癡膠雞 (軒尼詩道)

營業中

休息中

最近天氣凍凍地，食D熱野就最好！平時食米線就食得多，但係呢間食米線係可以有個小火爐熱住食，唔會怕食得慢就凍晒！我好鍾意食雞，呢間有花膠雞米線我梗係唔會放過！其實我之前食過佢既花膠，所以今次就唔再揀佢既花膠，我地今次揀左胡椒豬肚雞半隻做火鍋，我再另外加錢要個牛同埋薯粉；老公就叫左個水煮牛米粉。先講水煮牛先，佢個米粉係幼果啲，我老公鍾意食。而個味道唔錯，有麻辣味，但又唔會係全部油係面果啲。個米粉熱辣辣，連埋啲湯好食，啲牛肉唔會太鞋，冇諗過食花膠雞都有得食水煮牛，而且都唔差喎！評分：👍🏻👍🏻👍🏻/5跟住就到個豬肚雞火鍋，我叫左半隻雞，個鍋有個爐熱住，個湯好飲，不過就有啲雞油，豬肚同雞既份量都唔錯，仲有啲蟲草花，個雞都好滑，不過就襯個湯滾之前食，因為我怕個雞會變鞋；另外加錢既牛都唔錯，都有好多塊；而最後我加左個薯粉，索晒個雞湯，好正呀！評分：👍🏻👍🏻👍🏻/5我地亦都加左個炸粟米小食，好好食！評分：👍🏻👍🏻👍🏻/5埋單都唔洗$300，呢個天氣食到熱辣辣，價錢咁平民，好正呀！整體味道指數：😋😋😋/5性價比：💰💰💰💰/5環境：❤️❤️❤️/5服務：✅✅✅/5

超喜歡來香港灣仔軒尼詩道254號地舖，癡膠雞(灣仔)用餐，因為每道菜總能令味蕾大滿足。癡膠雞，招牌菜，一道滋補又鮮美的花膠和雞，雞肉肥美，嫰滑美味花膠嚼勁又不失柔韌，最正是湯底，秘制味道，濃郁醇厚，用來送飯一流。明太子釀雞翅，雞翅烤得外皮酥脆，巧妙地釀入了明太子，好味。椒鹽粟米，粟米粒粒分明，經過油炸之後，外皮變得酥脆撒上椒鹽，那股椒鹽的香味和粟米的清甜相互交織，又香又爽脆。雲耳猪肚絲，猪肚被處理得乾乾淨淨，口感爽脆這道菜的醬汁，把雲耳和猪肚，變成又是一道刺激味蕾佳品。最後點了一杯凍柚子蜜讓刺激味蕾的一餐，來一個清甜的凍柚子蜜結尾，太爽了。

今日同同事係灣仔食了一間好味嘅米線店，餐廳最大特色係湯同米線分開上，仲用迷你火鍋保溫，可以加其他車仔配料，好似打邊爐咁，夠晒心思！「胡椒豬肚雞米線」個湯底真係唔錯，金黃色嘅雞湯落足胡椒，濃郁鮮甜到飲唔停，份量仲多到夠兩碗米線，完全唔似一般味精湯，誠意爆燈！豬肚爽脆無異味，雞肉嫩滑，加埋微辛胡椒湯底，暖胃又惹味；朋友嗌嘅「口水雞米線」都好食，雞肉浸滿麻辣醬汁，花生碎增添口感，但可以辣少少。米線本身偏幼身，掛湯力強，索盡湯汁精華。整體性價比高，湯底絕對係靈魂，難怪附近上班族都捧場。下次想試埋佢哋嘅滋補燉湯系列！

