甜源居

營業中

休息中

呢碗叫「踏雪尋梅」，餐牌介紹的龍眼有2粒，紅棗除咗一片皮，見唔到一粒完整嘅，無味丸子有幾粒。名副其實一碗「糖水」，盛惠$55。全香港應該只此一家，真係唔會有下次。

難食點咗芝麻糊同擂沙湯丸芝麻糊無乜芝麻味，淨係得一陣粉味，唯一好處係唔太甜。擂沙湯丸啲湯丸好淋，一Pat 嘢，啲擂沙係一太陣麵粉放咗好耐好耐嘅up 味，一放入口已經忍唔住吐返出嚟，同職員講，佢話係咁架喎，得你一個係咁講乍，我話我未食過啲咁嘅味嘅擂沙湯丸，真係好難食，根本係麵粉變壞咗嘅味，佢唔覺得有問題，亦無嘗試去 check下啲粉係咪過期，不過過咗一分鐘佢自己話取消返個order價錢都好貴, 成40-50蚊一碗，好伏。見其他人點生果果啲甜品好似正常啲，千祈唔好點中式嘢。勁勁勁伏。

平時喺朋友屋企開完party 我哋嘅傳統都係會黎食甜品～因為西貢食甜品嘅選擇唔多食咗幾年甜源居所以我哋都跟返傳統照食返佢真係一個最差嘅決定😤首先20:15嚟到都真係有幾枱客人嘅到我哋點嘢食嘅時候同行友人就點咗：1️⃣生磨合桃糊（熱）Walnut Soup (Hot）偷食咗兩啖覺得個合桃糊好水，然後又好死甜對比起我哋之前嚟差咗好多 (講緊只係一年前）當然價都加咗好多有嘢想問多次姐姐先落單姐姐已經好唔耐煩最後我叫咗2️⃣雷沙湯丸姐姐重複咗兩次要等15分鐘我都答咗冇問題佢可能好唔想我叫呢個因為佢想快啲我地還枱🥲係好熱辣辣咁出既但個皮好厚好厚芝麻餡都好一般食食吓食到剩返兩粒阿姐問使唔使俾個盒我哋包起🙃🙃咩事呀都未食完我哋一起身姐姐即刻叫第二堂轉去我哋枱總括：甜品唔好食態度又差‼️‼️唔會再嚟‼️‼️🤥🤥🤥🤥🤥🤥🤥睇咗好多篇好評嘅食評定係去去都係食嗰幾樣🥴唔通真係只有嗰幾樣先好食？？🤔🤫🤔🤫

趁着好天又涼涼地入去西貢郊野，回程搭車前喺西貢市食埋糖水先走，搵到一間「甜源居」就入去試吓先～🤎朱古力沙冰🍧朱古力🍫味道濃郁，冰沙質地細膩，淋埋朱古力糖漿，唔會過甜，啱晒朱古力控。💚榴槤班戟一客3件，脹卜卜，榴槤班戟外皮夠薄，包住滿滿香滑忌廉同濃郁榴槤餡，食落唔膩。💛招牌楊枝甘露🥭超多芒果粒🥭，加埋西米同金柚，口感豐富，超濃芒果汁底，啖啖芒果味，超好味，果然係招牌糖水。臨走買多個楊枝甘露外賣，俾屋企人食，佢地都話好食。

前排過嚟西貢玩下，無意中發現呢間甜品店嘅甜品又幾好食😋。朱古力沙冰🍧作為朱古力🍫控，每次見到朱古力嘅甜品總會忍唔住點，呢杯沙冰真係超正，個賣相同味道成正比，味道又唔會過甜，仲食到濃郁嘅朱古力味，夏天食真係消暑又解渴。芒果河粉🍜第一次食芒果河粉嘅甜品，真係幾特別😍，個樣雖然好似河粉，但係係唔係我哋平時食開嗰啲澱粉質嘅河粉，佢係用椰汁蒟蒻製成嘅粉，口感好軟滑，再加埋啲芒果汁，好滿足呀！招牌楊枝甘露🥭呢碗楊枝甘露真係不得了，超級足料！芒果一啲都唔酸好鮮甜，再加上大量柚子同西米，真係越食越開胃。

