甜心鮮果園

營業中

休息中

今日下午...又係5點幾6點中..受到甜品既引誘同左男朋友出去食野!!本身想食腐竹蛋糖水..但諗起甜心最出名係炒冰...所以就喊左個香蕉炒冰($24)...而男朋友就喊左個鮮雜果涼粉($24)!!男朋友果個好快就到..見到都好大碗..而小女果個都等左一陣..因為見到老闆(?)係出面炒冰...期間都見到佢好NICE咁同個叫外賣既客人介紹炒冰...香蕉炒冰食落完全唔係冰既感覺..亦都冇沙冰既口感..反而係似雪糕...仲滑過雪糕好多!!但陣味又好似香蕉咁wo..長方形好大舊..食得好開心!!p.s.原來近黎停左$38任飲任食..但因為個炒冰..我之後都會黎食!!=]

食完壽司流沙包話去食甜品, 我地黎佐呢度食炒冰, 我同流沙包share芒果香蕉炒冰, 味道OK. 阿媽叫佐個芒果布甸, 佢真係半個芒果舖佐係個布甸面, 賣相唔錯.

食左個芒果炒冰同甜心炒冰,甜心炒冰only食到d蕉味>.<芒果炒冰就好dd

11月25日放工食,第1次食,完來炒冰是將液態的生果汁放落個冷鑊度炒,最後變成磚形上檯1) 甜心炒冰:即雜果味,食到木瓜味2) 芒果木瓜炒冰:出到芒果味服務不錯,可能是老闆,會建議3個人食2炒冰先,覺得ok再叫。個其實個人偏好有奶的雪糕!

一星期內，陪朋友/詩班員前後食了兩次甜心鮮果園。　第一次是殷悅飽餐後，大伙提議去甜心鮮果園。其實我都很飽了，又試過芒果炒冰感覺麻麻；但其中一位朋友激讚香蕉炒冰美味，於是都去試試。香蕉炒冰很香，又甜，吃下去似乎的確勝於純芒果炒冰。不過對我而言，炒冰的過程更引人入勝呢! 　第二次是生日翌晚練詩後，與詩班員一起去宵夜。是晚試了更多甜品、小食，男友覺得木瓜芒果炒冰比香蕉炒冰更美味；或者因當晚OT未食飯，我就覺得原來這裡的魚蛋、腸粉、螺肉更好食!　小店在元朗指數來說不算平，在OK與笑臉間都俾笑是因為開心；始終都是生日週呢! 　餐廳官方網: http://www.yl.hk/sh/

食完飯之後同gf行0左陣街, 上網見到呢度有炒冰食, 以前成日聽我gf話0係澳門食炒冰, 今次終於可以同佢一齊食炒冰, 我地去到0個度坐低之後即刻叫0左2個炒冰, 一個係芒果香蕉炒冰, 另一個係招牌甜心炒冰, 叫0左之後都要等一陣先有得食, 不過有得睇住佢炒, 而且同gf0係度傾下睇下都唔覺得等得耐, 個芒果香蕉炒冰比較重香蕉味, 芒果味就少0左d, 不過講真都唔錯, 反而個招牌甜心炒冰d味就爭d, 生果味就混淆0左d, 不過都唔算差0既, 可以同gf一齊食炒冰真係開心, 間中食下都ok!

佢未上TV果陣已經去食,開左有3年嫁啦都~初初真係覺得佢幾好食,SERVICE又好~所以成日都去~之後ATV介紹過佢,網上六有好多人話佢好同抵食,果時都覺得好好嫁~$38任食真係好抵!!!但自從TVB介紹佢之後3,佢真係多左好多人去食呀!但野食QUALITY即時差左好多囉~之前好真材實料,但係而家真係食糖水囉~係"糖"+"水"呀~如果佢可以好似以前咁真係好好食,但而家真係唔會再去~

食完dinner~臨走之前黎食個糖水先要了芒果炒冰同一串燒物炒冰係見tv介紹過想試~都幾特別啦~當試下新野燒物普通啦~~另:店員都幾hard sell~~haha~~

