甜姨姨私房甜品 (清風街)

營業中

休息中

這晚食完飯後好像有點意猶未盡, 還是想多吃一點甜品, 於是便走到天后我們光顧開的甜品店。這夜可能較早, 竟然不用等位, 近年宵時我們試過等超過半小時呢~心多多的我實在太好甜, 所以兩人便點了三款。幸好這兒是低糖製作, 否則肥仔程度真是不敢想像。看見金黃色的楊枝甘露就知道是足料製作。以新鮮芒果肉打汁作底, 加入西米和沙田柚肉, 每啖都吃到生果的清甜。而內裏的芒果肉亦夠熟夠甜, 吃完身心清涼, 夏天吃一流。 身邊那位點了這兒的招牌之一, 芝麻豆腐西米露。這個有點像凍了的芝麻糊, 每口都是芝麻香, 加入了西米令口感更滑。而豆腐花及豆腐雪糕的香濃味剛好是一濃一淡的配合, 誰也搶不了誰的味道, 混起來就是好吃。芒果糯米糍 + 粟米脆脆芒果味濃郁, Q彈適中的糯米皮包着大大件的芒果肉, 吃完整件也不會覺得膩。 加入了粟米脆脆更加令口感多了層次, 沒有那麽悶, 脆脆地夾着吃又幾有趣。幸好沒有眼闊肚窄, 這三樣甜品已經足夠我們的甜牙齒了。我本來還想點今期流行的咸蛋黃魚旦, 看見隔離枱吃十分吸引的......

早前試過間聲稱專吃榴槤甜品的店結果令人大失所望本人對此一直耿耿於懷😂一直想著要找好吃的榴槤甜品這次終於成功了👏🏻.1) 榴槤豆腐花 $52食物一上枱便聞到榴槤的香氣最上面是滿滿的榴槤肉下面是豆腐花周圍是些充滿榴槤味的 像沙冰的汁整碗真的都充滿了榴槤味榴槤愛好者表示很滿足.2) 榴槤西米露 $52跟榴槤豆腐花一樣最上面是一堆榴槤肉下面是西米周圍都是那些榴槤味的沙冰不過好像比豆腐花的更凍更冰.3) 鹹蛋黃魚蛋 (6粒) $35網上看到許多人都點這個那我也要試一試鹹蛋黃不會太鹹跟魚蛋也很夾不過有點辣假如是不吃辣的就要注意一下了.雖然價錢不算便宜但味道真的很不錯吃完真的讓人很滿足

星期五緊係happy Friday啦, 同同事食lunch之後一齊買左碗糖水做下午茶。估唔到lunch time就已經好多人食甜品，但店員好快就拎左個menu出黎俾我地選擇，服務態度好好睇個menu,見到個名叫 麻煩大少，好搞笑，一於買黎試下。一打開，嘩！份量十足，有我最中意既椰子冰做底，仲加左好健康既chia seed,仲有香蕉，芒果，豆腐花，椰果，綠菜果凍。所有toppings加埋一齊出奇地夾而且好有口感，簡直係會令人食上癮呀其他同事見到都話下次會叫我呢個試下，而且價錢又唔貴，依家食糖水好少地方會落足料，絕對值得一讚呀！

天后好多美食，呢間都非常出名，晚晚都咁多人來食今次就來試下，我最愛甜品😍🔶台式仙草+手工芋圓$48會有黑糖、淡奶、椰汁揀，我揀左椰汁，都幾好！入面除了仙草、芋圓，仲有珍珠、西米！珍珠、芋圓都好煙韌，西米好一粒粒，有口感！仙草有少少甘，可能就係咁先新鮮！🔶芒果大合奏$50入面有芒果粒、芒果乾絲、芒果布甸、芒果雪糕芒果愛好者可以食呢個，好味，尤其是布甸，最出色！🔶人氣鹹蛋黃魚蛋$35（6粒）鹹蛋黃係好足料，在魚蛋方面咁食法會好咸🙈唔太夾唔食啲鹹蛋黃料又失去意思，所以叫返原味/辣味會好啲同場加映- 麻辣香腸 $22是普通的腸仔，有麻辣味去煮過，辣就不太辣但$22兩條有啲貴...糖水店都食糖水好啦🙈之後都會再回頭食👍🏻

Friday night 更係要食翻個糖水先今日簡左去天后較為有人氣的甜姨姨甜品店 佢個餐牌有好多選擇 比較多人食熱既即撞木桶豆腐花 因為上次我已經食個呢個既關係 今次試其他！ 見到推出既鹹蛋黃魚蛋 中意食鹹蛋既你都應該試試😆超滑牛奶布丁🍮牛奶布丁同平時食開既texture有點不同 呢個食落真係好滑 入口即溶 奶味都幾重 都幾好食👍👍雙色湯圓🍡雙色湯圓即是有黑芝麻湯圓和恩愛湯圓各三粒 恩愛湯圓好特別裡面餡料有花生及黑朱古力 所有湯圓都是即叫即整的 聽聞湯圓都是由甜姨姨甜品店親自製作而成的 放入口一咬 因為皮薄的關係 餡料都溶出來了 薑汁味又夠😍特濃朱古力心太軟🍫 可自選雪糕一球 有小小失望的朱古力心太軟 食到一半都沒有流心 可能影相太久了 已經涼了 不過味道不錯 而且每一碟心太軟都有廚師畫畫在碟上 很用心的制作😊

