甜姨姨私房甜品 (清風街)

營業中

休息中

慶祝開工飯！在銅鑼灣吃完一頓飽飽的中菜，到天后尋尋覓覓甜品。朋友推薦了天后的甜姨姨。menu好多誘人的甜品，每一個好像都好好吃，我們用了快半個小時才能決定（ps其實還想點藍色榴槤蛋糕的）。最後我們三個人點了四個甜品1. 草莓乳酸西米露：很不錯，不會太甜不會太酸（之前很多草莓味都很假很甜，這個一點也不會）2. 尋榴感：名字有一點搞笑，不過我是最喜歡這一個，可能是比較喜歡榴槤的緣故吧。味道很豐富很有質感。3. 豆腐花：兩個朋友覺得超好吃，稱之為最好吃的豆腐花，但是我反而覺得太滑了，反而沒什麼質感。好吃的甜品店，下次繼續幫襯

今日去這間站於天后天橋底的甜品屋。地點都好近天后MTR.環境：甜品屋都預咗迫，坐得極唔舒服，亦唔會有什麼裝修可言。服務：點餐同上餐的速度好快，店員亦好有禮貌。甜品：1.豆腐西米露 $38豆腐雪糕，豆味濃，好creamy, 好好食，湯底係豆腐沙冰與雪糕兩者好配合，加上西米有一粒粒的爽口清新的感覺，非常好味！2. 雙色湯丸加豆漿 $33這個湯丸好特別，湯丸分別有正常的豆沙湯丸和朱古力湯丸，朱古力湯丸感覺新奇，朱古力亦不會太甜，湯丸皮靚，十分煙韌。而湯底用上豆漿亦十分製新，值得一讚！

芝麻豆腐西米露 HKD38我都算係一個幾鍾意食西米露嘅人，通常諗唔到食咩糖水嘅話，就一定會揀芒西。今次就破例，試下呢款得獎嘅芝麻豆腐西米露，而雪糕我就揀咗芝麻味。其實佢嘅味道就好似將西米露同芝麻糊溝埋一齊咁，但就無芝麻糊咁稠身。原來咁樣食落，口感都幾得意～榴星鎚 HKD76呢個叫榴星鎚嘅創意甜品，外形就好似一個嘅榴槤咁。榴槤柄係由一件榴槤味嘅威化餅所整成，而綠色嘅榴槤釘外層就係斑蘭忌廉，至於中層嘅榴槤殼就係牛奶布丁，最後嚟到最內層嘅就係主角－真榴槤肉～

我是甜姨姨的常客，平時只會食佢的芒果甜品，沒有一次失望，最喜歡是她的芒果大重奏，什麼芒果的材料都有齊，勁豐富。但近來臉上生多了粒粒，中醫話我好濕熱，不要食芒果😭😭，嗚嗚。。芒果是我的至愛呢，但為了不讓粒粒惡化，只好放棄芒果。。。一晚咁多啦😏取而代之點了綠茶豆腐西米露，綠茶同豆腐嘅配合，聽起上來都好清淡啦，應該食得啦掛😋老實說這綠茶味不算濃厚，不算特別出色，出面實在有太多做得更好的綠茶甜品，好似Via Tokyo 的軟雪糕咁。但甜姨姨的豆腐就相對特別D，堅係豆腐味，好清香呀🤗🤗🤗，仲有球豆腐雪糕，一樣咁正。已決定下次再嚟時，會叫芒果大重奏，再加一球豆腐雪糕，yeah

見到openrice有個優惠可以27蚊買到原價32蚊嘅木桶豆腐花～仲可以畫公仔！貪得意就買黎玩左下個食法同原本嘅一模一樣，都係要等夠鐘再開蓋，不過多左幾支顏料之後試畫第一下..好杰呀～～唔夠熱呀支野..第一次玩呢啲係難控制啲～平時冇整開蛋糕..🤔黑色係朱古力味，紅色係食乳豬隻眼個粒車厘子嘅味，綠色係....好驚冇試😂我舊屎失敗左呀！眼同口痴埋一堆/.\ 有屎嘅豆腐就比左男人食..😂另一個作品...😆

