番本日式放題 (已結業)

今次一共七人去食，訂枱時備註生日，去到生日朋友半價👍仲有朱古力火鍋送給生日朋友👍，食品選擇不多，每位加 10 蚊可以任食杯仔生𧐢，其他食品一般，飲品方面都有好幾款選擇，蒸氣火鍋見無乜選擇所以無試😬

今日 同朋友 慶祝生日，我們 去咗了旺角西洋菜南街168號3樓全層的番本日式放题。餐廳內環境清潔，坐座舒適， 侍應服務態度良好。我們首先我打咗一盤刺身， 刺身內有甜蝦， 肥美的帶子， 紋路清晰的 三文魚 ，款款新鮮美味。還有炸物 番薯炸球 ，天婦羅 鬆脆的 炸蝦。 甜甜的 燒菠蘿， 燒青瓜， 熱辣辣的蟹粥、 已經 吃得 很飽了。我們還order作一個蒸氣火鍋 配料 有新鮮肥牛， 鮮蝦 ，雞肉片， 帶子，鮮菰，金菰，娃娃菜等。還有餐後甜品， 布甸， 雪糕 杯， 還有我最愛、的 榴槤 糯米糍雪糕。飲品方面， 有果汁，汽水，生 啤酒 任飲 。朋友都很滿意 ，稱讚 認真 超值。

今日好彩BOOK左如果唔係母親節正日應該有排等D位都幾迫,太密...唔理喇,寫左食咩先啦,其實都好多選擇,所以特別寫一D食過既先講一講蒸海鮮完全唔掂呀,D蝦唔係實肉既,D扇貝有沙既,蜆就唔錯牛就普通野,反而南瓜好一點刺身反而幾好食,都算好新鮮刺身三文魚都幾厚身,甜蝦都唔錯質地幾好,拖羅都夠晒厚同新鮮希靈魚都OK芝士帶子個芝士都幾勁,都OK既雞翼正常野炒雜菇都唔錯個味都幾好天掃羅蝦都幾好食,不過天婦里羅鰻魚就唔係好得,個漿厚過我面皮野飲都幾多選擇雪糕就得一隻味同兩重雪糕球三文魚餃反而幾好食寿司都正常野菠蘿可以燒得耐少少,燶多少少會好D雞軟骨都幾好食,其他就正常野燒翠肉瓜都OK既

是日母親節當然要同母親出去食飯，為左出現人多擠迫嘅情況，於是乎我地決定食晏晝。食放題當然要先點刺身先，甜蝦大大隻好新鮮，而且呢度仲幫你去埋尾食落夠方便榮螺貝彈牙有咬口而且夠甜，白玉拖羅夠厚身，出奇地呢度竟然唔駛加錢都可以有埋象拔蚌刺身食，比起其他放題店呢個位值得一讚牛油燒帶子極好味!! 牛油味好濃再配埋少許蒜蓉炒，令帶子好惹味，而且帶子係岩岩熟，唔會煮到好韌燒三文魚壽司，泰式虎蝦壽司，玉子壽司，蟹棒壽司濃濃嘅醬入面除左蠔之外，仲有蝦炸天婦羅嘅油可能未夠熱，所以令到天婦羅唔夠脆，而且炸粉都吸左D 油，原因可能係因為我地太早去食所以未準備得切LOL燒菠羅芒果雖然賣相麻麻，但食落都唔錯。燒脆肉瓜鹽燒雞翼牛油炒雜菇同牛油炒帶子一樣咁好食，不過呢個就相對比較多油，所以叫一次食就夠LU芝麻八爪魚 同 辣味螺肉椰汁酸辣雞翼尖同埋牛油炒粟米日式炸芝士年糕，炸魷魚圈，紫心香竽丸

旺角有很多日式放題餐廳，當中的表表者絕對是番本日式放題。他們的刺身種類很多，三文魚肥美，象拔蚌香口，甜蝦新鮮，帶子好吃。日式放題重點當然是刺身，他們的刺身真心出色，壽司飯也很軟熟，壽司跟刺身已經值回票價。熟食種類亦多不勝數，炸物和天婦羅出色，串燒有我最喜愛的燒牛舌，厚切之餘肉味濃郁，飲品種類也不少，而且加$10可以任食生蠔，十分抵食。特別推介他們的蒸汽鍋，有特色好玩之餘食物亦好吃，吃完真的有番本的感覺。

