甜姨姨 (耀華街)

營業中

休息中

第一次食依種刨冰即刻叫錯味😂本身係想叫成個都係朱古力味個種， 呢個寫住薄荷朱古力，我以為係朱古力味😂不過唔緊要依個都好好食😋 枱邊有食刨冰嘅教學，未嚟前仲諗緊點解釋刨冰都要教？黎到就知真係會跌架😂😂要由高食到底，外食到入～ 側邊仲擺咗個朱古力醬， 食到中間唔夠味可以加朱古力醬， 但我覺得其實唔使加個刨冰本身都好好食😋唔知點解我覺得呢個刨冰有啲似以前讀書時候好興嗰隻綿花冰定叫綿綿冰😂不過唔係一個碗同埋一坐山咁大，同埋依個刨冰靚勁多😍 下次上嚟試埋嗰個朱古力咪同榴槤味😋 佢頭殼頂嗰嚿係一嚿豆腐花好搞笑

終於食甜品啦😝都幾多人下 星期日下午都排哂隊 咁岩撞到Edan生日 成間鋪都好多Edan 既應援 大家有興趣要快啲去奶醬脆多刨冰 $98呢款口味好特別 所以就點左嚟試😆個份量真係好大 比佢嚇親🤣 好岩打卡 不過味道都好好食！花生醬勁香 面頭仲有啲豆腐既cream 好濃豆漿味 冰既入面有少少芝麻 花生咸 食每一啖都有唔同既口感同味道 個奶醬脆多好脆好香 夾埋啲冰一齊好夾 拉芝Bagel $68睇個樣已經覺得好邪惡🤣勁多芝士 要趁熱食先可以拉絲！個包整熱左仲脆脆地 加油拉絲芝士無得輸😝

21/1就到Edan既生日啦🥳 一眾爵屎要記得把握機會黎呢到朝聖😜呢道既佈置有好多Edan既相同紙牌，成塊花花牆🌸都有好多相～ 仲有寫住”爵安世一”既霓虹燈牌，門口仲有Edan唔同歌既歌詞🎶tim~ 而講起甜姨姨大家一定唔會陌生，呢到既刨冰🍧真係必食😋，size夠大夠壯觀之餘，每一隻味都有好多唔同既配料，層次豐富又好食😋 之前食過一直都未有時間出post，宜家趁住推Edan既主題就下定決心一氣過出翻先😜(5 😍 係滿分，🤩係半分）400次髒髒冰 ☕️🍫🍧 - $138 (好味指數：😍😍😍😍🤩)呢個係另一個長青既招牌🤩 所以一定要黎試下～ 刨冰🍧一樣綿密幼滑，上面有打左400次既咖啡泡沫☕️💭，真係好綿密fluffy，無左咖啡☕️既苦味，所以連唔鍾意咖啡☕️苦味既人都會鍾意😍 味道香濃，配埋下面既朱古力🍫就有mocha既感覺，配埋香甜鬆脆既KitKat威化，層次好豐富，整體味道亦都互相中和左唔會好甜，食得出朱古力味🍫好濃，果然係用左85%既可可粉同朱古力粒🍫，食到中間淋埋85%朱古力醬🍫就keep住都有香濃既朱古力味🍫🤩 亦有啲似食緊金莎既感覺，多重口感真係正😌Oreoaholic 🍪🍧 - $

🍧 醬爆 (奶醬脆多刨冰) $98⏩ 花生醬、煉奶、花生粉、花生脆脆、迷你脆多、豆腐忌廉💯 評分：🌕🌕🌕🌕🌕 (5/5)💬 3粒迷你多士都烘得恰到好處，食落仲係暖暖哋，口感亦做到外脆內軟。刨冰配奶醬超邪惡但太好味，加上花生粉同脆脆更添層次。豆腐忌廉都好軟滑，香甜嘅豆腐味同奶醬配合得天衣無縫，大大碗食完一啲都唔覺得膩。🤤🍮 黑糖蕨餅 (3粒) $18💯 評分：🌕🌕🌕🌕🌗 (4.5/5)💬 蕨餅口感煙韌彈牙，淋上黑糖漿甜而不膩。😋

