發記甜品 (已結業)

食完燒鵝, 當然會想起去隔離的發記食甜品, 始終都係好有名氣的甜品店都係露天雅座, 都係談天說地的氣分, 不過食物卻完全唔得... 我吃的楊枝甘露十分失望, 芒果很酸, 差不多夏天, 理應是芒果當做的季節, 點會咁? 汁底是椰汁的, 但味道單調, 這個名店的甜品, 讓我頗失望...友人的durian pancake比較細件, 中間包住的榴槤肉都幾多, 但pancake皮味道只係一般, 沒有香味..

接近midnight了，諗住近近地去了深井嘅發記食糖水，小公主叫咗碗佢從未試過嘅發記楊枝金露，我就叫咗個芒果糯米卷。楊枝金露 - 已經失咗佢以前嘅水準，成碗嘢都係芒果肉，芒果汁，衰在我地唔係食緊許留山嘅芒果撈嘛，點解啲芒果多成咁，又唔見咗啲西柚，個味好唔平衡，如果係咁，以後都唔敢再食呢度嘅楊枝金露。芒果糯米卷 - 又係一樣，個皮太薄，芒果肉太厚，冇口感，好似淨係喺度食生果咁，唔掂。Comments: 今次都唔知搞咩，可能我地叫嘅款式有問題，可能下次嚟呢度食糖水都要諗諗。

去深井食晚餐 點都要留下肚 試下e間野既甜品 因為真係好鬼好食 間野要3:00先開 d芒果真係好香 同d榴槤真係好正~我最鐘意食既就係佢既布甸同榴槤瓢香 因為真係好正 仲有d楊枝甘露 都幾好食唔錯 不過唯一既缺點就係 貴得制~ 想食多件都唔得食一個布甸 等於你食一個lunch 咁貴~

成日都會去既發記芒果pancake: cream唔會漏唔會太甜 皮薄 芒果好甜夠多(夏天時)榴槤pancake: 榴槤係一舊咁擺入去 同cream夾埋一齊食個味唔錯榴槤飄香: 夠榴槤味 但榴槤肉就唔夠好味 值得一試紫米露豆腐花: 紫米露同豆腐花一齊食岩岩好 唔會太甜唔會太淡燒賣: d汁好味

在大衛吃了差不多兩個鐘....由肚餓到飽...感覺未能一氣呵成, 徘徊在飽與半飽之間, 不想再在大衛等下去, 於是再嘗嘗此處甜品!常懷念九龍城合成的清心丸, 於是見它有便立即要了一個薑汁蓮子清心丸, $26 來填補思念, 分量少少的, 比起合成就差得遠, 薑味唔濃, 蓮子腍, 但沒有鬆化感, 清心丸夠韌韌, 糖水不會過甜, 但甜味不似一般中式糖水, 不是清甜的, 老公的蕃薯糖水亦不夠薑味, 甜味跟我的一樣...怪怪地! 莫非只能叫榴槤產品?

星期日中午，天朗氣清，剛旅遊回港。。和友人由機場出發去深井都唔洗十五分鐘車程。。懷左期待既心情去試下名不虛傳既總店發記啦。(其實發記咁多分店，但仍是第一次到深井總店)。只見鋪面大閳關上，没有燈光，心知不妙，原來是下午3點才營業，現在已經二時四十五分。。去便利店買東西再來吧。回到發記己經有顧客，想不到其他人準時一開門就來幫襯，選坐鋪內的位置，有泠氣舒服嘛(3月己經熱得有點初夏的感覺哦)友人先點了 <芝麻糊> ，小妹點了凍<紅豆沙豆腐花>，問了友人可否食榴槤後，加多一客 <榴槤酥皮卷>首先，看起芝麻糊比一般的芝麻糊沒有兩樣，不是很特別了吧，但吃落口不是很甜但芝麻味足夠，口感良好 XD紅豆沙豆腐花就比起來紅豆很甜得來起沙，豆腐花清得來涼快入心壓軸的<榴槤酥皮卷>，咬入口外面的脆皮，內面榴槤衝出來，口感好豐富，榴槤亦好新鮮好夠榴槤味道，好似食左整個榴槤一樣的總括來說，此行發記很不錯，有機會都想再來一試其他的餐牌的推介甜品

小弟諗著聞名不如試一試,就買咗一個杏仁茶湯圓外賣, 但係試完好失望外賣份量極少~ 個外賣膠盒已經好細啦,仲要好似載得半碗咁,但係要成$23,仲有d杏仁茶又唔夠熱,(我只係買到對面朋友家食,唔係行好遠,所以唔關路程問題).都唔知係咪平日唔多人食, 所以d野搞到凍晒.

情人節去食甜品, 一行五人叫咗六樣嘢, 芒果糯米糍 ~ 一碟分成四小件, 糯米皮幾煙韌, 但芒果勁酸!! 而且貴!! 芒果班戟 ~ 一碟三件, 份量算大但皮超厚!!!!! 芒果勁唔掂!!杏仁茶加清心丸～ 幾滑, 不過太甜, 清心丸唔錯!!榴槤班戟 ~ 一碟四件, 好失望!!!! 榴槤一d都唔甜, 又唔滑!! 仲有少少苦苦地~~芒果西米露~ 芒果 份量幾多不過得個酸字囉!! 綠豆沙~ 不過不失!唔好以為出名就好食囉…!!, 好失望, 又貴又唔好食, 連推介嘅芒果甜品都做得好差..榴槤又唔掂, 生果應該要揼本啦 因為價錢都唔平…唉!總之希望佢地有改進啦!!