母親節亞媽話想食放題，本身係想book 尖沙咀某間放題嘅,但因為已經冇位, 見喱間有咁多個 ”” 諗住試下...母親節價$258/一位, 任食兩個鐘(未計加一), 80分鐘就已經要 last order.... 環境好迫.... D 碟望落好似唔係好乾淨.... 佢有埋個 gas 爐同蒸鍋放喺枱預你都可以任食蒸海鮮之類, 因為我地唔諗住食蒸嘢, 廢事個爐阻住張枱, 我地叫職員幫我地收咗個爐, 職員話：”而家收咗等陣冇得加返架喎”, 其實我地係冇諗過食, 不過佢咁講我覺得好奇怪.... 既然係包埋點解唔可以加返?.... 不過算.... 因為我地真係唔諗住食所以有冇都冇所謂....碟刺身算係一般, 串燒都ok, 但好多熟食都好淡, 天婦羅同燒物入咗單勁耐先黎.... 員工個個都好似好唔想做咁嘅樣.... 放低嘢食時完全唔理你張枱有冇位就推埋黎..... 我真係唔明點解有咁多個 “”.....唯一覺得叫做ok嘅係嘢飲尚算多選擇... Asahi, sake 同梅酒都有任飲, 同埋有榴槤雪米糍。總括黎講我唔會再去..... 完。

以前食開，服務態度好好，係等果時逼左啲，啲刺身冇咁新鮮，宜家真係唔掂睇琴Facebook 話生蠔任食所以去食，但去琴食左幾隻已經唔再點，因為唔新鮮之後又點左蒸鍋食，點知啲蝦黎到係黑色，食落都好腥刺身象拔蚌臭到吐返出黎真係唔知會唔會再去食我媽一返黎即柯，柯左成晚，我就遲鈍到今日先柯，我琴晚仲以為係我媽腸胃唔好，柯出黎聞到勁臭海鮮味🤦🏼‍♀️🤦🏼‍♀️🤦🏼‍♀️所以為左食蠔去既人要考慮清楚先好去

次次黎親，都會叫好多碟。好濃厚嘅芝士味，又有蟹子仔係入面，超正。牛油栗米，牛油味啱啱好，唔會過重。香口！日本清酒配呢個，一d腥味都冇，又香又有本身嘅鮮甜味！最鍾意呢個如果晏晝嚟嘅話，大概一點到，就會有每朝新鮮嚟到嘅刺身（我聽到店員講㗎）我好鍾意呢度嘅壽司，刺身又新鮮，飯粒又清甜。尤其是玉子壽司，玉子超好味⋯⋯配配搭上面小小鹹鹹地嘅芝士，perfect match！番本的炸物好出色，次次黎都叫天婦羅炸蝦。買個芝士年糕啊，入邊啲芝士唔會太熱燙到個口，屬鹹甜芝士，超好味。

開心食放題，唔開心也食放題。難得今個月工作不太忙，所以多些時間食好東西。餐廳裝修簡約，枱與枱之間也闊落。餐廳員工也很好，我們兩個人食放題也給了我們一張4人卡位，令我們坐得非常舒適。午市放題不設時限，可以由中午12點食到3點，時間充裕。午市放題有前菜、刺身、壽司、手卷/軍艦卷、創作卷物、日本料理、燒烤、湯、天婦羅、炸物及拉麵/烏冬，仲有不同的冷熱飲品和酒類(包括:朝日啤酒、清酒及梅酒)。刺身新鮮，而且件件都切得厚身。三文魚刺身肥美；北海道帶子刺身完隻奉上，而且入口軟綿綿，口感豐富；新鮮象拔蚌又是切得厚厚的，爽口彈牙，鮮味無比；白玉拖羅刺身有濃濃的魚味，啱晒鐘意食濃味魚的人；原隻甜蝦刺身新鮮爽滑；白鳥背刺身，爽口鮮美。蜆肉麵豉湯，麵豉味香濃；人蔘雞湯，湯充滿人蔘味，但略嫌沒有湯渣。芝士蟹子燒帆立貝及北海燒蠔，燒後的帆立貝及蠔可以拉絲，燒得沒有過火仍是非常Juicy。鹽燒牛舌切得厚厚的，食落Juicy；鹽燒雞中翼，燒得香脆，推介；鹽燒黑豚肉串，燒得脆卜卜；鹽燒海老串，味道鮮美；紅酒牛腩炆得香軟入味；和風牛肉粒Juicy；XO醬炒墨魚咀，爽口入味；牛油蒜香炒帶子，帶子爽彈牙，牛油蒜香味道洽當；

第一次食呢間放題，如同其他劣評一樣⋯刺身冇咩味（覺得全部都一樣味，同爭鮮差唔多），象拔蚌好腥，帶子都腥，甜蝦一般，但唔新鮮，所以刺身食唔晒冇再叫第二轉（食物選擇已經少左一堆）。熟食都麻麻，燒肉大部分肉都太韌，雞翼好似翻煮過咁韌咁咸⋯燒蔬果好少少，菠蘿麵幾好食。梅酒好似比較酸（可能口味問題）。甜品只有雀巢同芒果布甸，但個芒果布甸其實是果凍，仲浪浪下，拎上手以為未雪好，而且味道好怪，我食左d咩⋯⋯雀巢都只有兩隻味，雪糕有雲呢拿同朱古力，雪糕糯米池有黑芝麻同荔枝⋯總括就是食物質素一般，選擇少，環境衛生差⋯

