶子、青口；帶子預先配備左蒜蓉同粉絲，用上燒烤嘅方法，肉質亦都特別爽甜；半殼青口同樣易熟，青口肉都幾飽滿。肉類方面，當然建議大家先食丸類：海鮮三寶丸分別係龍蝦丸、墨魚丸、魚蛋，三者非常之有驚喜，丸類彈牙；脆皮腸食落香口；芝士腸同廚師腸，絕對係Bbq必備，塗上蜜糖先係王道！另外，無論豬扒、雞扒、雞中翼嘅醃製口味都唔同，香茅雞扒味道好香，蒜蓉咖喱豬扒唔會太鹹，醃製得相當之好，蜜汁叉燒肉質好爽嫩，帶少少甜，食落肉質唔乾唔柴！如果唔想吉落燒烤叉，呢個套餐亦都已經配備咗燒烤網同鉗仔，方便萬分(⁎⁍̴̛ᴗ⁍̴̛⁎)除此之外，仲有粟米同日本甜薯，入夜翻風嘅時候食返件，的確暖手又暖胃。呢個套餐亦都包左兩包炭、蜜糖、餐具，就連租爐費用都豁免咗，多人燒烤嘅話，必定要揀套餐先係抵玩又抵食！👍🏻古法吊

一家大細 假日燒烤首選🥳🥳白石燒嘢食位於馬鞍山烏溪沙落飽覽吐露港、八仙嶺及船灣淡水湖大壩的壯麗景色碧海藍天，親親大自然之餘，令人身心放鬆💆🏻‍♀️BBQ場地設有可容納過千人佔地過萬呎的大型露天場地、有蓋BBQ燒烤場與更有優美海邊獨立屋，私隱度Double up嘢食種類多，有各類海鮮：蝦、扇貝、龍蝦尾…肉類，原來都種類繁多，仲可以加錢燒乳豬場內還提供了各類娛樂活動：✅超巨型戶外兒童彈床✅風箏區✅麻將租賃✅扭蛋機✅小攤位遊戲❇️總結❇️價錢唔係好平，儲夠五個人係套餐會抵啲，免收開爐費！環保啲可以自己帶食物盒同埋餐具，因為一套都收一蚊，樣樣嘢都計錢，最好紙巾、濕紙巾、手套都自己帶埋🤣🤣場內設施，算係乾淨同ok新有停車場，絕對方便一家大細👍🏻玩成日仲可以睇埋日落絕對係美景的郊遊及BBQ燒烤好去處❤️

2月5日第一次去非常失望,$6888套餐,  乳豬肥到只有皮+四隻腳可以食, 20人份量, 19人(有幾個小朋友)食唔飽,份量非常小, 方包+牛排都無, 貴得黎唔好食, 豬排雞排咸到死 ,一定唔會再去,

5人餐✨️ 假日💰890 平日💰750 ❤️‍🔥4.5/10分丸同腸太多，要打包拎走🍚肉類嚟講得蜜汁叉燒，黑椒、泰式、蒜香嘅雞扒同豬扒，拎幾鹹下😮‍💨乳豬🐖 💰748 ❤️‍🔥6/10分自己燒當然好食啲，但7成都係肥膏，會寧願出去食💬⚜️5人食 免加一 共$1638⚜️整體性價比 5/10分個場算寬敞，扭蛋機啲扭蛋幾平，不過就我扭兩部咁啱嗰兩部壞機咁🤣依個價錢我expect個餐啲嘢食嘅款式可以再多少少咁🤏🏻質素同任食bbq差不多💀真係只係為乳豬而嚟🥲總結，試一次過下癮就算🤡

上次小編去左大欖試左租大欖燒烤佢地燒烤小屋一大班人BBQ全日體驗唔錯。今次就試吓香港既另一端-烏溪沙白石試下果邊既場。見網上面有唔少info, 燒烤場亦設計埋app有會員制好似幾有規模咁，活躍於港島既小編今次千里迢迢為左要體驗一下佢而黎到大西北，當然希望佢表現會令人振奮先啦！黎之前有上openrice爬定文，見到有5人同10人套餐或一大堆食物可以散叫。 不過黎到見到新果張menu, 原來d 套餐都加幅幾大，同對上幾個post 比都加左起碼超過30%😕呢個場最加分既地方係食物獨立包裝同埋裝d餐具包裝得好整潔企理！👍🏻❤️食物整體調味足夠，有人覺得太鹹，小編覺得可以點汽水或日本甜番薯可中和膩感，食物方面小編其實幾滿意。上次大欖燒烤場接待處同開爐既員工都非常有禮令人印象深刻！白石呢間開爐既南亞員工都有禮，但可惜接待處女職員既面口同態度喺呢方面就有待改善，成為整個體驗敗筆之處扼殺左其他人努力左既功勞😕如2揀1我未必會揀返呢間⋯

見你客多，生意好，我都覺得高興；不過大哥個場食唔落咁多圍，不如真係唔好夾硬嚟，去燒嘢食燒到衰過去咗大排檔咁，平均每人只得番1米乘1米嘅活動空間，淨係咁我已經怕咗你，冇下次！嘢食仲勁，可以連條腸仔都咸過人，肉就仲過癮，扒類一包包，打開攞出嚟係肉條嚟（豬扒雞扒都係！）又算，燒烤包係咁㗎嘛！海鮮冇一樣嘢唔係霉嘅！又算！BBQ場係咁！地點吊腳，不過唔好攪錯，人哋賣靚景，係！景的確係好靚好靚，有靚景又設備齊全係咪難得先？不過我竟然可以被安排喺個位係一天黑就連自己燒緊乜都睇唔見嘅位！總結：我錯！我唔應該大時大節喺大哥你最多客嘅日子嚟幫襯，真係唔敢再嚟。