班蘭葉印尼餐廳

營業中

休息中

今天很開心到pandan leaf Indonesian Food 食飯，第一次吃這家印尼餐，這裡的服務很好，食物也十分好吃。我們點了很多菜式，分別有 巴東牛肉花膠湯粉皮， 壓碎豆腐，炸碎雞撈麵，牛肉沙嗲，羊肉沙嗲，白鱔沙嗲，秋葵，珍多冰，涼粉冰。先說那個巴東牛肉花膠湯粉皮，牛肉很有牛味，味道很夠，最重要係十分易咬開。而花膠更是味道極濃，入口嫩滑，一放入口，有一種直接想飲完的感覺.....而那個壓碎豆腐及雞撈麵，更加是口感十足，味道濃郁，喜歡辣的人必定要試再來的是那三串沙嗲，根本就是味覺的享受，咀嚼時，雙眼閉上，感覺就是現場即捉即燒的感覺，沒有一點堅韌的感覺最後，那個秋葵，份量十分夠，而且，即使本人不是太喜歡秋葵，但一放入口，之前不喜歡的草青味也一絲感覺不到，完全感受到廚師那種高超的技術 飲品方面，那杯涼粉冰中的涼粉是絲狀，第一次嚐到絲狀的，發覺更易入口，而且味道也很好，甜度適中，沒有一點多餘像糖水的感覺 。喜歡吃印尼菜的一定要到這家餐廳試試，包你讚不絕口，食過返尋味。

朋友介紹的印尼菜餐廳估唔到晚上咁多人食長時間都係滿座 餐廳不算大 要預左等位👭👫🥩淨巴東牛肉 （$128）味道唔算辣 香料味很重牛肉很鬆軟 好腍身 超入味 配飯係一流🍗炸雞班蘭尖塔飯 （$88）飯味有陣陣班蘭葉味🌱食落淡淡香味 煙煙韌韌 似糯米飯口感估唔到係原隻雞 個皮超脆 肉質會有些乾身配埋特式醬料 少少辣 更加好味🍢牛丸沙嗲串燒 3串 （$48）牛串很彈牙 牛味超濃加埋沙嗲 辣辣地 超惹味🍧牛油果沙冰 （$48）好大杯 濃郁牛油果味 口感好順滑🍵熱薑檸蜜 （$28）我最愛的薑味 微微辣冬天時候飲 好暖身 同可以潤下喉嚨

今日放假，約左朋友去銅鑼灣shopping，行到差不多6:30，個肚開始打晒鼓，金精火眼周圍𥄫下有咩好嘢食，行過糖街，見倒呢間印尼餐廳已經坐滿客，餐廳算係小店，坐位唔算多，不過人流不斷，相信一定有好野食，於是同朋友決定係門口等下位，準備食好野。等左差不多20分鐘，終於有位啦😃打開餐牌，選擇、配搭非常之多。首先叫左個小食併盤同串燒，串燒有雞、同牛，先要讚一讚個醬汁，非常惹味，好香辣辣地，雞同牛燒得剛剛好，外邊小小燶邊，入邊肉質仲好嫩，好juicy😋。小食併盤，（炸豆腐、炸雞、雞翼、秋葵、黃豆餅）最鍾意係個炸雞🍗，個炸漿做得好出色，唔算厚，好鬆好脆，真係可以媲美韓國炸雞😋，其次就係炸豆腐，入邊豆腐好嫩滑，我就蘸番個串燒汁，辣辣地好好味，仲有個黃豆餅，我從來冇食過，味道好特別，大家記得要試下😋。食完小食，就叫左原條魚左花膠湯粉皮，首先飲啖湯試下，嘩、黏口架，花膠有三大塊，真材實料，仲有d粉皮滑嘟嘟咁，索埋d湯汁真係好好好正📢，真係連湯都清晒。燒魚係側魚，燒得好香口，中間肉質唔乾，細骨唔多，啖啖肉😋。下次會再黎試下佢嘅班蘭飯😋因為聽倒隔離枱個食客讚口不絕😄。（見倒門口仲有好多小食賣，仲有班蘭蛋

