甜姨姨私房甜品 (清風街)

營業中

休息中

某個星期天，特地到北角搵食，連掃兩間名店「壹碗麵」和「阿鴻小吃」後，本已心滿意足。正因如此，所以和老婆仔一起散步，由和富中心一路沿著英皇道漫步拍拖，希望有助消化。誰不知行到天后清風街附近，發覺這裡原來食店林立，各類不同國家和地方的食物幾乎應有盡有，正在好奇之際，竟看見其中一間店舖的牆上貼著阿蘇（蘇絲黃）的推介，原來她之前在電視節目中極力推薦的「榴槤豆腐花」原來就是這間私房甜品店「甜姨姨」的出品，為食的自己即時控制不到自己的衝動，誠邀老婆仔一起來個飯後甜品，為這晚的節目劃上一間完滿的句號。（雖然我自己是不吃榴槤的，不過老婆仔喜歡吃嘛！）這間店原來也是甜品熱店，雖然地方不小，但很多桌子都已經坐滿人，幸好仍能找到兩個座位。這次光顧，只是吃了$60，但已吃得甚為滿足，這裡的甜品和飲品真的質素不錯呢！首先是飲品「山楂檸檬冰冰」，這款飲品是眾多飲品中較為吸引自己的一款，因為自己向來喜歡檸檬和山楂獨特的開胃酸味。這飲品來到之後，呷上一口，果然，立時一股清新開胃的酸味滲進口腔中，透心的涼，把之前的一點膩滯一掃而空，這次的選擇果真沒錯。跟著是甜品「雙色湯丸」，其實這湯丸是兩款湯丸的混合體，分別是「麻蓉湯

第一次係港島食甜品~同兩位朋友食完翠華就畀佢地推介左黎依度~話有特別野食~入去一睇又真係幾特別喎~佢地兩個分別叫左~綠茶西米露配豆腐味雪糕同芝麻西米露配豆腐味雪糕而我就要左~自製果仁雙球雪糕涼粉杯(榛子+花生)綠茶西米露配豆腐味雪糕同芝麻西米露配豆腐味雪糕都試左少少~真係好食好多~個豆腐雪糕味好出~亦都好香~綠茶西米露要食到較尾先感受到佢既茶味~而芝麻個隻就同豆腐味好夾~兩個味都好搶~GOOD~總括黎講唔計我個個~各樣野都好好~下次都會再黎試下其他野~至於點解話別人口中係好食D~因為貪特別既我叫左個比較唔好食既野~由於本人比較鐘意花生個隻香味同榛子個隻甜味~初初食都幾好食~因為自己本身鐘意~不過佢個花生雪糕食第一啖個陣都知遲早投降~因為佢好明顯係用花生醬開~之後再整成雪糕~反而個榛子就唔錯~之後食左半杯~已經覺得好滯~搞到要食D涼粉先~點知唔覺唔覺食晒D涼粉~咁唯有食返個雪糕啦~食完個花生雪糕真係死左~下次都係唔再叫依個~環境好好~唔算嘈~張凳都好舒服~服務態度幾好~加分~!!!!

元宵佳節當日要喝朋友的囍酒，未能與女友一起吃飯渡過，實在是有點不好意思，所以我提意在去喝朋友的囍酒前，一起去吃湯丸吧，順便打定底也好。與女友選了頗就我們腳的天后完成這件事，最後選了好評不少的甜姨姨，聽說是有公仔箱的食家來過的。甫入店內，由於時間尚早吧，也真的很多座位供我們選擇。最後我們坐好之後，也去研究餐牌了，除了必點的湯丸之外，也另可點多一款甜品，最後我們在湯丸方面點了雙色湯丸，另加了一客芝麻豆腐西米露。先來的是湯丸，用上的薑湯夠熱辣辣，喝起來都算挺辣的，但對我來說也總可以再辣一點的，皮咬起來也算黏糯，但在黏糯之中又未夠香滑，是未下得夠多油去搓之故嗎？所以單以皮跟福元的比，當然是比了下去，但相信已經高於平均水準的了，至於所謂的雙色，其實即是麻蓉湯丸及恩愛湯丸。麻蓉湯丸的麻蓉餡又是不夠香，可能用油搓芝麻餡搓得不夠好吧，吃起來不夠滑不夠香，加上餡不算太多，所以只可以說是非常一般；至於恩愛湯丸，其實即花生朱古力餡，是有新意的一個配搭，花生味及朱古力味尚算平衡，而且它們的味道也很夾，可是兩者也屬於黏口的東西，加起來吃就整個口好像也被漿住了。芝麻豆腐西米露看上來一點也不大可能是屬於豆腐系列吧，

