221
57
41
港鐵荃灣西站 E2 出口, 步行約11分鐘 繼續閱讀
電話號碼
39565854
67434630 (Whatsapp)
開飯介紹
以「相機食先」作主題的咖啡館,裝修簡潔,All day breakfast等食物及飲品都有精緻特別賣相。 繼續閱讀
營業時間
*最後下單 21:30
星期一至日
12:00 - 22:00
付款方式
現金
座位數目
24
其他資料
Wi-Fi
酒精飲品
自帶酒水
切餅費 詳細介紹
支持減塑 詳細介紹
電話訂座
外賣服務
加一服務費
食評 (365)
等級4 2019-05-17
2535 瀏覽
我又去荃灣喇! 有人生日, 普通生日蛋糕滿足唔到我哋, 繼上年我生日切燒雞後, 今次又一傑作….切 all daybreakfast!  餐廳位處轉角位, 好易搵! 設計簡約, 枱面有小擺設 (方便影相)!地獄辣子爆谷雞 $62 ~ 我食得辣又唔覺好地獄, 辣味有點似 Tabasco, 不過廚師話無用 Tabasco 而係自家創作調配的辣汁! 辣得嚟幾香, 唔嗆喉! 雞肉炸過肉質仍然嫩滑, 外層粉漿唔厚, 炸到脆脆的, 好開胃! 和風味噌蜆肉炒意粉 $87 ~ 讚! 意粉軟硬適中, 蜆肉雖然唔大隻不過好多粒仲好有鮮味, 菇及洋蒽同炒, 出乎意料成件事同味噌好夾, 意粉炒得好乾身, 口味獨特! 連坐我對面的 “百彈盟主” 都讚不絕口! 白宮生日漢堡 $89 ~ 呢個漢堡唔係一般漢堡包! 包包係熱香餅既朋友, 共三層, 甜甜哋好鬆軟! 中間既餡亦唔係免治肉, 而係香脆唔肥煙肉, 炒滑蛋, 蕃茄, 生菜同洋蔥! 再嚟香脆薯餅及新鮮沙律蕃茄伴碟! 上碟時仲點埋蠟燭, 呢個生日蛋糕係咪型先! 註: 唯一敗筆係…點解要問先比把刀我哋用…切 “蛋糕” 係一個好重要既儀式嚟架… 繼續閱讀
(以上食評乃用戶個人意見 , 並不代表OpenRice之觀點。)
等級4 2019-04-19
2260 瀏覽
去開荃灣係附近想搵間cafe坐下,見到呢間白色主題cafe幾靚幾吸引就去了~Menu雖然都係cafe野食,但細心睇都發現有啲特別款,好似手撕雞意粉、莞茜意粉咁鬼馬,冇理由唔試下啦😂🔸香蒜芫茜什菌炒意粉 $59用芫茜整意粉真係第一次食,好重莞茜味之餘,個汁幾特別有啲中式味,不過都食落都夾,意粉硬度恰好。不過什菌就唔係好多,鍾意食菇嘅我覺得唔夠喉。🔹熱香餅配牛奶炒滑蛋及煙肉 $75All breakfast嘅變奏版本,熱香餅香甜鬆軟,個炒蛋都唔錯,大大份而且幾重蛋味~另外仲有有煙肉、蕃茄同菜。🔸地獄辣子爆谷雞 $62食落真係好似爆谷咁,一啖一粒食唔停口。雞肉裡面都有少少辣,但又唔會好辣而且幾惹味。上網睇圖覺得環境應該唔錯,但去到都幾失望,個打卡位要坐樓上先見到,我地坐下面其實就好似普通餐廳咁,而且餐具同廚房對出的枱都有點烏糟,其實未食都有點想走。不過食物味道還好啦,呢個價位嘅正常水準吧,只係對環境同服務都太高期望了~ 繼續閱讀
(以上食評乃用戶個人意見 , 並不代表OpenRice之觀點。)