榴槤而家越賣越貴，在超市閒閒地隨手攞起一盒都要六七十蚊，這只是普通金枕頭的價錢，如果是而家紅到發紫的貓山王則二三百一盒起跳，真係人都癲。最奇怪係大陸人竟然都湧來香港搶貓山王，什麼都搶得一餐。香港人，只要你愛上一樣東西是大陸沒有或是好少的，就要有失去它或付出雙倍代價的準備才可繼續擁有。貓山王，你們即管去搶吧，我卻由始至終偏愛金枕頭，貪其濃而不膩，既甜且香。貓山王，對於我太濃烈了。也許就等如我喜歡香檳，不愛whiskey 吧。一踏進甜姨姨，已能嗅到榴槤香，相信聚了不少榴槤粉，真好，不會怕影響到人。一向知道甜姨姨出名榴槤甜品，卻不知道原來有如此多選擇。而且不是左溝右，右溝左咁求其，而是真的有好多樣化的甜品。問一問店員推介哪款，他說榴槤豆腐花，但我還是抵受不了另一款榴槤甜品的召喚，就是超級榴槤雪沙。其實只要榴槤靚，份量又足，點整都好食啦。一上桌時就覺得個碟好大，但不要以為得隻碟大，其實份量好足，收八十幾蚊真係唔過份。有好多重不同的榴槤元素，榴槤冰，榴槤cream,好大好大pat榴槤肉,榴槤雪糕呀，餅呀，脆脆呀，全是榴槤，都唔記得有冇數漏到，榴槤好新鮮，最緊要呢樣😁我一個人食，竟然食得哂，好飽，

小學食甜姨姨食到而家大個都仲食緊，水準依然～有日食緊必點既木桶豆腐花果陣見到格離食緊好大座多士～好大陣花生格仔餅味不過果陣時食完飯食埋甜品太飽食唔落～決定要再來試一試～同屋企人share食，感覺好似食緊奢侈豪華版格仔餅咁～掘空左麵包芯，入面放住烘脆左既骰仔面包咁，食極都好多醬，仲有花生雪糕好match嗚呀好濃味好正～～又凍又熱下次黎會再食～而且價錢都相比同類店平，幾抵食天后呢區有咁既質素同性價比係冇得輸

榴星鎚黎喇💕有兩隻畫得好可愛嘅小刺蝟🦔高級酒店鐘意畫條線加幾粒點，但我反而鐘意呢啲低低能能嘅🤣綠色個堆係cream..唧到一粒粒釘咁襯番隻刺蝟，入面有層布丁，再入面充滿左滿滿嘅果肉但係，綠色個堆cream太多了，我唔係好鐘意☹️呢個叫超級榴槤雪沙，超大份..一個人食都幾飽下，但成碟野都充滿左好濃郁嘅榴槤味，有雪糕，有果肉，最底有沙冰，好滿足呀！天與地入面余詩曼食嘅木桶頭腐花，比個鐘你，夠鐘嘅時候就食得喇！好滑呀！我唔會好似女主角咁攪爛黎食，我鐘意一層層片起食，咁先食到有幾滑！可以加糖上去，不過我唔加，我就係要食到豆腐嘅味！

身為九龍人好少來香港呢邊，不過近日去咗維園工展會，雖然都食咗唔少嘢，但就梗係覺得差少少唔夠喉，所以我們一行四人就搵下附近有咩食。同行朋友推介甜姨姨，好啦，就試下，果然冇介紹錯，到而家好回味。雖然由維園行來沿途都有唔少甜品店，但都沒有一間令到我們改變主意，一行到位於直橋底的甜姨姨。時間係近8點幾，冇咩人，可能未到食甜品的時間。我們分別叫咗芒果益力多沙冰，豆腐沙冰，另外一個唔知叫咩名，有兩球雪糕同涼粉，花生味同朱古力味，仲有豆腐西米露同小食，麻辣雞翼同牛丸。朋友非常鍾意嗰杯芒果飲品，佢話好有芒果味，而且飲得出真係用益力多整，有誠意喎。另外一杯豆腐沙冰就好特別，佢話出面未飲過呢類飲品，好有豆腐味好清。我就係因為咁都叫咗一個豆腐西米露試下，其實佢餐牌就話芝麻味先係佢哋嘅招牌，不過我想清淡些，所以揀咗原味，仲有一球豆腐味雪糕。一入口果然真係好香豆腐味，唔會太甜，好fresh,同埋西米一齊食，有埋口感，要讚! 唔知係咪我見識少，我真係未食過類似嘅甜品，算係大開眼界，原來豆腐都可以整成咁，勁!下次一定要試下佢嘅招牌，芝麻味啦。至於嗰款雪糕呢，朋友話都幾好，花生味好食D。而令我最難忘的，竟然係佢哋嘅麻

