甜源居

營業中

休息中

有利尿、去濕功效既白雪公主，山竹、清心丸and意米，幾好味呀~~ 奶奶的，...價局非常ok~ 略嫌收銀唔老實，少趕人走又唔俾單，問食左d咩，白雪公主+一個咩露，又唔check清楚單，收多左兩蚊(皆因我望多次個牌發現佢收左我一個最貴既飲品價錢)，我唔認為check一check我食左d咩有幾難!!!

弟弟gf外買帶來心受愛甜品,榴槤pancake - 我唔食榴槤既, 主力有狐狸媽媽+弟弟女友仔, 只見二人好快清盒, 我諗應該不錯吧楊枝金露布甸- 幾香, 料多D更好牛奶燕窩布甸- 牛奶味唔夠重, 燕窩當然唔expect多啦應該俾中立, 但笑臉係俾小頌頌~~

尋晚試左呢間o既甜品, 上o黎諗住寫comment.. 見到前幾篇都話呢間甜品差.. 但係我又覺得唔係喎!!話說我尋晚去..我太大頭蝦唔記得新地址係邊喇.. 以前就係滿記旁邊.. 咁我打去電話公司check 完電話.. 再打去問佢地個地址係邊.. 佢地好好咁教我點行.. 最後臨收線都講句:"多謝唒".. 原來真係好難搵o架bor!! 沿途d 海鮮檔都收唒鋪.. 黑孖孖.. 經過唒d 海鮮檔.. 見到有一處好光.. 哈.. 就估我地已經搵到喇..尋晚好多人o黎幫襯呀.. 出面坐滿.. 裡面仲有2張.. 我地坐其中一張檯.. 打開個menu.. 見到好多甜品名都好得意.. eg 白雪公主.. 甜心芒果河粉..我地2個人就order 左:1) 芒果班cake: 好食喎.. 裡面有大大o既芒果同cream.. 芒果一d 都唔酸.. 我覺得好好食bor!2) 朋友order左：桂花酒釀湯丸.. 我地問佢湯丸有幾多粒.. 個侍應姐姐好細心話.. 原來係小丸子o黎o架.. 不過如果我地想改湯丸都得.. 要等多一些時間.. 跟住我地都係order 小丸子.. 我食左2啖.. 好重酒味呀.. d 小丸子

今日行完山就同三個朋友去食甜品,都冇諗住去邊間,咁見到甜源居既廣告四維都係,又搵名食家做宣傳,應該可以一試.我地去到時人唔多,都係得三,四檯客,咁我地睇menu啦, 真係眼花撩亂,好似好多野食咁,我地落order,叫左個姐姐幾次,佢都唔理我地,手都舉理佢先行過黎,落緊單時,我地仲諗緊,佢就話:諗完未呀?咁你慢慢諗下先啦!點解服務性行業可以講d咁既野既?唉,算啦,我地又唔係去乜野高級餐廳,都預左冇服務可言.而亦漸多客人入黎.我地叫左芝麻豆腐花,石榴西米露,燕窩牛奶布甸及黑馬王子.先黎個芝麻豆腐花,不過佢地攪錯左,只係俾左碗芝麻糊我地,咁我地就同佢地講係要芝麻豆腐花,佢地只係用一個碗仔另上一小碗豆花俾我地,而我地4個都試過個碗所謂既豆腐花,只係一d水加鷹粟粉,完全食唔到豆腐花,好彩佢唔係溝埋芝麻糊一齊上,如果唔係芝麻糊都食唔落.其實個陣都已經好多人,但係得一個態度唔好既姐姐落單,其他人係唔會幫手,我地得個等字,而我既牛奶布甸就等左好耐都未有,又唔洗燉,應該只係係雪櫃攞出黎都要咁耐?結果我既布甸黎喇,我都唔知食緊d乜,布甸唔似布甸,所以真係冇comment!我地食完之後,都一致決定唔會有下次

某日同朋友行完山，落西貢食飯，之後想食糖水，但又唔甘心去滿記, 因為又唔係特別好食, 出面又周街都有‧之後見到甜源居個招牌, 諗住去try 下law...點知~~~~我到去到個時about 十點, 搵左好耐先搵到, 去到個時一個人都無, 連staff都無. 之後坐低左無耐先有人俾meun 我地law...好快有一班為數成十多人既自由行到達...d staff即刻當我地透明..全力招侍佢地law...我地叫野食佢地都唔理..最後我地等到班自由行叫曬野食先有人理!!!!我地叫左一個芒果河粉, 杏仁糊, 芒果布甸, 熱西米布甸當中無一樣野特別好食...個河粉最有特色...但just有芒果味...其他唔可以話好食...poor...咁辛苦搵到入去..受d咁poor 既態度..食品質素又唔係好好..唉...

