田中日本料理

營業中

休息中

等位係最大一個問題.星期六晚真係唔好去因為真係等到可能等到餓死左.係入座之前就好點好野食,因為佢比45分鐘食完就要走.海膽係勁正的.鰻魚壽司勁大條.魚生好新鮮!真係樣樣都好食!Good!!!!又唔係貴!

做暑期工的時候試過呢間唔錯，所以尋日聯同四位友人再黎食多次。結果幾位朋友都話正!講真，要食好野就一定要等架啦，我地企起條街度九個字先入到去!不過為左食好野，冇計啦!唯有一邊研究食乜一邊吹水hea時間。一入到去，侍應已經立即送來帶子刺身!D帶子好鮮，又有嚼勁，好正!然後再上一個壽司拼盤，件件都好大件!三文魚、鰻魚同魷魚都好掂呀!跟住係炸餃子，熱辣辣絕對係即叫即炸的!再黎三個飯，滑蛋豬扒飯同鰻魚飯都好好食，不過汁燒牛扒飯就普通左D!什錦天婦羅，D粉漿好似厚左少少，都過得去的!最後黎兩條大秋刀魚，接受到秋刀魚腥味的朋友應該會好滿意!侍應不停添茶，D茶其實都ok好飲的!食完大家都胃氣上漲!呢套真係好扺食!

今日7點幾行開去元朗食野,諗住去田中la.行0左好遠都唔到,我以為行錯0左路,叫女朋友0係7-11 等一陣自己搵下先.行多一個街口搵到la,當然上前問一問有冇位先la,話兩位要唔要等,門口個女仔話:人齊未? 我問:要唔要等,拎飛先定點. 佢好串咁話:有位ga,不過人齊就有人唔齊就冇la. 咁我答佢話有朋友黎緊,入去先好唔好,佢話唔得! 我行返轉頭搵女友,唔夠兩分鐘就返到去.我話:人齊入得去喇ma........佢好串0既口氣真係好想開佢拖,話:宜家冇位la wor!仲要講得好輕佻,好似我要求佢咁.......我一世人都未試過食野都可以咁嬲,走人..........好差,如果想食平野一個人就得人都ok 0既,同朋友家人黎好似要受佢氣咁不如食佢隔離0果間好過........

首先, 今次係我第一次做食評家!! 呢間野第一次去, 同男友5點幾經過, 已經見好多人排隊, 所以都唔等喇, 食得一輪啦.我地叫一個刺身併盆, D帶子真係好得. 仲有火燄三文魚腩壽司, 呢個個人黎講覺得肥咗少少.蟹子沙律都OK既... 不過每次只限食45分鐘, 真係有D趕頭趕命, 同埋真係要諗定食咩, 咁就可以等記咗之後即刻落埋單.

我唔係田中既熟客,淨係去過一次咁多,覺得冇人地講得真係咁好食,如果想食大件夾抵食,元朗有另一間都有咁既質素,"日之X",呢間坐得舒服d,等位又唔駛對住條坑渠,對面又有小食檔,食住等又得.所以我同d friends 都係去o個間. 睇到SF既經歷,真係估唔到香港有d 咁既服務態度,簡直前所未聞呀,劉德華呼籲左咁多年既"咁既服務態度點得ga..."都唔掂,我諗都冇乜人教得掂佢gar lar.其實客人去食野,都係想食好野,食得舒服o者,食得咁受氣咁委屈,為乜o者,食左都頂住頂住啦.咁樣落去,間食店既口碑都係佢整衰晒啦,係咪舵仔有脾氣? 鬧得太過有點兒...咁好采佢唔係舵一世,生左"可能"脾氣會好d.不過anyway,個manager 就唔係好識做啦,人地大肚咁唔好脾氣就唔好叫佢serve 人啦,一來對佢個BB 唔好,二來整衰個招牌... 唉~ SF,元朗仲有好多選擇,仲有好多好野食呀~

難食,真係超級難食三文魚壽司- 冇味,得個大字,又乾,加上見到d魚皮,真係唔想擺\\\入口甜蝦- 嘩,臭0既,係唔係死左成年喇?一放入口,即刻吐返出0黎帶子/蟹子- 可以擺\\\得入口啦!金龍- 仍然都係有隻臭蝦0係面,三文魚都係冇味,得d蔥味環境- 一入到去已經周身唔聚財筷子- 一陣怪味正如SF所講,真係要問清楚自己係咪真係45分鐘內食得晒,好似我呢D見咁難食就唔駛30mins可以走得0者!!放假食餐\\\飯食到要比人趕都唔知為乜??

