甜牙牙

營業中

休息中

今日喺旺角去咗一間食甜品，看見裏邊環境很優雅，我叫咗一個流心芒果粒粒布丁，我見到我的甜品來到，我立刻試食一啖，芒果很清甜，嘩！布丁裏面有芒果汁流出來，整體布丁同流出來的芒果汁不太甜，很好

行街行到累的時候想食點東西看到這家甜品店價錢便宜所以決定一試看到Menu是一份甜品送一杯是日特飲甜品賣相挻吸引 叫了兩份來試試才行·棉花糖窩夫配雪糕 HKD$36·士多啤梨Pancake配雪糕 HKD$38·是日特飲 跟餐HKD$0味道挻不錯 而且不會太甜剛剛好剛做起的甜品配上雪糕來個冰火二重奏🤭半溶狀態的情況下食 窩夫挻鬆軟的那個是日特飲是水蜜桃果汁酸酸甜甜挻解渴 可以中和甜品的甜度商家挻好的心思吧 怕我們食飽後會甜性價比不錯 價錢不貴 看到不少學生來食

吃完豐盛晚餐，總是覺得差一點點，當然就是還欠個甜品。在旺角找到這間經典甜品店，甜牙牙。裝潢漂亮，座位都十分舒適。先點了朱古力鬆餅，裝飾十分細心，甜品如繪畫。鬆餅像海綿蛋糕的軟綿綿，配上忌廉和雪糕，很快一層一層的慢慢消失，還未等到下個甜品來它已經默默地不見了。終於來到我最期待的心太軟，加十元還可以升級至movenpick 雪糕。新鮮熱哄哄的心太軟香味噗鼻，馬上忍不住把它切開，讓濃烈的朱古力醬湧出來。廚師還細心把不同水果切成一小塊，配上濃郁的朱古力十分恰當。

今晚同兩位好朋友係油麻地食晚飯傾 7 月去旅行既野,傾到食晒都未傾完,所以我地決定要續攤繼續傾!之前有朋友推介過油麻地附近有間甜品店好食,叫做甜牙牙, 既然有朋友推薦, 今晚我地就試下.雖然時間尚早, 差唔到 9 點去食都已經有好幾枱客. 甜品店既環境都幾舒服, 好適合一班朋友傾計, 岩晒我地.Menu 睇到樣樣都想點黎食!!我地三個人唔可以太貪心, 一人點左一樣甜品 share黎食😝我點左流心芒果粒粒布丁$32, 朋友分別點左日本 3.6 奶燉蛋白$30, 仲有重頭戲提拉米蘇 pancake 併雪糕$62.流心芒果粒粒布丁個賣相好靚~滿滿芒果, 第一次食有芒果流心既布丁, 特別!燉奶濃濃牛奶香, 雖然對我黎講有 d 太甜~提拉米蘇 pancake 係搭雲呢拿雪糕, pancake 既質地同賣相睇落似蛋糕 (笑), 好動 L, 但神奇地食落又好軟棉棉, 搭埋 tiramisu cream, 絕對食平pancake之選！

其實經過呢間鋪頭好多次但係都冇機會入去試吓見到最近網上面有宣傳佢個鬆餅嘅吸引於是就嚟咗試吓啦由於今次主要係想試吓佢嘅鬆餅但係因為呢度有最低消費所以我哋兩個人就叫咗一個草莓鬆餅同埋一個鮮奶燉蛋白share食草莓族鬆餅 $62呢個價錢有三舊大大嚿雪糕同埋有cream 但係需要留意番呢個甜品需時大約15分鐘 建議大家如果想食一坐低就好叫啦質地來講 介乎梳乎里同pancake 連埋雪糕同埋cream食嘅話真係會上癮🤫🤫🤫🤫鮮奶燉蛋白 $30相比鬆餅呢一個就有啲失色啦 個人覺得佢太甜而且質地亦都唔算太滑 有進步空間

同朋友出開黎旺角，揼完骨一身鬆晒，係時候食埋個甜品甜牙牙聽人講得多，今次終於試到！去到鋪頭已經坐滿人，不過依然好快有位，仲坐到卡位，真係幾好彩👍🏻勁鐘意呢個朱古力心太軟，食得出真係用左有質素既材料黎整，無論係外層既蛋糕，定係入面既流心朱古力，都充滿住濃郁既可可香味，甜中帶一絲絲甘香，係難得食到有層次既味道朋友叫既蜂蜜肉桂窩夫都好好食，窩夫底好鬆軟，上到檯仲係暖笠笠☺️香蕉肉桂既配搭夠晒classic，最開心係加埋蜂蜜同埋一球雲呢拿雪糕，濃郁得黎又食到少少蜂蜜既香甜，真係大滿足❤️下次去到旺角又多個落腳點

同朋友食完晚飯去廣華街食甜品。我地全部人都食中式甜品。椰汁紫米露係「椰漿」紫米露，不過都食得落。酸嘅杏仁茶都係第一次食（張單上面叫「大數」，$26個個）。湯丸係交黎嘅，實無死，不過加$6嘅芋圓就好難食，食左一粒就無食。d西米露起曬泡，好似洗衣粉溝水咁。白雪西米露入面溝左爆朱當西米，貨不對辦。全部嘢都甜到漏，下次唔會再黎。其實咁嘅價錢話平唔平，話貴唔貴，但咁嘅質素真係趕客，隔離鋪頭點都好過佢。可能西式甜品會好d，不過我地無食所以無可奉告。食物：芋圓西米露、白雪西米露、海底椰白雪涼粉、椰汁紫米露、湯圓加芋圓、杏仁茶（退回）

