發記腸粉粥品

營業中

休息中

三顧發記都要排隊，第四次終於食到喇！貪吃的我樣樣都想試，鮮蠔肉碎粥、豬雜粥、雞雜粥、鮮腩粥、客家炆豬肉、炆豬腳、客家釀苦瓜、咸雞飯、雞蛋叉燒腸粉、魚片腸粉、炒麵炒河炒銀針粉、等等等等，多不勝數！先由招牌豬膶煲仔雞粥開始。過節要放自己假，三八鬆一鬆，訓到六點鐘。睇完跌打突然凍得利害，著得太單薄有點頂唔緊！路過發現食客小貓三四隻大量座位，即刻衝入去坐低啦！食食下越來越多食家駕到，轉眼爆滿！食神眷顧真好采。寒風凜凜凍到嘔要坐近門口，入夜氣溫驟降，急急食碗熱粥黎杯熱奶茶暖暖身，由翠屏花園行黎發記堅係震晒呀！坐底不久野食都未到，食客就開始離開，大量座位空出激死我！張檯真係太窄，同對家距離太近太親密，坐得非常唔自在唔舒服，自己要坐斜一點拉開一點。新上任的短髪妹妹十分有衝勁有活力滿場飛，敬業樂業無冷場，值得一讚。另一位新來的長髮妹妹，工作認真招呼周到十分落力，感覺溫暖舒服。請到這樣的職員真幸福，跟短髮妹妹不同風格，但兩位都依舊敬業樂業。豬膶靚雞粥，滾熱辣剛剛燙嘴，溫度拿捏高超！香甜濃郁綿滑粥底，果真有料到！已經好味到不需要添胡椒粉或豉油咯。雞件細心均分有髀有胸有翼，唔會淨係得背脊與雞翼那麼孤寒刻薄大

星期日和老婆在家中煮飯仔，因為很早吃飯，晚上竟然有點餓，加上天氣轉涼，就開車與老婆到汀角路吃宵夜。汀角路一帶有很多食肆，各種菜式、中西美食、地道小炒都有，而且街坊生意，不乏經濟實惠性價比高之選。 晚上更有不少區外食客特意駕車來晚飯宵夜。這家粥品店生意不錯，有甚麼好吃? 招牌一望而知。新鮮雞粥 ($25)粥品當然必點無疑，最愛吃雞粥，老婆則喜歡肉片粥。兩者都以原個瓦煲上，新鮮熱辣像生滾般，很有風味。 雞件不少，肉質嫩滑。新鮮肉片粥 ($24)肉片厚切，白滑無渣，味道很好。粥要靚，材料新鮮之外，葱花不能少，靚粥熱騰騰，大撮青葱香氣溢出，牡丹綠葉相得益彰。傳統牛肉腸 ($17)腸粉很足料，粉皮細滑且厚薄適中，揭開是厚厚的嫩口免治牛肉，醬油鮮味帶微甜，是飲茶、宵夜都很配合的美點。炒麵 ($17)鼓油王炒麵炒得乾身，香而不膩。雖然只有少許椰菜和牙菜，材料簡單材料已很好味，無須花巧，實而不華。

發記粥品，在大埔也有兩間分店，在元朗也是，這裏的粥品品質不錯，性價比也高， 30幾蚊一碗粥，大大碗，而且腸粉也是即拉即蒸，都幾好食，唯一要提嘅係，夜晚排隊的人實在太多了，許多時候半小時也拿不到外賣，建議先打電話來訂。

新開張開始幫襯，初期真係好欣賞佢地嘅雞粥，鹹雞件份量充足，粥底也夠棉，但...現在可以用8個字形容，就係 "好景不常"+"每況愈下"，啲阿姐態度差唔在講，最重要係粥底一次比一次稀，今次直頭覺得自己食緊粥水，仲要係滿布雞油的水非常失望