1. 椰子雞米線 $60我哋巳經二刷椰子雞米線！濃濃嘅椰子香湯底飲落去超級滑順，味道香濃，感覺到椰油同椰奶嘅甘甜，裡面有幾片椰子肉，雞肉好嫩滑！🌟評分：8/102. 招牌花膠雞米線 $68湯底用咗好足料嘅三黃雞熬煮，花膠同雞肉嘅鮮味，湯底濃郁又清甜無味精。另外，雞肉十分鮮嫩，唔係雪藏雞，加＄10仲可以轉雞髀，雞髀肉質更鮮嫩豐滿！仲有4,5塊花膠、爽口木耳、甘香蟲草花，最尾仲成碗湯飲曬！🌟評分：8.5/103. 金磚豆腐 $42金磚豆腐外脆內嫩，外皮好金黃酥脆，豆腐十分軟滑，口感相當豐富，仲有椒鹽嘅香味，真係好值得一試！新鮮出爐熱辣辣，差唔多枱枱都叫呢款小食，十分推薦！🌟評分：8/10🎖️整體評分🎖️❤️味道：8.5/10🧡環境：8/10💛服務：8/10💙性價比：8.5/10📍 癡膠雞 (灣仔)灣仔軒尼詩道254號地舖

香港天氣秒轉一下子成30 幾度，連胃口都冇乜，最啱食濕濕地嘅嘢，感覺冇咁重負擔。灣仔區返工朋友都應該聽過/試過癡膠雞開左都有好長時間，成功儲左不少熟客仔主打養生湯、鷄🐔平日6:00 後客人漸多，我地都係想食個快飯，手機點完餐上菜真心快。我點左養顏之選招牌黃酒雞湯花膠竹笙雞米線先試一口黃酒雞湯，濃香而不過咸；陣陣藥膳香氣聞落去已經令我感到舒服。鷄肶鮮嫩，肉質富彈性；花膠也是一片片，非碎濕濕貨色，我尤其喜歡竹笙爽爽的口感，竹笙索滿湯汁，同時滿足味覺，但唯一缺點是米線質感較腍。沙薑鷄肶飯鷄肶同樣嫩滑，付上蔥油，令鷄肉更加提味，白飯份量正常，但男仕未必夠飽。套餐包普通熱飲品凍柚子蜜無糖可樂

各位食友！今日要同大家分享去灣仔地段嘅餐廳美食，真係食過翻尋味！第一，先講呢碗花膠雞米線，湯頭濃郁得好似黃金漿液，花膠厚實Q彈，每一啖都係滿滿膠質；雞肉鮮嫩到骨都入味，米線掛滿湯汁，嗦一口幸福感爆棚！第二，再講金磚豆腐，豆腐即叫即整，炸到外層煎到金黃酥脆，好似裹住一層閃亮鎧甲，咬開瞬間，嫩滑豆腐湧出，豆香混著獨門醬汁，口感層次豐富到驚喜連連！這間餐廳出品太出色，花膠雞米線同金磚豆腐，絕對值得大家衝去試！

灣仔嘅癡膠雞超旺，今次喺周末試下。癡膠雞-黃色雞油湯非常開胃奪目。湯有杞子，松茸，木耳，花膠。花膠特別爽口。新鮮雞除咗好滑，彈牙，味道好之外，切得靚，食嘅時候無骨碎。薯粉索晒花膠湯味，超配搭。唔係太過粗，而且已經熟熟地。叫咗半隻雞（+$80），份量十足，湯料都多一倍啲。最對值得。日本芝士竹崙-芝心竹崙，都嘅特別，值得一試。其次仲叫咗上海麵同炸魚片。總括：有個火爐熱住，全程都有熱辣辣的花膠雞湯食。個湯仲熬得越嚟越好味添。花膠雞湯喺華人食品嘅精髓。亦都喺到試到。

