更多
2018-05-16
242 瀏覽
甜姨姨私房甜品屹立天后多年,晚上宵夜糖水時間,總是人頭湧湧。全因佢保持到一定嘅水準。冬天,我鐘意佢熱辣辣中式糖水,尤其湯圓,朱古力、芝麻都是我最愛,有D住家糖水嘅味道。夏天,三十幾度,梗係食各種涼浸浸糖水甜品啦。雜果豆腐花:水果有香蕉、西瓜、芒果蓉等等,都算豐富多元化。芒果大合奏:不得了,啖啖芒果果肉香,不同層次,不同囗感。紫米蓉豆腐花:紫米綿綿的,少少甜,加上滑滑豆腐花,好好味。透心涼嘅甜品的確正。但注意,店鋪榴槤味濃,堂食而又受不了榴槤味的朋友要注意喇。
張貼