白石燒烤

營業中

休息中

秋天黎到，最爽係同三五知己一齊BBQ。白石燒烤雖然唔係任食BBQ，但提供嘅食物多元化，有羊架、生蠔等。我地叫咗10人海鮮餐加一隻乳豬。套餐己包括人頭支裝汽水和蒸餾水、燒烤網、餐具、燒烤义。吾夠的話可在旁邊的士多購買各式各樣的食物和飲品，比較起出面任食嘅燒烤場更環保減廢。食物貴精不貴多，肉類海鮮已用分開用膠袋封囗包裝，俾小朋友食更放心。所有肉類都奄制得好味，其中雞翼和豬扒至正。吾似出面落好多鬆肉粉而影響肉本身的味道。海鮮雖然雪藏、但比想像優質。蝦肉爽口。燒豬係至正，在場職員會提供協助，幫助切埋加乳豬醬，熱辣辣脆卜卜，豬頭仲可以打包番屋企煲粥。我見好多小朋友玩四驅車，俾小朋友大顯身手。呢度簡直係小朋友放電的好地方，大小朋友都岩玩！

今日一行十二人去懷舊BBQ一下果度地方闊大,泊車方便,而且每爐與每爐之間都有足夠空間,又有長台放食物,另外有標機籃球機仲有得夾公仔,而小朋友仲有得租車仔渣,眼看他們歡喜萬分,環境絕對不俗食物方面,他們有幾個set 以供選擇,唔夠仲有得額外加,不過我地絕對夠食有剩有少量丸,不同類型既腸,有雞扒雞翼,栗米,扇貝,海蝦還有最重頭戲是我們額外買了乳豬,眼見好多爐都有買,絕對是特色之一,值得一試隻乳豬可以自己慢慢掛起燒,又可以玩一輪後交俾他們幫手燒,脆卜卜好好味！

My colleague introduce a very good place to me for family Gathering.They provide a free shuttle bus at Wu Kai Sha station for every 30 minutes which is quite convenient.We have to go to cashier to purchase a ticket first.We choose a seafood set for 10 people including 10 bottles of water and 10 cans of soft Drink.You can buy additional food and drinks at the entrance area.I am so surprised that the venue offer lots of games and facilities for kids so they won’t be bored.It is so funny that we or

踏入秋天又係時候去BBQ了！約左一班同學同我地既家人一齊去馬鞍山白石BBQ場，我們駕車去、燒烤場提供兩小時免費泊車、有好多位泊車又幾方便。第一次去白石BBQ先知原來係個場地那麼大、有獨立BBQ屋可以打牌、玩board game、仲有小朋友玩的遊戲機、工作坊和電動車、完全不怕小朋友會悶。我們則更享受在露天BBQ場大帳篷下和一大夥人吹著海風燒野食的樂趣。工作人員替我們端來所有燒烤食物、我們叫了十人餐、扒類、雞翼好入味、仲有燒元貝、蝦和一整條魚。最誇張是第一次燒乳豬、想不到我們可以原隻燒呢！燒到紅卜卜的乳豬肉滑而爽口、好美味！我們把整隻乳豬都吃掉了。

秋風起，又到BBQ好季節。記起去年公司活動到白石烤燒，有乳豬仔燒，地方大，乾淨整齊，今次再約朋友們一齊再食再玩。烏溪沙站坐接駁巴士10 分鐘左右就到。入門右轉，登記交錢，取票。再跟職員到安排位置起爐。火一起，職員立即架起乳豬，份量不少，絕對足夠十幾人食。訂左十人海鮮餐，雞肉腸、芝士腸、豬肉腸、三寶丸、番薯、粟米、叉燒、不同味道的雞翼、雞扒、豬扒，仲有中蝦、帶子和烏頭魚。十人10人餐也包括水和汽水飲料。細心配有蒜蓉、鹽、胡椒等調味料，增加食物味道。中蝦和帶子體積不細，容易燒、容易夾。各式醃製肉類醃制合適，味道香濃，不會過鹹。特別雞扒有雞皮保護，燒烤完仍然嫩滑，充滿肉汁。元朗烏頭，份量十足。肉質結實，去皮後加點油鹽，鹹香惹味。在職員幫助和提醒下，主角終於完成。可以切成一大盤，外皮脆卜卜，肉質細嫩，充滿肉汁。醃製得宜，即燒即食，非一般酒樓宴席中的乳豬全體可以媲美。場内還有不少小玩意讓各位大小朋友玩樂。燒烤場面積大，也有獨立屋出租，非常適合老老少少，大夥兒聚會玩樂。

