甜心鮮果園

營業中

休息中

中秋美食之旅第三站,目標甜品店是天橋底的甜心鮮果園!難得到來,當然要食坊間難以試到的炒冰!友人點了芒果腸粉,我貪心地點了士多啤梨芒果炒冰.炒冰打頭陣先送上了!長長方方的,如像芒果色磚頭的一條長東西送到我眼前!一匙舀下去,粉粉的又正正是沙冰的質感但又不似綿綿冰般邊吃邊溶,色水雖不似是混了士多啤梨,但每一口都有咬到士多啤梨籽的,芒果味中滲出淡口士多啤梨味.看來單點芒果味會比較好吧!再來就是大大碟份量十足的芒果腸粉!價錢與坊間一般甜品店稍貴數塊錢,但份量多出足足一倍!內涵更是充實!所有芒果肉全部都逼爆了每一條腸粉!沒有混入忌廉充數!感覺實在!腸粉皮椰汁味香,軟滑兼而有之!配合果香,份量都重量級的芒果肉,實在是又平又靚的好出品!

好耐無食啦！心血來潮想食甜品，普通糖水我又唔鐘意，所以諗起呢間，叫左個芒果腸粉，雖然叫腸粉，不過個樣我覺得似炸兩多d好開心，完全可以滿足晒我！而且呢們甜品好如味，個皮係椰青味架！

飯後, 住元朗既朋友仔介紹食炒冰, 第一次聽呢樣野, 一頭問號呀!去到點左個芒果炒冰, 十分好奇點樣整, 於是走左去睇佢炒, 覺得好神奇好快就有得食, 個樣好得意, 長長方方咁, 但係比西瓜就有D失望, 如果比返芒果會開心好多!其實佢係好似雪巴咁, 而我又唔係咁鍾意食雪巴, 口感問題, 所以就覺得麻麻地啦, 唔會特登去食, 不過味道方面係好味架! 好濃既芒果味~

呢晚打邊爐, 朋友仔話想食糖水, 就帶左佢地黎試...今次又試左新野, 包括:香蕉炒冰芒果卷 (芒果腸粉)食味係咁....香蕉炒冰 - 推推~哇!! 好鬼死大....磚!!! 蕉味勁濃, 真係好似食緊香蕉, 讚!只係....佢既外觀就....有點兒....醜陋 芒果卷 (芒果腸粉) - 麻麻地~椰汁外皮包住芒果肉, 外皮好滑, 唔錯!可惜椰汁味太淡......近乎無~芒果肉好甜美, 讚!下次又再試其他

呢晚同男友仔 + 2 位朋友仔食飽飯飯之後, 路過左呢間...糖水店~八卦望望餐牌, 咦!? 炒~~~~~~冰!!?好奇心之下, 雖然飽到死死下都要一試...哈哈 XD竟然有我最愛既.....榴槤!! 諗都唔使諗啦~一於就試下榴槤炒冰啦...lol等左 5 分鐘左右, 有得食嚕~一個o者喱杯 size 既倒模, 白雪雪中帶點微微既黃色...望落似乎無咩特別 @_@配上 4 粒西瓜波波伴碟....原本睇落無咩問題只係......果 4 片.....九唔搭八既薯片, 有點兒........ = =!話說回頭!望落無咩特別既冰冰....估唔到, 一切開既時候......哇!! 香濃既榴槤味一湧而出, 香耶~~~~響見唔到有榴槤肉既情況下, 真係估唔到佢個榴槤味竟然咁濃, 讚!!冰冰 size 唔大, 1 個人o岩o岩好.... ^v^愛榴槤者誠意推介~

呢間店邊有120個位..不知是計店內.還是店外.除左有甜品食..仲可以有小食.還有公仔麵餐..不過去甜品店...當然食甜品.....價錢我覺得合理..鮮雜果涼粉24元...平時去甜品店...最貴30幾元....腸粉魚旦10元...份量又剛剛好...唔錯鮮雜果涼粉:一上枱覺得勁大碗..我去其他店食的雜果涼粉..大部份罐頭的..什至加錢食鮮雜果..都係俾罐頭的..呢間店的水果甜度好高..最正係芒果選的貨好正..入口鮮甜.我相信呢間店的芒果產品.更正鹹點的腸粉.魚旦...平淡一點..完全無調味..無放豉油的..在甜品店食鹹點.不可要求太多

