甘味讚岐手打烏冬

營業中

休息中

嚟到呢間日式餐廳，心情正是餓到咕噜噜，準備試下佢哋幾款招牌烏冬。首先，啖啖肉嘅豬軟骨烏冬出場喇，軟騷得滑，啖啖肉感，簡直係絕配👌。蕃茄湯底非常之濃郁，食落去有種酸甜開胃，好夾啊！烏冬自己就已經好過癮，配上呢個湯底真係一流！轉轉眼，等咗一陣，炸蠔嘅鰹魚湯烏冬送上，炸蠔鬆脆可口，無嗰啲不妙嘅腥味，份外惹味。湯底嘅鰹魚味，清新唔膩口，可以一啖又一啖咁飲。點可以少得火炙魚片？但今次嘅厚度同質地就有少少欠奉，雖然唔係非常出色，不過如果追求一個家常味，咁可能就可以接受啦。最後來個蕃茄湯烏冬同雞扒，真係一個意想不到嘅搭配，雞扒燒到外皮微脆，肉質保持juicy，整體來講，今餐真係飽滿滿滿滿，食得好滿足😋！综合來講，今次食到幾款烏冬都算係口味獨特，賣相精緻，重點係味道真係正。嚟到尾聲，我一定會推介俾我嘅朋友知，下次仲要再嚟試下其他菜式！

有分店既甘味讚岐手打烏冬都係第一次食。今日比較晏食, 所以無食”飯”想食湯類食物, 無咩點揾就去呢間食烏冬。我地叫左2個餐, 2碟壽司#1 炸蠔鰹魚湯烏東 有4隻炸蠔, 唔係大件, 但味道不錯, 唔會有雪味鰹魚湯烏東幾清, 唔鹹, 可以飲埋湯😌#2 豬軟骨烏東蕃茄湯烏東豬軟骨4大件豬軟骨, 好入味蕃茄湯好濃, 大愛, 又係飲左湯都唔會口喝！！！#3 2客火炙壽司非常之乾, 真係乾柴柴,好簿既魚肉, 飯亦都唔似壽司飯我地係無食晒呢5件壽司

之前有食過甘味讚岐手打烏冬，位於鑽石山龍蟠街3號荷里活廣場3樓326-327號舖。 款式種類都算多，晚餐 ～ 大阪野菜燒餅$38、 滑蛋蟹籽巨型蟹棒讚岐手打烏冬$72、 咖哩牛肉蛋包飯$88、 宇治抹茶奶$15、 西川焙茶拿鐵$15。 🔸大阪野菜燒餅 ～ 味道好一般。    🔸滑蛋蟹籽巨型蟹棒讚岐手打烏冬 ～ 讚岐手打烏冬 味道普通，蟹棒有幾塊，滑蛋少。 🔸咖哩牛肉蛋包飯 ～ 日本咖哩甜甜地， 蛋包飯是室溫的， 唔夠熱。 🔸宇治抹茶奶 ～ 抹茶味味道偏淡。 🔸西川焙茶拿鐵 ～ 我唔太喜歡這個味道。 個人感覺整體味道一般， 性價比不高。 🏷️溫馨提示～ 整個用餐體驗均屬個人分享意見， 只作參考😊。

喺荷里活廣場周圍行吓，見到呢間冇乜人嘅餐廳，唔使等位就諗住入去坐低食少少嘢走，求其嗌個烏冬套餐食，味道又唔錯，有烏冬、有麵豉湯仲有嘢飲包埋，幾掋食，坐低掃碼點單，十分鐘就煮好👍

下晚上落商場醫肚，行過甘味，見到環境衛生有明顯改善，加上人流變多，又久無試過，入去試試讚岐烏冬，果然味道幾好，薄切肥牛蕃茄湯料足料味濃，加上烏冬煙韌，同埋燒比目魚醃製做法令魚味特出，值得推介，間中外出食飯不失為一個好選擇

睇戲前食個簡單的晚餐，烏冬都係一個好選擇，呢間鋪都幾多選擇，可以配讚歧、稻庭烏冬、蕎麥麵同飯等等，就連烏冬都可以配冷烏冬／唔同湯底嘅烏冬，幾欣賞佢有咁多配搭。叫左一個定食，有雞扒、溏心蛋配冷讚歧烏冬，烏冬粗身，彈牙有咬口，加上冰水處理過，更有加煙軔。不過餸菜方面就普通，雞扒用鬆肉粉整到質地都唔同左，又有一大陣雪味，可能加落湯到會好啲。溏心蛋亦係冇味。雞扒比較乾柴，一啲肉汁都冇。鰹魚湯底味道亦唔夠。

價錢幾抵同合理，薄切肥牛蕃茄湯烏冬湯底濃郁，烏冬有咬口，令外海苔如帆立貝味噌海老湯烏冬湯底超好味，落單後不用等5分鐘就有得食，價錢又大衆化，地方舒適又乾淨，行街醫肚好選擇

手打烏冬麵十分煙韌,有咬口,尤其是薄切肥牛蕃茄湯烏冬味道特別濃郁,十分搭配,另外帆立貝味噌海鮮湯底十分鮮甜,材料十足,食物種類選擇多,價錢十分相宜,值得一聚一去再去

大癲！主食叫咗個蛋包飯同烏冬，諗住叫多個蟹籽牛油果軟殼蟹卷食住等主食，點知係最遲嚟😂烏冬 just okay, 蛋包飯 barely okay.基本上所有食物已經係業務用急凍加熱都可以慢呑呑但又限住一個鐘頭交檯。最癲係，呢度嘅蟹籽牛油果軟殻蟹卷，蟹籽好珍貴稀少不特止，食落其實係冇牛油果嘅，真係驚為天人！諗咗一陣，投訴都廢事，上嚟警戒吓大家好過。Fool me once, shame on you.Fool me twice? No lah.