今日放工同同事去咗銅鑼灣食飯同事話今日食啲特別啲嘅嘢原來係帶我食印尼野呢間印尼餐廳鋪頭細細係晚飯時間已經坐滿晒人因為未試過食印尼餐，我哋叫咗好多野食呢燒白鱔串,燒雞串:白鱔外皮燒得好脆，超香口, d肉仲好嫩滑，點埋佢個辣辣地既醬，又好味又刺激燒魚飯：一上枱就見到好大條燒魚，夾開條魚，入面d魚肉都仲好滑，好香脆可口🥰，令我一試難忘😚燒牛仔骨拼花膠粉皮：牛仔骨燒得好惹味，有一大塊花膠，應該有好濃郁嘅骨膠原野飲方面，叫了珍多冰同青瓜冰：呢兩個冰既味道都好特別，好好味！珍多冰有啲咖啡味，同出面嘅鋪頭完全唔同，推介食到興起，仲叫咗個班蘭蛋糕🍰，完全係大滿足最後，所有侍應姐姐都係印尼人，所以好有風味

銅記行左咁多年, 真係好少落糖街個面如果唔係有印庸姐姐係個頭,真係會無印象聽人講有家印尼餐廳幾好味,又係印尼人主理的,就馬上搵反個印尼華僑朋友去測驗一下,試試佢地既斤兩終於行到糖街了, 門口很有特色, 有點似外賣店, 如果眼大真係會睇過龍我抱住一個黎試食既心態,始終東南亞餐真係經驗淺,就等下今次會有咩收穫先華僑朋友建議我飲下個珍多冰 ES CENDOL PANDAN $28 , 另外叫左 ES BUNGA TELANG 蝶豆花特飲 $28珍多冰 真的是一絕! JELLY非常之淋, 唔會硬口唔會乾身, 仲充滿住彈牙的感覺, 啜完之後會想啜多下咁JUICY, 咬口唔洗講, 正!甜度很真很岩飲, 小小凍既溫度 好岩女仔飲用!  (聽講每日新鮮整) 蝶豆花特飲 都同樣出色 但JELLY係紫色 相當出眾 甜得黎唔會甜到你出現飽肚感, 爽!必試主攻菜色: 燒雞花膠湯粉皮 $88 Mie Ayam Bakar Kuah Perut Ikan花膠湯 係真的有花膠 仲幾大塊下 湯底好清潤 唔會油膩粉皮 大大塊 可以係咁啜 彈牙 咬頭 好享受!女仔來補補都應該喇!講漏左隻雞, 個份量係有半隻! 多汁多醬成

I have to say, walking into Pandan Leaf Indonesian Food restaurant is the best food choice I made this year! Located on Sugar Street in Causeway Bay, where it is always jammed by domestic helpers on weekend, Pandan Leaf Indonesian Food serves authentic and delicious Indonesian dishes.The menu is quite big, with main dishes, fried rice, noodles, signatures, dessert, etc. I got this Fish Maw and Chicken Soup Noodles to try. The soup was absolutely gorgeous! Thick soup with strong flavor of fish ma

香港四大天王唔洗多講都知，印尼四大天王又有冇人知？😎今次我就見識到喇，原來有班蘭雞、巴東牛肉、蕃茄辣油沙甸魚及加多加多沙律。無論用料同味道都別樹一格。至於班蘭雞尖塔飯，有座山造型嘅班蘭飯好吸引，兩碟嘅雞都好嫩滑。羊肉沙嗲三串好野味，少少辣而羶味唔重。烤柚子雞翼嘅柚子味幾重，好味道。班蘭沙冰嘅班蘭味好出，班蘭愛好者不能錯過。牛油果沙冰都一樣好入味，椰汁冰好香濃。終於見識到印尼菜嘅美味，呢餐食得好飽好滿足！🥰值得一提係顏色主要由綠/黃/啡組成，好有印尼色彩。🧑‍🎨呢間可能系香港最好食嘅印尼餐廳，食物地道，價錢亦親民。👍 ..埋單：印尼四大天王$78班蘭雞尖塔飯$68羊肉沙嗲三串$58烤柚子雞翼$48班蘭沙冰$42牛油果沙冰$48椰汁冰$38