係元朗廣場食完晚餐想食一下甜品所以去試下橋底呢間甜心星期六晚 9 點幾唔係好多人 一去到就有位未試過炒冰 加上老闆大力推介下 叫左一個芒果炒冰另外再加一個士多啤梨河粉個炒冰有d 似沙冰 香芒果味 好濃好甜士多啤梨河粉河粉比較粗身不過士多啤梨可能唔係好當灶 唔係好夠甜overall 都值得介紹 值錢合理 服務態度好好!! 要再去先得

食完川菜，當然要再食甜去中和番。大伙兒跟著地膽走，來一元朗這個吃炒冰的地方。說起來慚愧，從來未吃過炒冰這東西，甚至連樣子是怎樣也毫無頭緒，今次終於可以見識見識。既然有心來見識，也就一氣過點了招牌的兩款炒冰，芒果和榴槤口味。炒冰原來有幾分像雪葩，但質感沒那麼實而已。芒果和榴槤口味均算清新，也有特色，但於我而言不是十分吸引，吃過便算，唔需要刻意再來返兜。另有香蕉船，用上兩球質素平平的雪糕，而且幾款生果亦不鮮甜，令一眾甜魔有點失望；西瓜涼粉相對好些，起碼西瓜粒甜美，涼粉質感對辦。還叫了幾款糖水大家分吃，如芝麻胡，一看就知不是生磨，加之欠缺芝麻香，吃兩口便放棄；綠豆沙亦是缺乏臭草的香氣，哪會吸引? 反而紫米露較為似樣，我吃得最多。要數到最不濟的，肯定就是芝麻湯圓。就是那碗橙色的甜湯，看見已經倒胃口，連埋幾粒又稔，芝麻味又不濃郁的湯丸，簡直就是極品，留給大家品嚐好了。這天，好像走了八場，我們真是幾瘋狂的呢！

年廿七晚，與一眾食友在元朗一連掃了七場，肚子又滿又實，特別是壓軸的一品紅川味晚餐，更是飽到不得了。然而大家仍然想來頓甜品餐，好吧，八大一小就近近地去了供應特色炒冰的甜心鮮果園。寒冷的夜，大家不想就坐室外，經多番周商終於將兩檯合併，一起坐在溫暖室內分享糖水。等位與合併檯要花一些時間，阿姐上糖水倒是挺快，坐下落單不久，糖水已堆滿一整檯了，場合壯觀。首先試院長點的西瓜涼粉，西瓜夠甜，涼粉軟硬適中不過苦，不錯。然後是為Kaka點的熱芝麻糊，膠膠的質感當然不是生磨的貨色啦，芝麻味也是淡淡；但見小妹妹開心地吃著，當小朋友有時就是這樣好，易滿足! Oli的熱紫米露有著迷人的深紫紅色澤，濃稠度與甜味也合宜，算是一眾糖水中較好的一款。另一邊廂，老公繼續一條心點不變的凍綠豆沙；雖然糖水質感稍為稀身，然而口味清甜帶香，的確是食完辣的好糖水選擇。我比較貪心，一口氣連點了芒果炒冰、香蕉船及榴槤炒冰，其實都是點給大家分享的。先講此店馳名的芒果炒冰，三十多塊換來一大磚平滑的沙冰，口味其實就似不太酸的芒果雪葩，甜甜滑滑的，很美味稱不上，不過就是元朗區其中一款特色甜品囉!香蕉船有一大球朱古力雪糕及雲尼拿雪糕，不過味道較

吃完還未及消化，我們已經步行去甜品店，為緊密的行程作結。這兒出名吃炒冰，聽友人說以前會在門口現場即炒，用的是低溫獲，所以沒有溶，在之前的食友介紹的相片中，也感覺到現場炒的吸引力會很高呢。現在沒機會看到，來到抬上已經成了磚頭的形狀。我們本想點兩個，不過無奈地賣剩的只有芒果味是我們是一致喜歡的。芒果的酸度不高，而吃下去很綿很細密，只有極少量沙冰的感覺，有如雪葩的質感。第一次吃炒冰，如果推廣一下，可能會如棉花冰一樣大熱的。因為只點了一客冰，我們左思右想下點了鮮雜果河粉撈，一款最近在千口甘甜品屋http://www.openrice.com/restaurant/commentdetail.htm?commentid=2120179吃到又不太吸引的甜品。想不到，今次這兒的出品是有驚喜的，大家也是用椰汁，不過這兒下椰汁的份量較重，差點就可以比得上椰皇肉了，加上河粉厚切一些，吃下去感覺比較厚。加六元要的挂花糕，份量不欺場，帶清幽的香味。這的確是一個不錯的結尾，之後幾十日又是時候整理大量相片了。

