白宮咖啡室 (已結業)

同朋友好耐無見，搵左坐落係荃灣的white house cafe，店內裝潢行文青風，特別係上層既裝修真係幾有質感，有個位仲可以比人影下相，幾有心思Lunch set 性價比高，套餐平均只需要約60蚊，比較香港咁多cafe既價錢黎講，好抵食我地兩個人，叫左一個all day breakfasts同埋燒雞白汁意粉，味道以cafe黎講真係好好食呢間cafe水準高之餘價錢都好親民！我同朋友仲分別叫左兩個野飲，味道都不錯，呢間鋪有機會都會再次光顧

經常係荃灣食飯，從來無食呢間唸住試下呢間餐廳🤔🤔黑松露雜菌意粉，有香味但一食只有cream味簡直無其他味太令人驚喜真係估佢唔到🤪🤪🤪飲品芋頭拿鐵簡直似奶水味！！芋頭味當然直頭唔會存在..紙盒奶應該會好飲過十倍🙄🙄全部都係得外表，好利害👍🏻👍🏻👍🏻👍🏻👍🏻👍🏻食物質素真的差！差到要令我寫食評😓點解佢會有咁多笑哈哈🤢🤢🤢如果我唔係肚餓我真係唔想食🤷🏻‍♀️

呢間小小既咖啡店白宮係荃灣廣場附近，荃灣西鐵站行去大概十分鐘就到。已經食過好幾次啦宜家一次過放啲相上嚟先食物方面：白汁煙三文魚蟹子意粉 👉🏻好好味All day breakfast👉🏻好食～個炒蛋應該落佐牛奶🥛好滑😋意大利汁鮮蝦意粉👉🏻都好味飲品：熱飲有得揀唔同嘅公仔Mocha 同Green tea latte 都夠濃味😋去親都係星期六日，12點前入座就通常唔洗等，但如果12點後先去，最好book定位，因為細細間好少位，建議坐樓上，有個地台仔影相

唔想討論，睇圖啦，呢幾舊唔係五成熟牛肉，而係豬肉黎，我仲要食左少少先見到個待應一句得埋黎：咁你地想點？我地話唔洗換啦，佢講句唔好意思會同廚房檢討就走左去，完。其實仲有兩碟野食既，蕃茄意粉唔難食，但d味好怪，入面d雞唔入味。炸魚薯條d薯角正常，炸魚d粉厚到，好油唔想食。野食叫左兩杯柚子蜜，開水沖味道正常。曲奇朱古力都正常，好似係吉百利粉加牛奶。講番環境，二樓樓底好低，環境好逼，埋單每人一百，完全唔值呢個價，我去普洱食都冇咁嬲，呢度d好評係咪全部都係打手黎？

美國的白宮是美國成為民主自由的國家的基石，荃灣的白宮是荃灣成為平民美食天堂的因素之一。能以平民的價格，享用到慢煮2-3hours 的菜式，令人喜出望外！而且茉香奶綠非常好渴，高度推薦！小店的伴碟滿有心思，一客明太子意粉有很濃郁的明太子味，煙三文魚弄成玫瑰花的形狀，很適合相機食先的女孩們！慢煮過的豬肋骨，肉質軟軟的，比outback的豬肋骨更出色。燒烤醫淋滿了整塊豬肋骨，拿一點用來點薯條🍟吃也很配。

之前見到呢間cafe嘅咖啡好可愛有好多公仔可以揀 難得過開黎荃灣 就過黎試下~星期日嘅下午黎到門口 見間舖頭裡面完全無人其實個心都怯一怯~加埋門口呢個餐牌...哈...山長水遠黎到就試試啦!點知入到去原來佢地有樓上坐位的上面都有兩三枱客用緊餐打開menu就發覺原來佢地有好多自選圖案嘅咖啡/朱古力~~~都幾勁喎! 我同老公就叫左個黑松露什菌長通粉同埋忌廉蘑菇烤雞長通粉~Winnie the pooh 個杯係Oreo 朱古力熊大個杯係榛子咖啡先黎兩個長通粉 "lo"暈d 長通粉嘅時候都唔見有煙出 但反而食落又好夠熱 個感覺幾得意不過食食下我同老公都覺得個汁太"溜"食左半碟已經滯到不得了~兩杯野飲方面反而整體都唔錯當然賣相已經贏左一半好在兩杯野杯都唔算好甜如果兩杯野都勁甜再加滯到不能嘅意粉應該會死得好轟烈!!!!總括黎講會想再黎打下卡影下圖案飲品但可能叫小食/All day breakfast 會好d~~

