甘味讚岐手打烏冬

營業中

休息中

平時真係極少嚟荷里活廣場，呢個商場都係以連鎖式嘅食店為主，變相選擇唔算好多，本身都幾鍾意食烏冬，聽過呢間餐廳好耐，不過嚟食都係第一次。薄切肥牛蕃茄湯讚岐手打烏冬肥牛嘅份量都幾多，好大片而且幾有咬口。蕃茄湯底都幾濃郁，仲食咗幾舊蕃茄，不過略嫌油膩咗少少，唔算令人好驚喜，算係中規中矩。手打烏冬係呢間餐廳嘅賣點，烏冬爽滑彈牙，麵條比較粗身，食落幾有咬口，都算幾唔錯。整體來說，呢一餐唔算特別驚喜，不過未至於會令人失望，諗唔到食乜的話都會考慮食呢間。

疫情之前晚餐黎食烏冬、壽司刺身吾錯疫情下刺身差左好多，仲吾夠新鮮😫好心刺身吾夠新鮮就吾好賣之每次黎食午餐或晚餐，都會叫刺身同壽司🍣但未試過刺身同壽司的餡水準失晒色烏冬同湯底、小食質素無變，但刺身同壽司差左好多。。。服務員服務還可以，落單到跟單都有服務只係❌壽司❌刺身食材吾夠新鮮⁉️一食落去同之前好吾同，質素下降左好多特別係三文魚刺身，同之前食個質素完全兩樣野，刺身食落仲霉霉地😑令客人好失望，下次黎食都吾再叫壽司同刺身

疫情又有新一輪爆發 到底幾時先可以世界和平 健健康康🥺 好想去旅行呀✈️ 近日特別掛住日式烏冬 所以就去甘味回味一下先鰻魚温泉蛋鍋燒炒飯🍳$84黑蒜油豬手鍋烏冬🍜$66和風牛扒蕃茄湯烏冬🥫$82鹽燒三文魚頭🐟 $52 整體食物質素、環境舒適度都保持以往一貫既水準👍🏻特別愛蕃茄湯底 酸酸的愈食愈開胃呢❤️甘味讚岐手打烏冬地址 : 甘味讚岐手打烏冬 (鑽石山)鑽石山龍蟠街3號荷里活廣場3樓326-327號舖

放工約左朋友去荷里活廣場行街，本身想打邊爐但放工時間間間餐廳都排晒長龍，因為太肚餓，所以差唔多間間食肆都禁飛排隊😂😂😂最後我哋去咗甘味呢間手打烏冬食野醫肚基本上我哋3個人都好肚餓，我朋友幾乎想點晒成個Menu🤦🏻‍♀️Anyway, 我哋最後叫左3個主食，1個沙律，1個小食，份量剛剛好👍好彩冇嗌多個大阪燒，唔係就食唔晒lu我幾鍾意個沙律，雖然個菜名有泡菜令我一心以為佢係有韓國泡菜響入面，實際係普通沙律加胡麻醬😞但佢有我鍾意既三文魚籽響入面😍，算不過不失個鰻魚炒飯我最深刻，好足料，個醬唔會令個飯濕晒，炒飯香同鰻魚好夾我地其有叫烏冬，但無奈我朋友餓鬼投胎食晒😡不過烏冬都幾好味😋晚飯人均消費$120蚊到，唔算平，但依野食份量黎講算Ok

午市荷里活廣場人頭湧湧求其搵間餐廳食下，當普通食餐飯呢叫咗個蕃茄雞絲讚岐烏冬。結果落錯單次次等到半小時都未到，最後送咗一碟我冇叫嘅嘢嚟。已經知道落錯單詢問職員是否落錯單佢話「一定係㗎啦！頭先好忙啊所以寫錯咗非常理直氣壯，再問多次可否跟進，都即刻有得食，但態度實在欠佳。食物味道非常一般蕃茄湯太過杰身。

讚岐烏冬午市套餐有九折優惠，於是入去試下。餐廳環境比較侷促，因為枱與枱之間相隔很近，加了一塊大紙板較衛生。麵豉燒雞扒蕃茄湯讚岐手打烏冬$60- 雞扒剛剛燒好，熱辣辣，不過麵豉嘅味道蓋唔到雞扒雪味。蕃茄湯有幾舊新鮮蕃茄，好鮮味，烏冬口感煙韌彈牙，唔錯。飲品方面我叫柑桔蜜，味道實在太甜，結果我飲咗一啖就飲唔落去。麻辣雞讚岐手打烏冬(麻辣湯)$60- 辣度唔係好高，夠麻味，不過都係食得出雞件有浸雪藏味。紫心香芋丸$18- 新鮮炸起，芋頭味道比較人工化，食落比較油膩。大阪風燒餅$42- 以為係大阪燒，點知出到嚟係蔥油餅加啲章魚碎，上面吱上沙律醬調味，不過食落有意外驚喜，口感香脆，味道都惹味，可以一試。

話說今晚有D忙，去鑽石山做完野已經八點幾，拿拿臨同朋友食個烏冬返歸休息下八點幾都仲要排隊，生意算系咁每人叫個烏冬，再加個小食share食<香蒜雞絲蕃茄烏冬$63>朋友叫左個雞絲烏冬，雞肉份量勁多，試左舊雞肉有少少鞋蕃茄湯底咸左D唔太健康烏冬彈牙，都幾好食，湯底無咁咸會好D<豬軟骨手打烏冬$64>豬軟骨夠入味夠軟腍，鏗魚湯底相當清淡多，甜甜地配烏冬食好Match <香蒜墨魚咀>墨魚咀好重香蒜味，細細粒食緊仲有，推仲介食物質素都ok ge ，不過姐姐的態度真烏差到核爆，成碗烏冬拍一餐dump 落張枱，無咩禮貌

每次黎親都一定會叫麵鼓照燒雞排蕃茄手打烏冬,次次食親都係蕃茄味濃郁,烏冬質地煙韌,不過雞扒燒得有d 乾身,但整體都好好食!如果跟set 會包埋野飲, 一個餐大概60左右,所以真係好抵食!