之前山長水遠入到去大埔做嘢，喺大埔消防局附近諗住周圍搵食，但係都無一間睇到上眼。咁啱見到間發記腸粥品，突然諗起好耐冇食粥同埋炸兩，就衝咗入去試一試！我叫咗個碎牛粥同埋炸兩，食物等嘅時間都比較長，需要15分鐘。但係嚟到嘅時候令我喜出望外！原來碎牛粥唔係整定嘅，係立即幫你煲起，炸兩入面條油炸鬼亦都係好脆，外面層粉皮又薄又滑，再加埋至愛嘅甜醬，麻醬同埋芝麻，好快就畀我清咗碟炸兩！食完之後碗粥啱啱入得口，碗粥煲到綿綿嘅感覺，有少少漿口，碎牛亦唔會好大嚿黐埋一齊！ 必定番去再食！

幫朋友搬運日用品，順路一起去食晚餐。餐廳環境狹窄，空間擠迫，冷氣足夠。皮蛋瘦肉粥25元一煲，份量多，足料，皮蛋軟且惹味，瘦肉有咸味有嚼口不韌，粥綿好味。香葱蝦米腸15元，腸粉軟且有厚度，飽肚，蝦米香。雞蛋叉燒腸20元，份量多，叉燒多，叉燒有甜味，豉油咸咸地，滋味！總結，食物味道很好，份量大，價格合理。

今次食呢間近近地嘅粥店粥係用細瓦煲仔上！夠晒熱叫左皮蛋瘦肉粥($25) 好多好多料 瘦肉夠鹹👍🏼粥底都綿碎牛粥($25)嘅粥底都綿 只係炸米粉少左啲蝦米腸($15) 皮薄 蝦米香油條($9) 可以揀切 食得更方便 不過可能係預黎做炸兩 所以硬身左啲 就算浸落粥都仲係硬左啲

好多年冇寫食評，今日不得不登入寫一寫呢間嘢嘅極品豬膶粥。全日冇食過嘢，又冇咩胃口，行過呢間舖就買咗我個人最愛嘅豬膶粥同叉燒腸試吓啦，點知⋯十級中伏！首先，叉燒腸皮超級厚都算，咁厚皮我諗好肚餓嘅人應該會覺得好飽肚好抵食嘅⋯最伏係碗豬膶粥，豬膶勁鞋勁韌難食到不得了，我就算唔識煲，自己煲都冇可能煲出咁韌嘅豬膶囉，啲豬膶好似煲咗15分鐘咁韌，叫人點食粥水仲要一大陣雪藏豬膶味，一間粥舖居然可以出售一碗咁嘅質素嘅豬膶粥，我建議佢不如喺餐單刪除咗豬膶呢個項目好過啦，全日冇食嘢食咗碗咁嘅嘢真係好失望兼心情好差

係大埔想食粥 , 我一定會諗起發記今晚有 d 唔舒服 , 想食清淡 d , 就黎左發記喇 😏餐牌 :皮蛋瘦肉粥 ($ 25)發記的粥用小砂煲上 , 別有一翻風味d 粥裝到就黎滿瀉 , 而且係非常之熱 , 我攤左碗粥好耐先食到 😅粥底夠味 , 食完唔口渴 皮蛋同瘦心份量都好足夠 ! 食到尾都仲有 , 唔會得番 d 粥我鍾意呢度 ge 瘦肉 , 因為唔會鞋口又夠味 !新鮮蠔仔粥 ($ 31) 好多薑 , 蔥 同 芫莤 👍蠔仔夠多 , 蠔仔肥美又新鮮 , 冇蠔殼香蔥蝦米腸 ($ 15)有4條 , 蔥同蝦米都好香 🤭 腸粉夠薄 , 唔會一 pat 野咁 !唯一失色 ge 地方係 d 胡椒粉一舊舊 , 倒左落粥度溶唔到 😐2 個人食到好飽 , 賣單 $71 ! 抵食 !