近幾年香港真係好流行小清新嘅咖啡店，裝潢好簡約，好多時都會用好多木嘅元素，令人感覺舒服。之前喺荃灣試過呢間小清新咖啡店，環境都令人好舒適，而且咖啡嘅水準都唔錯。咖啡嘅味道甘香，飲落都好順滑，之後有淡淡的回甘。 而且仲有可愛嘅拉花公仔，好得意。

之前都黎過兩次，一次晚餐時間，一次下午茶，呢次係第一次午餐時間黎。好彩唔算好多人，等左一陣就有位。Lunch set都有好多選擇，雖然見到好多人揀明太子意粉但見到餐牌都係忍唔住會叫All Day Breakfast $60，價錢唔貴但份量都多，都幾抵食另外之前都食過小食拼盤，賣相不錯又擺得好有心思，用個小籃子裝雞翼。不過炸得好油，薯條偏咸雖然已經夏天，但為左卡通公仔都會叫熱飲，而且卡通公仔人物真係好多，總有一個你中意既，有時仲會有少少選擇困難症，揀公仔耐過揀食物同飲品唯一唔好就係如果你被安排坐樓上就預左好難搵到職員，要朋友上上落落點野食同拎餐具，好似唔記得左有客係上面果層

今日係星期日又係愚人節,勞碌完一整個星期終於可以輕鬆一下! 呢日黎到有「車房街」之稱的荃灣享和街諗住歎返個BRUNCH睇完一陣MENU好快就可以扑鎚, 分別叫咗個溫泉蛋卡邦尼意粉同三文魚籽櫻花蝦明太子意粉, 飲品分別叫咗熱朱古力同蘋果紅茶。眼見佢舖頭細細, 但係都幾多職員工作, 望真啲原來廚房旁邊仲有條小巷伸延到後方仲有一啲座位嘅! 餐廳整個環境俾人感覺好年輕而且會見到好多形形色色的小公仔、擺設等等, 亦會播放流行音樂, 食客等待食物時可以四周望下分散下注意力, 不知不覺間亦帶來一點點放鬆。由於當日唔係太多客, 所以食物好快就黎到。首先上臺嘅係三文魚籽櫻花蝦明太子意粉, 一大堆三文魚籽喺中間十分奪目, 食落冇腥味, 唔錯! 意粉十分之有咬口、唔會過腍而且醬汁都配合得好好, 唔會過於濃味。而配料亦十分豐富, 櫻花蝦的數量係食哂啲意粉之前都仲有剩個人甚為推薦此意粉不久之後再上埋溫泉蛋卡邦尼意粉, 呢個意粉一樣都係十分之爽身,醬汁亦是控制得宜, 食到最後都唔會覺得膩, 中間大大隻溫泉蛋要用JUICY黎形容, 而且體積頗大, 口細的朋友一啖食唔哂一定會滿瀉而配料煙肉有少少似五花腩咁睇到有幾層,

我同兩位朋友打算搵間Cafe一齊傾旅行行程，網上見到荃灣有好多特式的Cafe，我地見到White House Cafe提供All Day Breakfast 非常感興趣。當日星期二下午一點幾，在門外曬住等左邊25分鐘左右後入座。我地選擇坐在樓上，知道樓上有不同擺設同埋公仔可以借比食客影相(需要脫下鞋子)，留個好回憶。我地三個都叫左All Day Breakfast，包括有明治鮮奶炒滑蛋、德國腸、煙肉、薯餅、牛角包、焗豆、栗米和沙律。蛋很滑、牛角包不會硬、沙律都唔錯，唯煙肉偏咸。凍伯爵奶茶味道較為清新，飲完想再飲！凍茉香奶綠口感香，可以一試！選擇飲品時，其實都花多眼亂，店員都好有耐性去解答疑問，感覺好親切。我地坐左係間由一點坐到五點幾，都無人趕我地走。見到店員在樓上坐在一起休息聊天，感覺店員次間關係都唔錯。我地三個人大約三點幾時，在樓上的拍照區影相，影左好多靚相。(要注意拍照相樓頂較矮，燈光也強，影相時可以有技巧咁遮番個光再影相，你會發現效果好唔同架！)有加一服務費

