甜在心 (已結業)

未黎呢間野之前，我係因派傳單而認識的，當時我見到傳單發覺甜品都是大路的，可能我沒有仔細咁睇啦。GUM 今日又想試新野，就黎左呢到，佢開係松記斜對面，但都滿左架，門口有三個人派傳單。他們好POLITE，入到去寫單斬係後生仔女，都好POLITE，可能想留住好印象吸引多D客同留住多D客。講真服務好，食都食得開心D，唔似其他同行，見做起左個名，就趕人走，IMPOLITE！好多我都想點架，椰皇燕窩啦，豆腐花啦，PANCAKE LA，但係入得黎食，梗係食D新野同特別野啦！我就點左5寶湯丸，真係特別，我相信唔多鋪頭有！就係薑底糖水配5種口味湯丸，有朱古力，奶黃，芝麻，花生同合桃。相信合桃同奶黃是很少地方有。講芝麻同花生味LA，NORMAL LA，值得讚是很入味，小小的一粒都令人很滿足！朱古力味都係好堅， 唔似其他鋪D朱古力係怪，不是機器味。好像DRINK HOT CHOCOLATE GUM奶黃那粒的外表真係估佢唔到，係好像紫米露D COLOR GUM，亦都像食梗奶黃包GUM到最後，合桃那粒是很好味的，我本身唔好的都被它迷到了，很入味，好像烘過的即食合桃似的。不過可能我唔受得薑，成個糖水底都很種薑味B

朝朝早見呢間野個老細日日係度派傳單,sell咩野營養早餐,見佢咁勤力,唯有去試一試,一入去,一個人都無,心知不妙,跟住問下早餐有d咩食,佢同我講一個早餐(營養早餐)包括3杯飲料,,第一杯係濃縮盧薈水,賣相同清水一樣我飲緊果時頭果一半係無味,到杯底果時d味重左d,個底仲見到d白色一粒粒野,好明顯係求其落d粉開水,仲有攪5暈, 第2杯係奶昔,mix左d麥片之類既野,都算少少飽肚,味道okie, 最後一杯係茶,用途係消(劑)排毒. 3杯飲料,盛惠38元正, 好彩原來手持傳單係可以免費試食一次, (都好,慳返38) 但係就要幫佢填返份健康飲食分析survey之類既野. 然後係咁sell 你買佢既營養早餐套票,仲話有人連續食左幾個月既營養早餐, case 1: 肥人變瘦人, case 2: 瘦人變正常, case 3, 坐輪椅既都可以行返路,.. 發神經食後感: 都無食過野 仲好肚餓,不過就成肚水同成肚火, 冬天我都係想食少少野,long下個肚暖下身姐,唯有過隔離澳牛食多次早餐啦

一個人0係佐敦亂行一通, 食 lunch 前0黎試試呢間甜品店. 11:xx am 0黎到, 10 個客有 9 個都係食 set lunch, 一坐低老闆 (?) 已問我想唔想飲碗湯先, 一聽到我話只想食甜品, 佢又介紹我食佢0地隻「招牌木糠布甸」($30)... 雖然睇過食友 Yan 的食評話一般, 但見老闆咁有誠意, 咁就點話點好啦.2 分鐘就有得食... 層次唔算分明, 質地幾幼細, 食落幾滑溜, 味道 (原味) 亦 ok. $30 一杯, 份量係唔細, presentation 亦幾靚, 但質素一般, 唔抵.無興趣再幫襯, 不過老闆實在十分熱情好客, 介紹呢樣介紹0個樣, 多謝前多謝後, 我離開時仲幫我開埋門, 服務態度好得無0野講, 印象係唔錯的.

滿足了龍的麻辣心願後，又告別了龍的同事，剩下二人時間要滿足我的甜胃了。佐敦的甜食選擇不多，只有去了甜在心；由於大家都很飽，只要了甜品飲品各一： 胚芽藍莓奶昔-味道渣渣渣! 胚芽藍莓奶昔完全沒有牛奶鮮香，只用忌廉打起果汁，就稱作奶昔，真是豈有此理! 不是龍又阻撓，真想叫份雪糕補數...招牌木槺布甸-層次豐富，質感與tiramisu有幾分相似，不過就沒有酒味，奶味相對比咖啡味重；口感細膩，味道沒有火花但也算不錯，總算沒有拆招牌。 可能就是因為水準一般，初去時小店空無一人，後來才有少量食客，而餐廳也開始轉型賣咸食了。雖然這個勁食日的句號麻麻，但與龍相對大半天，其實已經很開心!

