發記腸粉粥品

營業中

休息中

一食得豐富左就會去發記食粥😋今日食蠔仔粥一如既往粥底好綿 每啖食落都好滿足35蚊咁大煲 仲要用料足 每粒蠔都大大隻 食極都食唔完而且鮮味足 絕對唔係煲咗好耐搞到d蠔都熟哂 係即叫即煲而最欣賞係洗得好乾淨 唔會食到蠔殼或黑孖孖既蠔屎👍👍另外叫左鮮蝦腸腸粉一定要堂食 叫外賣送或自取都唔建議送到黎或返到去都會痴住一舊同乾哂強烈建議堂食腸粉即叫即包所以好滑加埋每隻蝦都大隻又爽口好好味仲要配合埋佢個甜豉油 真係一流另外仲有雞粥同魚腩粥都好好味😋

今日想食粥做早餐，揀咗呢一間。兩個人原本想叫一碗腰膶粥share，再要一個炸兩同埋一碟蒸蝦米腸。點知又無豬腰，咁就改要豬膶粥啦，而侍應姐姐話油炸鬼因為啱啱開舖所以d貨未運到，原來係交黎嘅，咁好食極有限啦，於是轉左做豬什炒銀針粉，實行黎個膽固醇超標的早上。個蝦米腸又真係幾好食，蝦米同d蔥都好香，腸粉粉漿都唔錯，食落去熱辣辣感覺好新鮮可惜另外嗰兩樣都係麻麻地，豬膶粥d豬膶唔係好新鮮，食落去好似無乜味。至於個豬什炒銀針粉都幾搞笑，得好少豬什，反而有一舊好大嘅肉片，有少少被搵笨的感覺。

呢排變咗老人家，食嘢都比較清淡。今次去咗呢間族譜食早餐，叫咗個皮蛋瘦肉粥配油炸鬼，總共$40。個粥勝在大大份，而且都足料嘅，不過我覺得唔係好夠香。 油炸鬼上枱凍嘅，而且偏硬似擺咗低咗好耐，唔太建議叫。

上次去左大埔boundless by reaction cafe，路經見到間粥店幾多人食，出面仲貼左啲雜誌介紹之類，今日特意過嚟食個早午餐～靚靚鮮雞粥 $43其實佢出名應該係豬潤，但個人唔太鍾意所以傳統的叫雞粥😂食左一啖真係好驚喜，見到啲飯粒未散哂就知佢冇溝水唔會稀，粥底好綿，蔥/薑/雞嘅味道完全融咗入去，就咁食都好好食，同埋佢個煲好大絕對夠兩個人share再點其他小食like腸粉雞蛋叉燒腸 $23雞蛋都煎得香口嘅，但主角腸粉就未至於想像中咁滑同薄，但水平都係中上偏好～總結：如果想食粥真心推介來這間，同平時商場連鎖式嘅味道絕對有分別，係傳統港式嘅味道❤️如果大家試過邊度粥/腸粉好出色記得話我聽～評分（5⭐️為最高）：環境：⭐️⭐️⭐️服務：⭐️⭐️⭐️食物：⭐️⭐️⭐️⭐️價錢：⭐️⭐️⭐️⭐️如果喜歡我地嘅餐廳食野情報就follow@我地 hkfoodie_90s_couple啦～

好大份所以一碗粥都食得飽，啲粥好香而且好足料，所以粥都好香甜，啲腸粉好滑係即拉嘅腸粉，朋友食咗嗰豬肉飯都有驚喜，啲豬肉肥瘦適中，吾會太膩，除此之外，啲小食例如銀針粉同炒麵都推介

「2021年尾奉旨飲飽食醉」系列之平凡是粥雖然標題係平凡是粥, 但指既係回歸平凡 ; 而呢間小店既粥一啲都唔平凡。10 點幾已經坐左 8 成人, 見好多人食皮蛋瘦肉粥, 咁勍試下啦, 仲有叫埋及第粥同炸両。等粥黎時, 發現呢間小店好多外賣單 。粥黎啦! 哇! 好足料, 有圖有真相, 及第粥滿滿既豬潤、小腸、瘦肉。皮蛋瘦肉粥 - 皮蛋同瘦肉碎平均分佈, 味道份量都平衡得剛剛好。炸両 - 外軟內脆, 估唔到入面條油炸鬼, 可以做到被腸粉包住後都仲咁脆咁好食! 平唔平凡就睇食客既心境啦~

吃粥暖笠笠🔥一間抵吃大份的粥品店舖不論是粥，還是腸粉，同樣地是大大份！🌟《新鮮鯇魚腩粥》$29用了沙鍋裝著的鯇魚腩粥，熱滾滾，大大煲，內有四件鯇魚腩，而且鯇魚腩是很大件！粥亦是很綿、很足料的！的確好吃！抵吃！👍🏻《皮蛋瘦肉粥》$27同樣是大大煲，熱滾滾，食材相當足料！皮蛋和瘦肉亦好吃！🌈《蜜汁叉燒腸》$18很大份！超足料！腸粉皮不算太厚，但叉燒很足料，份量很大！而且腸粉皮捲成比較寬身和較大，很滿足！🌟總結：抵吃！大份！好吃！