上星期五, 一行十人於晚上十一時到發記, 好多人在排隊, 我們大約等了十五分鐘左右。我們分兩輪點甜品, 每人叫了共兩客只屬自己的甜品, 另點了數個甜品share, 喪食!!!我先後點了栗子茸和杏仁茶加清心丸, 栗子茸好香好滑 又足料 (真係自家磨製!); 杏仁茶相比之下, 略為遜色, 我嫌味道不夠香濃 (應該要有撲鼻的咮道), 但清心丸份量多, 又大粒。同行的大多叫楊枝甘露或木瓜雪耳, 楊枝甘露好多芒果, 大大件, 又夠甜; 木瓜質素較參差, 有些甜, 有些淡。大家share的有:糖不甩 ~ 熱辣辣, 好煙韌, 每碟5粒, $16一碟!!!芒果糯米糍 ~ 一碟兩條, 分成四小件, 雖然貴($32/36?), 但真係好好味! 糯米皮煙韌, 芒果鮮甜;芒果班戟 ~ 一碟三件, 每件份量算大!馬豆糕 ~ ok! 豆味不算太香濃!唯一美中不足: 可能廚房人手少, 等候食物上枱時間頗長呢!

六條友仔行完山，只係得四點半，去食燒鵝又太早，唯有去發記食陣糖水先。嘩....一入去就好勁榴槤味；如果你好鐘意食榴槤，呢度有如天堂；之但係你唔鐘意的話....透少兩啖氣把啦！ (果個咪我囉，唉~~~)一人叫左一碗糖水，再叫多個酥皮焗香蕉share。其實呢度d糖水做得幾好，用既生果又好新鮮；我叫的楊枝甘露，個味又"較"得剛好，入面d芒果都好好味呀~~我朋友都話佢個什果榴槤布甸好味, 係生果面，然後有個疑似榴槤布甸的物體，重點係入面包住左件大榴槤...成碗野好豐富。不過, 唔鐘意食榴槤的朋友最好自己瑟縮於一二角食；我地有一半人都叫左榴槤野食，我只要對住佢地，都會聞到好勁榴槤味！佢地就好和味，難為我地呢d怕榴槤者....整體黎講，發記的甜品係好味的，佢d榴槤食品我朋友都覺得唔錯；不過，如果你係唔鐘意榴槤的話，呢度唔值得你專登山長水遠入黎食 (空氣入面d榴槤味含量極高！)；若然你係路過或順路的話，咁呢間野點都值得你走入去試。

一路行山，一路想下吃什麼甜品，終於到了發記，叫了黃金露豆腐花，原來是南瓜煮的，到了之後，朋友先試，看他們的表情就有些後悔，不過，自己吃過之後就覺得 ok ，可能有些淡，不是人人喜歡．豆腐花也算滑，只是一點南瓜味也沒有 . 朋友叫了綠豆沙 , 真的好沙 , 豆不會太硬 , 甜度又適中 , 好味 . 芒果布丁 , 好多件 , 芒果有些少酸 , 可能不是這個時候吃 . 另外 , 有個是長型一條條的涼粉 , 好得意 , 但是 , 還是喜歡原始的一粒粒 , 口感好些 . 這裡的甜品真的不錯 , 熱切期待下一次的行山之旅 .

920。永不忘。深井馬灣碼頭楊芝甘露：友人的。無法語言，甜、棒。只因有你芝麻糊豆腐花：豆腐花是友人即替我點的，自知友人愛吃，可是其實我想吃芝麻糊，友人才說那便來個芝麻糊豆花吧…我什麼也不要緊，只要你愛便可..壞蛋。合照我還沒到手哦~~店內小伙子笑容友善，傻得像你。。笨蛋念舊？！只有我念舊。。。向來你有替我想過，凡事先問我意見取共識嗎？

中秋節同屋企人食完飯,同左男友去深井遊車河~一場黎到.就試下呢度既"發記"~叫左一個"楊枝甘露" $26 + 芒果pancake " $23"楊枝甘露一般水準. 都ok既.芒果pancake 層皮就太厚了.之前食過mega box分店.食物就差唔多.我唸深井呢間.除左住附近既人之外.大多都係遊車河黎食呢.正如西貢既滿記一樣.

６／２３今日晚上同男朋友唔知去邊好．咁就約左個朋友食宵野．朋友話去發記．我叫左個招牌楊枝甘露．朋友同我叫的一樣．．．．其實我覺得好一般．．男朋友叫左哈密瓜西米露．．再叫多個芒果ｐａｎｃａｋｅ．幾好味．

吃完燒鵝, 就到隔壁的發記吃甜品.我們幾個人share了幾個甜品吃.率先上桌的芒果糯米卷很好吃, 芒果和糯米皮的配搭得宜,芒果肉厚, 而糯米皮又煙韌,味道一流, 可是比較貴.之後自己吃了一個芒果西米露,西米露份量十足, 原以為味道也不會差到那裡去.可是芒果有點酸, 就算西米露加了黃糖都一點甜味也沒有!或許芒果已過了當造的時間?發記近年在市區都開了不少分店, 質素理應不太差.遲點要再試試其他甜品才可以為它的甜品下定論......