番本日式放題 (已結業)

好鍾意食日式料理，尤其是放題，可以食到好多唔同款式嘅食物，又可以就返自己口味~《番本》係我食親放題都會幫襯嘅鋪頭一來地點夠方便，二來餐廳夠大位夠多坐得都幾舒服，三來食物種類夠多，自己寫紙order食物就得，飲品自己隨意拎，連清酒都係任飲！刺身夠新鮮，甜蝦算大隻，夠鮮甜，用冰墊住上保持溫度及鮮度﹔熟食調味亦唔錯，尤其是牛柳粒、燒三文魚頭同埋焗蠔，每次去食必點！仲有雪糕做甜品由前菜、主食、飲品到甜品，一應俱全，包羅萬有食物質素以佢嘅收費而言，算係不過不失如果自問對食物質素唔係極度追求，基本上嚟《番本》都真係可以番到本可以一試啊

番本日式料理首先講左蒸氣鍋先，爐仔細細加個草帽咁款既蓋，外貌幾得意，蒸氣鍋而家又好hit，所以都見到好多人都有食。佢有得比你揀蝦，蜆，帶子，肥牛同菜等等。個人最欣賞係個蒸肥牛，個感覺比韓燒冇咁熱氣，又比打邊爐更加有牛肉味，非常出色啵，出乎意料之外。刺身新鮮，三文魚是港人最愛，也是穩中之穩的一款刺身，赤貝及象拔蚌非常爽口鮮甜，必點之選，白玉拖羅刺身呈奶白色，其鮮味突出，是較為少見的一款。前菜牛油炒帶子、炒雜菇同墨魚嘴。意外的好食，牛油味好香。壽司方面有很多款選擇， 也是非常美味，而且款式多多， 每款都是精心設計，別有心思 ，火炙三文魚 壽司 ，和火炙芝士玉子豆腐也是值得推介。 分量設計啱啱好，唔會食得好快飽，可以品嘗多幾款壽司。燒物、炸物、天婦羅，款式多，樣樣都點啲，滿足多種食慾。天婦羅都很有水準，脆粉薄薄，蝦夠晒彈牙，炸海鰻超級脆口，好似吃零食一樣。 亦有鹽燒海老串及牛舌等燒物，其中，我較偏好牛舌，其爽口彈牙，牛味香。最好味就是那個芝士蟹子燒帆立貝， 芝士吸收了帆立貝的鮮，好入味，食完再encore。飲品方面有兩個櫃比你任拎，有熱同凍，想飲酒既話可以tick紙仔，順帶一提，梅酒幾好飲，

之前約咗朋友食飯，我同朋友都係大胃王，又鍾意食日本野，就梗係去食放題。地點非常方便，一出旺角地鐵站就已經見到，有午市同晚市放題。餐廳環境寬敞，座位非常闊落，光線充足。選擇相當之多、諗到嘅種類都有當然有放題必食嘅刺身、仲有生蠔、而且酒都可以任飲。仲有大量款式嘅飲品可供選擇。首先係前菜，調味恰到好處，味道唔會太濃。一坐低就見到呢個好精緻嘅蒸氣火鍋，蒸汽火鍋配料新鮮，海中蝦鮮甜彈牙，帆立貝加入蒜蓉後更加鮮味。食放題點必點嘅刺身，所有刺身鮮味十足，尤其以帶子及甜蝦最為出色，厚身而且爽口，甜蝦非常清甜，而且有本人最愛嘅希靈魚。生蠔為確保新鮮，每人每次最多叫三件，有三款味道，完味能夠感受到生蠔嘅鮮甜，酸汁辣蘿蔔蓉酸酸辣辣非常嘢味，而茄汁能帶出生蠔嘅鮮甜。壽司及手卷，玉子加上芝士味道相當配合，而其他壽司材料嘅配合恰到好處，十分美味。日式清酒煮蜆，鮮甜嘅蜆加上清酒嘅香味，兩種味道配合得天衣無縫。燒物即叫即做，而且燒烤嘅火候及調味非常完美，燒過嘅菠蘿更加能夠帶出菠蘿嘅甜味。最後食埋個甜品，甜品嘅甜到剛剛好，非常完美嘅一餐。餐廳店員服務態度一流，上菜快，菜式選擇多，價錢合理。

周日假期想放肆下，食番夠本邪惡下。中午12點，未算好多食客，兩人安排到坐四人嘅卡位。菜單有8張，飲品、甜品、雪糕可出去拎。飲品區都幾多款，樽裝fuze都有，仲有三款熱飲，方便姥姥級。梅酒、清酒同asahi 經order 都係任飲ga!有得選凍或熱飲。蜆肉麵豉湯：味較淡，蜆還好無沙。刺身部分質素不錯。榮螺有少許甜味、帶子都有鮮味、象拔蚌偏鹹，整體還可無雪味。牛油蒜香帶子：幾夠牛油香。酸辣椰汁雞翼尖：椰汁幾香，雞翼尖幾滑!天婦羅除外面都有虎蝦南瓜外，特別d 嘅有海鰻，似魚仔乾嘅口感。番本最出色嘅係燒烤食物。燒牛舌燒得幾好，惹味易咬。雞翼入面仍然好juicy。蝦肉爽口，輕易離殻。雪糕有4種味，仲有雪糕糯米糍。3.6牛乳布甸都ok

