發記腸粉粥品

營業中

休息中

今日經過呢間發記，見到佢有粥食又有靚腸粉，於是入去試吓。夜晚大約7點鐘人流唔算太多，都有空位，地方光猛，乾淨，服務態度正常， 我哋叫咗雞蛋腸， 肉片炒河。雞蛋腸果然好滑， 料唔算多，但係配襯豉油起嚟都算好好食。肉片炒河好多肉片，汁唔算太多，食落有鑊氣。可以再食。

外賣四碗粥加幾件油器，一直喺舖外面等，期間一直有啲遲過我落單嘅人入舖頭裡面催，因為真係等得太耐，大家都等得唔耐煩，職員就猛咁叫返啲人出去等。我見到有四碗粥擺咗喺度20分鐘，但係職員又一直冇pack冇叫人拎，我諗梗係咪外賣平台嘅order，等咗45分鐘後我眼見住遲過我order嘅人都入去拎走外賣，我忍唔住入去問，個職員好忙亂，問咗我個外賣號碼之後，佢就喺度排啲外賣單，然後見廚房出餐佢就拎俾堂食食客，職員搞完其他嘢之後終於行返嚟理我，我問呢四碗粥係咪我㗎？我見放咗喺度好耐！佢完全無視我問題喺度pack外賣，就係擺咗好耐呢四碗粥，然後交俾我，果吓我嬲到冇聲出，呢間嘢真係冇下次！其實廚房出餐時間唔耐，係樓面嘅職員分工好混亂，要顧住order、送餐、pack外賣、收錢，好多外賣放晒喺枱冇人理，所以外賣客個個走入去催，邊個入去催就pack咗佢先！仲有呢間粥檔居然係冇牛脷酥，淨係得油炸鬼，當我叫咗幾件油炸鬼我先至望到地下個雪櫃，原來雪住啲急凍油炸鬼！急凍嘅仲要同外面粥檔即造嘅同價！$11，叫完果刻勁後悔…外面啲粥檔油器就算依家幾縮水都好，都叫即製，呢間發記真係令人失望😞

📍發記腸粉粥品大埔汀角路17號地下A舖今日星期日，入到大埔，想食粥和腸粉，經過汀角路見到發記腸粉粥品小店，決定入去試試，見到餐牌琳瑯滿目嘅粥品，腸粉、炒粉麵……..我簡簡單單點咗碎牛肉粥，叉燒腸粉，炒銀針粉 。☀️碎牛肉粥@一個砂鍋盛滿熱騰騰嘅碎牛粥，粥底軟軟綿綿 ，傳統牛肉味道鮮明 。☀️叉燒腸粉@一碟有兩條叉燒腸粉，腸粉皮韌性中帶有Q彈的口感，滿滿的餡料，配上店家自家製豉油特別提鮮.☀️椰菜銀芽炒銀針粉@特別一讚👍店家喺即點即炒，所以零舍好食😋，上枱時喺熱辣辣，有鑊氣。雖然即炒 ，但價錢非常親民 。

純粹路經此地，叫咗三樣嘢：一碗艇仔粥、一碟炸兩、一碟家鄉炒銀針粉，合共75蚊。艇仔粥係一個小砂鍋上，份量都算大兜，足夠兩個人食，入面已魷魚為主，當然有啲肉碎同埋少少豬皮啦。炸兩都幾大碟，難得油炸鬼仲有少少脆，甜醬麻醬辣醬就自己落。家鄉炒銀針粉份量正常，都炒得幾香，而且唔算太油，芽菜都幾多，豉油炒，味道ok。

國慶日竟然要加班，不過都係自己責任心太重，神咁早起身，搞掂✅之後先食早餐，啱啱正值午飯時間，超多人叫外賣🥡砂煲粥一定要試吓，可惜太熱出邊天氣太熱，舖頭裏面冷氣又唔夠，人又多，阿姐又唔多理客人。及弟粥，最正係有豬什豬潤，我同事話嘅，不過我就麻麻哋，我見佢落勁多胡椒粉話好惹味。30幾蚊-$50一碗粥，食晒都滿足。皮蛋碎牛肉，也不錯，粥底都幾棉。牛肉炒麵，30幾蚊好抵食。肉片份量都多。銀針粉唔係周圍都有得食，幾有鑊氣。鮮蝦腸粉，唔錯。最後食埋蝦米腸粉炸兩，最緊要係甜醬麻醬，混醬汁最好味。

夜晚十點幾十一點食宵夜嘅時間，四週漆黑一片，得呢間粥舖仍然營業，入去坐低係唯一解決肚餓嘅方法。佢嘅粥品同埋腸粉種類都算多，我哋一個叫咗皮蛋魚片粥，另一個就叫咗豬紅粥，然後再叫個蝦米腸share。佢嘅粥係用一個小型沙煲裝住，比起平時嘅大碗份量好似多一啲，啲粥都熱辣辣，豬紅ok，不過魚片就麻麻地，比較散同削，但係其實佢嘅粥品最致命嘅地方就係似乎有落味精，食完返屋企係咁飲水。佢個蝦米腸都ok嘅，腸粉都夠滑。

下午經過時看到有數人在等外賣，感覺應該不錯。進店時見職員一直在弄外賣沒停手，馬上叫了碗蠔仔粥，等了約廿分鐘左右上枱。粥比想像中大碗，碗內有十多隻蠔，也有鮮味，而且只是三十多元性價比高。看到旁邊幾枱客人都叫了炸兩，有點後悔沒叫到，但是午餐時間只有一小時，唯有下次再嘗試了。