食完飯，想去滿記食糖水，但出面都有，又非特別好食；行經滿記附近有甜源居廣告，又話有食神介紹，試一試啦。但位置真係好入，一行人由漁市場果邊行，當時成一點，黑媽媽一個人都冇，驚餐死，但行到去果度，又唔想返轉頭去滿記，唯有再行…一去到，人少，但真係難怪咁少人，不過環境尚算舒服。連menu有d飲食男女報導，係威係勢，係咁e食個涷白芝麻糊，因為未試過。但食左幾口食到酸味，以為涷食係咁，又未食過白芝麻糊，心想算啦。但又驚會肚痛，就問下店員。揚手好耐都冇人理，著便服、同人傾梗計既老闆娘就有少少唔耐煩咁行埋問乜事。講完後佢好似唔信咁，話未check唔知，但都換個黑芝麻過我(講真一碗咁既野有幾貴)。黑芝麻糊味道平平，唔係太甜，亦冇芝麻香。朋友食mango pudding，話mango好酸。雜誌上話佢用料上乘，不時不食，唔…另一位食合桃糊，亦係無甚特別，不過比起以上提到既兩款，佢算幸運。老遠入到去，卻不外如是，夜麻麻行入去好似探險咁，但搵唔到寶藏…換句話說，失望。後話：走時行另一邊，諗住冇咁黑，點知行左好耐好耐，好耐好耐…先至去番大街某個carpark架車度…真係…好慘！我地入返有人既地方既landmar

本人對以上食評非常之有同感！幾年前已開始幫襯，個多月前亦到新鋪食過，坦白講，食品質素明顯地愈來愈差，搬到新鋪後，就更覺難吃。至於服務態度方面，本人就無咩特別負面批評，因為除了落單同埋單，都無咩服務可言。其實，滿記的甜品一向都不算特別好吃，只算普通，但可接受；而發記的甜品，大部份都可以用好吃來形容，最起碼人地真材實科；可惜的是，甜源居的食品與難吃的水平愈來愈接近。發記同甜源居都有「榴槤飄香」這道甜品，售價差不多，但味道、口感及用料就差天共地。打個比喻，前者的好像「100%純鮮搾橙汁」，而後者的就像溝了「水及有添加」的果汁。一向有看「飲食男女」的朋友都會記得，該雜誌都不只一次介紹過甜源居祖藉上海的老闆娘，她如何如何用心造甜品及面對滿記的競爭，但看看她鋪頭現在的出品，又點可以同人競爭呢？

等我講返句公道話。住係西貢廿幾年，見住滿記同甜源居先後開張。不嬲甜源居都好少人去，諗住都係因為滿記出名的關係。但一試過甜源居，周算想食甜品，我都唔會再去，真係一定無下次。價錢貴不在話下，食物質素及員工態度真的很差。d野真係好難食。依家仲搬到咁入，周圍黑蚊蚊，乜都睇唔到，我諗真係好難維持，希望佢地會改善下。

呢間野，真係垃圾都不如！成班朋友去食，有個唔知係咪老闆娘既女人，態度差到不得了，我地叫兩客炸雪糕，嘩，不得了囉，好似要我地求佢幫我地整咁，佢一聽到炸雪糕，d 態度幾差呀：「o拿你地係咪要，要我就開爐整呀下…」跟住又侮氣地自言自語：「我一個人點又整呢d 整果d，仲要我炸雪糕！」跟住佢囉楊枝甘露黎，地方淺窄，咁佢響我朋友肩頭遞入黎，朋友唔為意，少少撞到佢，佢就大大聲聲同我朋友講：「嘩，你因住我同你(用楊枝甘露)沖涼呀下！」對唔住都冇句！我食果個黑白芝麻糊係冇味既，炸雪糕難食到不得了，個皮係"lum" 既，仲要係古怪既吉列皮，我地真係好嬲，好大聲話：「嘩，乜咁難食！」(求既野都咁難食！？)食到一肚火，我寧願去返滿記