晚飯後食到飽飽地，由銅鑼灣散步散到去天后。天后有好多唔同類型嘅餐廳同埋糖水舖，當中甜姨姨係最受歡迎最多人去既糖水舖之一。芒果大合奏（$50） 最底係酸酸甜甜嘅芒果布甸，鋪面嘅係芒果味嘅沙冰， 再加上芒果味雪糕同埋芒果絲。啖啖都係香濃嘅芒果味，口感好豐富。豆腐西米露（$40）充滿椰香味既牛奶雪沙配上大大粒西米露，仲有豆腐味既雪糕，好味道！如果食完糖水個肚仲有位置嘅話，不妨試吓佢嘅小食。我地就叫左奶醬厚多士（$32）同埋招牌麻辣牛丸（$30）多士嘅奶醬分量十足，麵包質感比較厚實，我個人就鍾意鬆軟啲嘅口感。 牛丸辣味十足，味道唔錯。

食完晚飯係時候又食下甜品我朋友話天后呢一間甜品好出名咁就一於去試吓啦去到門口勁多人排隊好彩等左10分鐘就有位啦呢度最出名就係木桶豆腐花一於叫個細嘅share $34嚟到嘅時候連埋時間俾我哋 等3分鐘即刻開非常有豆味 同埋好嫰滑 有啲後悔做乜唔叫個大嘅share由於個豆腐花都已經咁有驚喜 鍾意食豆腐嘅我哋又叫咗個香濃豆腐杯飲 果然淡淡都有豆腐味 非常足料跟住再睇下個餐牌 見到有個鹹蛋黃魚蛋 $35 鍾意食鹹蛋黃魚皮嘅我即刻心心眼 叫黎試吓先一客有六粒 上邊鋪左蛋黃醬 食落去有少少辣 但係蛋黃醬都好出 魚蛋亦都彈牙 不錯嘅配搭!!食完個甜品心滿意足地返屋企喇

本人為了食竽圓而初次特地光顧，但桌上原來缺少了介紹竽圓的餐牌，心想可能再沒有售賣竽圓了，唯有點了其他甜品，可惜下單後才發現鄰桌上的芋圓餐牌，於是立即通知服務人員也改不了單，因為已點的甜品已製作好了。感覺畢竟放漏了部分餐牌他們亦有責任，或許有了名氣只顧賺錢，對顧客的需求亦不再重視了，這樣的店舖光顧了一次都嫌多。

喺天后食完晚飯，梗係要搵甜品食！「甜姨姨私房甜品」我諗好多人都食開，我哋都揀咗佢～店入面好多姨姨（姐姐）都掛住個好甜嘅笑容，唔通佢哋就係招牌所講嘅「甜姨姨」？😛即撞木桶豆腐花 大（$44）次次嚟都會食呢個即撞木桶豆腐花！今次叫嘅size係大，大概係兩碗份量～上枱後要等四分鐘先揭得蓋！豆腐花熱辣辣🔥，豆味幾重，又滑，正豆腐花本身都有少少甜味，所以就算唔加糖都好好味台式仙草+手工芋圓（$48）呢款甜品有豐富材料，包括自製仙草、自製芋圓、台式黑珍珠、紫糯米、 紅豆、薏米、西米。汁底有三款可以揀：黑糖／淡奶／椰汁。我哋就揀咗黑糖，帶點薑味，不過食得多會有啲甜～自製芋圓尤其好食，口感煙靭，朋友仲話甚至煙靭過深水埗嘅知名芋圓店添！榴蓮滑嘟嘟（$59）呢個榴蓮滑嘟嘟喺「高纖蒟蒻滑嘟嘟系列」入面。底部嘅係青色嘅蒟蒻，上面有榴槤汁，面頭就有啲榴槤蓉～榴槤味都幾重～menu：

同個朋友係銅鑼灣食完晚飯 意猶未盡一路吹住水一路同佢行到過黎天后順便食埋個甜品先散水啦呢到特別多甜品鋪既,我成日都話食野最緊要係講mood,有時除左食物質素之外都要睇下同邊個食既今晚我地嗌左個尊貴盛宴燕 $92 係個燕窩同埋牛奶布甸 好滋潤養顏 布甸都幾好食另外嗌左杯野飲 西瓜涼粉爽 $32 d西瓜涼浸浸加埋涼粉 個口感好豐富丫另外嗌多左個咸蛋黃魚蛋 都幾好食唔會覺得太咸 而且幾特別個味幾夾既! 下次可以再黎試下個心太軟