一行四人係天后想食糖水， 路過呢度見榴槤甜品似乎好出色， 一於入內一試。 下午時間客人不多， 甜品店環境普普通通， 枱椅有少許舊， 唔算企理。睇完menu, 四人都話想食榴槤豆花。 仲唔到大家都係榴槤粉絲, 我地仲叫埋榴槤pancake齊齊share店舖內牆壁都貼滿了推薦食品的廣告， 原來這裡創辦人喜愛豆花， 所以佢對點整豆花好有研究！榴槤豆花黎到， 試匙豆花， 嘩又真係好滑好香喎！ 豆花的口感同傳純豆花店係唔同的， 細密點， 滑點， 介乎於啫喱布甸同傳純豆花之間， 果然係出自對豆花有研究之人既手筆！ 至於榴槤， 榴槤肉都多， 而且好香甜，唔係榴槤殼上刮出黎果d 苦苦地既肉。 整個甜品上面仲淋左個榴槤汁， 應該係用花奶打的， 令整個豆花更滑更有榴槤味！ 整個組合把各種材料發揮得淋漓盡致！ 好味！最後食埋個榴槤pancake, 呢個就一般啦， 榴槤唔算多， 而且苦苦地， 我相當懷疑係榴槤殼刮出黎既榴槤肉。 忌廉都幾滑同挺身， 整體黎講， 唔建議order呢個食。

今日晚餐後滿心歡喜一行五人去我們最愛的甜品店甜姨姨，換來一肚氣，決定以後不再光顧！ 四個凍甜品，一碗熱蛋白杏仁茶。杏仁茶上枱時溫度只算暖完全不熱，心想算吧別麻煩，但突然發現一塊白色又唔係蛋白既物體，用手觸摸發現要用點力先可搣開 🤢 好明顯係一片化𥺁棉 ！但最過份係我請餐廳職員過黎我搣佢睇，佢竟可以若無其事收左算數，完全不感意外亦無歉意，可能呢啲事經常發生。佢只係好輕描淡寫咁話 取消左佢啦！我地完全無要求過什麼，只覺得最起碼講句唔好意思！

早幾日經過天后呢間甜品店，原本食飽飯唔想再食嘢住，但因為佢門口貼咗張鎮店推介係榴槤豆腐花就忍唔住行咗入去啦。我覺得可能因為榴槤太大陣味所以唔係太多甜品店會賣榴槤，就算有嗰d款式都唔會多，而且食起上嚟都會怕附近嘅人唔鍾意陣味，但喺呢到差唔多人人都會食榴槤，所以可以好放心咁食，而且佢仲有多款榴槤甜品任君選擇，真係榴槤愛好者嘅喜訊。既然榴槤豆腐花係店長推介，所以我今次就叫咗佢啦。估唔到佢嘅榴槤肉有咁多，而且食落都好新鮮，佢仲加咗少少榴槤汁喺面。我之前食過其他鋪頭嘅榴槤豆腐花只係畀一丁點榴槤肉。

甜姨姨位於天后的一間甜品店，甜品多樣化包括豆腐花，流心朱古力，芒果三重奏等等⋯⋯價錢不便宜，在香港區係要咁貴。豆腐花，有gimmick，即撞豆腐花，整個計時器等你計住時間，幾得意。味道一般，不要要求太高。推介指數：7/10流心朱古力，契女好鐿意食，佢兩歲已開始係度食，依家都成六歳lu.....味道算幾甜，怕甜的人不會喜歡。推介指數：5/10芒果三重奏，又芒果，又沙冰咁，一樣好甜，多食不健康喔⋯⋯推介指數：5.5/10

我從來冇係openrice打食評，但係今次真係第一次食野咁難食...叫左個心太軟上檯之後已經見到軟心既朱古力已經流到成碟都係，心太軟既shape完全唔討好 然後成個心太軟既底都係燶 見到黑色邊 係食到有''糯味'' 最慘係職員送上黎嗰陣完全唔覺得有問題食落去個蛋糕係完全唔鬆軟 切開入面已經冇曬流心 一早流曬出黎，而溫度完全唔熱 唔似啱啱出爐完全唔值六七十蚊..對甜姨姨呢間甜品鋪完全失望 唔會再去p.s另外叫左一個芒果紫糯米，不過不失，冇特別

以前因為大台的一套電視劇而認識甜姨姨，當年的木桶豆腐花真是盛極一時。我以前都食過它的木桶豆腐花，夠香滑又有豆味，不錯的。今次經過，想吃點芒果甜品，之前食過芒果大合奏，味道似芒果沙冰再加芒果配料。今日想回歸傳統，食返碗楊枝甘露。楊枝甘露的份量正常，但賣相卻與一般的楊枝甘露有點分別。平時的楊枝甘露有椰汁混入其中，眼前的甜品有點芒果沙冰的感覺，失去了椰香。芒果和柚子的份量雖然足，但糖水很杰，整體甜度很高。可能店家是用同一種糖水底來做不同的甜品吧！看來我下次造訪都是吃回店家的名物好了。