星期日和幾個朋友去西貢吃海鮮後，大家想找個地方繼續聊天，於是看到附近有間甜品店環境不錯，就進去試試。這間甜品店的甜品很特別，我們點了幾款獨特的甜品。朱古力沙冰味道濃郁，沙冰加上朱古力醬和棉花糖，讓人忍不住一口接一口，非常適合喜歡朱古力的人。芒果河粉，這道甜品給人眼前一亮的感覺。河粉滑溜充滿椰汁的香味，配上新鮮的芒果肉，用筷子來品嚐，更能體會河粉的滑溜口感。榴槤班戟，榴槤的香氣撲鼻而來，薄薄的班戟皮包著充滿榴槤蓉及忌廉內餡，每一口都充滿驚喜。這裡每款甜品都有其獨特的風味和口感而且環境也非常舒適，是和朋友聊天的好地方。

上次吃過這間甜品店的芒果河粉，一直念念不忘，今日專程再去西貢品嚐。楊枝甘露，芒果味道香甜、加入柚子肉和西米後，口感豐富，搭配完美。榴槤班戟，榴槤蓉和忌廉餡非常豐富，班戟皮做到薄薄一層，絕對皮薄餡靚，喜歡吃榴槤的朋友一試就會愛上。芒果河粉，用椰汁製造的河粉滑溜，配上一片片新鮮的芒果肉，口感豐富，用筷子來吃這道甜品非常特別，更能體會河粉的滑溜口感。這裡每款甜品都有其獨特的風味和口感，怪不得很多人特意來吃。

甜源居係西貢都開咗好長時間我諗大家未試過去甜品鋪食甜品用筷子掛🥢🧡榴槤河粉 ＄62🧡芒果河粉 ＄60🧡炸雪米糍 ＄50榴槤河粉嘅榴槤肉份量幾多,成球雪糕甘大,榴槤味道今次有少少酸,以往未試過唔知關唔關天氣或淡季事河粉好滑,好香椰汁味芒果河粉嘅芒果肉有半邊,芒果好甜,個汁都打得好夠芒果味,河粉亦都好掛汁兩碗河粉都幾大碗,我覺得依個價錢都值💕炸雪米糍有D伏,個皮同個雪糕有分離既感覺又無冰火感覺,得個雪糕溶又唔凍既感覺😵‍💫

西貢創新特式的甜品店🌸榴槤班㦸濃郁而creamy既榴槤蓉，每啖都滿滿榴槤蓉及忌廉，食完都好滿足呀！🌸楊枝甘露真材實料、滿滿柚子肉、芒果、西米，芒果汁及椰奶，每一口都很滿足，唔算太甜，新鮮芒果而制所以特別好味。🌸芒果河粉滿滿芒果肉，既重椰味又滑捋捋的河粉，用筷子夾起來吃好過癮，邊有估到吃糖水都可以用筷子食架！======詳情======甜源居 (西貢)西貢西貢海傍街16號地舖=============

📌甜源居 (西貢)西貢西貢海傍街16號地舖好味甜品大推介👍🏻👍🏻👍🏻今日朋友帶咗我嚟西貢玩但係天氣太熱啦，所以就搵咗間甜品舖入去坐下我哋嗌咗朱古力沙冰，招牌楊枝甘露同埋芒果。😍😍朱古力沙冰🍫好大杯，第一啖飲落去真係透心涼好濃嘅朱古力味 咁熱既天氣飯真係好正招牌楊枝甘露🥭芒果味好重，仲有好幾舊大芒果，而且好甜加埋我最鍾意嘅西柚肉成碗真係好好味🤤芒果河粉🥭既然芒果咁甜，梗係要嗌多碗芒果甜品食吓啦嗌咗一碗比較少有既芒果河粉除咗好多舊好甜嘅芒果之外佢嘅河粉非常之出色好香嘅椰子味我第一次用筷子嚟食😂多得朋友帶我黎呢餐甜品真係好滿足🩷🩷