甜姨姨私房甜品》💛 食物：🐷🐷🐷🐷/5環境：🐷🐷🐷.5/5CP 值：🐷🐷🐷/5黃到金 $98 真係名乎其名😆面頭真係有金（箔）🤣🤣開頭覺得用$100食個冰感覺好唔抵 但係佢裏面啲料好足 有五至六件大大嚿芒果 仲有芒果布甸同埋椰子脆脆😗所以食落好有層次😆🤤完全唔需要額外嘅芒果汁都好夠味🥰溫馨提示：記得由外食到內 如果唔係會雪崩😆

☞ 疫情期間香港人又無咗晚市堂食🤡🙄咁緊係要捉緊堂食的尾巴，去食啲好難外賣嘅嘢食🤓呢間bookmark咗好耐，見佢6點左右竟然唔使排隊就入咗去食！原來而家鋪頭做緊Edan呂爵安嘅期間限定主題店💩😳入面有好多Edan嘅佈置，仲有唔同嘅props俾爵屎們打卡📸🍴黑極（$98）❖ 呢個係芝麻豆腐味嘅刨冰🍧頭幾啖芝麻味好重，但會愈食愈淡，所以到時可以加返店員另外附上嘅芝麻醬❖ 刨冰中間亦都有舊芝麻雪糕🤤絕對滿足到芝麻控！☞ 佢另外仲有好多唔同口味揀，我下次會想試Oreo或者奶醬多味🥰😍而甜姨姨都好好啊，知道無咗晚市堂食驚啲爵屎嚟唔到打卡，佢而家會提早咗開放時間，而6點後爵屎們都可以照去打卡📸而主題店去到21號就會完㗎喇😆希望大家可以嘅話就晏晝時間去食個甜品，用行動去支持一下唔同嘅小店啦🥺💛

每次約朋友食飯後甜品 甜姨姨都係肥Glor嘅top3！最近禁左堂食 唯有食完lunch去食個甜品過吓口癮啦🙌🏻哩間甜品舖堂食座位都算多 就算要等位都唔會等好耐 甜品選擇都好多💛·奶醬脆多刨冰 $98店內有多款刨冰比客人選擇 有部份更加係加入左港式元素 其中一款就係哩款No.1 + 充滿港式茶餐廳風味嘅奶醬脆多刨冰～刨冰份量多 一拎過嚟店員就叫我地先食咗表面嘅多士脆粒 然後再食冰 食到中間覺得唔夠將嘅時候就可以自己加一啲花奶！三粒多士夠香脆 表面嘅花生醬撈埋豆腐奶蓋同冰一齊食可以解膩 食到中間嘅時候仲有花生粒同花生碎粉 令口感更有層次！·拉芝Bagel $68熱辣辣嘅煙靭脆皮嘅Bagel加埋超邪惡芝士拉絲 視覺效果滿滿 入口仲有濃郁嘅芝士味 值得一試👍🏻

甜姨姨私房甜品 @ 銅鑼灣📍銅鑼灣耀華街11號地舖白雪 Snow White $95巨型雪花冰，一碗足以夠兩個人食頂頂既豆腐cream好食我比較鐘意食雪花冰多過就咁淋汁既日式刨冰，起碼唔會冇晒汁之後就食無味冰😂

路過據聞平時排隊排到打哂餅嘅甜姨姨，可能時間尚早唔太多人，而我亦都期望幫襯好耐，所以諗都唔洗諗就走左入去。店內外都滿佈Mirror @EdanLui，充滿打咭位，整個環境氣氛令人開心。醬爆。奶醬脆多 - 我其實係黑芝麻控，本來想㨂黑芝麻嘅，但既然講得No. 1推介，就試吓係咪真係咁正啦。面頭有三件爆脆多士粒，入面混雜左一堆奶醬花生汁同煉奶，味道十分濃郁，令人忍不住食完一啖又一啖。千萬要跟足指引去食冰，否則會雪山下塌架喇！影相都唔好影太耐，天氣凍都仲可以慢少少食，但天氣熱真係會好快溶哂！仲有幾款口味都想食，同埋另外一些甜品也很有興趣，下次都要再黎幫襯。

