田浦食肉

營業中

休息中

呢間連鎖韓式燒肉料理，如果平時晚市黎食燒肉都要人均$150-200起，今次中午經過，發現佢地有比較抵食既lunch set，如果係燒肉set 就大概$120起，再平d就有鍋飯、湯set，$88起。入到餐廳一坐低，同大部分韓國餐廳一樣，已經會為你送上前菜小碟，有薯仔沙律、泡菜、蘿蔔同❗️韓式炒年糕❗️如果一合人黎食，未叫正餐只食前菜都已經好開心，而且仲係可以refill架！$88泡菜豬肉鍋配飯個石鍋好夠熱，一上枱就「卜卜卜」咁，好適合依加咁凍天氣食。入面主要都係泡菜、蘿蔔同豬肉片做料。味道幾好，唔會得個辣字，不過食到味就嫌有d咸，唔可以當湯咁飲哂去，如果想清d可能叫牛骨湯會啱d。因為跟餐有前菜，所以基本上都食到好飽，我自己都食咗兩輪炒年糕😆呢間既lunch雖然比起隔離$38雙餸飯貴，但CP值都ok，可以間唔中黎食下獎勵下自己。

唔搵都唔知原來田浦開左喺石門. 我地3人嗌左SA套餐有烤牛小排+五花肉+豬皮, 再加個水冷麵，食完熱辣辣既韓燒食返個水冷麵中和下。 全程有專人幫手燒 同兩老食唔洗煩🤭🤭

一出石門站就聞到香香的烤肉味，餐廳播住KPOP 氣氛好好。有專人幫手燒肉，服務好好，雞蛋碗非常IGable, 豬五花好香，好好味， 仲叫咗牛小排，牛五花，牛油炒飯！推薦👍🏻

心心念念終於食到呢間韓燒，oops親燒無理由唔試先上前菜，居然都比平時好食燒物都入味些，睇圖說話。肉質嫩滑，入味，估唔到豬皮咁好食，仲有特別嘅粉俾你沾肉。海鮮豆腐湯有一隻蝦，一隻蛋，配料充足，唔食辣都食得到。飯團外形好特別，好似一隻鴨仔，超可愛，即刻要叫2份。牛肉超香，好味到呢，我女即刻同我搶添。而家仲有活動，如分享食評仲送水冷麵一碗酸酸甜甜很適合夏天食，好開胃相比天后另一間韓店味道差不多

餐廳落地玻璃外透進柔和自然光，有著傳統韓國氣息。各式小菜色彩繽紛嘅小菜令人食指大動，有泡菜、醃蘿蔔、醬油鵪鶉蛋和冷翠玉瓜，入口凍冰冰，感覺好fresh，泡菜令人驚喜，酸味和辣味平衡啱啱好，口感很脆，帶有一絲清甜味道，清新爽口，越食越開胃，仲可以refill添！大醬湯熱氣騰騰，湯面上漂浮著一層香濃豆醬，很濃郁，帶有一點點辣味。烤牛排骨套餐先開大火把表面烤得金黃，再將再轉小火慢慢烤，牛排骨很有肉汁，甜醬油風味，搭配嘅配菜也很有心思呢！水冷麵麵條細長彈牙，冰涼湯底很清澈搭配黃瓜絲、蛋絲和水煮蛋，吃上一口，冰冰涼涼，酸酸地。

提早慶祝冬至黎到田浦食肉黎到呢度充滿驚喜！呢度服務周到，價錢平靚正，簡直係食過返尋味！ 非常推薦大家黎到呢間燒肉店，大份兼抵食四個人黎食都食到飽曬先出門口！！！！

選擇豐富 （牛肉、豬肉、雞肉） 特別是五花肉好好食 牛肉食材新鮮、口感鮮嫩多汁仲有人幫你燒埋👍🏻👍🏻調味好多樣，簡單鹽, 特製醬料 都能為肉類增添風味。強烈建議同朋友一起去體驗下💖

正宗韓國燒烤，今晚全場爆滿。各類肉質都ok，有專人燒烤，前菜任添。舖內有多名韓國籍侍應。全晚播放流行韓國音樂，地方乾淨，不過價錢就見人見志，餐牌上無顯示辣的食物，都會有少少辣的。小朋友就不宜了。

第一次幫襯，叫$1200，3-4人套餐，有牛肋肉骨、五花腩、黃油飯等，服務細心，坐得舒服，有開放式窗邊坐位，唔怕油煙。有專人烤肉，肉質素好，好滿意。由韓國人主理，放心。

重點推介🤤👍🏻 烤牛排骨套餐烤牛排骨套餐真係肉食愛好者嘅夢想選擇 牛排骨外焦內嫩 醃製得好香 每一口都充滿肉汁 肉味濃 如果你鍾意肉類呢個套餐一定唔好錯過 🍖👍🏻 水冷麵水冷麵係夏天必食嘅 麵條彈牙 加上新鮮黃瓜絲同煮熟蛋 清爽可口 醬汁酸甜適中 水冷麵色彩鮮艷 食得開心🍜👍🏻 韓式小菜韓式小菜好多款式 各種色彩繽紛嘅醃製蔬菜都有自己特色 口感豐富 係韓餐中不可或缺嘅部分👍🏻 飯糰外觀簡潔但充滿驚喜 米飯調味得好好