我同一班同學趁著有多既時間相約一齊去西貢行山😉😉😉行完之後就番左去鑽石山搵下野食咁🚶‍♂️🚶‍♀️🏃‍♂️🏃‍♀️行呀行終於搵到一間睇落唔錯既鋪頭由於係晚市時間我地都等15分鐘入到去睇下個餐牌😍見到d價錢都比較貴🤔🤔揀左勁耐之後就揀左個豬軟骨烏冬😋價錢計埋加一都幾貴😮但野食水準就認真一般般😥烏冬係正常，豬軟骨都係正常😓但係一齊食並沒特別既驚喜都係正正常常😂😂😂所以呢😮下次除非好趕時間唔係既話，呢個價錢應該會有更既選擇😜😜

忙咗成個星期終於可以休息吓，不過喺呢個非常時期，真係唔敢周圍走，唯有喺屋企附近搵食、行過圈就返上樓。本來呢日好想食 #小籠包，可惜我太難瞓... 嚟到已經過晒午市時間🤪 我只好改去 @甘味 食我至愛嘅 #雜錦烏冬鍋，再加個 #小食 #炸雞軟骨。等咗大概十分鐘，熱辣辣嘅 #烏冬鍋 嚟到我面前，湯底好鮮味，其他配料有 #天婦羅蝦、#三文魚、#冬菇...好豐富，不過烏冬嘅份量對大食嘅 #小秘書 嚟講就少咗啲喇😅 講到 #炸雞軟骨，認真唔多掂，厚厚嘅 #脆漿 幾乎掩蓋晒 #雞軟骨 嘅味道，感覺食緊炸麵粉一樣😅😅 失敗！餐廳服務員都幾細心嘅，一坐低已經俾咗個膠袋我放口罩，雖然size唔多fit，不過有都好過冇嘅😌

昨日在鑽石山甘味食lunch, 見到佢地幾個侍應戴藍色膠手套，攞餐俾客人， 然後又去執檯，清理檯面，執走客人用抹過嘴的紙巾， 然後又去攞餐俾客人，細菌經她們的手傳來傳去給客人，勁不衛生，希望你們公司有改進，現在這個時候，你們侍應有保障自己之餘，都要保障客人安全衛生。

馳名手打烏冬！呢間野其實都食左好多年，因為屋企住附近，久唔久就會想過黎食碗面。今日唔太肚餓，所以叫左蕃茄肥牛手打烏冬，同埋一個雜菜煲。蕃茄湯底超濃郁，食得出唔係罐頭湯，肥牛切成薄片，好新鮮。烏冬真係好有口感，手打果然係唔同D！雜菜煲其實有個正式D既名，不過無影低menu所以唔記得左個名嚕哈哈。個湯底好似關東煮個味，有好多種菜，隻隻都好新鮮，而且份量都幾多，好適合口痕痕但又唔想食太飽既你。幾開心既係，即使過左咁多年，呢間野水準依舊，人龍依舊，無令人失望，難怪係烏冬界屹立不倒。

取票過時補回沒有通知下一位客人, 待客查詢問時態永極差. 有一位女士(年長-店員)回覆客人問題粗聲粗氣牛肉好韌,  食物質素不符 不會再去嘗試. 味道一般沒有驚喜. 只有恕火. 

今天我在荷李活廣場甘味吃飯。到6:50pm 左右给信用咭找數，店員取信用咭到櫃位。不知道為何我行到櫃合咭機前，貴店同事說不見了我的信用咭煩請查什麼原因告知我。謝謝！

七十一回樸實中有點驚喜，拿來形容此店就是最適合不過了。本意小編想跟女朋友吃一頓好的，但女朋友堅持在這裡吃，因為她說此店的烏冬很不俗，值得一試再試。餐廳內外坐得十分舒適，每張餐枱也有梳化設計，令人坐得十分安心！食物方面點了1）1碟餃子；2）汁燒牛肋骨讚岐手打烏冬；3）香蒜雞絲蕃茄湯讚岐手打烏冬。先來了香蒜雞絲蕃茄湯讚岐手打烏冬，驟眼一看，已經覺得不錯，湯底實於濃味一族，絕對值得一吃再吃！果然一嚐，感覺不錯，很想喝光整碗湯(最後也有這個行動)。至於重頭戲- 手打烏冬，十分彈牙，令人食指大動，一碗絕對不夠吃。另外汁燒牛肋骨讚岐手打烏冬，牛肋骨燒得不錯，有少少辣味，估計是加添了黑椒汁，辣得來也有鮮甜的感覺。美中不足的是太多油，吃後有少少肚漲漲的感覺。最後來了餃子，剛剛煎好，沒有烤黑，熱辣辣，十個讚。實在是一個小驚喜，值得再來！