周末與友人們相約到白石燒烤，有些朋友自駕到來，可享有場內首兩小時免費泊車。我們數人則選擇乘港鐵到烏溪沙站，轉乘燒烤場的五十座接駁車，省卻二十多分鐘的步程。下午五時來到，還可欣賞到黃昏景致。十人海鮮餐十分豐富，有海中蝦、半殼帶子、元朗米埔烏頭王、蜜汁叉燒和其他燒烤必備的香腸、丸類、蕃薯等。每款食物也是獨立包裝，並分別貼上食物名稱，一目了然。餐具、紙巾、膠手套、毛巾、蜜糖放在另一大膠盒內。調味料十人餐包括了十枝蒸餾水和十瓶汽水，汽水組合還可以自行選擇。這裏燒乳豬出名，所以我們也點了一只。起初是自行試著燒。但發覺有點難度，還是請店員幫忙吧。燒好的乳豬紅通通的，看來很吸引！店員會為我們切好乳豬後，再送回給我們，皮脆肉嫩。*************************周末全場爆滿，亦有公司租下很多燒烤爐籌辦員工活動。現場有攤位、遊戲機、小型兒童車供小朋友嬉戲，白石燒烤場很適合一家老小到來。

今日約了一大班朋友十人到白石燒烤。我們坐巴士到烏溪沙站B出口，再搭shuttle入白石燒烤場。交通方便。白石燒烤場很大。最重要對住無敵海景BBQ，特別寫意。我們叫了十人海鮮餐，再加一隻乳豬。BBQ當然要有汽水和水啦。十人餐有10罐汽水和支裝水。十人海鮮餐有很多食物吃，有元貝，烏頭魚，蝦。另外有豬扒，牛扒，腸仔，粟米，蕃薯等等，足夠十人份量。乳豬可以自己燒或者叫燒烤場的工作人員幫手燒。我們先自己燒一段時間再給工作人員燒。乳豬皮香肉滑，點上甜醬更覺美味。6百幾蚊一隻乳豬for 十人食算抵食。今日很開心，和友人一路BBQ一路和友人暢談多個小時。白石燒烤場真是BBQ的好選擇。

此次BBQ期待已久, 因為聽聞白石燒烤十分出名, 所以決定來試試。一坐下, 工作人員已經很快就幫我們把爐透好。小朋友來到一定不會悶,因為可以玩車.真的很羨慕呢~~我們點了一個5人海解套餐, 當中有:彈牙海中蝦、青口、蜜汁叉燒、雞排、豬排、海鮮三寶丸、芝士腸、雞肉腸、蕃薯、粟米。青口很新解, 蝦也很彈牙。雞排有香茅雞排, 黑椒雞排,咖哩雞排, 有不同味道選擇。而豬排有咖哩豬排 , 十分入味粟米和蕃薯十分清甜還有一隻大燒雞呢, 加上用大叉叉著燒雞, 十分有睇頭今晚真得很滿足, 希望下次再涼少少可以再來燒。

天氣最近開始轉涼, 又到燒野食季節啦!今個週末同埋企人黎白石燒野食先, 自己就楂車, 泊車都好抵, $10/小時, 同埋會免兩個鐘其他人就系馬鞍山坐免費Shuttle入黎我地10個人叫個10人餐剛剛好, 一般燒烤食品外, 仲有蝦同烏頭大部份野食都好好味, 份量全部夠晒咁多人食細妹話想食乳豬, 所以叫左隻, 搵燒烤場代燒埋, 即叫即燒真係勁香勁好食呀! Size都好大呀! 阿媽仲可以拎豬頭返屋企煲粥, 又一餐 10人海鮮餐($1788) 跟餐會提供餐具, 燒烤用具 (包括炭2包 /蜜糖1支/燒烤餐具10份) *免租爐費*金牌乳豬 ($638), 自行燒或者可加錢代燒食物應有盡有 (每包約為半磅裝)開餐啦!

