甜源居

營業中

休息中

平日下午茶時間去，所以人不多，不用等位。但服務態度不太理想，桌上很多碟碗未收拾，店員語氣不佳。但食物質素不錯。叫了杞子燉蘋果 $38，味道清甜潤口。也叫了香草薄荷沙冰 $38，味道清新，沙冰冰涼可口，入口即融。下次有機會入西貢會再來試其他甜品。

去過幾次，食過芝麻糊加湯圓，芒果布丁，西瓜涼粉以及沙冰。最好食係芝麻糊加湯圓，真係幾香，雖然湯圓皮不薄，但香味已經補償番。芒果布丁略為酸，如果中意酸野既可以試。涼粉就較差啦，貴，又小，唔好食，冰多過涼粉。沙冰得個甜字，我連自己食緊咩入口都唔知，但外表適合小朋友，因為幾可愛。但服務態度就差啦，比單我個陣，佢掟張單比我，找錢又係當我乞兒咁。老闆娘黑口黑面。

朋友有現金劵，於是特意去食對甜源居都略有所聞，知道有好多明星曾經光顧本來什有期望可惜到了現場應該是裝修的問題，所以好傳聲，每枱發出少少聲音，已經非常嘈吵，好影響心情除去環境因素，甜品都OK的我們叫了三個甜品一個是芒果河粉，一個雜果河粉，另一個是SHARE食的糖不甩我最喜歡糖不甩煙煙韌韌不黏牙的口感好好，而花生椰絲都好香芒果河粉和雜果河粉都以芒果汁做湯，好濃好足料，可惜唔夠香，如果揀再成熟D的芒果會更好河粉完全無味，這方面有點失望，始終都是皇牌品，如果加重椰奶味，成個甜品會好食好多。

一入到去，沒有人招待，叫個餐都好像要求佢地咁，見佢有咁多人食，食評又幾好，繼續忍耐地點了那個所謂超人氣甜品：白雪公主，本是有山竹的又同你說沒有要用海底椰代替，因為本人喜愛清心丸，都是決定點來試試，點知真是勁難食！ 清心丸一d都唔彈，個湯又是難食，以後唔會再去！

I rarely eat Chinese desserts because all the choices revolve around mango, red beans and they are 9 times out of 10 too sweet.On this visit to Sweetheart Dessert, I was surprised to see mangosteen in one of the desserts but I didn't try it because it probably has seeds in it.Anyway, tried the apple puree which was surprisingly nice but a bit too sweet and the fruits in the dessert such as watermelon didn't go well with the taste.

食甜品應該會給人一種愉快的感覺，但這次感覺不到，和朋友相聚本應開心食埋甜品理應更開心，唔知點解在這裡所食的甜品真的感受不到，不是說這裡的味道差或者又是一種機械式的味道，可能覺得小店總會自已獨特的風格，可惜他們選擇了連鎖店的做法，實實的雪糕。。。許留山的芒果汁底。。很像是雜各家之大成堆砌出一碗黃金夢，還酒釀丸子酒味太濃完全蓋過了桂花的香味，其他都不想多介紹，或許到滿記可能會好一點點，西貢這麼多甜品店花些時間多等一會可能會更好。

同中學同學喺塔門露完營，食完飯就食埋甜品傾多啲計。 雖然我班朋友唔係第一次食，但我係 。所以說叫左個芒果河粉試下，估唔到喜出望外，成個湯都係芒果，仲有好多腸粉皮做既河粉加上少少白珍珠，好味得黎又彈牙，超級正！我既朋友就叫左芒果沙冰，雖然同外面個啲沙冰差唔多，但就特別耐先溶。入西貢既朋友記得一試！！

遊完船河到西貢，曬足一日，又熱又攰，最好就係搵個地方坐下，食到冰凍甜品，休息一下。突然記起有次食斯里蘭卡菜附近有間甜品店 － 甜源居。黃昏時間冇夜晚咁旺，一黎就有位。曬左咁耐，要食返D滋潤既糖水。幾清甜，又解渴。榴槤同滿記差唔多，我地都覺得貓山皇出色得多。不過都幾滑，白涼粉爽爽地，帶椰汁味都唔錯。本來想叫D小食，但糖不甩冇，炸雪糕都冇，都費事再問⋯⋯ 上得好快，又食得好快，15分鐘食完就返去。

由塔門出返西貢之後行左一陣, 想食下D甜野, 友人就介紹左呢間甜品店以山竹同石榴作為甜品的確少有, 所以我地就叫左白雪公主同埋石榴飄香白雪公主: 以椰奶做個底就夠哂香喇, 但山竹普通, 唔夠清甜; 清心丸太過林喇, 明明我記得以前食過既清心丸係煙煙unun架, 唔通我記錯?! 失望石榴飄香:以石榴汁作為個底, 再加上百瓜同哈蜜瓜, 普普通通啦

