田浦食肉

營業中

休息中

餐廳落地玻璃外透進柔和自然光，有著傳統韓國氣息。各式小菜色彩繽紛嘅小菜令人食指大動，有泡菜、醃蘿蔔、醬油鵪鶉蛋和冷翠玉瓜，入口凍冰冰，感覺好fresh，泡菜令人驚喜，酸味和辣味平衡啱啱好，口感很脆，帶有一絲清甜味道，清新爽口，越食越開胃，仲可以refill添！大醬湯熱氣騰騰，湯面上漂浮著一層香濃豆醬，很濃郁，帶有一點點辣味。烤牛排骨套餐先開大火把表面烤得金黃，再將再轉小火慢慢烤，牛排骨很有肉汁，甜醬油風味，搭配嘅配菜也很有心思呢！水冷麵麵條細長彈牙，冰涼湯底很清澈搭配黃瓜絲、蛋絲和水煮蛋，吃上一口，冰冰涼涼，酸酸地。

提早慶祝冬至黎到田浦食肉黎到呢度充滿驚喜！呢度服務周到，價錢平靚正，簡直係食過返尋味！ 非常推薦大家黎到呢間燒肉店，大份兼抵食四個人黎食都食到飽曬先出門口！！！！

選擇豐富 （牛肉、豬肉、雞肉） 特別是五花肉好好食 牛肉食材新鮮、口感鮮嫩多汁仲有人幫你燒埋👍🏻👍🏻調味好多樣，簡單鹽, 特製醬料 都能為肉類增添風味。強烈建議同朋友一起去體驗下💖

正宗韓國燒烤，今晚全場爆滿。各類肉質都ok，有專人燒烤，前菜任添。舖內有多名韓國籍侍應。全晚播放流行韓國音樂，地方乾淨，不過價錢就見人見志，餐牌上無顯示辣的食物，都會有少少辣的。小朋友就不宜了。

第一次幫襯，叫$1200，3-4人套餐，有牛肋肉骨、五花腩、黃油飯等，服務細心，坐得舒服，有開放式窗邊坐位，唔怕油煙。有專人烤肉，肉質素好，好滿意。由韓國人主理，放心。

重點推介🤤👍🏻 烤牛排骨套餐烤牛排骨套餐真係肉食愛好者嘅夢想選擇 牛排骨外焦內嫩 醃製得好香 每一口都充滿肉汁 肉味濃 如果你鍾意肉類呢個套餐一定唔好錯過 🍖👍🏻 水冷麵水冷麵係夏天必食嘅 麵條彈牙 加上新鮮黃瓜絲同煮熟蛋 清爽可口 醬汁酸甜適中 水冷麵色彩鮮艷 食得開心🍜👍🏻 韓式小菜韓式小菜好多款式 各種色彩繽紛嘅醃製蔬菜都有自己特色 口感豐富 係韓餐中不可或缺嘅部分👍🏻 飯糰外觀簡潔但充滿驚喜 米飯調味得好好

一家人沙田石門踏單車後，在附近商場搵食醫肚。韓式烤肉這兩年愈吹愈猛，十分流行。家人毫不猶豫地光顧這店家，店內裝修整潔光猛。坐下後，來一客招牌菜【水冷麵】在夏天吃一盤冷涼爽滑的水冷麵，視覺上已經非常解暑了。蕎麥麵牛骨湯加入了蛋絲、青瓜與檸檬汁，鮮甜之外還有點點果香。【韓國小菜】多不勝數，不只有泡菜、涼拌海帶芽、 醃製青瓜、涼拌牛蒡豆芽……酸酸辣辣很開胃，令人吃不停口。【醬油蟹】是必食的美食，滿滿的蟹膏和鮮味的蟹肉，既香濃又鮮味伴飯一流，讓人無法抵擋！【烤牛排骨套餐】套餐分量足料，經過慢烤的牛排骨; 肉質鬆軟嫩滑多汁，入口即化好吃又不膩。滿足的一餐!