天氣開始涼浸浸，又係一家大細舉行BBQ的好日子。今次我地揀左位於馬鞍山的白石燒烤，貪佢除左bbq外仲有好多適合小朋友玩的玩意，泊車又多位又方便。bbq場好大好闊落，坐得一啲都唔迫。好多為小朋友而設的遊戲機。我地一行十人叫左個十人海鮮餐，除左正常的丸類、腸仔、扒類外，仲有鮮蝦、扇貝、原條烏頭魚等等，好豐富！另外仲叫左隻燒乳豬，其實都幾大隻，我地每人食左幾舊最後都食唔晒，要打包燒乳豬可以自己燒，亦都可以叫人幫我地燒，我地當然搵人燒啦，結果外皮燒得好脆！肉質亦好嫩滑！好正隻乳豬份量很多

天氣涼涼哋,最適合就去bbq! 喺facebook見到 朋友去過介紹 就專登嚟試一下。 最吸引嘅地方當然就係佢哋嘅彈床嘉年華啦。$160 一位小朋友. 多位成人同埋唔玩嘅bb都可以一齊入去玩, 價錢好抵! 最好就係我可以陪住佢哋 一齊玩, 彈床是分段的所以 就玩兩個鐘玩完之後梗係開餐啦, 我哋一行八人 一去到就叫咗個五人海鮮餐 $1090, 上網做埋會員仲平一百蚊. 海鮮餐 種類基本都豐富, 唯一缺點就係 唔夠食。當然啦所以我哋就 再加碼買咗好多 烏頭雞翼咖哩魷魚, 麵包等最後埋單 差唔多要畀多一倍, 講到價錢平均300蚊一位 我就覺得貴咗啲講咁耐 都未講食物質素, 講真食物質素真係麻麻。 整體食物都唔係好夠味, 種類都多 但係 不算吸引。 如果論最好味就係乳鴿!他們場地十分大 勞同勞之間位置都寬敞, 論環境 我是給80分的本身住九龍來這裏不遠但係 應該有其他更好選擇

秋風起除左食臘味，梗係唔少得要bbq啦，以前去開bbq場冇咩活動，今次因為屋企有小朋友一齊參加，就揀選左呢間有得食有野玩既bbq場接近萬聖節呢度都有特別既佈置除左佈置，場地仲特別安排左員工扮鬼扮馬，黎到既客人都爭住影相，好有氣氛現場仲有好多適合小朋友玩既活動有得夾公仔，有汽水機籃球機好受歡迎，好多人都爭住玩除左小朋友活動，仲有大人都啱玩既掟鏢，絕對唔怕有悶場啦另一邊仲有大型既充氣彈床，搞到自己都好想落去玩下有得網燒，一次可以燒好多好多野食，正活動多多之餘呢度仲有得燒乳豬，乳豬燒熟之後好脆皮，肉汁鮮嫩，人多黎到真係要整返隻食呀

最近天氣轉涼，又係bbq既好時間喇，呢日難得一家人都放假，就相約一齊去馬鞍山白石燒烤，第一次黎呢間燒烤場，感覺地方好寬躺，環境幾舒服靠住海邊睇日落，吹住海風感覺好寫意我地一家一行10人，order左個10人海鮮餐加埋隻乳豬，海鮮餐有海蝦、扇貝同魚，見到都已經流晒口水乳豬可以叫現場工作人員代燒，燒得好靚呀燒熟左仲會幫我地斬件，一出爐既乳豬好好味，乳豬皮好脆，肉質好新鮮好juicy，好正有燒烤網就可以一邊燒海鮮一邊燒腸仔同丸喇，夠晒方便錫紙包住燒，好快有得食第一次黎呢度，第一次燒乳豬，感覺呢度既工作人員服務態度都好好，環境好，食物好，下次一定會再黎

望海燒烤場一望無際, 心曠神怡. 唯一不好的是bbq餐內不包麵包, 要另外加錢 雖然價錢不貴.另外可以燒乳豬,打Golf, 泊車位多,比起其他燒烤場來說 , 更勝一籌. 

中秋節一家人BBQ我地係烏溪沙搭的士入黎場地好闊落，今日假期都唔少人黎BBQ因為假期關係，要個指定套餐5個人叫左5人海鮮套餐$1288比其他燒烤場貴了些少環境唔錯，地方都好乾淨食物方面值得一讚既係不同類既食物都有包裝袋住咁就比較衛生得多啦！有晒餐具用品，膠碟，用品齊全。仲有本教學手冊，係有心既! 食物都唔錯，5人餐種類每樣都有D，但就我喜愛既方包！BBQ右邊就係個海啦，但都係有點熱有點焗，風扇不夠，可改善一下，加多幾把大風扇就完美啦！