發現碗烏冬有昆蟲,個店員拎左入廚房,隔左5分鐘拎返同一碗野出黎同我地講係雞皮黎. 相中完全見到係有腳的昆蟲.擺明唔想換過碗所以作話係雞皮.到第二碗,今次搵到2隻昆蟲係入面….懷疑佢成煲湯有好多隻昆蟲.店員處理手法已經好有問題,有咩理由拎左碗野入去仲拎返出黎比個客呢?唔係直接換新比個客?價錢都唔係平,都80蚊碗烏冬,但咁嘅質素…😡雞扒蕃茄湯烏冬雞扒較乾,但份量夠多,蕃茄湯正常發揮焙茶鮮奶-好重焙茶味

行開鑽石山諗住是但揾啲嘢食，好耐之前成日都會食甘味嘅蕃茄湯烏冬，印象中味道都唔錯所以諗住就入去食我嘅晚餐。復活節假最後一日都唔算好多人等位，7點幾到等咗大約10分鐘就有位。要左個雞扒蕃茄湯烏冬同芝士年糕，雞扒都幾juicy同唔會太鹹，塊皮燒到少少脆我覺得都唔錯。不過蕃茄湯底就比起之前失色不少，略嫌太稀同埋都冇乜蕃茄味，記得之前湯底會有蕃茄蓉但今次食就似普通茶餐廳早餐蕃茄湯通粉嗰種好稀嘅湯。芝士年糕都同想像中冇乜出入，佢係日本芝士年糕嗰種，有少少流心👍🏻總括嚟講冇以前咁好食，變咗好普通嘅烏冬，不過唔係難食，如果要求好濃郁蕃茄湯底嘅就未必滿足到你啦🫣

諗住求其食個飯呢間之前有食過啲烏冬 叫正正常常而家見佢重新改左名 又裝過下修 就再去試下 但都好醒目㗎喇 零期望去食叫左個櫻花蝦比目魚定食又話係日本米嘅但係食落唔太似 或者佢煲得過淋啦重點係啲魚生 都唔算話好新鮮 仲要食到舊係苦嘅 嚇到我lur都lur唔切😡之後啲壽司 壽司米感覺完全冇用過醋調 食落完全冇壽司感覺條魚一般啦 唔好有咩期望之後碗麵豉湯 都幾佩服佢點解可以整到無味對面叫咗柳川豬扒滑蛋飯 個炸粉厚過塊肉 個汁又係冇味咁樣食一食買單都要接近$300但係佢明明係手機自助落單 唔知有啲咩服務呢？

本身以為$96的套餐，可以有中規中矩的期望。佢呢個set 係八件壽司加烏冬。壽司好一般，可能速食壽司店如魚尚/争鮮都比本店更好…. 壽司飯團底好硬，材料也不太新鮮。魚生海鮮材料非常急凍，好似喺冰格拎出嚟咁，食唔到材料嘅鮮味，入口硬如一舊橡膠，或擦子膠入口… 烏冬也只是可以當Carbo 黎頂下肚，無好味的感覺 … 可能你會話，96蚊唔好要求咁多，咁我情願佢比少一兩件壽司🍣，但質素好番少少，成件事個Package 會好好多 …

💥重新包裝再出發📍甘味｜鑽石山📍人均消費 $8 X#CL鑽石山 #CL四圍食 #CL日本野⚪️⚪️⚪️⚪️⚪️⚪️⚪️⚪️⚪️⚪️以前食甘味都覺得佢地既出品有啲hea🥸不過而家進步左好多呀😍💟豪華炙燒味噌雞扒配糖心蛋套餐 $ 7 6有齊前菜同埋甜品再加自選飲品～炙燒雞扒燒到脆卜卜，肉身唔會乾👍🏻溏心蛋都好入味🥚配日本飯同味素一流🍚最後既牛乳布甸就一般了🍮不過唔影響主食既好味☺️🤟🏻不負責任點評好味道🌕🌕🌕🌕🌕🌕🌕🌑🌑🌑性價比🌕🌕🌕🌕🌕🌕🌕🌘🌑🌑回頭率🌕🌕🌕🌕🌕🌕🌖🌑🌑🌑（十粒為滿分）⚪️⚪️⚪️⚪️⚪️⚪️⚪️⚪️⚪️⚪️

甘味 - 鑽石山今次去到鑽石山荷里活商場行街，經過呢間主打讚岐手打烏冬的舖頭，見到裡面都比其他店舖坐得多人，所以決定入去試試。壽司拼盤拼手打烏冬 $78蟹籽牛肉鍋燒炒飯 $75既然主打讚岐手打烏冬當然叫返個烏冬啦，最後叫左一個壽司拼盤連手打鳥冬，加多一個鍋炒飯。首先講一講個壽司拼盤，壽司比較一般而且壽司飯偏硬，而個手打烏冬口感係唔錯係幾彈牙，個湯底就比較偏咸了點點。另外，蟹籽牛肉鍋燒炒飯 的牛肉份量都幾多，牛肉味道幾香濃幾重牛味，配合蟹籽及洋蔥口感都幾豐滿及有層次，牛的油膩充滿底層的珍珠米，油感比較重，而且味道偏咸。整體黎講，食物質素一般，味道偏咸，如果想平平地坐下，食個日式烏冬，可以試一試