小店離我家好近，不過開業多月至今始光顧。無他，店真的小小，去食的人又多，我無耐性等!　今日經過見人流減退，原來$38任食計劃結束了。對我而言是好消息，一早想試芒果炒冰(不包括在任食計劃內)現在又不用等，馬上去試食。　芒果炒冰($23)賣相比想像中遜色，味道也是。不過是芒果味較重的雪葩口感，要比我覺得Haagen Dazs的芒果味sorbet好吃得多。店員又向我推介新出品椰汁芒果卷($22)，反正芒果炒冰份量不大，還有胃口又點來試試。包著芒果的是半椰汁糕半腸粉口感的幼滑粉皮，意念創新，味道也比芒果炒冰為佳。不過份量也很少，很快又清碟。　總評味道不算太好吃，店又窄又不好坐，必食度與抵食度只一般，不必遠程來試的~

我地兩個女仔order左兩個甜品.芒果木瓜炒冰- 不錯, 芒果味好濃, 好滑, 但木瓜味就比芒果蓋左.椰汁芒果卷- 芒果肉不太新鮮.

去過呢度食過幾次糖水...其實唔係真係話特別好食...因為價錢唔算平...閒閒地每樣都要10零廿蚊...份量唔算多...試過西米露,楊枝甘露,鮮搾果汁等等...味道一般...再試過D魚旦腸粉...D魚旦好淋=.=''...擺明浸左好多日...不過我諗食３8蚊任食既話會化算D...PS.但服務超好...D人超NICE...

尋日同成班朋友去左呢度食野…原本係諗住食呢度既「甜品自助餐」既，但去到佢話已經stop左，咁就唯有散叫啦…第一推介：炒冰因為真係好少地方會可以食到，食落去個感覺有D似雪凍左既芒果，但又有D似雪糕，不過就冇雪味，純果味，都幾好食架，而且佢係用新鮮果汁，倒入個冰「獲」度炒，直至炒到D果汁凝固為止，所以怕肥的女士不妨試試丫~~^^另外既就係老闆自創既椰汁芒果卷，係用椰汁做的外皮包住一條條新鮮芒果，雖然我今次冇叫到黎食，不過店主極力推介，而且食既時間，都見到有唔少食客叫黎食，睇黎都食得過架^^另外就係芒果西瓜涼粉，個樣好睇得，當然亦都好食得啦^.^~

係YL食左糖水咁多年~ B仔果D真係一年不如一年LAW~新開呢間甜心鮮果屋~就真係唔錯~~本黎同朋友係諗住食果個38蚊任食~但係最後都決定散叫~~~~因為任食係冇得叫招牌"炒冰"~"MANGA 腸粉"~呢2樣好好食KA~除左呢2樣~仲叫左楊枝甘露~~~足料~MANGA又唔酸!!好食~同埋雪糕雜果冰~~~~雪糕雜果冰真係唔OK~因為係罐頭雜果~好唔抵~大家咪叫~!埋單都係每80蚊~ 2個女仔食到飽~~~~見其他都係$10-19左右~係招牌野貴DD~所以其實散叫係多款好多~~~幾個人SHARE食~每人叫3碗~都可以食到好多款KA!!!唯一唔好係店內~太細!!坐到14-20人JA~不過唔迫~

甜心鮮果園每位$38，糖水、小食任叫，兩人共吃：蜜瓜布甸<< 夠味芒果布甸<< 夠味鹵水雞翼14隻(7份) << 入味﹗又唔肥~~燒賣4粒(1份) << Ok，以一般來講腸仔2條(1份) << 硬左少少...可能擺太耐芒果汁<< 都係溝得甜多D，不過唔敢叫「走甜」，因為未試過。什果西米露<< 什果其實指「香蕉、木瓜、西瓜」楊枝甘露<< 又係甜左D...不過絕對足料水蜜桃香蕉o者喱<< o者喱竟然夠味冇溝稀wo西瓜黑白涼粉<< 白涼粉唔好食=_=，建議「走白」菠蘿椰果大菜糕<< 大菜糕太硬~_~，已向老細反映意見。(總括而言，以價錢而言食物算合格了)相片http://www.fotop.net/cbenc/06goc02

38呢個價錢真係好抵..有機會一定會再去..老闆好NICE..初時都驚唔夠時間食..不過佢唔MIND呀..好好人..D野唔可以話100分..但一分錢一分貨麻..