正宗韓燒，服務一流平時好鍾意同兩個女去沙田石門Playhouse玩，呢日玩完好肚餓，見到有我最鍾意食嘅韓國菜，一於入去呢間餐廳食飯。未來呢間餐廳連店員都係韓國人，真係正宗韓國餐廳。我哋結咗以下嘅食物，全部都好食到舔舔脷。烤牛肉套餐:估唔到牛排骨好大份，店員仲會幫我哋烤，唔使自己落手，烤得外層焦香，肉質鮮嫩又juicy，好食到停唔到口。前菜:前菜有好多選擇，我最鍾意翠玉瓜同埋芽菜，夠晒爽口，泡菜夾埋落啲牛肉都食又好好味。韓式煎餅:韓式煎餅外脆內軟，好香蛋味，份量都唔細，配埋佢嘅醬汁食仲正！飯團:飯團好香麻油味，仲有好多芝麻同海苔喺裏面，兩個女都超鍾意食。

最近去咗田浦燒肉，餐廳主打正宗韓國菜，真係好滿足！烤牛排骨套餐真係好正，外焦內嫩，烤得恰到好處！咬下去肉汁瞬間在口中爆開，濃郁的肉香伴隨著微微的煙燻味，令人陶醉。肉質鮮美，口感豐富，配上清炒的青菜，清新的口感與牛肉的濃郁形成完美對比，讓人每一口都能感受到層次感！生醃醬油蟹蟹肉鮮甜，醬油味道恰到好處，微鹹中帶有醃製的香氣，口感層次分明，蟹膏的鮮香與醬油的鹹香相得益彰！水冷麵清爽可口，係一個好解膩嘅選擇。麵條滑溜，咬下去有彈性，配上清新的湯底，酸甜適中，湯底味道亦十分突出，好清新！幾款小菜都好有心思，咸香適中，特別係泡菜，味道酸辣香濃！田浦燒肉提供咗一個極具韓國風味的用餐體驗，每一道菜都好有水準！鍾意燒肉或者韓國菜既朋友一定要試下！

🍖五花肉 (120g)+ 豬頸肉 （120g) （😸😸😸😸😺）一上枱就聞到香噴噴嘅燒肉味🤤OPPA超貼心幫我哋將肉燒好仲切埋🥰鐵板熱辣辣發出滋滋聲，食慾瞬間提升！🤩 五花肉同豬頸肉都好厚身，肉質鮮嫩，油脂分布均勻，外皮烤得仲好脆😋我哋鍾意將肉包入生菜，用返韓式食法☺️再加少少泡菜同三醬一齊食🥣層次感豐富，食落好滿足！😎🍲大醬湯配兩碗白飯 （😸😸😸😸😺）天氣涼食返啲熱辣辣嘅嘢就啱晒🔥上到枱個湯仲滾緊🤩材料包括瓜、菇、豆腐、菜同少少肉，大醬味好濃郁😋我哋鍾意將一羹飯放入湯，再連埋啲配料一齊食，暖胃又滿足！🥰🥗小菜 （😸😸😸😸）包括醃蘿蔔、泡菜，仲有一大碟嘅韓國炒年糕😍可以不停refill，真係抵食！

之前嚟食嘅時候仲係夏天，襯天氣涼咗即刻再約住喺沙田嘅朋友去田浦食肉，享受Oppa幫我地烤肉😂之前試過豬肉，等我地今次試吓牛肉時！先嚟幾碟前菜，點少得胃開泡菜。原來佢地有「 生醃醬油蟹 」食，我好中意食醬油蟹😍呢隻好多蟹膏，又醃得入味但唔會過咸，撈飯一流！「 雞蛋羹 」開頭以為係湯，原來係好似梳乎厘嘅蒸蛋，當中加左粟米、蔥同芝士，香口有口感～「 烤牛排骨套餐 」 係餐廳招牌菜，用嘅係靚牛肉，連骨上。專業Oppa燒得好好，會剪埋一塊塊比你用生菜包食，配上秘製辣椒醬同泡菜，入口牛肉外層焦脆，牛味濃又有口感，好味！

