生記飯店 (已搬遷) 新店位置

hmm... 真係個個都講到咁好味... 就真係期望高得滯...唔係話唔好味... 但又唔係超級好味... 因為有好多小炒o既食市都好有水準... 但又冇佢咁貴 最唔好味就真係鹽焗雞(hkd200)，啲皮完全唔滑，縮晒呀... 泥蜢粥(hkd44/一碗)-都唔錯，好綿西檸班塊(hkd130)-唔多粉咕嚕肉，金銀蛋荳苗，椒鹽鮮魷-okay梅菜蒸菜心-超多油

人家說：「看似最危險的地方，就是最安全的地方。」跟三位行家兼前同事吃午餐，選這兒係因為大部份老外上司們都唔會（或唔識）來這兒吃午餐。不用擔心會「斷正」。四個男人點了四個午市小菜（$45 / 個），四碗白飯（$8 / 個），連茶芥（$8 / 位），埋單$252。唔貴但……特價小菜的比餐牌上的馳名小菜，味道和份量差好多。下次都係點餐牌裡的食物，比較穩陣D。環境裝修陳設服務亦比較一般。那鍋例湯，無湯渣，但估計係「x 瓜豬骨湯」，料少味淡，忘記它吧！四款午市特價小菜：生炒排骨（勉強合格）、金銀蛋菠菜（要做得難食都幾有難度）、梅菜蒸肉餅（連鎖快餐「大x樂」質素！）、豆腐班腩（唉！）。份量細小，但味道就認真麻麻！那四個白飯，好細小，有點硬，唔得。茶芥每位八蚊，有點兒那個。若果要午市來食，特價餐牌最好唔好點。便宜但味道唔得！

招牌鹽焗雞成二百蚊隻, 仲要預定, 以為會好正....點知係全晚最差的一味餸. 一d鹽焗feel都無, 好似白切雞咁, 仲要一食就知係冰鮮雞.下次一定唔會叫. 不過椒鹽豆腐, 咕嚕肉等小菜就唔錯, 如果係普普通通一餐晚飯都算可以.不過一定唔好食鹽焗雞.

廿多個笑面皆對鹽焗雞及泥蜢粥的激烈讚賞,定位前對此店所寄予的厚望,就象父母望子成龍般殷切.不過凡事為何期望越大的,結果都總是失望而回?鹽焗雞,此雞雖不太’鞋’口,但肉質不可稱得上鮮嫩,味道亦只是一般,與坊間數十元的雞質量差距不大,更枉論甚麼鎮店名菜,最起碼對雞要求不高的老父亦只吃下兩件便放棄了.泥蜢粥,又是鎮店名菜,要一早預定,對於喜愛泥蜢粥的母親來說,理應不會失望,但奈何此所有魚肉皆預先去骨起肉,雖然粥底好棉且薄有魚香,但就欠缺了點小鮮味,且魚肉質都不見滑溜.最敗筆的便是加了大大舊的豬肉,令賣相十分差劣,雖可有調味作用,但如泥蜢做得夠鮮甜又何須多此一舉?最後送的懷舊甜點白糖糕,晶瑩剔透兼富有彈性,甜酸適中,老父竟吃上數件,為原本有點失望的飯聚加添點小意外驚喜.不知從何時開始,好介懷父母對食物的讚彈,只要他們食得開懷的,都是上品,白糖糕今晚win左..

上星期媽媽生日，一家人去此店食飯，而家好難搵到咁鮮咁既泥蜢粥食，生炒骨同盬焗雞可以話係佢地既招牌菜，我見差不多抬抬都叫，生炒骨酸甜剛剛好，父親大人就勁讚佢地ｄ盬焗雞．．．一家５口都係食咗４２０蚊，好抵好滿足！