我用Open rice 多年都冇寫過食評，我終於忍唔住要出手。我罕有咁去荃灣食飯，見到呢間野咁多笑哈哈，心諗實冇死。叫左個好似係出名既all day breakfast , 同埋慢煮西冷牛扒同杯芋頭latte首先，杯latte, 貌相正常，味道正常，唔太甜，ok!個餐湯，係一pat用粉開既杰達達既半液體狀湯，有幾粒粟米。到個all day breakfast, 個炒蛋⋯⋯ 我唔sure我係咪食左蛋，定只係食左一pat 黃色冇味既東西。d 煙肉係烚煙肉。anyway, 未到重點重點係個慢煮西冷牛扒。一開始講左話係慢煮，冇得揀幾多成熟。ok, 咁慢煮，suppose d 肉會係淋d同keep到肉汁。at least 我食過既慢煮係做到咁。但果舊牛扒，睇相都覺得dry, 食落仲dry，唔只切唔開， 仲咬到牙軟，舊野完全食唔到味，吞左仲覺得個胃有d痛。服務⋯ 有改善空間。總結，我認為老闆/ 廚師應該認真去煮野食。客人係識性價比的。野食賣樣，i唔ig- able係今時今日好重要，但係唔能夠係食物質素之上。希望可以多加改善！

因為好耐都冇去「white house」食All day breakfast，所以今日特登約朋友lunch去食。13:20到，由於太多人，被安排上左樓上坐。好快就叫左野食，職員話要等20分鐘。到1340，我fd就放lunch time行到餐廳，我同fd講已經叫左野食，但要等20分鐘。我地本以為會好快到，但等到1400，仲係什麼都沒有，野飲又冇，野食更加唔使講喇。（係1400前，係冇任何職員上過樓上的）係呢個時間，有個女職員上黎執枱，咁我地就問佢⋯⋯啲野食仲未到，可以幫我睇下嘛？然後女職員「哦」左一聲，就繼續執張枱既野，相隔1分鐘左右，有另一位女職員上黎。然後我地又重覆問題，跟住呢兩位女職員就立即落樓下問。問完，其中一位女職員上返黎，繼續執野，完全冇交代咩事。之後我地再次追問，佢先問我地有冇落野飲。我地就話，大半個鐘前，落左2個all day，2杯野飲。然後個女職員話：係遺單🤦🏻‍♀️，然後咩都冇再講。因為我fd得1個鐘頭食飯，行返公司去要10分鐘。1405都仲未有野食，仲要啱啱先煮結果我地就走了，落到樓下，有個女職員交代俾佢啲同事聽，話我地走。然後果位同事瞪大隻眼，望住我地。但店內冇一個

睇落細細間原來仲有二樓㗎 擺設好有feel 原來夜晚同lunch嘅燈光唔一樣 夜晚更加warm 鍾意影相打卡嘅我就梗係揀坐二樓啦 all day breakfast 好抵食大大份 慢煮牛排都唔錯 不過太喂食冇影到相 如果想食排就要book位或者早d啦哩間嘅排好似係每日限售嘅

荃灣真係有好多好東西食，個個星期五都好次放監咁，今次揀左呢間白宮；個名好吸引囉。Lunch都好多麼人，等左差唔多三個字先去，睇一下個Menu已經揀到要食咩，煙三文魚田園沙律，凍既熱情果紅茶。飲品好快就黎左，食物可能太多人既關係，都要等左幾個字先有得食。wow賣相唔錯啵，煙三文魚指定動作，捲到好似玫瑰花咁，味道都唔錯，唔會太鹹，不過我就覺得個黑醋好濃，而且甜左少少，不過整體來講都幾好食價錢好合理。飲品方面揀左熱情果味紅茶，酸酸甜甜咁好開胃。

接好姊妹收工+行街街日，荃灣真係好多野行啊，行到腳都斷，想搵間舒舒服服又可以坐耐啲同好姊妹傾下計食下野飲下野，首選當然是Cafe啦，見到openrice呢間近近地，簡潔嘅門面同野食都好吸引。好彩嚟到啱啱好有位✌🏿 作為薯條怪嘅我地緊係即刻點返個黑松露醬炸薯條，新鮮熱辣粗薯條，外脆內軟，個醬簡直好味到停唔到！呢個白酒蜆肉意粉煮得好好，意粉唔會煮到過淋，味道清新唔會過咸。豬鞍架配薯角又係薯仔，香脆好味。