之前食過幾次甜在心，每次都要食招牌木糠布甸，次次都回味無窮....今次，晚飯時間去到門口，已經覺得唔對路...舊時明明係專賣甜品，人山人海；今次去到，又叫我地食晚飯，仲要一台客都冇...入去食啦，甜品都有餐？！　加多十蚊多一杯特飲...於是叫左一個木糠布甸，一杯藍莓丕芽奶昔...嘩！！個木糠布甸完全唔係舊時回事，舊時一人食一杯都唔夠喉，今次兩個人都唔晒一杯... 舊時杯底明明有好美味餅醉... 食左兩啖已經好漏.... @_@再試下杯飲品... 頂！怪味，求其是但Mix一杯怪物出來俾人飲... 飲水好過...睇清楚，老細都唔同左人，Menu 唔同晒.... 唔怪得冇人食...昔日價錢，掛舊名，感覺俾人搵左老襯！甜在心木糠布甸.... 永別了....

我地去呢間甜品舖時見到人地食"火焰雪糕"時店員真係會熄燈玩架...入去見到有dinner set同dessert 揀...但 menu 冇咩圖片介紹都唔知d名係咩野...看似多choice但其實好多野都冇...咩朱古力碎曲奇、芝麻雪糕等等都欠奉...其實只係得最普通既 chocolate/ mango/ strawberry/ vanilla 失望......finally...我地都點左唔同款既 dessert ....2 款唔同味既 parfait ... 可以"啜"既涼粉...同一個"震騰騰"既奶凍...個人意見: 如果用得$30食一款唔多特別/好味既甜品... 我會用呢個價錢食一球 gelato 囉... 相信唔會再試...唔特別...又唔好味。

我未食過松記, 但太多人排隊了, 我地又唸起之前有呢間木糠布甸好味, 就走咗過來, 都好耐冇來了最記得佢用ikea 的茶几做櫈, 之前笑咗好耐今天一行到門口已經feel 到唔同咗多咗好多熟食的menu, 好似做埋dinner 咁. 照坐底叫木糠布甸啦, 嘩!!!!!!!!!!!!!!!同之前差咁q 遠嘅, 好失望!灣仔果間好味的木糠布甸又冇咗, 我都唔知香港仲有邊到有好味的木糠布甸了

同男友本來諗住去松記，但見個門口排晒人龍，所以咪搵吓有無其他選擇啦．後來行吓行吓就去到佐敦嘞，見呢間嘢有幾多人咁喎，就試吓．首先，叫極都無人執枱，到有人執嗰陣，執執吓又唔知去咗邊．執枱都攪幾個字．跟住，我叫咗一個"泰式火龍果白水晶"，男朋友叫咗個"楊枝甘露"．．．嘩，個"泰式火龍果白水晶"原來係超甜椰汁加大粒西米加火龍果，甜到離晒罩，食完一定糖尿超標．嗰碗嘢要２２蚊．都算數嘞．男友仲慘，個"楊枝甘露"只係用攪溶咗嘅芒果雪糕加超酸芒果兩薄片加黑色好似種子嗰啲粒粒．佢一放低我見到嗰樣就已經勁笑，我男朋友直情呆咗，而且嗰碗嘢超級勁難食囉！！！究竟佢地知唔知乜嘢係"楊枝甘露"？而且仲要賣成３２蚊？？？我地對呢間嘢極至失望，以後都唔會再去．亦希望提醒一吓大家．

吃完印尼野, 之後行了過來甜在心吃甜品. 為了試這裡的招牌木糠布甸. 其實來這裡吃先係佐敦行的主要目的. 飯後能夠吃一客美味的甜品, 也係沉重工作中的一些慰藉.八時許來到這裡吃甜品, 店內的客人不太多. 但係到走的時候也不算熱鬧, 都係得兩三臺客人. 跟將軍澳那邊係天壤之別.坐低先看看餐牌, 這裡又係有個叱吒十大的流行榜, 跟九龍城那家一樣. 其實從市場學角度來看, 這個策略係不錯的, 等你要吃完再吃先試齊它的招牌.要了兩客甜品分吃. 等食的時間, 也看看臺面的生活語錄.招牌木糠布甸$30: 8分, 來得這裡, 其實也係為了而個木糠布甸. 係香港有得吃的地方不算太多, 做得好的更加之小. 見這裡都有不少人談論而個木糠布甸, 當然也想試試. 先講大問題, 吃吃下, 又給文迪發現了條頭髮係個布甸入面, 店方也馬上換回另一客給我們, 但心情已不太甜了.第二次來的, 看不到有頭髮了. 不過奇在兩客的質感係好不一樣, 第一客的係比較實, 但係第二客的就比較淋一點, 或許雪的時間不同, 第二個的明顯係比較好的. 這個木糠布甸層次分明, 不算太甜, 都幾好的.不過要成$30一客, 價位實在偏高, 加