四十多元午市套餐有老火湯，小菜或炒麵，白飯。幾抵食。生記很出名的生炒排骨，午市套餐都有，幾好。另外有幾味家常菜，如蒸肉餅，雜菜煲等，都唔錯。但記住，要訂位。

8月26日晚上在沒有訂位的情況下光顧, 可能時間尚早(6:30p.m.), 客人不多, 侍應服務殷勤.兩口子叫了一份枝竹火腩炆斑球, 二人份的泥蜢粥, 梅菜蒸菜芯.斑球- 價錢雖貴(二百多元), 但物有所值粥- 可口味美, 但泥蜢味略為淡了一點, 肉丸多了一些菜- 乏善可陳, 若改為梅菜蒸朱肉及炒菜芯可能會更好.下次會叫多些人一起去食, 試試其他菜式.

second time visit, still ok.鹽焗雞, good, but skin not as crispy as i was told.sweet and sour pork (or GOOH LO YUK) surpisingly found one with bone, which should only be found in 生炒骨. taste okpork liver with YIN CHOI, loved it, pork liver is tender and tasty煎藕餅, very good, not oily, but could be better if less saltywaiter didnt hard sell on seafood dishes, and was willing to tune down the a/c, which was blowing in my face with freezing wind.

琴晚剛剛去完, 水準依舊. 因爲冇留台既緣故, 需要響一個鐘之内交台. 本來都有點擔心... 哈哈...叫左鹽焗雞, 生炒骨, 朱潤九紀, 鴨掌煲, 同埋梅菜菜心. 普通野, 不過廚師手勢認真一流. 尤其是隻雞, 焗完之後, 入味但出奇地滑... 真係極品. 不過當然啦, 比普通酒樓貴小小...

上年聖誕節左右同一大班朋友光顧過一次，回味無窮。七月十四日晚再與幾個食開飯的朋友夾埋屋企人一行七人食多次。但食之前，見Openrice內最近對生記的評語較負面，臨訂位前好擔心。8:00pm坐低，二樓只有幾台客，更擔心。好彩坐低無奈，侍應已經很有禮貌地覆一次預先訂的菜(鹽焗雞、藕餅同泥蜢粥)。一開始就打破服務差的往評。齊人後叫了白飯魚炒蛋、枸杞浸鯪魚球同北菇扣鵝掌。雖然上菜有些亂（先上白飯魚炒蛋，北菇扣鵝掌，然後泥蜢粥，枸杞浸鯪魚球，藕餅，最後先上鹽焗雞），但整體依然好味。北菇扣鵝掌更有點驚喜，北菇很有菇味，鵝掌又淰又入味。同行人對鹽焗雞讚不絕口，外脆內嫩，名不虛傳。要挑剔的是白飯魚外觀有點假（雖然有魚味！）。唯一遺憾是有兩個想食的菜已沽清，一是椒鹽鮮魷，另一是豉油王煎蝦碌。下次再來光顧時一定預訂！

一行六人去了生記.涼瓜蟹煲- 蟹是先走油再炒的. 就像是把蟹和涼瓜分開煮然後再撈埋一齊似的. 失望!鹽焗雞- 幾好食.咕嚕肉- 鬆化, 水準之上.豉油皇蝦- 惹味, 但很鹹!泥魚孟粥- 40蚊位, 但好少魚肉(卻有好多豬肉丸)梅菜蒸菜心- 沒啥特別.1200大洋, 很貴的一餐, 如果去別的地方, 也許可以吃得更好.已經幫襯了生記三次, 雖然三次都有人請, 但仍覺得不抵吃. 也許是太多名人吹捧, 如果說不好吃, 好像是自己的品味有問題似的. 可是, 它確實不值得這個價錢啊~~後記: 生記的伙記出名落力... 落力sell海鮮. 總之講到你一定要蒸條魚, 食隻蟹咁. 有點討厭. 但整體服務都算周到. 另外, 菜上得很快, 快到你以為自己食緊快餐!