上星期同朋友去左甜心鮮果園,我食左個榴槤炒冰,雖然係細左小小,但味道非常濃郁~而我fd食左芒果炒冰,佢話好好食,我都有食到試下個味道,真係都ok.不過我地見住佢地做個過程,望到好似好有難度去做,唔怪得知只有佢地先有得食呢個炒冰!!!!價錢又合理,物超所值.....真係好好~

同班fd6人去元朗食甜品,去食炒冰呀,之前好想試一直冇機會去,而加有得食了~!芒果炒冰~(約$30~$35)個樣真係好似n年前楊協成出既長方形布丁呀,食落個feel又似冰+雪糕+有丁林林既個口感,冇冰咁硬,又未到雪糕種口感but比雪糕更加冰凍,唔錯呀,亦都好有芒果味,仲要係濃味,夏天食一流呀,好清良~~~~~~~~~~~~~~!芒果卷~($29)即想起長洲既芒果腸粉,其實個味真係好似呀,個粉有椰汁味,同好滑亦唔係太薄,可能係椰漿加蒟蒻粉整而成,個芒果唔酸,又幾甜,so好味呀~![b]桂花糕~!叫炒冰加$6有一碟~!幾抵呀,同好多杞子好足料呀,聽聞杞子可明目and又好味之下再叫多一個來食~!朱古力雪糕椰汁西米露~!唔記得幾多錢,喱個雖然係普通野,but好想食雪糕(同得佢係糖水)之下即刻feel好味左,又係消暑既好野~!

今日係第一日開學的大日子~~放學番黎都已經成10點幾LO~(真係慘, year 3學生真係可憐)女朋友見我禁辛苦, 佢就特登同我出去食糖水, 但係又唔想行去B仔個度禁遠, 結果就係朗屏西鐵站樓下食LO~其實呢間野真係幾出名, 好多人係呢度食~而且價錢質素真係一D都唔比B仔差~因為大家都食左晚飯, 所以我地就share 黎食~1. 鮮什果涼粉 $23 (什果: 西瓜, 哈密瓜, 密瓜, 芒果)D生果真係唔錯, 最好食係芒果, 一D都唔酸, 好甜, 但係有少少唔新鮮(因為見到有少少黑色)最唔好食係密瓜, 有少少硬, 可能係近皮個D果肉不過份量同味道同B仔有得flight, 但係價錢好似平少少tim2. 魚蛋腸仔 $10 (8粒咖哩魚蛋, 2條腸仔)普通貨仔, 無咩得亦無咩失~~overall, 唔錯~~唔錯, 我會再黎的~係一個同FD食宵夜的好去處

元朗一日遊第三站就係甜心鮮果園一坐底唔使諗咁多,,即刻點咗芒果炒冰$30其實佢仲有好多甜品揀阿姐問要唔要加六蚊要個桂花糕,,見六蚊咁平又加咗桂花糕先到,,三大舊都幾抵食晶瑩剔透好靚咁,,味道都唔錯六蚊值得一試之後就係到主角出場,,芒果炒冰長方形成舊磚咁,,睇落的骰,,但兩個人share其實都夠食入面完全冇氣孔,,堆得好實淨,,食落好綿密芒果味好香好濃,,佢仲有幾隻味,,榴槤味好似幾得意,,下次可以試下其實如果喺元朗市區去都唔係好就腳,,佢比例近朗屏西鐵站佢有兩邊鋪位,,係打對面ge聽人講有符睇到佢炒冰過程,,但可能佢喺對面炒,,所以睇唔到

開心嘅時候過得特別快，又係時候講bye bye！話咁快就黎到我地今日嘅最後一個目的地。係我帶路之下，終於黎到呢個比較隔涉嘅地方。不過，絕對係值得架！炒冰果然名不虛傳，連唔喜歡食凍甜品嘅Baby，都食左半個芒果炒冰。絕對係encore之選呀！炒冰入口係軟棉棉嘅，仲有好香嘅新鮮芒果味。老闆解釋原來係用兩至三個芒果以凍鑊炒架，炒冰其實係無冰架。另外要了個桂花糕，甜味剛剛好，又有清新嘅桂花味。係少數我食過覺得好味嘅桂花糕。朝十晚十的約會完結了。親愛的，謝謝你！