我們食西式甜品吃膩了，幸好甜牙牙中西口味都有，是夜大家可以試一些傳統的中式糖水。合桃露芋圓35冰涼可口，合桃有香滑的口感，芋圓具咬口，芋頭和蕃薯香味不缺，十分好嚼頭。椰汁燉桃膠39涵料豐富，雪耳足料，椰味濃郁，桃膠對女生養顏功效不能輕視。生磨杏仁茶26濃度高，杏仁味好香，這份點了熱的，味道顯得份外甜，三五知己分享最適宜。食後感：店員姐姐服務不錯，食物的選擇不少，出品快，價錢實惠，位置敞寬，吹水飯後甜點幾ok☺️

喺旺角食完晚飯之後就想食甜品，見到其他店都好多人，依間門口都有幾個人等緊但係睇埋個餐牌好似都幾啱食，於是，拎咗飛等左10分鐘就入到去。職員安排左我哋坐係一個走廊位，我哋枱前邊都係一個走廊位，依個位好夾硬嚟，好明顯呢個位係會阻住其他人出入，佢哋每次行過都會撞到我哋。我哋嗌一個窩夫食，打卡一流但係又係好睇唔算好食，有啲乾，冇乜特別，但勝在佢價錢夠平，大約$50，但係因為多人等同埋坐得唔舒服，就有一種感覺係 “快啲食完快啲走”

食完晚餐，朋友話唔夠飽要食甜品/糖水，隨意挑了附近依間甜品店。見佢個menus都幾多選擇，有甜品又有中式糖水。我地兩個人叫左一個芒果雪山 - 有新鮮芒果粒、椰果同雪糕，個棉棉冰入口即溶，芒果味濃，又唔太甜唔會膩。                              另外，叫一個蜂蜜肉桂雪糕鬆餅 - 本身鬆餅跟雲呢拿雪糕，之後問左店員話可以轉其他味，我就轉左士多啤梨雪糕。鬆餅好厚，口感好鬆軟，夾埋啲忌廉同雪糕一齊食好好味，而且有三舊，食完都幾飽肚。

食完晚餐甜品當然唔少得，由其旺角太子一帶，梗有一間係左近。每次我會嚐試末去過的，今日就㨂選嚟間。芒果西米露+脆脆珍珠芒果當造特別甜美。有半個芒果份量，還有芒果打茸，全芒宴，最啱喜歡食芒果的我。加了脆脆珍珠真係爆脆，粒粒爆開有口感。我還貪心地要求些少椰汁，加添入芒果茸中，味道層次豐富了，又多一個食法。紅棗桂圓燉核膠滋潤的糖水，材料足，甜度剛好，紅棗的芳香夠醒神。雪耳，桃膠對皮膚好，這個糖水最適合女生啊！

完全同餐牌上嘅圖差十倍，完全呃人返屋企前想買甜品外賣，呢度有幾間都有我想食嘅芋圓，見到呢間未食過，圖片又幾靚，俾咗$38買咗個芋圓涼粉返屋企食。滿心歡喜，一打開，即刻燥底。成碗糖水打獻出嚟，同沙糖溝水冇分別，所謂芒果底，可能有丁屎屎咁多芒果，芋圓同涼粉數得出得幾粒。真心從未食過質素咁低咁難食嘅糖水，點解呢間野可以仲未執笠。

食完晚飯唔太飽、決定同友人直落甜品。旺角除了最著名的兩三間連鎖甜品店、廣華街有好幾間其他甜品店、不算太多人、而且價錢更抵食。 我地到了比較多人的甜牙牙、這裡有窩夫、西式甜品和中式糖水、選擇幾多。芒果豆腐花 $38 超濃郁的芒果醬、冰冰凍凍口感有點像沙冰、豆腐花滑溜、好好味☺️另外點了個桂花雙雪燉桃膠 $36、桃膠養顏、桂花有淡淡香氣、清甜滋補試了新推出的芒果布甸、芒果味幾濃、還有不少芒果粒和藍莓～

太過份，3點幾，見鋪內無咩人，幾舒服同朋友二人一心諗住入去食下午茶，諗住食個窩夫，加上雞翼薯條小食。點知等左個半個鐘，其他客人已食緊，我唔追問都唔去睇吓廚房。後來見到有個女仔好急係街入嚟鋪衝入廚房！浪費時間我都算！佢之後上左個雞翼無薯條，而係薯片。味道差唔在講，完全係7仔叮叮小食咁，$50！🙄我地問佢點解會係薯片，佢仲想駁我話係我叫。大佬，正常都係配薯條啦，邊有人配薯片呀⋯⋯ 餐單都係雞翼薯條，完全違反商品說明條例！佢之後先去話叫廚房炸返。緊住啲窩夫不斷出比其他後嚟嘅客人，我都係無既。太嬲之下，叫佢取消！其實如果廚房無人你關門算吧啦！做咩下午茶茶市！

路過見到依間，聲稱下午茶去到夜晚七點半，感覺好似幾抵食，但其實睇返價錢都唔係好抵，仲要嘢食質素勁差，明明冇乜客，但都等好耐先上餐，賣相不佳， 味道不佳，經典原味窩夫賣相吸引點知出到嚟個賣相似茶記，蛋黃半熟係正常，但蛋白都一半生一半焦，上面流緊透明蛋白，個底就燶到哽喉嚨，薯角變咗薯條，又硬又乾，完全食唔落，圖中疑似牛油果嘅原來係一小塊碎嘅生菜，右上嗰碟煙肉消失咗， 話只係影相擺碟，實際上係冇嘅😂但又影埋起入面呢個價錢呢個質素，完全接受唔到，食過最差嘅一個鹹窩夫，唔會再食依家了！