甜姨姨私房甜品 (清風街)

營業中

休息中

BBQ完，想食返啲糖水滋潤下，朋友建議去炮台山既甜姨姨，六點多幾去到出乎意料地多人，幸好都只等了五分鐘就有位，糖水甜品有好多款式，最終要了……超級榴槤雪沙，榴槤紫糯米，芒果黑珍珠豆腐花，什果涼粉，每一款都各有特色喜歡吃榴槤的一定唔好錯過，見朋友吃食得很滋味呢呢個超級榴槤雪沙包括有~榴槤雪葩、榴槤忌廉汁、新鮮榴槤肉、自製榴槤雪糕、榴槤乾、榴槤威化餅我自己本身唔食榴槤，所以要左個芒果黑珍珠豆腐花， 芒果夠新鮮，黑珍珠夠煙韌，豆腐花很滑，十分好味，食完好想再encore啊雜果涼粉~芒果、西瓜、香焦、涼粉

Happy Friday!同班friend喺炮台山食完飯，唔夠喉緊喺要食埋個甜品喇！知道天后多甜品店,所以都好樂意行5至10分鐘路程去天后揾食。行到去清風街，驟眼望都有三四間甜品店。果時未到九點，甜姨姨已經坐滿左一半人，見人氣咁旺，一於試下啦！我哋5人被安排到四方枱坐，5個人坐4人枱都可以接受，但最慘喺枱與枱之間非常擠迫，有一邊根本坐唔到人，最後我哋5個人迫左喺其中三邊，坐得非常唔舒服。不過人氣店迫啲都預左，最緊要喺食物嘅味道。不過甜品質素都同樣令人失望。見哩到咁多榴槤甜品poster同整間舖陣陣榴槤味，以為哩到嘅榴槤甜品特別出色。揀左個榴槤西米露嚟試，點知質素咁普通，榴槤蓉雖然多，但整碗西米露超甜，食完好涸喉。雖然冇食到朋友嘅甜品，不過聽佢哋評語都麻麻地，唔值哩個價錢。

我對食有要求因為咁平時唔會亂去試新甜品店但今日四人去到甜姨姨竟然有位仲要坐得舒服已經覺得怪一行點左仙草芋圓-朋友話太安樓旺旺份量多過佢同好食過佢但甜姨姨收48西瓜涼粉冰-自己屋企整粒加冰40芒果兩食-味道可以但極細碗薑汁芝麻糊加湯圓-最正常既糖水我食左咁多年第一次覺得甜姨姨差左同埋侍應只叫你入去但唔會主動落單希望有改善之前食麻煩大少/豆腐花/楊枝金露都覺得佢比起其他鋪頭係好好食但今次真是好好好失望：（

間中也會到這間人氣甜品店吃榴槤甜品，但最近一次對這甜品店的服務態度頗有一番看法，今時今日這裏的甜品已不算是什麼特色，很多其他甜品店也可以吃到榴槤甜品，走進一間餐廳反而要看的就是服務，當晚店內不足十位客人，很多四人枱都是空的，但店員硬要將客擠迫地坐在旁邊的二人座位，機乎要與鄰卓食客背靠背地坐，亦見到即使客人已坐下了，也要他們起身跟指示轉到較逼坐位，這感覺很差，當食物來到時，侍應不會告訴你這是什麼，也不會問是那位點的，只是隨便放在枱上便轉身離去，從面上看不到一點服務態度更遑論禮貌的笑容，經過這一次，看不到有理由再次來光顧。

最愛呢度既榴槤豆腐花, 榴槤芬芳樸鼻, 果肉濃郁, 配上滑溜溜軟綿綿既豆腐花, 簡直一流, 回味無窮!!!其次就係凍椰汁豆腐花, 夠哂冰凍, 椰汁濃而不甜, 豆腐花又夠滑溜, 清涼入心 !之前呢度既話梅冰都好好飲, 酸酸甜甜, 不過已經好耐冇飲, 下次一定要飲番杯先.

作為不折不扣的麵包控早前在openrice看到這個多脆城堡系列(格仔餅味)，決心人生必定要來一試！下午就拉了男朋友陪我吃~~看到餐牌才知道原來是三~四人分量的呢 怪不得要$88~~ 不管三七二十一也就點了他~~等了一會上來了~~~很可愛的外表和照片的一模一樣呢麵包香脆可口，麵包控的我表示很滿意 伴隨着不會過甜膩的花生醬雪糕超級搭配！內裡每粒吐司也脆脆的，十分好吃啊雖然吃不完但真的好美味！吃完超級有滿足感呢

▫️飯後の甜品✨木桶豆腐花▫️這家是位於天后的甜品店店名為<<甜姨姨私房甜品>>聽聞即撞木桶豆腐花是店內的招牌所以點了一個大SIZE的來試有三個SIZE的木桶小(一人)、大(二至三人)、加大(五至六人)豆腐花來了要先等待4分鐘豆腐花很滑 不加糖原本已經有小許甜味了個人建議不加糖只要like Facebook仲有得送鮮草莓汁一支🙂味道就一般拉

I’m not a person for sweets but when you are in Hong Kong during a hot summer day, this is what you need. This place is better than most. I had the sesame iced cream with tapioca and it’s very good. Not too sweet and just the right amount of texture. Not too creamy.