男友話呢到成日都好多人.. 就帶我黎呢到食.. 打開MENU 已經俾榴槤雪沙吸引住.. 雖然佢成$42 .. 不過一定夠2個人食到飽同滿足 細食D 既女仔3個都夠... 佢又有榴槤肉(超多) ,, 雪糕 ,, 雪葩 ,, 威化餅 .. 比起出面既榴槤飄香真係差很多.. 同埋我覺得食完係滿足囉.. 但係佢又未至於去到滯既情況 so … 成日都想心思思黎食嫁..

出席婚宴前的打底餐。不想吃太肥膩的甜品, 主力找點豆腐花底的。芒果二重奏豆腐花 ($22) 是鮮芒果加芒果乾, 再配芒果汁底。芒果豆腐花很多地方都有, 是不會失敗永遠討好的組合; 芒果雖非當造仍金黃香甜, 這裡的特色位乃切細的芒果乾, 令口感倍增。吃過甜食仍未滿足, 想要些少鹹食平衡一下, 來個份量小巧的燒汁雞腿肉串 ($20)。一客 3 串, 不算便宜。燒汁甜美但雞肉明顯有雪味。我想這兒吃甜品是不錯的, 鹹點就可免了。P.S. 離開時剛巧看見剛在柏林影展奪獎的羅啟銳與張婉婷經過, 這一區果然有星味。

20-2-2010食完格仔餅又想食糖水, 嚟到一直無緣的甜姨姨試試. 7:xx / 8:xx pm 嚟到, 店內已 8 成滿, 幾難想像宵夜時段人龍會幾長... 叫了「阿姨推介」的蛋白杏仁茶 ($25)... menu 上話「即叫即做」所以要等一下, 但我呢碗落單後約 3 分鐘就有我食 近年對杏仁茶無咁抗拒, 上次食完「米芝蓮店」的套餐糖水 (http://www.openrice.com/restaurant/commentdetail.htm?commentid=2063622) 仲幾喜歡, 但呢碗杏仁茶完全唔滑, 好似有點「粉」的感覺 , 蛋白又不翼而飛, 杏味突出都於事無補. $25 一碗, 唔抵食. 朋友的芒果乳酪西米露 (好似 $28) 亦係「阿姨推介」, yogurt 酸香突出, 面頭的芒果亦算香甜, 不過質地較杰, 食多兩啖都有 d 飽膩.環境光猛乾淨, 不過都幾焗, 加上勁多人, 都幾嘈吓, 食完快閃好了.放低 20 幾蚊, 雖然印象未至於差到掉眼淚, 不過真係未必會再來了.

去完大坑食飯後過返電器道食甜品兩個人等位真係快好多 晚上十點幾1) 木糠豆腐慕思: 想食個清清地唔太liquid嘅甜品 (好凍, 熱食又唔多吸引), 就要咗呢個, 呢個係推介之一, 不過有少少失望。木糠只係味道一般嘅餅碎(唔夠味), 豆腐慕思唔夠滑, 不過豆腐味都保留到。2) 芒果二/三重奏(唔記得個名): 因為芒果肉、西米、芒果干嘅口感都唔同, 所以其實個口感都幾特別。味道就好芒果囉, 其實芒果唔酸就ok好迫, 好多人, 好嘈, 不過價錢算合理!有聲線問題嘅人就會好辛苦, 因為要好大聲講野人地先聽到...

食完個晚餐~ 5個人打算去串串貢ga^無奈太多人等~ 轉左去甜姨姨~其實開左咁耐都一路有keep住幫襯ga~!一開始成日食佢d 湯圓之後~ 自蘇施黃黎訪問我就係咁揀豆腐類甜品食!呢排我就中2食佢d榴槤甜品呢~我揀左自己最中2食gei榴槤雪糕球~ 佢係豆腐雪糕中間包住榴槤肉~d 榴槤味唔算太濃~ 好好味~之後~ 朋友意見:榴槤奶凍~ 好滑. 超濃榴槤味~! haha~ 伴碟都仲有一大件榴槤肉係度~芝麻豆腐西米撈~ 芝麻糊+豆腐花打碎咁~但係又幾好味bor~ 口感似似地奶昔~我會keep住支持ga~!^