今日去到大埔黎呢度食粥，上次食過佢吔嘅雞雜粥同牛肉腸粉，今次就叫新鮮蠔仔粥$36同埋猪什炒河$45蠔仔粥都幾大碗，有芫茜同葱配料，蠔仔幾鮮味夠大粒，粥都好綿，猪什炒河有猪膶，豬粉腸同肉片，河粉算乾身唔太油，不過點都比蠔仔粥遜色呢間粥店出品幾好，價錢算平實，下次再去可以試下其他品種！

次次都會去食皮蛋碎牛粥 ！ 份量好足 岩岩好滿晒成個碗對細食女仔嚟講 要搵多個share粥好綿 好夠熱 仲有滿滿嘅蔥 正！炸兩 大份得嚟又好食 店員們好有禮貌 就算店內好忙都維持禮貌嘅態度 讚👍🏼 性價比真係好高！

工作至深夜梗係要食宵夜，黎咗呢一間粥品店見佢都有好多唔同款式嘅粥，於是就叫咗外面比較少D機會食到的雞雜粥，小窩上，超勁多雞雜，令到粥嘅份量好似唔係好夠咁樣。D雞雜都算係幾新鮮，不過就滾得太熟Over咗。

📍發記腸粉粥品 （大埔）朋友收工時間太晏 附近都無乜野食🤭見佢基本上收夜都食呢間就一齊食🤣佢叫左乾炒牛河$32 佢話幾好食 黎親都係食呢個加辣醬😆我叫左蠔仔粥 $35 勁大碗 好足料 走左芫茜因為我唔好芫茜😂入面有啲薑絲 蠔仔都有十幾廿隻～粥都幾綿 好食😋本身其實想食碎牛粥但近排食太多牛就唔食住🤡佢呢到都有啲腸粉同炸兩 仲有飯可以食～價錢都好抵食！我見好多人都叫炸兩😆我朋友話佢之前食過好好食 但近排我地都減緊肥就唔叫咁多野

元朗同大埔分店都食過好幾次但始終都係大埔呢間好食好~~多呢間粥麵店平時堂食已經多人外賣單一樣多 食咁耐外賣keep住有🐖 豬潤腸我無從入手😳以為啲豬膶會切細細舊包入面，點知都係大大舊又厚切成塊包🤎豬潤爽口得黎有少少粉，好新鮮重點係無臭豬味👍🏻腸粉真係好好食🤤皮薄煙靭又香滑，配埋甜甜豉油好想再叫多碟食，淨食腸粉都好滿足🤣🐖 酸菜炆豬手飯一上枱。。「我食唔哂😧」個飯真係超大碟‼️係我平時嘅幾倍，我只係食咗5分1左右就投降要人幫我執手尾🤣酸菜味道唔錯，本以為只係酸但食落有微微辣味而且後勁幾辣下🌶️淨食酸菜會覺得偏咸，但配上飯食就好開胃👍🏻豬手都煮得幾腍好有骨膠原🤤雖然唔太入味但咸淡度適中本人覺得都ok，可惜豬毛有點多😅——————💁🏻‍♀️總結大熱天時加上平日，堂食外賣一樣多人，依家無幾可lunch連飲品50有找又攬住個肚走🤰🏻🫃🥢食物/性價比食物質素唔錯，勝在大大碗夠抵食，性價比高又係街坊平民價🔔服務員工們貫徹自己工作作風，抱住「你唔食都有大把人食」，「等唔切唔好等/唔好催」🫠🌿環境店舖小位置唔多且比較狹窄，雖然有餐牌貼係窗邊遮擋大部份玻璃位，但大熱天時坐近窗邊位都會覺得熱

當個人唔想食咁多重口味嘅嘢嘅時候就會諗起發記呢間粥店😼但係我最鍾意食嘅唔係呢度嘅粥！而係呢到嘅雞飯🐣大大份，啖啖肉！次次都飽到上心口😂☘️雞飯 呢個飯仲會包埋枝豆漿添！就算係黃豆豆漿定係黑豆豆漿都得咖🥰份量大到兩個女仔share食都未必食得哂🥹成日食都係比雞髀🍗添咖！雞都幾滑，唔會太乾爭爭🔥飯量多到滿，成日飯盒都係😂其實野食就覺得麻麻，正正常常，但樣樣好大碗😂粥就真係比較咸😅食完飲左好多水🤣好食：❤️❤️❤️🖤🖤抵食：❤️❤️❤️❤️🖤

宵夜時段點了雞粥和蝦米腸，味道及質素只屬普通，但已經比很多地方吃到的好。今天在香港好吃的粥店買少見少，始終租金太高賣粥很難圍皮，粥又不能賣得太貴，所以粥店真的很難生存。蝦米腸夠滑，蝦米亦香。雞粥的粥底稀杰適中，雞肉當然不是新鮮雞，還可以啦。

話說冇啦啦入左大埔，個胃口又麻麻，唔知食乜好。住附近嘅朋友成日幫襯呢間粥店，所以佢推介我去呢間。位置唔難搵既，但黎到見好多人，本來都想打退堂鼓，不過又唔知食乜好，所以照排隊排咗大概20分鐘。叫左「豬膶粉腸粥」，粥都綿，成碗都好足料，豬膶唔會韌，又夠多！😊粉腸洗得夠乾淨既，冇臭味，容易咬得開，口感非常ok!不過因為繁忙時間，碗粥等左15-20分鐘左右同埋d檯都比較迫，如果自問有要求的話就再考慮一下！