一家人沙田石門踏單車後，在附近商場搵食醫肚。韓式烤肉這兩年愈吹愈猛，十分流行。家人毫不猶豫地光顧這店家，店內裝修整潔光猛。坐下後，來一客招牌菜【水冷麵】在夏天吃一盤冷涼爽滑的水冷麵，視覺上已經非常解暑了。蕎麥麵牛骨湯加入了蛋絲、青瓜與檸檬汁，鮮甜之外還有點點果香。【韓國小菜】多不勝數，不只有泡菜、涼拌海帶芽、 醃製青瓜、涼拌牛蒡豆芽……酸酸辣辣很開胃，令人吃不停口。【醬油蟹】是必食的美食，滿滿的蟹膏和鮮味的蟹肉，既香濃又鮮味伴飯一流，讓人無法抵擋！【烤牛排骨套餐】套餐分量足料，經過慢烤的牛排骨; 肉質鬆軟嫩滑多汁，入口即化好吃又不膩。滿足的一餐!

正宗韓燒，服務一流平時好鍾意同兩個女去沙田石門Playhouse玩，呢日玩完好肚餓，見到有我最鍾意食嘅韓國菜，一於入去呢間餐廳食飯。未來呢間餐廳連店員都係韓國人，真係正宗韓國餐廳。我哋結咗以下嘅食物，全部都好食到舔舔脷。烤牛肉套餐:估唔到牛排骨好大份，店員仲會幫我哋烤，唔使自己落手，烤得外層焦香，肉質鮮嫩又juicy，好食到停唔到口。前菜:前菜有好多選擇，我最鍾意翠玉瓜同埋芽菜，夠晒爽口，泡菜夾埋落啲牛肉都食又好好味。韓式煎餅:韓式煎餅外脆內軟，好香蛋味，份量都唔細，配埋佢嘅醬汁食仲正！飯團:飯團好香麻油味，仲有好多芝麻同海苔喺裏面，兩個女都超鍾意食。

最近去咗田浦燒肉，餐廳主打正宗韓國菜，真係好滿足！烤牛排骨套餐真係好正，外焦內嫩，烤得恰到好處！咬下去肉汁瞬間在口中爆開，濃郁的肉香伴隨著微微的煙燻味，令人陶醉。肉質鮮美，口感豐富，配上清炒的青菜，清新的口感與牛肉的濃郁形成完美對比，讓人每一口都能感受到層次感！生醃醬油蟹蟹肉鮮甜，醬油味道恰到好處，微鹹中帶有醃製的香氣，口感層次分明，蟹膏的鮮香與醬油的鹹香相得益彰！水冷麵清爽可口，係一個好解膩嘅選擇。麵條滑溜，咬下去有彈性，配上清新的湯底，酸甜適中，湯底味道亦十分突出，好清新！幾款小菜都好有心思，咸香適中，特別係泡菜，味道酸辣香濃！田浦燒肉提供咗一個極具韓國風味的用餐體驗，每一道菜都好有水準！鍾意燒肉或者韓國菜既朋友一定要試下！

🍖五花肉 (120g)+ 豬頸肉 （120g) （😸😸😸😸😺）一上枱就聞到香噴噴嘅燒肉味🤤OPPA超貼心幫我哋將肉燒好仲切埋🥰鐵板熱辣辣發出滋滋聲，食慾瞬間提升！🤩 五花肉同豬頸肉都好厚身，肉質鮮嫩，油脂分布均勻，外皮烤得仲好脆😋我哋鍾意將肉包入生菜，用返韓式食法☺️再加少少泡菜同三醬一齊食🥣層次感豐富，食落好滿足！😎🍲大醬湯配兩碗白飯 （😸😸😸😸😺）天氣涼食返啲熱辣辣嘅嘢就啱晒🔥上到枱個湯仲滾緊🤩材料包括瓜、菇、豆腐、菜同少少肉，大醬味好濃郁😋我哋鍾意將一羹飯放入湯，再連埋啲配料一齊食，暖胃又滿足！🥰🥗小菜 （😸😸😸😸）包括醃蘿蔔、泡菜，仲有一大碟嘅韓國炒年糕😍可以不停refill，真係抵食！

之前嚟食嘅時候仲係夏天，襯天氣涼咗即刻再約住喺沙田嘅朋友去田浦食肉，享受Oppa幫我地烤肉😂之前試過豬肉，等我地今次試吓牛肉時！先嚟幾碟前菜，點少得胃開泡菜。原來佢地有「 生醃醬油蟹 」食，我好中意食醬油蟹😍呢隻好多蟹膏，又醃得入味但唔會過咸，撈飯一流！「 雞蛋羹 」開頭以為係湯，原來係好似梳乎厘嘅蒸蛋，當中加左粟米、蔥同芝士，香口有口感～「 烤牛排骨套餐 」 係餐廳招牌菜，用嘅係靚牛肉，連骨上。專業Oppa燒得好好，會剪埋一塊塊比你用生菜包食，配上秘製辣椒醬同泡菜，入口牛肉外層焦脆，牛味濃又有口感，好味！