港九新界都有分店嘅韓式燒肉店，位置好方便。店內裝修似韓國啲燒肉店，唔洗專登飛韓國都感覺置身於當地。點左烤牛排骨套餐，同其他韓國菜一樣，有多款前菜，好開胃。牛排骨肥瘦均衡，好易燒，餐廳會有職員幫手燒好，本身係連骨上，仲驚唔方便食，原來燒完會幫手剪開曬，睇番啲相回味番當時嘅味道，帶點油脂香味，未至於入口即溶，有啲咬口，唔會覺得好油膩。煎餅配有額外醬汁，睇落唔多材料，其實食落都唔少食材，賣相金黃色，煎得啱啱好。最後就係水冷麵，冬天食水冷麵感覺就似冬天食雪糕，好爽。水冷麵可以中和返燒肉嘅油脂，麵條爽口彈牙。

最近造訪了沙田石門的田浦肉食韓式料理，這裡的美食讓人回味無窮。首先，餐前的韓式小菜就已經讓我們食欲大開，種類豐富，每一款都非常開胃。我們點了烤豬肉套餐，包括五花肉+豬頸肉。五花肉油脂分佈均勻，豬頸肉則肉質鮮嫩，烤得外酥內嫩，用生菜包來吃超好味。韓式煎餅外脆內軟，配上特製醬料，風味十足。而水冷麵則清爽爽口，非常適合搭配燒烤，讓人感覺清涼解膩。最特別的是生醃醬油蟹，蟹肉鮮嫩，醬油的香氣滲透其中，每一口都充滿了鮮甜的味道。這道菜絕對是整晚的亮點，令人難以忘懷。水冷麵，用清涼的湯底和爽口的麵條，搭配蘿蔔和蛋絲，加了冰塊口感清爽，非常適合作為燒烤之後的解膩菜餚。田浦肉食韓式料理的每一道菜都讓人非常滿意，是一個值得再訪的美食餐廳。

星期六我幾個朋友約好去沙田食韓燒。聽講田浦嘅燒肉好出名，環境又靚，適合聚會。大家都好期待，已經開始諗住要點樣燒肉，本身仲想飲下啤酒，不過最後冇😂，但都食得好開心😀飯糰簡簡單單以麻油和飯素調味，口感滑順，米飯粒粒分明。雖然沒有餡料，但麻油的香氣讓每一口都充滿風味，簡單卻令人滿足😌。小菜分別有泡菜、甜辣青瓜、大豆芽和麻油菠菜泡菜的味道鮮辣可口，酸度適中，十分開胃🤤，搭配其他菜餚非常合適😋。甜辣青瓜清爽可口，青瓜的脆感與甜辣醬的風味相得益彰，讓人感覺清新🤩。大豆芽鮮脆，麻油的香味恰到好處，增加了整體的風味，十分開胃🤤。菠菜的清爽與麻油的香氣完美結合😙，口感滑順，讓人忍不住多吃幾口。水冷麵麵條滑順，湯底清爽，酸辣的味道讓人耳目一新😁！配料新鮮，尤其是雞蛋和黃瓜絲，增添了口感的層次感。烤牛排骨套餐牛排骨是田浦的招牌菜之一，外層烤至焦香，肉質鮮嫩多汁，骨肉分離非常容易。搭配特製醬汁，濃郁的味道令人垂涎。牛排骨的分量十足，讓人非常滿足😌。

到石門探朋友，她說要帶我到京瑞廣場吃很有feel的韓燒。原來有feel 是因為這裡由韓國人主理，還有oppa 替你燒肉呢😍前菜已經相當豐富，酸酸辣辣的味道很醒胃。我們叫了烤牛排骨套餐，看著oppa熟練地把肉燒好和剪成小份，真的很享受。烤肉充滿油香，非常juicy，伴著菠菜、菇、大豆芽和泡菜一起吃，非常滋味。韓式飯團充滿麻油香，加上粒粒芝麻和紫菜絲，令人大口大口吃。水冷麵我還是頭一次吃，原來是這樣好吃的。冰冰涼涼的湯汁，麵條超彈牙，感覺清新，正好中和烤肉的油膩感。