真係相都廢事影，第一批黎嘅刺身係好靚連蝦都大隻d新鮮d，之後嗰D呢~~d蝦縮咗水一倍 ，仲要勁腥。吐都吐唔切。d帶子食落個口感都唔係路基本上第一round之後嘅刺身係腥咗好多。難怪食飯時間成間店都可以咁吉。其他熟食都ok ge...都好正常。除咗個烏冬，同埋有d沙律醬嘅蠔。成兜都係沙律醬。而d蜆就勁多沙...$238+1嘅情況下，我覺得唔食放題食其他日本餐廳會更抵，起碼食物質素Ok丫。不過值得一讚嘅係d 職員唔錯，效率高，有禮貌...差嘅係食物質素!!

食材講真，唔係好新鮮，食過其他間，有更抵食嘅，價錢低啲又新鮮啲。枱好真係好細，完全唔夠位擺嘢，最好笑係要用手攞住啲碟食嘢。未去過一間餐廳喺要被逼用手攞住碟食。餐廳唔知係唔係人手唔夠，勁耐都無人來清枱，堆到幾高吓，要不停叫人嚟執，完全無人主動執，叫一次執一次，自己都覺得煩。服務真係好差，失望到簡直，絕對無下次，唔想受罪。Food is not really fresh compare with other restaurants with lower price and fresher food. Servers are absent from their duties. No one clean the table if we don't call them. The table is really small to put things on it and we need to hold the dishes by ourselves to have the meal. Absolutely disappointed! Poor customer service!

第一次食，見食評圖片賣相不錯便嘗試，但食後發現蒸氣鍋、炸物、生蠔刺身等食物令人失望不但與照片相差異大，且 環境一般，服務也一般，每位收費258！食物其實選擇不多，雖然有蒸氣鍋，但食物白恰清蒸，沒有任何調味料！魚生壽司不但有魚腥味，不新鮮，食到有骨！炸物燒菠蘿如乾菠蘿味道，清酒煮蜆，清到酒味什奇怪，其他嘅都不想再提！每位258, 但卻未能飽肚離開，食物質素令人卻步，表示絕對冇下次！

喺人山人海既旺角, 晏晝又逼又多人, 想搵個有冷氣既地方舒舒服服坐低食番餐都算幾奢侈架😂喺旺角著名既地標旺角中人斜後面搵到呢間番本日式放題, 午市做緊$178一位, 都算幾抵架👍刺身, 壽司, 手卷, 料理, 天婦羅大路野基本上全部都有熱辣辣夏天最正就係比你瘋狂任飲冰凍汽水, 清酒梅酒就要用點餐紙喇雪櫃仲有d 甜品比你任食刺身主角來嚕‼️行到個人㷫合合, 一開波歎完冰凍飲品, 接住落當然係先食刺身啦😋希靈魚, 甜蝦, 帶子, 三文魚都係正路有既, 最驚喜係竟然有鯛魚, 象拔蚌同白肉拖羅刺身, 呢d 平時比較少見都有得任食, 真係食到'番本'喇😝牛油蒜香炒帶子一上枱已經聞到香濃既牛油同埋蒜香味👍令人食慾激增呀鹽燒牛舌燒得唔算太乾, 沾滿左黑椒粒既表面, 食落更香口鹽燒海老串小弟最愛食蝦, 鹽燒呢個做法當然冇得輸, 因為佢可以保留蝦既原汁原味紫心香芋丸, 日式炸芝士年糕兩款都係同一個口感, 外脆內軟, 紫心香芋丸咬開後d 香芋味超濃烈🤤炸芝士年糕入面係用左暖暖既流心芝士😋天婦羅一樣有最大路既南瓜, 蕃薯天婦羅, 最驚喜既係佢係用左虎蝦同鰻魚做天婦羅, 炸粉唔太厚既情況下你可以品嚐到佢地原本既

老公話今日想食放題，於是出旺角食啦！上網睇倒呢間除左普通放題刺身壽司之類，仲有蠔食又有蒸氣鍋，於是上去試下。環境殘殘舊舊咁，但諗住放題食物應該都差唔多啦！叫左一轉，老公已經話：我唔食啦，冇胃口啦！刺身壽司質素同出邊$3舊果D有得比；燒物乾得黎仲冇乜香料味，比食樹皮好D嘅；我平日最愛燒菠蘿，佢好似成個菠蘿放上火烤熱少少再切片上枱咁；煮物冇乜味，煮得熟食得飽嘅；蒸氣鍋得幾樣嘢揀係冇問題嘅，問題係全部都唔新鮮嘅，最食得落肚嘅係用個蒸氣鍋湯底煮熟D大白菜黎食；梅酒算可以接受；埋飽個肚即刻埋單走人。總結，所有都係低價料，我買特價壽司，買街市賣剩要特價清走嘅料都新鮮過佢，我真係唔會幫襯第二次