癡膠雞 灣仔軒尼詩道254號地舖依家返工同放假都經常遊走港島區，食唔少餐廳，米線控表示好難搵到間有質素既米線🥹曾經有網民推介癡膠雞，今次專誠到訪小店。晚市walk in需要等一陣招牌花膠雞米線 $68，+竹笙 $15第一次幫襯，當然要order招牌菜啦😎而且見到好幾枱食客都叫呢款，味道應該唔錯🧐？湯底味道好鮮甜自然😍最後俾我飲晒😋雞件切得大細適中，方便進食，肉質嫩滑，仲有幾片花膠，骨膠原豐富😋竹笙吸收晒湯汁精華，口感爽脆鮮甜。晚市可揀跟爐上，當日手腳冰冷咁食，真係特別暖笠笠招牌花膠雞米線 $68+美國牛肉 $30，+凍柚子蜜 $18（少冰，少甜）牛肉薄切偏瘦，夠晒健康，肉質無想像中咁柴皮，反而幾爽口😯夏天咁熱，嘆返杯凍飲真係好爽，柚子蜜幾清新蜜糖雞翼 $42雞翼炸得咸香脆口，加埋少少蜜糖幾香甜🤤金磚豆腐 $42豆腐炸到外酥內嫩，熱辣辣又滑溜，加埋面層有少少椒鹽香，真係食到停唔到口😖價錢同質素係港島區來講算高CP值，食後無味精口渴感，相信係真材實料熬製湯底，出品有誠意，經灣仔可以encore

今日試咗位於灣仔嘅「癡膠雞」，見到網上好多好評 原來真係勁好味😋 食物選擇好豐富，多款口味嘅粉麵飯同小食都好吸引🙌🏻🍜招牌花膠雞米粉 加美國牛肉必食～招牌花膠雞米粉以雞湯為底，味道勁濃郁鮮美！！雞肉份量十足 肉質鮮嫩好肥美，仲配埋花膠 提供豐富嘅膠質～美味可口又滋補🫶🏻 另外加咗牛肉，蛋白質滿滿👍🏻🍜藥膳黃酒花膠雞米線 加娃娃菜有驚喜！藥膳黃酒湯底好正，香氣四溢 藥膳味適中🙌🏻 有滋補效果，雞肉份量十足 肉質鮮嫩好肥美，仲配埋花膠 提供豐富嘅膠質～另外加咗健康嘅娃娃菜🥬配搭熱柚子蜜酸酸甜甜，好好味😙

🍜 灣仔美食推介 - 癡膠雞！｜米線控的天堂 📍身為一個重度愛好者，一直以來都是癡膠雞的外賣常客，今天終於來體驗一下堂食！😋 這次點了他們的招牌花膠雞米線（$69），份量十足！湯底以慢火熬製，濃郁鮮美，越飲越上癮！😍 裡面的配料都好足夠，花膠滑嫩，雞肉鮮嫩多汁，今日仲要係原隻雞脾🍗 除了米線，仲點了即磨咖啡（+$4）和手拍青瓜🥒。咖啡香醇濃郁，而清爽的手拍青瓜更是增添了幾分清新口感。真心推薦給所有米線控！💯 下次來灣仔，一定要來試試看！

污嘴狗就睇吓痴膠雞有幾痴～！個店名都已經好盞鬼，好深印象！食物款式多，仲有火鍋形式食😍！𝑭𝑶𝑶𝑫𝑺1〉花膠雞煲翅 $98 （大推薦🌟）唔好睇少依鍋花膠雞煲翅～全程用熱鍋熱住食，唔會攤凍（好貼心）！真材實料好抵讚！花膠同翅份量比例都好多！重點個湯底熬得好好！雞味好鮮甜（污嘴狗都飲左幾碗～）雞件好滑嫩～2〉蜜糖雞翼濃湯米線＋芝士竹輪 $57  （推薦🌟）蜜糖雞翼好出色仲好抵食！一份有三隻，每隻都烤到脆卜卜，內裡肉質好嫩滑唔乾！另外芝士竹輪配料～完美！湯底濃郁，好鮮！3〉明太子釀雞翼（每隻） $20 雞翼漲卜卜，餡料豐富！少少辣辣地好開胃！外脆仍然保持好脆口，唔會太乾！𝑫𝑹𝑰𝑵𝑲4〉凍鹹檸梳打 跟餐＋$18 好Fresh！食米線配鹹檸梳打好爽！鹹檸新鮮，大大粒！味道隨自己喜歡，想鹹啲就督多幾吓舊鹹檸啦！-