係銅鑼灣食完晚餐，行過見到呢間甜品店好多人排，都忍唔住想試下。排左十五分鐘就入得，但係被告知冇哂最受歡迎既刨冰:’(。不過難得過海食飯，都照入去試下啦！鋪頭既裝修好靚，除左有啲手繪漫畫之外，仲有一道花花牆比人打卡添！不過座位就稍微逼夾，人同人之間既距離好近，坐得有少少唔舒服。✨芒果大合奏係一碗有鮮芒果、芒果雪糕、芒果布甸既甜品！成碗甜品用左芒果汁做基底，好彩啲芒果好夠甜，一啲都唔酸。而芒果雪糕亦唔係普通好假既味道，似係用鮮芒果汁整成既雪葩，而芒果布甸就係用羅拔臣啫喱粉加淡奶整出黎個隻味，普普通通。我覺得最得意既係佢上面仲加左啲芒果乾絲，食個時會咬到啲煙煙韌韌既野，口感好特別。✨自家仙草手工芋圓仙草味好濃好突出，食到個種甘味，所以唔太好呢隻味道既朋友要留意返。芋圓有少少硬，都食到淡淡既番薯／芋頭味，但唔算好標青。除左仙草同芋圓，一碗入面仲有紅豆、珍珠、西米等配料，份量超多，食完非常飽肚！

之前喺甜姨姨食Oreo綿綿冰，見佢有熱食，巳講話轉天氣要嚟再食，點知比我發現有筍嘢，仲非常滿足到我個胃😁就係18杯瘋味小杯甜品🍮🎁 Boxset 🎁 一次過食18款唔同口味🤤適用好多唔同場合，例如散水/🎄節日/🎂生日/🍻喜慶/🎊派對甜品，當然口味你可自己選擇，你鍾意嘅18杯同口味都可以😜💰 $388 BoxSet 1)🏅金箔西米奶凍2)🥭楊枝甘露 3)🥭芒果三重奏 4)🥭芒果紫糯米 5)🥭芒果乳酪6)🌳榴槤紫糯米 7)🌳榴槤椰汁西米8)🏅金箔豆腐奶蓋9)🥜芝麻花生奶凍10)🍫朱古力奇亞籽杯11)🍫OREO奶凍12)🍓草莓奶凍13)🍓草莓乳酪奇亞籽14)🍡黑糖仙草芋圓 15)🥥芋圓四寶紫米 16)🥥綠椰仙踪 17)🍵抹茶蕨餅 18)☕黑糖蕨餅 以上18種口味我都試過晒😋真心如果你鍾意食榴槤，榴槤係必選，而金箔就夠哂大體，有幾片大大塊金箔💛，芒果類甜品係無得輸，奶凍又夠滑……真係一齊分享又得自私食又得🤣

銅鑼灣#黃店 甜品舖甜姨姨喺呢個聖誕🎄推出咗全新嘅限定刨冰🍧。賣相夠靚又好食，都幾有驚喜㗎😆❤️。.📍Oreo刨冰（$138）刨冰頂插住半枝Oreo雪條🖤，外面淋上Oreo曲奇餅醬，刨冰夠幼味道唔錯❄️。中間加咗Oreo忌簾牛奶、超多Oreo曲奇餅脆脆🍪同另外半枝Oreo雪條，味道同口感都夠晒豐富😍。另外配埋白玉、紅豆同更多嘅Oreo曲奇餅碎真係幾好食❤️！.另外一個成功嘅聖誕Party一定唔少得有甜品🍮！今次草根試咗甜姨姨嘅18杯瘋味小杯甜品。每杯都細細杯，唔單止可以自選口味，仲可以做埋Boxset 🎄🎁。無論喺散水、節日同生日party🎂都可以買嚟同朋友一齊慶祝🪅！.🔻18杯瘋味小杯甜品，包括：金箔西米奶凍、楊枝甘露、芒果三重奏、芒果紫糯米、芒果乳酪奶凍、榴槤紫糯米、榴槤奶凍、紅豆奶凍、紅豆麻糬、OREO奶凍、OREO麻糬、草莓乳酪奶凍、草莓乳酪麻糬、黑糖仙草芋圓、芋圓四寶紫米、綠椰仙踪 、抹茶蕨餅及黑糖蕨餅.