我食左芒果河粉!!!有少少驚喜啦!! 因為個河粉既關係!!! 男友食個個黑馬王子, d staff 話好出名喎, 咪試下囉... 一般啫,間間都有得食個隻,只不過佢地加左d魔芋啫喱落去,咪叫特別d囉...都係果句...一般啦...

上星期一心跟男朋友去西貢行下, 當然要試這裡的甜品: 一句到底"難食". 真的非常失望. 一試當然係彩虹xxx 由一條條不同生果製成的蒟蒻.五種顏色, 一種味道. 可取的只有清清地的蘋果汁底.失望!男朋友食生楂金露(類似名稱), 食到一半己經放棄.唔甘心食埋酒壤丸子, 算有返d安慰!其餘的食物可能不錯吧! 因見到很多名星介紹, 但個人認為專程去就無謂. 車費都蝕哂!!!

昨晚一行四人飯後專誠到此店，叫了：—白雪公主—八寶??—芒果豆花—合桃糊豆花有下列評語：—賣相不討好—豆花甜度欠佳—合桃糊相對超市買開水的還差—服務須改善(食品放下便算，溝通方法欠佳

由滿記開的手造甜品開到周街都係,駛唔駛特登入西頁滿記? 問心果句, 好好食咩=.=一行7人BBQ 後黎到呢度爽下,叫左個榴槤pancake share食,有三件大大件, 咁多個人都夠分...haha...不過...個皮都有d硬, 唔係perfect~我同女友share食左兩樣:1) 楊枝甘露- 用左山楂汁做, 無咁濟, 柚子粒粒又大又多汁, 好快就KO左, 正!2) 彩虹仙子- 好似食河粉咁, 用筷子食, 河粉有奇異果味, 芒果味, etc...湯汁係奇異果...可以當lunch食...朋友們另外食左芒果河粉, 白雪公主(Apple味), 大家都話讚!但價錢偏貴...

和女友食完飯.行行吓見到棵樹下有個廣告牌寫住.私房甜品,沿住指示揾到海邊的甜源居.(都幾遠)不過就冇碼頭嗰邊咁嘈吵,環境較為幽靜.如果有枱係海邊食甜品就無敵浪漫了.第一次嚟見到一些新甜品名字.攪到樣樣都想試,最後揀咗楊枝甘露和魔芋沙冰.楊枝甘露ok甜度適中料都幾豐富.最鍾意一粒粒圓型(是西米嗎?)比一般的不同是咬落較大粒和硬ＤＤ.同埋爆開時好得意.但奇怪拿來時明顯唔夠凍.魔芋沙冰夠大杯打破一貫甜品唔夠喉的份量定律.上層冰沙下層甜滑,椰子味很香濃.魔芋反而平淡一些.地方環境另人舒服.<br />我不會將Ｘ記和甜源居比較.因為喜歡排隊襯熱鬧的人.不會喜歡發掘和嚐試自己欣想的食物.<br />最後建議店員如遇到像我們第一次到來.樣樣想試冇乜方向時,可略為解釋就更完美了.

知佢搬，尋晚專登去試過，比以前更有進步！我地一行五人試三樣野：1)彩虹仙子：類似甜心河粉，用一條條魔芋絲做，河「滑」湯底「甜」，湯底應該用啤梨汁做，解喝好飲！2)炸雪糕球：我係外國唐人餐廳成日食到甜品，反而第一次係香港食。雪糕球好大個，皮炸得幾香，最惹味係佢皮同雪糕之間有芋蓉，而且雪糕就用紅荳雪糕，好食！唯一要彈係雪糕已經熔好多！3)生果皇后：其實係生果西米撈，不過生果幾多，西米夠大粒，唔算太甜，偏向清新…滿記已經因為擴張過度，依家已經質素大跌…