預祝生日，原本打算到彭慶記的，但那兒坐車不方便，家母又喜吃雞，所以改到生記。原本寫了一次食評的餐廳是很少再寫的，今次為生記破例！預訂了五人份泥鯭粥和鹽焗雞半隻，其他菜式到場再點。父母是很少上館子的人，所以著侍應推介，以下是我們的真情對話：家父：「梅子蒸膏蟹吧！」侍應：「今天不是膏蟹，是花蟹；就來一客梅子蒸蟹吧！」我們示意不要；我：「蓮藕燜腩仔吧！」侍應：「沒有腩仔。」家父：「蘿蔔牛腩吧！」侍應：「沒牛腩。」家父：「田雞吧！」侍應：「沒田雞。」路過的侍應搭訕：「你們點了鹽焗雞啦！」謝謝。還是第一次知道田雞和雞是同類……期間，侍應多次著我們點蒸魚，還說：「你們沒點什麼肉呀……」先生，是你們沒供應，不是不想點！接著，側聞鄰桌點大蝦，大蝦又放假……四款招牌菜，兩款半沒供應……隨便點了以下幾個小菜：鹽焗雞－－雞不熟；招牌脆皮不見了，換來的是脂肪……泥鯭粥－－泥鯭很少；肉丸換了肉碎，鮮味不見了；榨菜少。生炒排骨－－粉漿厚，件頭細，頂多及格。煎藕餅－－這個不錯，蓮藕足，煎的蠻香。生根豆腐煲－－不錯，但難度不高。草菇扒白菜－－可以，但沒難度。韮杞浸豬膶－－本人不好，沒嘗過，不置評。家母此時發現我們點了

上次冇訂位搞到好狼狽。今次醒目，訂位兼且訂埋隻招牌雞，但係都要八點前交檯。鹽焗雞很有鮮味，而且嫩滑，雞皮亦夠香脆，不愧為這裡的招牌菜。除了雞外，同時亦點了羊腩煲及炒斑球。羊腩煲十分野味，但又不怕"臊"，易入口，唔會"靭"，枝竹也蚊得好入味，醬汁好送飯。那個斑球都鮮味十足，點豪油食很正。但最正的還是飯後的那個甜點－白糖糕。白糖糕味道清新，正正中和羊腩煲的濃味，感覺一流！其實，樓上舖多只靠口碑，生意一點也不易做。生記能做到客似雲來，定有其原因吧！

2005.12.28 晚今次來生記試了蝦餅、咕嚕骨、山根豆腐煲和鯪魚球浸豆苗.蝦餅選加了豆角, 很爽很彈牙, 但可惜炸蝦的獨特香味欠奉, 有點失望. 咕嚕骨炸得很乾身, 味道也適中, 但和十分好吃還有點距離. 澳門大東的生炒骨(要預訂)便有更佳的口感. 其餘兩樣菜餚用料都很新鮮, 山根難得一點油益味都沒有, 鯪魚球也吃得出鮮味, 只是個人略嫌兩個菜都偏淡了一點. 不是調味不夠, 只是食材的味道好像不夠濃郁. 不得不提他們用的豉油好像很鹹很濃味, 點得略多時不但會奪去食物原本的味道, 也令口腔不太舒服. 難怪前一次吃完感覺像吃了很多味精一樣. 這一次再來, 故意不試上次吃過的招牌貨泥鯭粥和鹽焗雞, 不料其它菜式都沒有相應的水準, 有點失望了.

2005年除夕夜，親友邀請到他們家開香檳倒數。他們晚上在生記晚飯，打包了泥粥，向聞生記的泥粥什出色，一於翻叮來吃。此粥果然好味，香、綿(真的好綿，米粒開晒花)、鮮、甜。還有果皮絲和肉丸，果皮增加了清香，肉丸有咬口有肉味。幾年前吃過生記(還是舊址)的上湯苟杞浸豬潤，鹽焗雞和咕嚕肉，水準也很高，係時候再去吃晚飯。這晚的香檳是1996年的Dom Perignon，味道很strong(劉致新先生的評語是"宏偉剛強")甜味輕，小頭不太懂酒所以較喜歡甜味重易入口的香檳，但appreciate有幸嚐到這出名的年份。我想要試多些才會分辨出好歹和自己的喜好。