黎元朗為左食田中既人越來越多~田中真係好抵食~~!今晚無人煮飯daddy出左去幫我叫左田中外賣~thanks daddy!叫左三文魚手捲同大蟹籽沙津!一個人食!真係好full!!!三文魚手捲~三文魚新鮮~層層疊咁食好好食~元氣,元祿對比下一d都唔想再食waa大蟹籽沙津~~真係好好食d 沙津醬應該係kewpie既~~好多蟹籽~好幸福~食完好飽~~佢地d外賣pack得好好~45mins真係小左d~外賣係一個好好既idea!luving it~

投訴!!投訴!!投訴!!小弟本身唔係元朗人, 但係聽聞元朗田中SUSHI大件又抵食, 於是就約埋兩位友人o係上個星期日大約兩點左右去試試啦, 點知真係"一試難忙"... 點解!? 食到俾人追出門口問候埋你娘親仲要收你錢既你試過未? >_<事情係咁, 本來小弟同兩位友人(共三位)大約一點九左右去到田中SUSHI門口等位, 但突然我其中一位友人肚痛, 咁我見田中入面咁多人, 就同佢去搵第二d toilet 啦, 去之前, 侍應就同我地講, 話只係可以食九個字, 佢地咁好生意都可以理解既, then 我地就早去早回, 跟住... 哼!返到去之後(大約仲有三十分鐘), 我地就不停咁叫野食啦, 食o下食o下就剩返十五分鐘, o係呢個時候, 有一個大o左肚既侍應就走埋o黎用一d 好唔禮貌既口吻同我地講, "你地食埋d 野好快d 走, 出面好多人等" What the hell's going on? 好似我地係乞兒咁, 大佬, 真金白銀俾錢o架! >_< 跟住我就同佢講, "碟sashimi o岩o岩到咋喎...", 野都未講完, 佢就伸手拎集碟走, 話"咁我拎返廚

呢間鋪真係大件夾抵食,手卷係我每次必食之品,刺身及壽司真係好新鮮同大大件,其餘熱食都不過不失...不過真係太多人啦,夜晚我一定唔會去食,約朋友食飯就更加唔會揀呢間,得45min食又要齊晒人先入得,所以只係我同老婆o既飯堂,下午1,2點去就最好啦!!環境就真係迫o左d,但尚算乾淨,而d妹妹仔waitress算咁多間元朗區日本食店之中較好,識自動自覺斟水同講多謝唔該..

好東西自然多人欣賞，但太多人爭奪難不免會造成負面的界外效應(Externatlity)，令物件value下降。經濟學上的理論，應用在餐飲業上一樣成立，田中就是例子。　無論甚麼時候，都總有長長的人龍，撞鬼!不過日前，男友學校在試後活動放半晏，愛吃日本菜的他就自告奮勇去排隊，等我放工後就可以即時有檯食飯。食過外賣，知道田中食物味道真的不錯，我當然不會拒絕；還叫了細妹一起去食，因為食物太大份!　外面人山人海擠迫得緊，估不到店內環境不差，位子不會太窄幾舒適，彷似去了另一個世界。我們點了：雜錦壽司(13件)$118-壽司真的很大件，由於用料新鮮很好吃，個人最喜歡鰻魚及三文魚。唯飯有點稔及鬆~燒三文魚腩壽司($18)-男友想食另外點的，一般啦~三文魚手卷($20)-想試一試有四塊刺身的手卷滋味如何，結果...很飽。味道其實真不錯，愛吃三文魚的人會喜歡!吉列炸蠔($32)-男友的最愛，一客四件，吃下去比其他日式料理店出品juicy，味道不差日式牛肉鍋($38)-簡單的鍋物，只不過是肥牛、雜菜、金菇加生蛋，味道卻十分鮮味，是以質量計最好的一道菜。咖哩豬扒飯($35)-純粹因咖哩癮起，價錢又平而點的菜，

未到之前己經風聞日日長龍所以五點半左右到了己經要排Back to the topic, the size of the sushi is large, there were only one restaurant I had before that have this size of sushi before. Scallope is good, Salmon role is good, ebi (shrip) too is good. Overall, the food is good, but there is an exception, namely, uni (sea-urchin/海胆) stings, smell like... urixx (this is not a joke), I really hope that they are not using the sea urchin of which gov't have banned recently those which was imported from China. If the staffs taste

因為我住得近，一個月都會食幾次，真係超級好味架。。。但是我通常都會係外賣，堂食餓死都未有得食。。

幫襯多年，老實講近年分量已經比以前少左，但依然好足料。推介必定係刺身，可能流量快，刺身好新鮮，海膽鮮甜，每次去叫一個定食+一個兩個人已經好飽，服務唔錯，會主動添茶(雖然茶冇味)，廁所乾淨。最唔鍾意當然係次次排長龍，又得45分鐘，2個人還好，多幾個朋友一齊食就一定唔夠時間，而且環鏡實在太迫，出入都要叫「唔該」，如果少人去實會同其他人變fan坐埋一齊，d又細，試過隔離有個唔識既食麵，d湯彈左過黎....既然日日長龍，實在唔明點解佢唔租多間舖？

去完濕地公園過黎食, 好在早去一步, 唔係轉頭就有排等!! 兩人嗌左一個三文魚壽司, 兩個北寄貝手卷同一個關西牛肉飯, 三文魚有口感, 北寄貝食落冇乜味不過有5塊!! 牛肉加蛋真係正, 兩個人都差d食唔晒~ 唯一真係坐得好迫, 冷氣極大, 又趕住九個字要食完...

唔係話非食不可, 但一試無防. $20三文魚手卷內有四舊厚厚三文魚, 又真係幾抵. 吉列蠔卷$35四件都唔錯. 只不過座位之間無乜空間, 非常擠迫. 同埋向條非常狹窄滴街道上與成四/五十人齊齊等位, 都咪話唔辛苦!