芝蔴豆腐西米露, 芒果大合奏, 榴槤豆腐西米露, 恩愛湯丸, 綠茶豆腐西米露... 每次都令我很懊惱.. 選哪個好呢?.. 還是試新產品呢?又是一間把香港平淡無常的甜品: 西米露, 湯丸, 糖水, 好好的化粧過來, 變成獨家美食的甜品店.我是如何開始第一次吃甜姨姨的甜品呢? 忘記了, 總之以後就是輪流的吃着她咸甜美食... 有時上班前, 有時放工後, 有時帶朋友, 有時打包走...吃着甜姨姨的心機, 用豆腐打蓉混合西米, 再加一球配其味道的冰淇淋.口感味道帶來很大的滿足感, 所以雖然都是西米露, 但不同味道就像個別的款式.芒果大合奏, 就是那芒果乾絲, 帶出芒果冰淇淋, 芒果布丁, 芒果粒及芒果湯汁的香甜味道. 愛芒果人士必選! 手造恩愛湯丸, 甜粘糯米糰軟棉, 巧克力醬和花生醬混合的甜香真的如恩愛夫妻般配搭.老闆娘甜姨姨愛麥嘜麥兜, 成了有時見面的共同話題. 從來沒有自我介绍過, 但每次甜姨姨總有善的跟我打招呼. 雖然不再住天后, 但一有機會都會帶朋友光顧. 新店擴大了, 款式加多了, 看見甜姨姨並沒有滿足原有的招牌系列, 竟仍然不斷努力創新, 太好了!

一個月前的食評...朋友極力推介呢間鋪頭的草莓乳酪西米露, 一班人食完野就黎左試下. 入到去見到甜品選擇都有既多, 但大家都係揀左草莓乳酪西米露. 賣相係粉紅色的, 配上草莓及椰果, 好靚! 個西米露雪到都幾凍, 其實味道唔算好特別, 就像一般草莓乳酪一樣, 但係我好鐘意呢個味道, 酸酸甜甜的, 好味!有機會都會黎試下其他甜品 ~

因為一個恩愛湯圓，孖芝便來了~！店內人頭湧湧，水洩不通，有點擠，幸好孖芝落座角落，才較舒適。 芒果豆腐花：芒果味濃，不會酸，豆腐也很滑口 芝麻豆腐西米露：西米露味淡，缺少想像中的芝麻香，倒是陪襯的芝麻雪糕更香口，又軟滑~ 恩愛湯圓︰花生醬配朱古力，沒想像中甜膩，口感特別，不錯呢~ 而且跟心愛的人吃湯圓，是很甜蜜的事啊~傳聞中的榴槤作，孖芝夫人未能一嚐，怕薰走老公啊~~~ 還是下回有機會，再跟家中同道人來挑戰吧

搬o左來天后時係夏天朋友介紹我食呢間ge 榴槤雪沙雪糕, 雪芭, 餅乾都係榴槤味, 仲有d 鮮榴槤肉泥... 勁正!!另外個榴槤豆腐都唔錯之後朋友來我屋企食飯都會帶佢地去試

幾年前舊鋪開業初期, 中午曾經食過一次甜品, 當時見到有豬扒包, 很想一試, 但由於甜姨姨午飯時段多數拉半閘未開門, 所以一直無緣......直至這年她們搬了新鋪, 腦中的豬扒包時有出現, 最近才去了一試, 真的很美味!! 薄薄的豬扒, 應該是豬肉薄片, 配上香軟的豬仔包, 美味無窮! 款式方面有招牌, 蜂蜜, 介辣三款味道! 我最愛蜂蜜味! 另加一杯芒果涼粉爽, 就是我fast food既絕配之選, 現在久不久就要食一次呢!

上星期經過天后口痕痕, 之後就入左甜姨姨試下D甜品 我O個日叫左個恩愛湯丸, 初時覺得花生加朱古力醬O既湯丸感覺好奇怪, 點之食落去又OK喎 粒湯丸個皮好薄, 食落口仲軟綿綿而D朱古力醬亦唔會太過"漏". 可能前排凍凍地, 食完碗湯丸後成個人都暖粒粒好開心 唯一覺得麻麻地就係個湯底, 太過重薑味喇.

食左個呀旺芒果湯圓($25)湯圓入面係奶黃+1粒芒果個皮又好軟,,岩岩好,,好好食之後以芒果做底,,,有d芒果芒果甜度岩岩好,,好新鮮聽講星期6,日食可能賣哂之後同fd share個奶油西多($13)好抵...又大件,,,可惜我覺得厚左d不過味道ok.d人又好好禮貌!