✨灣仔「癡膠雞」係一間平民小店，最欣賞佢哋嘅雞肉全部大大件滑嘟嘟。***** ***** ***** ***** ***** 沙薑雞飯🍚原本都只是$48，+$10有雞髀肉，認真抵吃，味道好而且份量足。招牌花膠雞米線🍜話明係招牌，一定要食一個，花膠份量多，雞肉軟腍，米線硬度適中，大部份客人都order米線。金磚豆腐🍮外脆內軟，外層惹味豆腐滑嘟嘟，一口接一口食到停唔到口。椒鹽粟米🌽🌽🌽帶著椒鹽味的粟米仍然食到粟米的原始甜度，呢個都是必吃的。

有趣又貼題的店名，因為滋補花膠雞湯而進店一試，餐牌上有分一般小鍋米線形式，也有大概兩倍價錢的火鍋選擇，同朋友兩個人就決定試下叫火鍋！① 花膠雞煲翅火鍋 （半隻） $168② 米線 $15金黃色花膠雞湯，一滾就當然要先試碗湯，清甜帶鹹香，好飲。雞肉肉質嫩滑，滑嫩花膠大大塊，翅群都唔少。當飲到唔夠湯，可以叫店員加湯，餐廳係加雞湯而唔係加水，越食越濃味。米線一份都夠兩個人食，食完都夠飽，無加料繼續打邊爐，但飲晒成煲湯！③ 金磚豆腐 $42炸豆腐外脆內軟，味道偏重黑椒味，幾香口同適合佐酒。

近期好多同事推介癡膠雞，個個都話好食又抵食，我都跟埋去試，果然性價比好高口水雞飯、沙薑雞飯 - 雞又香又滑，肥瘦適中，口水汁同沙薑汁夠晒濃稠，可以自己調味好貼心，加埋青瓜、芫荽同花生，味道好豐富，份量十足，好食又抵食明太子釀雞翼 - 外皮金黃色脆卜卜，雞肉嫩滑，中間釀咗又滿又厚實嘅明太子，鹹鹹辣辣好惹味，食落有層次時令田園蔬菜 - 上湯白菜，上湯好清甜，白菜好新鮮，仲有雲耳，絕對係誠意之作蜜桃烏龍冷泡茶 - 蜜桃香味好突出，烏龍夠晒濃，兩者味道好夾，清新解渴，健康之選選擇好多，飯、麵、米線、小食等等應有盡有，款式又多，最重要係質素唔錯得嚟價錢親民位置好方便，店面乾淨，多人得嚟都唔會話坐得逼，咁抵食嘅小店一定要再幫襯

其實佢哋招牌係『花膠雞湯底』但係嗰日好想食椰子雞湯最後嗌咗椰子雞湯但係唔係我想像中嗰隻有好香甜椰子味而係湯底偏重雞味不過都係好好食的雞件份量都好足最特別的是用吉邊蠟燭加熱方式可以由第一啖到最後一啖都是熱辣辣的冬天食絕對幸福死（但我嗰日食到出晒汗仲要熱到係辣口嗰隻最後忍唔住叫姐姐幫我熄咗個火你就知道有幾誇張幾熱仲要一直係出晒煙咁撲向我塊面度即刻獲得桑拿體驗隱藏MVP：金磚豆腐外脆內軟好酥脆炸粉勁薄食落去豆腐勁軟可以話好食過出邊酒樓級數其實小食類都有好多選擇有可樂餅同埋明太子雞翼等等嘅炸物下次嚟食嘅話都會想試埋