夜晚出咗去旺角食放題，呢間放題可以食兩個鐘，其實都絕對夠食，平日黎都幾多人，我諗食物都唔錯。我哋第一次叫左刺身，壽司同埋唔同嘅小食。老公話刺身都唔錯，三文魚就最好食。我自己就主攻壽司，我覺得火炙三文魚就最好食，燒過之後啲魚油出晒嚟其他小食嘅質素都OK ,天婦羅第一次有海鰻可以食，而且炸蝦都好食，唔會炸到過於油膩仲有蒸物可以食，每台有一個爐仔，好迷你幾得意有唔同嘅海鮮同埋菜，金針菇就最好食飲品可以任拎，仲要有酒可以任飲添雪糕就有雀巢雪糕同埋糯米糍可以食

旺角有很多放題，這一間不僅提供日式放題，更有近年較流行的蒸汽火鍋👍🏻選擇性多，價錢也合理。😘我和媽媽先點了刺身。刺身質素正常，三文魚厚切😍，甜蝦鮮甜🤤🤤。而白玉拖羅第一次吃，入口即融，卻沒有油膩感👍🏻，感覺還可以。其他的則中規中矩，象蚌有d腥。壽司細細件，燒三文魚擠上沙律醬好好味生蠔大大隻串燒方面最鍾意燒黑毛豬，燒牛舌！😍😍😍鹽燒三文魚頭超大件，啖啖肉！Xo醬炒墨魚咀以及帶子裙邊係出乎意料地好食芝士焗蠔和芝士扇貝一般般啦，太多沙律醬，夠鹹，重口味的人應該鍾意甜品櫃有雪米糍及雀巢雪糕，食完正餐當然少不了佢地最後補充一下，這間餐廳上菜速度快，環境舒適，在旺角是不錯的選擇

我一向都鍾情日本瀨户內海蠔嘅，因為真係好鍾意嗰陣蠔味，又鮮又甜，老公見到呢度只需加$10，係$10就可以任食，真係堅抵，佢第一時間帶我去食啦一入座個經理比咗個卡位我哋坐，好正，感覺好似去咗日本餐廳包房一樣，有日式燈同花環境真係唔錯好啦，講完環境就講下服務，其實我寫咁耐食評好少提及服務呢項，因為我最主要食嘅啫，但呢度服務真係要比10個讚點解咁講呢，我食過N次放題從來未遇過一間餐廳d員工係咁有heart因爲有蒸氣火鍋，員工會間唔中走嚟睇下d食物熟未，會否蒸過龍，又會睇下會唔會蒸乾水又有員工走嚟講解d食物點呀，師傅嘗試下新嘢，睇下水準如何呀收餐員工真係好好禮貌，收食物碟時講咗5次唔該又有員工見到我隻碟好多蝦殼，佢主動埋嚟同我講，洗唔洗幫我換過隻碟我真係從來未見過一間餐廳所有員工上上下下都咁有heart，真係值得表揚下好啦，講咗咁耐，都係講返食啦，重點，當然係我個瀨戶內海蠔啦，有3種口味選擇，隻隻都咁正，每樣一款試下先，重點係，為保持新鮮，每位食客每次只能叫3隻，其實係好㗎，真係保持最鮮嗰刻第一Round，每味試哂，真係好正，各味都唔同感覺，但3隻味我都like再嚟第二Round重有第三Rou

之前食過築地番本感覺良好，無漏單，生蠔上得快，員工有禮，昨天發覺正在裝修，改去同樣有10生蠔任食的番本😠諗住已訂位排下隊入是常識吧，怎知排隊只是確認，之後仲要等所有人確認完再叫名入，番本大堂是一上電梯只有幾個階磚位，攪到個個人迫埋一起，十分狼狽，明顯係叫入座果位員工安排失當😡，本來1730入結果1740先開始等叫名入，從未見過這種入座方式😞老真除生蠔外，其他食物品質一般，蒸的食材如貝類有沙，沒下次

老公見到open rice話呢間好似好低食，於是就book咗5:30呢段時間，上到去人生人海，登記咗一陣就可以入坐，入到去地方不算太光猛，環境不算太乾淨 佢有一個蒸氣火鍋任食，都算吸引，跟著開始點野食，叫咗蒸氣嘅料，有蜆，牛，扇貝，墨魚，其他就刺身，（有象拔蚌仔，三文魚刺身，甜蝦同帶子）同熟食，d野食都算快，第一時間食咗刺身先，我首先食象拔蚌，哇！一放入口竟然有一陣屎味，甜蝦冇蝦味，帶子勁煋，唯一三文魚刺身好少少，已經冇第二輪冇再叫，熟食都還可以，成餐叫做好食係個蒸氣火鍋，（叫做好多次），之後個粥畀d海鮮同肉吸哂d味，好鮮甜，好味，最後食下甜品，佢有芒果布丁同牛奶布丁，我揀咗牛奶布丁，一食落口，個布丁實得得，d奶味又奇怪，（但不是壞個隻），呢一次之後唔會有下次，而且唔會介紹親朋戚友去！