假期去咗西貢閒逛，食左個豐富嘅晚餐，然後再沿海濱行左陣，仲係有啲意猶未盡，就同朋友搵左間糖水鋪坐下，吹下水咁。🔆招牌楊枝甘露食楊枝甘露最緊要夠凍，咁就啱哂天時暑熱嘅天氣。上枱嘅時候凍冰冰超正，芒果嘅味道香甜，仲有好多絲絲嘅柚子肉，而西米唔會太淋，入口爽彈，絕對係完美嘅配合。🔆榴蓮班戟榴蓮控一定會喜歡，啖啖嘅榴蓮肉十分豐富，清甜得嚟帶點甘香，而忌廉十分幼滑，兩者口感十分配合。班戟嘅外皮唔會太厚，入口軟綿綿。🔆朱古力沙冰平時食沙冰我都會食生果味道多，不過見已經有2款生果，就試下個朱古力味啦。濃濃嘅朱古力醬配合埋朱古力沙冰，味道十分香濃，配埋棉花糖食十分有層次。

係將軍澳果邊做完嘢，hubby話要駕車過去西貢食個糖水sweet下，見到有間白色著燈的小屋，甚有浪漫氣氛，便入去睇吓。呢間甜品屋甜品種類十分多，除了傳統手磨甜品，例如芝麻糊、合桃糊、腐竹蛋糖水，呢度都有榴槤、芒果🥭嘅甜品、亦都有香蕉船等。今次我點了朱古力沙冰，hubby點了招牌楊枝甘露。天氣悶熱下飲呢杯朱古力沙冰真係特別覺得好幸福💐！Topping係濃濃的朱古力碎和棉花糖，安多酚直上，掃走鬱悶。招牌楊枝甘露果然名不虛傳，滿滿的深黃色芒果肉，西米有嚼勁，柚子配上濃濃的芒果汁做底，啖啖的芒果肉真係 Mango 🥭愛好者既福音！甜源居 (西貢)西貢西貢海傍街16號地舖

去到西貢放鬆下，當然唔係淨得海鮮喇，甜品都唔少得～ 雖然同朋友得兩個人，但食飽飽後習慣會叫最三款甜品😂～ 🥢芒果河粉可以話係夏日消暑❄️之選。店員介紹呢度係選用新鮮香甜嘅芒果，搭配河粉造型嘅椰子蒟蒻啫喱，再淋上特製的芒果汁，每一口都是芒果的香甜與清香😎🥢朱古力沙冰🧊對於巧克力控來說，絕對是不可錯過。濃郁味道嘅沙冰，入口即化。再配埋朱古力醬同棉花糖，甜到入心❤️～ 朋友成日都話會食到忍不住一口接一口。🥢榴槤班戟🫔簡簡單單嘅甜品，有足夠榴槤餡料，可以話每一口都是榴槤的濃郁香氣🤤

同朋友係西貢食完海鮮就緊係去食番個甜品啦！經過甜源屋睇過佢個餐牌好似幾好咁所以就入左去試下⭐️榴槤班戟身為榴槤控嘅朋友見到榴槤嘅甜品就不能抗拒所以二話不說就點咗榴槤班戟食佢一份有三件每件有滿滿既榴槤肉加埋啲滑滑忌廉朋友表示食完之後好滿足⭐️芒果河粉而我就叫左芒果河粉食河粉即係椰肉冰粉條配上甜甜的芒果汁同芒果肉將幾樣嘢撈勻嚟食係夏天咁樣食真係好好食，好舒服同朋友食完飯有一個完美嘅甜品作為全日嘅終結係一件非常滿足嘅事📍甜源居地址: 西貢西貢海傍街16號地舖

天氣太熱大大小小朋友仔暑假去西貢遊船河回程經過碼頭必定會去食甜品在海旁附近見到“甜源居”🥭芒果超吸引😋剛剛上岸，未是高峰期,可以座得好舒服😍😍朱古力沙冰🍦小朋友最喜歡食朱古力沙冰，不會太甜，濃香朱古力味凍冰冰大大杯真的要同人分享才可食完招牌楊枝甘露大大件香甜芒果🥭西米軟硬適中柚子香甜加上椰香奶味，又唔甜天氣咁熱食碗甜品真的大滿足😁芒果河粉香甜芒果河粉柔軟順滑香濃芒果汁清新而不會覺得好飽😋榴槤班戟一上枱已傳來榴槤飄香大大件香甜榴槤肉薄薄綠色的班戟超軟滑忌廉香甜又順滑簡直完美配搭