甜姨姨私房甜品 @auntiesweetcwb 已經想試好耐既一間甜品店，比佢哋嘅刨冰所吸引到！今日終於有機會試下，佢地除咗一啲經典口味之後，仲會定期推出期間限定既款式，呢期有聖誕別注版既Oreo刨冰。。🌟400 次髒髒冰 $138今日本身係諗住食Oreo刨冰，但我去到已經賣晒😭就試咗第二款刨冰。材料👉🏻朱古力脆脆、400次咖啡泡沫、85％朱古力醬、85％黑朱古力粉刨冰上面插住兩舊Kit Kat朱古力，賣相超吸引😍。裏面仲有朱古力脆脆、雪糕同好多黑朱古力粉，如果都係覺得唔夠，佢地仲有杯朱古力醬可以按自己口味加。口感好豐富，食到後面都好濃朱古力味😋。🌟18杯瘋味小杯甜品18杯瘋味可自選口味，其中仲包括多款甜姨姨招牌甜品👇🏻🌟金箔西米奶凍、🌟芒果乳酪奶凍、🌟榴槤奶凍、🌟OREO奶凍、🌟紅豆奶凍、🌟草莓乳酪奶凍、🌟紅豆麻糬、🌟草莓乳酪麻糬、🌟OREO麻糬、🌟抹茶蕨餅、🌟黑糖蕨餅、🌟楊枝甘露、🌟芒果三重奏、🌟芒果紫糯米、🌟榴槤紫糯米、🌟黑糖仙草芋圓、🌟芋圓四寶紫米、🌟綠椰仙踪 榴槤蓉超香😌奶凍香滑🤩芒果香甜。每款都好好食，一次可以試晒咁多款真係開心。。💥💥咁多唔同選擇，最啱聖誕派對🎄🤶🏻🎅🏻同

一直都有bookmark 咗呢間甜品店😙咁岩個日係銅鑼灣食完飯就同朋友一齊去咗食🤤個日係平日都要等咗10-15分鐘👐🏻🔸OREOAHOLIC🍧 $138呢個冰係11至1月嘅期間限定😆冰上面有枝Oreo雪條🍦店員會叫你食先,初頭以為個冰裡面應該淨係得冰😌點知裡面仲有大量Oreo🤪仲有Oreo雪條係裡面🤩而出面仲x上Oreo 嘅汁🙌🏻成個冰都係滿滿嘅Oreo🥰而旁邊有白玉,紅豆同Oreo碎🍪白玉好煙靭😚仲有一個醬,初頭以為係朱古力點知係Oreo🤭整體黎講個冰真係好大份😶但食得多真係有d膩🤥但Oreo 控可以試吓👐🏻🔸本身唸住去食bagel點知見到晏晝食抵啲🤭所以都係留咗下次食🤣

臨近聖誕，周圍都推出咗好多唔同嘅聖誕食品，今次連糖水鋪都出party甜品首先就有聖誕別注版嘅Oreo刨冰🧊外層係超濃嘅Oreo曲奇餅加Oreo忌簾牛奶，中間仲有超多Oreo曲奇餅脆脆，再加埋Oreo雪條，簡直係大滿足！配料就有白玉、紅豆配Oreo餅醉同朱古力醬，真係甜入心💕另外仲有聖誕派對甜品人氣之選‼️ 就係甜姨姨18杯瘋味小杯甜品啦🤤仲可以自選口味，配埋超靚Boxset🎁 無論散水、喜慶、節日或者生日慶祝都啱食～細細杯咁份量非常好18杯瘋味小杯甜品包括：金箔西米奶凍、楊枝甘露、芒果三重奏、芒果紫糯米、芒果乳酪奶凍、榴槤紫糯米、榴槤奶凍、紅豆奶凍、紅豆麻糬、OREO奶凍、OREO麻糬、草莓乳酪奶凍、草莓乳酪麻糬、黑糖仙草芋圓、芋圓四寶紫米、綠椰仙踪 、抹茶蕨餅及黑糖蕨餅。