粥底非常好食唔似一般粥譜嗰啲粥求求期期就算用料到十足皮蛋瘦肉粥有好多瘦肉鯇魚粥救救鯇魚都好大舊叉燒腸粉好多叉燒兩大條好抵食兩大個砂鍋擺上兩大碗粥好有風味加上依度嘅環境都好好唔知點解有一種返咗大陸旅行嘅感覺依度嘅牛脷酥勝在佢會幫你展開一救救等你食得開心啲呢度夥計得兩個見到佢哋好勤力所以作為人客都要合作合作唔好太過麻煩如果呢度嘅豆漿可以自家做嘅豆漿就更加好而家就係坊間膠樽形式嘅豆漿這間店舖周圍都有分店大埔都有兩間得閒就過嚟食吓啦

夜晚去叫外賣，4個伙計（連老板），得我一個客人，我叫皮蛋粥，同佢三次來回講咗係叫皮蛋粥，唔係叫皮蛋瘦肉粥，話俾佢知唔識豬，四個伙計一齊聽住，最後返到屋企都係有瘦肉，我唔食豬㗎，心中粗口多的事；最攪笑佢帶住手套收銀，孰碗，孰餐具，衛生指數爆燈

等到啲銀針粉凍晒😡。買外賣又唔講煮好咗，等我係外面等！足足等咗20分鐘，半個lunchtime冇咗！熱嘅話應該冇咁油，宜家凍冰冰好似食緊豬油咁😱🤮。服務更到差劣，成日叫你等，但又唔同你講話搞點...淨係識收錢！做唔切冇問題，但係叫人係外面等，而已經炒好好激氣！返到公司食，凍晒...銀針粉又咸，又唔夠肉，得幾塊，又老。最慘係大埔冇其他地方有粥食，有我一定唔會幫襯。服務令到你好激氣，千祈唔好幫襯！

粥品順滑錦密特登過去食架！會係目前唯一令我想食粥時諗起會去食既腸粉！炒麵！炒河！通通有鑊氣夠味次次食都唔會厭而且咩粥都有蠔仔粥！雞雜粥！豬潤粥！佢地油炸鬼係夠曬香脆！好正宗傳統 keep住熱辣香脆

疫情當下最好就買外賣返屋企食就最安全～今次就叫咗一份鮮蝦雞蛋腸，因為即叫即整所以等嘅時間都比較長！腸粉食落覺得好少雞蛋，但鮮蝦就好大隻好彈牙！略嫌附送既豉油味道太鹹，同埋腸粉份量較少，食完唔會好飽～不過整體來講腸粉都好滑嫩，整得一試！

住呢度附近所以平時食粥都黎呢間，食物味道普通，價錢亦唔係貴，不過入面做野啲阿姐態度比較差，有一位比較正常。之前已經試過晚市黎買晚飯，第一次就等左15 分鐘，我冇出聲。今次黎等左30 分鐘，同個阿姐講，冇道歉仲要惡過我，態度極差。完全冇話幫我跟下張單，我見門口個幾位客都等到嬲。之後先另一外好啲嘅阿姐話唔好意思，話腸粉要時間整。仲有，如果你唔問，佢地唔會俾醬你，好易番到去食乾腸粉......下次如果大家要叫外賣，真系要提早打電話叫定

今天有點不舒服，請了病假，睡到自然醒，醒了就肚子餓，想吃點清淡的，就走到了又新街附近的這間粥店。這間粥店算是老字號了，裝璜還是十分老舊，而且座位少，十分迫狹。門外排滿了膠椅子，每到午飯和晚餐時間，門外便坐滿了食客等候。一間老舊的粥店卻長期也有大把捧場客，自有其獨到之處。幸好今天是平日，我來到該店時已過了午飯時間。進了店點了個皮蛋瘦肉粥，及一份炒米粉。它的粥品十分大碗，而且還是滿瀉的！卻只是廿多元，十分抵食！粥比較稔身，皮蛋較多，份量十足。米粉較乾身，味道一般。這粥店是性價比高一間店，但侍應服務一般，而且環境較差，所以價錢及舒適需作取捨。

以前會特登去元朗就係為咗去發記食豬潤，偶然先發覺原來大埔都有分店，即刻去食!!作為豬潤愛好者，發記的豬潤係永遠無令我失望，生熟剛好又無腥味，厚切有口感。因為太鍾意食我地曾經試過問元朗店的姐姐究竟點樣整架啲豬潤，結果無人肯答我哈哈。無論炒河定係粥，同豬潤都係好夾，爽脆之餘內裡剛熟，份量都好慷慨大大片。當場粥品係另一個亮點，好棉有米香，份量材料都係好大碗，抵食!