夜晚通常都full 哂要排除，於是就襯下午冇咩人嘅時間去食，可以坐得舒服啲同慢慢食~🙆‍♂️🙆‍♂️當日冇豬潤，所以試唔到及第粥😢 😢 於是叫左艇仔粥，呢度嘅粥同砂煲裝住，夠哂風味同熱辣辣😋😋艇仔粥好足料冇味精，豬皮爽脆不油，仲有新鮮生菜同魷魚，食落索索聲👍🏻👍🏻但冇加到碎牛落去就有少少失望🙈炸兩炸得非常香脆，加埋蝦米蔥花更加香口，好快就清哂一碟炸兩想再encore🙊🙊好少粥店有銀針粉食，所以就叫左肉片炒銀針粉，用黎炒銀針粉嘅醬汁好濃郁但唔會過咸，銀針粉吸哂醬汁嘅味道，唔洗加其他野已經好好食😍 不過就有少少油左啲，叫銀針粉一定要叫埋粥消一消滯。如果下次有豬潤一定要再黎試！！🤩🤩

一人踩單車去太和食晚餐，大約7:30pm到達，門口有很多人排隊，因為我是一人光顧，反而不用等位，優先入座。餐廳環境擠逼，座位不舒適。食物味道很好，雞蛋叉燒腸粉22元。即叫即蒸，熱辣辣，腸粉輍較厚，飽肚抵食，雞蛋味道不俗，叉燒份量多，是半肥瘦的。總結，好味抵矻。

平時星期日經過通常都full曬，今日平日又有時間就試下。叫左個皮蛋瘦肉粥，超足料！好多肉片，個粥底都好鮮甜，唔係白粥咁簡單！另外又叫左魚片粥，超多魚片，一啲都唔腥。來得嘅都係街坊，証明好食先留得住啲客咁多年！👍🏻

同朋友兩條友想食粥就試吓呢間街坊粥舖入到裡面見到全部粥都係砂煲上一人一碗$25蚊皮蛋瘦肉粥有大量鹹瘦肉，相比起黎皮蛋有d 唔夠喉，但份量都合理，粥底鹹度適中有鮮味（唔排除有味精但出黎起碼唔口渴）$17炸兩份量普通，油炸鬼夠脆，腸粉皮都ok不過淋左少少，略嫌唔夠爽口，但脆油炸鬼真係加好多分，街坊粥舖黎講中上水準最驚喜嘅就係呢度嘅炒麵米河，仲有外面少有嘅炒銀針粉都係即炒叫左$28嘅炒豬雜銀針粉，好夠鑊氣，豬膶爽脆，腸夠粉，肉片都唔錯，份量又足，咁嘅價錢食到即炒炒麵真係非常抵，下次黎一定翻兜！

繁忙時間店內會坐滿哂人，座位與座位之間較為迫，坐得唔算舒服。菜單方面粥類都多選擇，本身以為食粥嘅鋪頭應該有糉食，但呢間無，所以叫多咗個炸両。🔹 新鮮豬膶粥 $25幾欣賞佢用砵仔裝住啲粥，可以稍微保溫，粥底熱辣辣又軟綿；豬膶好大片，而且幾厚身，$25咁足料又大碗好抵食。🔹傳統炸両腸 $17炸両一般，唔算太脆口，而且偏少少淋，食炸両喜歡落大量甜醬同麻醬，但甜醬味道偏少少酸，怪怪地🤔 📍發記腸粉粥品 大埔汀角路17號地下A號舖．．環境分數：5.8/10食物分數：5/10Encore分數：5/10

這是久不久來幫襯的粥舖，特別在大埔區。最喜歡是炸兩，每次必點。今日午餐，不用等太久便有位。小店只有三十多個位，坐得迫少少，但有美食也值得，而且樓面的阿姐很好招呼的。點了炒河粉，廚房即叫即炒，上枱時熱辣辣，加些辣醬更好味！炸兩的油炸鬼脆脆的，豉油淋在碟邊，只可惜無芝麻，加點甜醬超美味！這裡的粥是砂煲上，一大煲慢慢食，冬天食特別温暖！點了艇仔粥和皮旦瘦肉粥，絕無加味精，食完也不會口渴！喜歡這種小店，傳統美食，實而不華，吃完有份滿足感！