甜心鮮果園

營業中

休息中

兩個人去食38/位1. 芒果木瓜汁, 木瓜汁2. 魚蛋+腸仔+燒賣+鹵水雞翼+翼尖3. 雞翼麵4. 楊技金露5. 什果大菜榚(三種生果放面,木瓜+西瓜+香蕉, 唔好食!) 6. 布甸X 2 7. 啫喱8. 什果沙律(唔好食!) 唔算得上好好味, 扺食囉!但仲未試涼粉,黑糯米,綠豆沙,所以會再去過.

上網睇既菜單原來吾係加係"任點任食" 個度的.. 請大家吾好誤會,, 琴晚７點同家人去食甜品,, 去到仲有９個字先完,, 第１時間係食什果大菜糕,, 椰果大菜糕.. 同什果o者o里,, 家因事前先係突然決定去食,, 所以本身已經飽肚去,, 所以食完尼３樣野已經好飽.. 可以可以講比你聽,, 菜單d甜品好多都差吾多,, 好有呃人既感覺的,, 食完再叫什果冰同芋頭o乍o查,,最後再食個布甸已經痴左線拉,, 頂吾順走人!!!先講頭３個甜品先拉,,２個大菜糕好１般乍尼,, 勝在吾會太甜,, 蛋絲都吾多,, 碗野好細的,, 放心!!!--" o者o里同大菜糕都係雪定先,, 再放材料的,, 所以樣樣都冇咩好讚,, 之後係什果冰,, 失落爆,,１: 水果太少,,２: d 冰水好難飲..３: 水果都係水果罐頭d 野..唉~~ o乍o查都係.. 冇芋頭,, d 材料好難食!!!! 好硬,, 同８寶粥１樣架其實.. 之後布甸就吾使講,, 冇野好講,, １般的,, 唯１要讚既係老闆個個親切既笑容同說話,, 比起個度既打工仔o靚仔o靚妹好好多囉!!!!!

一心同細妹o黎食生果甜品，都知道會多人，所以3:15就到，老闆都好識做，立即安排坐位。先叫了兩杯鮮果汁，好正呀，(後來知道可以走甜)但係飲完飽o左一半......之後叫了些小食，咖哩魚蛋同雞亦都好正喎，之後再叫了一些甜品，味道都可以，但和許留山或其他類似的鋪頭差不多，最後要再叫的居然係咖哩魚蛋。好抵食~~~

抵!!

我食左喇~ 好正丫~ 又抵~ 老闆勁好人食到過鐘都照計$38 下次一定再去仲有丫, 佢地家下攪緊儲印花活動儲滿十張送免費一次任飲任食架~ 我今日食左勁多甜品芒果布甸, 鮮什果大菜糕, 芒果黑糯米, 芒果汁, 餐肉麵, 魚蛋, 腸仔, 燒賣, 鹵水雞翼............ 哈哈~~ 好滿足P.S.:哈哈, 之前有個食家講話夠鐘, 28/5當日我真係有咁講過喎, 唔知你係咪話緊我呢?

位好少~幫襯過3次啦。~老闆好nice ~(當然我覺得係做生意手法啦XD)見0個度愈來愈多生意都覺得唔錯~不過唔就腳。有時諗~反正你去d許留x, x仔涼粉, xx甜品~ 都要10幾20蚊一個啦~ 不如俾多少少錢食飽飽啦@0@38蚊任點任食有＊麵呀（大光麵啦應該係，冇食過）＊小食（超入味既老水雞翼、普通貨仔既魚旦、燒賣、腸仔）＊各賣乜乜西米露西米撈，ｊｅｌｌｙ，果汁，大菜糕ｅｔｃ而家仲每位送一客pudding, 幾真材實料！最攪笑而家佢每位幫襯完俾張卡你~儲夠10張免費食1次~兩個人去幫襯5次呢~第6次就會有個人免費囉質素唔差~有d野會好好食！真係抵食ka不過個地點真係搵到你傻=_=,...位又少...服務好好~ 個老細好攪笑成日問人地夠唔夠食..成日叫人食多d (好惡魔...) 有次後面0個台話:咦~夠鐘啦喎~ 老闆話:喔～唔緊要，你唔飽咪繼續食囉．．．地點：0係元朗廣場個天橋行啦~.. er... 我唔識講啦~