呢日去荃灣睇戲,所以喺呢區食埋飯,之前見到呢間cafe有啲卡通咖啡賣,都想嚟試下,同時喺訂台app發現book枱有折,所以就扑搥啦。去到發現餐廳都幾細,坐位之間好迫,不過好似有上層,望落係有裝修過下,但已經變得有點殘舊了😕,而且佢個玻璃燙門壞得好緊要,十個有九個客都唔能夠成功自行打開,此舉十分趕客👎🏿。坐低望下啲餐牌,佢有一個係a la carte menu,一個係dinner set(包飲品,但好多要再加錢)。訂台app折扣不能應用於dinner set上🤔,計完數覺得應該係set抵啲,所以就無散叫到。而且好多signature dish都只得dinner set有,即係一定焗你無得用discount,我覺得咁樣做法唔係幾好囉。食物我哋叫咗B.清新柚子X醬油雞絲炒意粉($79),呢份意粉炒完幾深色,食得出有啲柚子味嘅🍋,雞絲量正常。不過意粉炒得太乾身同硬,呑得有啲辛苦😥。另外一款我哋叫咗C.牛乳滑蛋飛碟意粉(鮮茄意粉)($79),原來叫飛碟🛸係因為個造型係隻炒奄列蛋🥚鋪喺意粉上面,再淋上少少蜜糖咁。入面嘅意粉就係🍅鮮茄意粉,無炒嘅咁乾身,但乜料都無好似兒童餐/茶記果種,味道正常但配埋蛋都覺得有啲寡。我哋仲叫咗個小食,炸薯絲蝦($68/5隻),嚟到先覺得自己勁蠢,因為根本係超市自己買到嚟炸果種,超市平勁多,而且呢到炸到燶燶哋😑,完全唔好食唔值得嗌。跟餐+$48叫咗份比利時窩夫配雪糕🍨,well個樣係頹到一個點,我以為係用碟上,點知係芭菲造型將所有嘢塞哂落個杯到。仲要佢果兩嚿窩夫我覺得係即食零食果啲嚟,完全無煮熱或煎過👎🏿,球雪糕係雀X果啲平平雪糕,下底就放少少生果🍓同醬落去咁。真心咁嘅質素$20都覺得比多佢。到飲品就分別加$12要咗凍焦糖瑪奇朵同凍榛子朱古力,兩杯都好多冰所以好淡下,唔係好飲得出咩味...😅。最失望係原來而家間Cafe應該冇再做卡通熱飲☕️,連唯一招牌打卡點都已經冇了。總括嚟講,間cafe令我好失望,食物質素非常麻麻,未到食唔落口,但就算下次有人請我,我都未必會再食。環境同衛生都好一般,服務就有好有唔好啦,女店員好忙但態度都ok,不過就唔係好熟menu同用餐優惠,明明我個薯絲蝦都唔係dinner set嚟,係可以有折,張單無折到,我同佢講,佢都話已經折咗,要再講多次,佢先再check下,最終先扣返☹️。其實食下食下都唔平,成$160/$170一個人,但食物嘅用料同味道同餐廳環境地區根本完全唔值呢個價👎🏿。最後連打卡嘅飲品都無埋,真係諗唔到有乜原因要嚟。 繼續閱讀
(以上食評乃用戶個人意見 , 並不代表OpenRice之觀點。)
餐廳分上下兩層 上層有個concer位俾客人打卡🤳🏻任影唔嬲 慶祝生日🎂啱哂如果你係個芫茜控或者芝士控一定要試下呢到嘅意粉特別多款 味道出色🤤.香蒜芫茜什菌炒意粉 $79 (Dinner)上枱個陣好香炸蒜味😍 反而芫茜味聞落唔算太濃烈加入炸蒜、芫茜、什菌炒意粉🤤好香口 夠哂獲氣!意粉炸至乾身 雖然冇汁 但意粉掛炸蒜同芫茜😳而且絕對唔油膩由於加咗芫茜調味 意粉特別惹味 芫茜控 你懂的😏.二重奏忌廉煙肉芝士長通粉 $89/$72 (Dinner/Lunch)如果你係一個芝士控 呢款你一定超鍾意😼忌廉同埋芝士嘅份量剛剛好 呢款芝士唔算太流長通粉同芝士撈勻 可以做到拉芝嘅效果😳我比較鍾意呢款長通粉 💯有煙煙韌韌嘅感覺每一條長通粉都掛到芝士🧀 好邪惡啊.另外加$52有甜品Set 兩個人share就啱啱好👯‍♂️有一件朱古力蛋糕🍰同雪糕朱古力蛋糕質素係水準之上 性價比高雪糕係雲尼拿味 配藍莓同士多啤梨最特別係雪糕上面有脆脆🤪好鐘意脆口嘅感覺 繼續閱讀
(以上食評乃用戶個人意見 , 並不代表OpenRice之觀點。)
叫白宮,以為真係似美國白宮室內比較簡約,唔太花巧分咗兩層,坐上面一層比較靜燈光好warm好柔和有少少道具同背景俾人影吓相只係飲咗杯Latte不過咖啡有拉花圖案仲可以自選拉花圖案架!有emoji&卡通選擇我諗都唔諗就揀咗Hello Kitty啦!一杯38蚊有卡通拉花算抵啦~  繼續閱讀
(以上食評乃用戶個人意見 , 並不代表OpenRice之觀點。)