吃貨家族🐷總動員出動，有甚麼比日式放題更合適😋？這次老公🍋就挑了這一家，除了提供一般日式放題食品🍣，更有蒸氣火鍋🍲，加 $10更可享日本生蠔任食😍！大概20:00到達，店內已經坐滿了人😲。一坐下第一時間就要開始填點餐紙囉😏~ 蒸氣火鍋🍲的配料有蠻多種的海鮮可選擇🤩，但今天人妻🐷的敏感發作，家人馬上為了不想引誘我而放棄了這個😢，超感動的😭~生蠔方面則有3種口味😍：原味、辣蘿蔔🥕、茄汁🍅，每位只須要加$10就可以任食🤩，但為了確保新鮮度，每次每人最多只可點3隻😊。至於其他方面亦是非常豐富的😳，由前菜、刺身、燒烤等都應有盡有💖。刺身拼盆🦐：刺身新鮮鮮甜🤤，特別推介甜蝦🦐及帶子，甜蝦蝦膏甘香😋，帶子厚肉爽口👍🏻。另有外間少見的白肉拖羅🐟，肉質鮮嫩、味道清甜，真的是值得一試😍。各款壽司🍣：火灸三文魚一向是人妻🐷最愛，當然也是要點了。外層燒熟了🔥薄薄的一層，配上嫩滑的內層和豐富的魚油🐟，口感一流！生蠔🐚：新鮮度十足👍🏻！不用加入任何配料也已經很鮮甜🤤；酸汁辣蘿蔔蓉🥕入口非常醒胃；酸酸甜甜的茄汁🍅更能帶出蠔的鮮甜。牛油炒雜菇🍄：有秀珍菇及金菇等，配以牛油🐮炒成，入口油而不膩😋，絕對是健康之選💖。牛油

已經好耐冇去番本, 呢日再去, 恐怕我又會一段時間唔去lu...首先, 座位好逼, 咁逼都仲要加個爐。當然, 可以叫人收左個爐...第二, D單都OK亂。兩轉刺身都唔係我點既野, 但因為出食物速度真係慢, 所以唔理, 消化左佢算數。第一轉刺身OK ge...都算肥美, 可惜第二轉上既, 唔多新鮮, 啲肉質有啲XX地。(可能懲罰我地食左人地盤刺身掛...)第三, waitress態度好差。我明白18:00其他人先陸續番工, 呢段時間你好忙, 但都唔駛對我地用地盤老口吻ga???? 然後?......然後就冇然後了...........

!!!!非常中伏!!!!從來無食過咁難食嘅放題，種類唔多唔緊要，但啲食物係完全無質素可言，無一樣野令人係想encore，食左一轉都唔想勉強自己再叫第二轉，唔好試。

放題食得多，蒸氣海鮮都食過，但兩個食法一齊食，未試過喎。一講蒸氣海鮮，總會想起大大個用竹織成嘅尖蓋，原來有細細件架，係番本就見識到。唔單只個竹蓋好骨子的式，個爐都好的式。放上我深愛嘅吊筒同八爪魚係個爐上，由於放得唔多，所以好鬼似玩緊煮飯仔。每款海鮮都唔錯，相信食材本身夠新鮮。我本身唔多好大頭蝦刺身，食過好多次總係覺得梅口，但番本無哩個問題喎，係我食過嘅其中一間大頭蝦刺身無梅口嘅餐廳。再望吓刺身點單，居然有久違了嘅赤貝刺身！簡直驚喜！記憶中，有帶子有赤貝有象抜蚌嘅放題真係絕無緊有，番本居然有，今次真係要食到番本。香蔥拖羅手卷，拖羅入口即溶，滿足。唔知點解依家食蟹子沙律，好多時出現蟹子份量不足，番本無哩個問題。今次無漏單，待應從業員態度唔錯，服務唔錯。俾個 like 啦！

朋友聚會, 地方－是經常煩惱的問題。要適合幾人喜好、口味。較容易的便是選擇日式放題吧。交通非常方便, 從地鐵站大約2分鐘腳程。以不同時段作收費, 價錢由$178起。店內食客爆滿, 座無虛席。當晚等位大約5分鐘左右。味付螺肉 / 八爪魚餐前小食。味道跟坊間的没差, 個人很喜歡。甜粟米 / 炒雜菇清酒煮蜆刺身拼盤刺身款式亦多, 牡丹蝦、三文魚、螺片、帶子等等......大尺寸牡丹蝦, 味道甘甜。中尺寸帶子, 新鮮軟綿, 口感非常豐富。必食！火炙三文魚 / 蟹棒 / 象拔蚌蟹棒表面淋上沙拉醬, 味道微酸且蟹棒非常新鮮, 味道非常好。燒牛舌肉厚且味濃, 口感煙韌, 牛肉味非常豐富。必食推介之一。

品種少，常漏單，上菜超慢。第二次來幫襯，第一次(一年前)已經有這個經驗，這次是朋友的提議所以沒有多說話，心裡有個想法；這次不會像上次，很可惜還是一樣，環顧一下廳面只坐了一半人是有原因的，大概和我的情況一樣，我是以後都不會考慮來這了，希望有關人仕能改進一下。