行完街就嚟到天后呢頭食糖水🐣🐣 .今日試下幾出名嘅甜姨姨🐽好彩早d嚟先唔洗等位！ 揀左一個仙草芋圓($48)🥰 要左黑糖薑汁底,仙草好多！芋圓有2款，食落好好咬口。另外仲有d紅豆粒、西米同珍珠，食完真係超滿足❤️ 另外亦點左個芒果大合奏($50)💕 d料真心多，有新鮮芒果、芒果乾、布丁同雪糕🍦 食落芒果味十足，原來上面全部係新鮮芒果整嘅🌟🌟 食落非常refresh🥰🥰 #hkfoods #hkfoodie #hkfooddiary#hkfoodblogger#hkdessert#soup#hkig#goodwest#hkfoodies#hkfoodporn#hkfoodigers

甜姨姨🥰 鍾意食芒果嘅朋友可以試下💙好香芒果味！話曬芒果二重奏當然唔係剩係得芒果，佢仲加埋芒果汁同埋芒果乾真係雙重感受🐾當芒果汁，芒果乾同西米露夾麻一齊真係超好味🥺一定要黎試下。平時夜晚都好多人食，大家一定要去試🤘真係好好食💙除咗芒果二重奏，大家一定要食佢個豆腐花。因為佢超滑超好味好有豆香，仲要係即叫即整超熱好吸引。每次攞出黎你都要等一陣，夠鐘先食得🧚🏻‍♀️真係好香滑。整体黎講間店都好乾淨，真係超級推薦🥰

【健康少甜甜品】跟朋友在香港島吃飯，晚飯直落當然去吃糖水。這間很多明星推薦的甜品店，果然人流非常多需要等位才可入座。通常叫得做甜品，都比人一種唔太健康嘅感覺，但係甜姨姨私房甜品有d比較健康嘅選擇。豆腐西米露系列，可以揀純豆腐，亦有芝麻豆腐同綠茶豆腐。雪糕亦可以揀豆腐雪糕同芝麻雪糕。食落感覺比教少甜，好重豆腐香味，係健康之選！如果想要d邪惡選擇，可以試下咸蛋魚蛋。咸蛋醬比較濃味，可能太足料緣故，食嗰陣要撥開少少咸蛋醬，否則只食到咸蛋味！整體來說性價比不錯，有明星加持收費亦不會太貴，必定再來一試。

今日早食完飯，過黎天后食埋甜品好彩我哋早食完飯八點鐘唔算好多人記得有一次放假黎嘅時候係要排晒隊揀揀下甜品之際望到有個大電視係咁播咸蛋黃流沙小食，忍唔住叫咗個人氣鹹蛋黃魚蛋試吓🤤第一次食黃金流沙魚蛋，意外地覺得好食🤩不得了佢個鹹蛋流沙簡直是呢度嘅精華所在，有少少咖喱辣辣地加埋呢度秘製嘅鹹蛋黃👍🏻有6粒啲魚蛋都幾大粒招牌芒果大合奏不愧係呢度嘅最受歡迎甜品，細條嘅芒果乾煙煙unun，加埋大大舊芒果肉，凍冰冰既芒果蓉同埋芒果布丁好滑😽😽天氣熱呢道甜品用黎消暑不錯☀️榴槤豆腐花之前食過一次，今次再嚟質素依然係咁好，啲豆腐花好滑，加埋啲榴槤喺上邊 夾埋一齊啲榴槤好香口，榴槤控每一次泥都忍唔住要嗌🤤🤤Menu上面嗰兩個小朋友好可愛😂😂

前排見到人地介紹呢間既榴槤甜品，賣相同配搭都幾吸引，榴槤控既我一直都想黎試下😙👁‍🗨 榴槤豆腐花（7.5/10）💲52呢個作為四大皇牌推介之一，毫無猶豫之下就點左佢🤪中間有一大舊新鮮既榴槤肉，舀起佢四圍嘅時候，會發現面層係榴槤蓉、榴槤汁同埋豆花塊全部混為一體，所以入口夠曬香濃，去到底部就會比較清楚見到豆花🥣👁‍🗨（熱）香濃芝麻糊 + 湯圓3粒（7/10）💲35 + 10呢個芝麻糊唔會稀身，亦都唔會話太稠身，食落都幼滑無顆粒，芝麻味道不過不失🤔額外加錢嘅三粒湯圓有得自選味道，可以要黑芝麻或者係花生朱古力湯圓，揀左前者感覺好似夾啲☺️出到嚟個皮係軟熟薄身，不過就有一粒好似穿咗芝麻餡一早已經融入左芝麻糊入面🤣👁‍🗨 人氣鹹蛋黃魚蛋（7/10）💲35/6粒估唔到喺甜品店入面都有鹹食，呢個魚蛋會係比較粉而非彈牙路線既🍡面頭淋左滿滿既鹹蛋黃，帶有沙沙地嘅質感，入口充滿鹹香，而且再浸係辣油當中，加埋嗰陣辣味，整體偏重口味，但係的確幾有新鮮感😛🔛 整體評分（7/10）