甜姨姨私房甜品屹立天后多年，晚上宵夜糖水時間，總是人頭湧湧。全因佢保持到一定嘅水準。冬天，我鐘意佢熱辣辣中式糖水，尤其湯圓，朱古力、芝麻都是我最愛，有D住家糖水嘅味道。夏天，三十幾度，梗係食各種涼浸浸糖水甜品啦。雜果豆腐花：水果有香蕉、西瓜、芒果蓉等等，都算豐富多元化。芒果大合奏：不得了，啖啖芒果果肉香，不同層次，不同囗感。紫米蓉豆腐花：紫米綿綿的，少少甜，加上滑滑豆腐花，好好味。透心涼嘅甜品的確正。但注意，店鋪榴槤味濃，堂食而又受不了榴槤味的朋友要注意喇。

今日參加左個活動去開天后，行到攰攰地想食甜品就openrice睇吓有咩食甜品嘅地方，於是就嚟左呢度。同朋友share左個心太軟($64)同埋辣薑番薯糖水($30)。番薯糖水好快就到，太口痕嘅關係，冇俾相機食先。正如其名，夠辣夠薑。至於番薯都非常之高質，入口即溶，但又未至於煲到溶。食得心太軟都預咗要等。喺鋪頭唔算太多人嘅時間，都等左大約二十分鐘。一切開果下，啲朱古力漿已經等唔切要湧出嚟。蛋糕大約厚1cm，裏面基本上全部都係漿。蛋糕整體來講都係濕潤嘅，不過表面就有少少乾身。另外，朱古力雪糕係有朱古力碎嘅，算係有質素嘅雪糕。可以挑剔嘅係，個擺碟真係滴汗...有心思嘅，不過就唔夠高檔啦😅

在砲台山晚飯後，女友帶我到他經常去的糖水店，聽聞這店的木桶豆腐花是招牌甜品，便叫了個大size 試一試 ，上枱時 附上計時器 大約等三分鐘才可開蓋 ，因為我很著重豆花本身的滋味 ，所以沒有加入糖水和黃糖， 味道真是好味和很滑 ，很有豆香味 。另外點了一款 名叫恩愛湯圓的甜品，是 一碗 豆漿再加入兩款湯圓 ，一款四黑麻蓉湯圓 一款是花生加朱古力湯圓，豆漿味道濃醇口感滑溜，湯圓口感煙韌，我比較鍾意花生和朱古力湯圓，兩種味道混在一起比較特別。

同朋友食完飯, 朋友想食糖水。邊行邊傾偈,行到天后這間天橋底下的甜姨姨。看見他這個臺式仙草再加手工芋圓,48蚊,我想應該很大吧,那就我們一起share吧。想不到來的時候,竟然跟一般糖水size一樣, 覺得十分不值。朋友也覺得很驚訝,想不到分量這麼少。因為之前在深水埗荔枝角道食過一間康x, 他的芋圓糖水size一樣, 而且仲有幾款你選擇, 價錢由20到25蚊。味道方面仙草有甘香,芋圓自家製也不錯。但如果再食的話,我會選擇普通糖水就算了。

同朋友o係炮台山食dinner～行過見倒甜姨姨，佢就話有個朋友每次黎開依邊都會食依間甜品勾起我ge 好奇心～ 決定拉埋佢黎試一試打開menu 見倒芝麻豆腐西米露係推介～～ummm 就決定一試啦！另外叫左個心太軟～想一熱一凍開心share～芝麻西米露先上～朋友食左啖先話好好食～到我再食嘩～真係好味道啊～～芝麻味好香好濃郁～ 唔會太甜～豆腐食左又唔係好覺～ 食落口感好特別～等左陣到心太軟～ 佢一上碟ge 時候有驚喜～因為畫得好靚啊～ 令人賞心悅目～心太軟～香蕉～朱古力味雪糕～心太軟都ok好味，但芝麻豆腐太出色～已經諗住再黎食喇～～

不知不覺又嚟到我的甜品聚腳地甜姨姨，冇嚟個幾月，今晚即見到有新嘢出，係我最鍾意嘅芋圓呀🤗🤗🤗。我記得好耐之前有問過佢哋有冇得賣，佢哋話冇㗎，問有冇小丸子佢哋又話冇。所以次次我都會食芒果黑珍珠，無他，鍾意有得咬吓吓。估唔到突然做芋圓，實在太好啦，以後唔駛獨沽一味了😋我都算半個芋圓專家，佢哋真係做得好彈牙，而且份量十足，好多料食，好似紅豆呀，黑糯米呀，薏米呀咁，樣樣都好夾，我揀咗黑糖，(佢哋好似仲有奶同椰子汁比你揀)，好得，食完好飽好滿足。值得一提嘅係佢哋嘅仙草係苦苦哋，似龜零膏多D,

尋晚我同兩位朋友喺銅鑼灣食完飯之後，我地就諗住行去天后食糖水，順便消化下。天后有好幾間糖水舖，不過我地最尾揀左呢間，雖然佢比較貴，但係見係朋友請，我地二話不說就入左去。 其實糖水嘅價錢黎講都比較貴，最後我地叫左四樣野，埋單$172。 我地叫左一個豆腐花，呢個豆腐花真係好好食同好滑。呢個好似係佢地招牌野，見到周圍都有人嗌。 佢上枱個陣會有埋個計時器，要夠鐘先開蓋食得。我朋友叫左個熱嘅椰汁黑糯米。我叫左個尋·榴敢，有好重嘅榴槤，鐘意食榴槤嘅應該會鍾意，其實就係榴槤豆腐花加黑珍珠、涼粉、椰果等等。