食完牛皇星，順路來吃個甜品來滿足一下。其實大家都吃不下，只叫了幾款大家品嚐。要了招牌的朱古力木糠布甸，原來堂食與外賣的份量有差別的，堂食買相吸引好多。侍應哥哥已講明未完全解凍，所以質地較硬身，雖然沒有軟滑效果，但我較鍾意這個質地有點似雪榚，但朱古力味唔突出，與一般的木糠布甸沒有分別。始終受不住雪榚引誘，破戒要了朱古力香蕉聖代，除了有朱古力醬、香蕉、雪榚，墊底還有一大堆粟米片，娜姐還笑說似食早餐，雪榚明顯是牛奶公司品牌，其實沒有特別的一道甜品。還有Cheap兄推介的焦糖奶凍，奶凍質感軟滑，似類Panna Cotta，只是淋上甜甜的焦糖漿，幸好焦糖不算太甜，這個蠻不錯。雖然這間不算好食，但起碼松記之外多一個新派甜品的選擇。

打完邊爐飽暖下食心又起，舊工友嚷著要吃個糖水先夠滿足，所以行入吳松街，見個門口貼滿哂名人相，所以入去試下﹗工友們點了不同的甜品，木糠布丁、香蕉cake，我就點了奇異果聖代，貪佢個名夠騎呢﹗聖代即係新地咁解，不過不失，雪糕應是牛奶公司﹔木糠布丁好多cream，香蕉cake就新鮮，工友無嘈即係好食吧﹗不過兩樣都係比較細份，同佢post出來0的相差幾遠下﹗睇得出呢道0的甜品好有心機，樣樣都整得靚靚的，呢道佈置亦都好有家的氣氛，佢0的餐牌都話係食得健康，不過咩減少壓力促進家庭和諧就好似吹大左少少﹗個餐牌好多錯別字同埋語病，兩個工友改得不亦樂乎，食甜品都係求開心，呢道滿足哂我地﹗

第一次食,點左芝麻湯丸和芒果益力多砂冰,前者味道好好但都唔及心目中那間出品的好味,飲品甜左少少,但確實唔錯,呢度好多款甜品,好吸引,原本想order木糠布甸但太飽惟有等下次.

朋友介紹去呢間食甜品~好多特別O野揀~我同我男友揀O左木糠布甸同埋雪山飛孤~雪山飛孤: 糯米糍加雪糕~ 普通D~木糠布甸: 好好食~ 唔太甜~ 正~

朋友話呢間甜品店幾特別，尋晚食完飯就黎試下裝修幾靚，咁arm有朋友生日，cap帽老闆為佢既火焰雪山點candle，又熄埋燈比我地唱生日歌，氣氛好好!~之但係野食就真係唔多掂，叫左個"藍色多瑙河"，係一個藍莓奶凍。個奶凍本身完全無奶味，又唔滑，上面有一層花奶，再加一層厚厚的藍莓醬，d醬得甜味無藍莓味，好假既藍莓醬。令我呢個南莓fans極之失望仲有叫個火焰雪山和梳乎喱，兩種既酒味好勁好勁，落了很多volka，連一向飲開酒既朋友都頂唔順. 埋單每人$50，咁既質素完全唔值呢個價.

舊同事聚會, 食完晚飯, 糖水直落繼續傾嘩~~~開心大發現呀!!!依間甜品鋪無論裝潢, 氣氛, 老細, 款式, 味道, 每樣野都好有驚喜!cap帽伯伯好風趣, 唔知佢係咪老闆, 睇個款都似, 句句都咁惹笑, tum得我地幾開心我地每人叫一款一齊試, 款款都咁好味~而且賣相精緻~食得出大廚非凡, 真係有用"心"去整~招牌木糠布甸, 唔係講笑, 真係好好味!以前食過木糠布甸, 不過覺得麻麻地...原來可以咁好食!朱古力幕絲都好味~重黑朱古力味, 苦苦地, 唔太甜~對於甜品我幾咀刁, 但係都要讚~誠意推介!!!