個客未入門口, 老闆娘已經西口西面咁. 入到去, 地下有灘糖水, 唔叫佢地都應份要清理左佢呀. 叫個老闆娘佢只係西口西面咁行左去, 完全唔諗住自己或者叫個人黎睇下發生咩事.30蚊的西GUA西米露, 質素10蚊都不如, 淡如清水, 西GUA得4件, 比咁多錢佢就係養埋呢D西口西面的人LOR準備起身行人, 佢第一時間走黎叫我"比錢去個度", 我行慢2步佢居然BEAR住我. 這是什麼服態度?見到老闆娘店中的相, 全部笑到4萬咁口同D明星明人影相. 如果只係想SERVE明星的, 咁你大可以唔好開咁大個鋪比D平民入去比錢你洗GA. 比唔平的價錢入到去又唔係坐得舒服, 食物差, 仲唔知點解反要受serve我的人氣. 我唔係第一個係open rice話呢間野服務態度差的人, 大家諗諗係咪值得去試啦入去食20min受氣受足夠耐, 呢間野一d heart都冇, 唔知點可以叫sweetheart, 完全係騙消費者$$$

一行六人去西貢位於海徬街的甜品店，環境不錯，不像一般的大型甜品店，裝潢以白色為主。 店外相片榴蓮飄香$45，有一撮榴蓮肉，如果能多一球雪糕，會較值回票價，那滿記的會較出色。白雪公主$35, 椰汁底，山竹肉，出面甜品店較少有山竹的甜品，但不要誤會它是用山竹製成汁，只是椰汁而已，普通。 紅孩兒，汁底味道較淡，生果很多且新鮮，整體一般香蕉船$48, 雪糕球較大，一條香蕉，味道正常，沒特別。炸雪糕，很大的一顆，內裡的雪糕不會因出面的炸皮而導致太熔，雪糕和炸皮味道挺夾的。炸糯米茲，大家都一致好評，像雪糕糯米茲的餡，餡與炸皮是夾的。炸湯丸，味道麻麻，可以不吃。整體感覺很好，談天飯後的好地方，而且離泊車的位置不遠，會再去的

人地話女人有一個胃係用黎食甜品, 我諗係真既。話說同女朋友果頭食完野話飽, 佢一行過就話要食甜品, 真係寫個服字。芒果河粉：「河粉」係是甜品舖常見既野食, 尼度既河粉用海藻同蒟蒻整。正常係食唔到任何特別既味道, 另外加入芒果肉及芒果汁無特別。濃濃果香：蘋果汁西米底加各款生果球, 就是這樣。講下榴槤斑戟。三舊分開六份, 綠色的斑戟皮幾厚, 先唔講用料如何, 個人比較喜歡薄一點的斑戟皮, 裡面忌廉對榴槤肉的份量是6比4, 榴槤肉雖少, 但味道好正, 夠腍又夠香, 當然可以再多一點就更正。

入西貢食糖水有時唔一定要食最出名果間，不如沿住海傍街行入少少，試下甜品如其名嘅Sweetheart Dessert甜源居啦！甜源居沒有豪華的裝修，但就有最豪華的明星陣容！對呀，牆上的都是明星光顧後的相片，Cool魔也常常是座上客呢！多明星光顧，到底是不是信心保證呢？試了芒果河粉，大大碗，用筷子食！真的有如在麵鋪的河粉般，光是賣相已十分吸引！芒果熟度剛好，河粉則有如椰汁啫哩，爽囗滑溜充滿椰汁香，加上新鮮芒果汁和西米，真是未吃完又想再Encore！另外也點了楊枝甘露，芒果、柚子和椰奶的味道配合得天衣無縫，絕對是水準之作。每逢入冬後甜源居更會推出限定流心雙皮奶。可惜我們今次早了幾天，店員說要大概11月才有！Couple們去西貢時要試喔，而且一定要試芒果河粉！

芒果班戟極差，班戟皮超硬！😠 cream 和 mango 冇味！芒果河粉冇水準，芒果味尚算ok，但河粉厚薄不一，味道質感均欠佳，未達水平！蛋白杏仁露勉強可以。服務極之一般，不值得等候！

平時好少去哩邊食甜品但因為友人介紹 所以就去食喇因為是宵夜時間 所以點都要等下位.叫左好多甜品啊～有好多款好多選擇金沙寶藏朋友話哩個好味值得推介流沙雙皮奶好滑滑滑滑滑～白雪公主x黑馬王子什果沙冰好多新鮮生果但其實都係普普通通無咩特別 不過不失喇～紅孩兒其實都多生果的糖水底係士多啤梨味味道麻麻地蜜瓜西米露別人說炸雪糕很出名所以就試下 點知中伏了皮很厚很硬 雪糕又唔滑不過都算炸得靚同埋d雪糕係無溶到的杞子蘋果燉雪梨很潤喉的甜品都不錯 可以一試其實都唔係真係好好食普普通通 不過不失咁啦而且價錢係貴左少少的.