第一次去呢間野~~開頭去到見佢仲開緊鋪~~跟住行左一陣~~就再入去食~~我地食左好多好多野呀.......多到我都唔記得~~我記得o既有:楊枝金露~~菠蘿涼粉冰~~菠蘿芒果大菜糕~~芒果布丁~~綠豆沙~~菠蘿o者喱~~什果沙律~~雞翼~~魚蛋~~西瓜汁~~其實全部野食都同出面d甜品鋪頭差唔多~~不過佢真係落足料~~而且d生果都好新鮮~~又唔會有酸味~~我諗大家都食過酸o既芒果啦.........但佢冇囉~~全部都好好味~~開頭驚45分鐘唔夠食~~但其實係好夠囉~~我地食左35分鐘咋~~之後都係坐o係度睇電視~~特別要提o既係佢o既雞翼~~真係幾入味~~唔錯!!!$38有咁多甜品食~~又唔會因為價錢平而整得差~~我以後會繼續去架.......同埋之前d人話叫咩冇咩~~其實可能係佢地自己遲去o者~~我今日叫咩有咩~~而且serve我地o個個只係普通小妹妹~~服務態度o既野我覺得唔可以要求好高囉.......咁事實上佢都算ok有禮貌啦......你估你o係大酒店咩....

我今日同班friends一行六個去食食到........都無人.....個人態度一般..........跟住唔多choices.....雖然話有張紙俾我地揀........但我同個friends 最開始睇中個d全部都無.........d 野食都算快嚟~~而且味道都ok不得不提d雞翼都幾好味~~但d野食好大份又唔食淨得所以唔係試得好多野喳而且我地叫咗兩杯恾果汁兩杯既quailty都爭好遠一杯ok~但幾杰但另一杯就唔多杰.......仲幾酸咁囉而且勁多烏蠅......好麻煩無加一~位位$38~

入左鋪頭坐低就有人問我食ｄ乜，我話遲ｄ先，大概５分鐘後我先至決定食「Ｂ仔涼粉」，寫單個伙計同我講話好大盆，不過我都係照落ｏｒｄｅｒ，最多食唔晒咪打包拎走囉～等左一陣就有得食ｌｕ，見到都呆左呆，因為真係好大盆，佢係我第一樣野食個實物係大過張介紹ｐｏｓｔｅｒ裏面張相～～當我食晒突起既生果個時已經好飽ｌｕ，但係我仲未見到涼粉，最後我都係打包拎走．我覺得好抵食呀，＄５３已經有１４種生果食，ｄ生果味道岩岩好，唔會話好甜／酸，而且有好幾種生果仲唔係時時有得食添～～

噚日放假,同老公入元朗,醒起有間甜品店做緊任飲任食,於是就走去試下啦依家加左價喇,$38 / 人,但都好抵食我同老公倆個人,叫左雞翼+雞尖+魚蛋x3碟,蜜瓜汁x2杯,什果沙律x2碟,果黑糯米,果西米撈,楊技金露,鮮什果涼粉,老板仲送左一人一個果布甸,唔洗45分鐘已經比我地掃哂樣樣野都好好味,又新鮮,d雞翼雞尖熱辣辣又入味,個果西米撈同楊技金露都有好香既果味總之一句,真係好食又抵食!!!值得一讚,雖然限食45分鐘,但老板絕對唔會拖慢上野既速度,而且佢仲好好人添,我地叫左咁多野食佢都無黑面,仲好好笑容添,下次一定會再去~~

間鋪唔係好大,但我去到就full晒我同朋友叫鮮果西米露同楊枝甘露,份量比其他多1/4又有電視( 雖然播亞視)味道兩個都幾好其間都有人叫外賣會再去幫襯

今日經開元朗做節，發現一所甜品店。30蚊任飲任食(3:30-8:30)，但竟然無人食。我同呀妹入去諗住死就死啦，之不過又幾好味喎。任飲包鮮搾果汁，任食有鮮果西米露、涼粉等，咸點有公仔麵、腸粉、燒賣、鹵水雞翼等。我地2個人食左餐肉公仔麵一個，腸粉魚旦各一，楊枝甘露2個，芒果西米露1個，芒果木瓜汁3個，西瓜汁1個，仲有鹵水雞翼1個。2個人30分鍾清左以上之食物，好飽好好味。總結，楊枝甘露、芒果木瓜汁同腸粉魚旦好正，鹵水雞翼好油但係夠熱。芒果西米露唔得，果汁用椰汁而唔係芒果汁。但係60蚊2 個人又真係好抵，晚反都食唔落。有下次。