晚餐係銅鑼灣食呢間印尼餐廳，好好生意有好多印尼人幫襯。食物方面好正宗。我同朋友都係第一次食印尼菜，老闆推薦以下幾款。印尼花膠湯班蘭雞粉皮（$78），粉皮有啲似腸粉攤開又似河粉，好滑。湯入面有好幾塊花膠，配既雞亦好滑嫩。雞肉沙爹三串（$48），雞肉係雞髀肉所以又係超嫩滑，個汁係印尼酸辣汁，本身雞肉外有沙爹醬，好惹味。印尼四大天王飯（$78）另加$15轉黃薑飯，黃薑飯有驚喜，有啲花生味又唔會好濕。四大天王即係沙甸魚、菜、雞、沙爹豬肉。涼粉冰（$28），涼粉係刨到絲咁樣，好得意。唔會好甜啊幾鍾意。柑桔冰（$28），朋友呢個就將粒粒柑桔攞出黎將啲汁吱落去，就夠曬出味。

今日去銅鑼灣行街，朋友帶左我去糖街，原來糖街是小印尼街有好多印尼菜和食品買我們去了食印尼菜我們點了炸蝦粉皮炸蝦香香脆脆，印尼粉皮好似廣東腸粉，不過比較短！烤雞塔尖飯烤雞上面用厚厚醬汁，烤雞脆脆。飯好特別有班欄菜的香味，有小小雞湯味！串燒羊肉羊肉一點都不蘇！燒得剛好！士多啤梨沙冰好香士多啤梨味，好大杯！🤣😂😝芒果沙冰好香芒果味，好大杯！總結價錢 合理味道不過不失服務人手不足，有點待慢！環境好有印尼的特色。

今日放假陪媽媽去工展會辦年貨，行完後在糖街見到班蘭葉印尼餐廳，餐廳雖然不大但內裏坐滿客人。 而且見到枱上食物十分吸引，又見到餐廳內客人吃得十分滋味。 再看看餐牌，竟然有媽媽最喜愛的花膠湯，最緊要就係價錢十分超值。印尼咖啡涼粉冰，咖啡香濃奶脂夠滑，涼粉切成小粒，方便用飲管飲用。熱薑檸蜜，用了乾甜薑及新鮮檸檬，入口十分順滑，好有溫暖感。印尼小食拼盤，大大份，雖然全部也是炸物，但每種炸物味道也不同，配搭上各具特色。燒鱔外層帶少少焦香，肉身夠厚又結實，好有口感。好大條炸魚，外皮炸得香脆，但魚肉仍十分嫩滑，真的好考功夫。蝦炸到金黃色，連蝦殼也炸到極香脆，原隻連殼食，又鮮又脆。食物份量十足，真的好食又抵食。好香濃又滋補花膠湯，湯唔油膩更有很多花膠在湯內，真係令人喜出望外。 飲完及食完整碗花膠湯粉皮，感覺皮膚也即時滋潤很多。

今日約了局長一齊去銅鑼灣食野，見到間食店多人食，而且都想試下新菜式，於是我哋就入去坐低食印尼野。店員首先上了牛肉沙嗲三串俾我哋，牛肉嫩滑，配上特調的辣醬，十分惹味。燒雞班蘭尖塔飯外觀吸引，砌成尖塔既飯有淡淡既班蘭味，配上燒雞真是一絕。印尼四大天王飯可以一個菜式嘗試到唔同既味道，飯既周圍有四個餸配搭:巴東牛肉，班蘭雞，辣蕃茄沙甸魚同花生醬沙律，總有一款你鐘意。我哋每人叫了一杯飲品。我叫了一杯椰汁冰，椰汁味濃又不會太甜，大大杯好解辣，不錯!局長叫了一杯熱薑檸蜜，天氣凍凍地黎一杯都幾舒服，又潤喉，都係一個唔錯選擇!總括而言，菜式選擇多樣又好食，值得一試。

今日同朋友嚟到銅鑼灣行街 經過見到一間舖頭 門口放着好多糕點 上網睇吓食評 原來係食印尼菜 於是我同朋友就入去試吓😊Menu有勁多選擇 由甜品去到主食飯類都有😊岩理火焰燒雞 一上枱已經覺得好吸引 炭燒味好香 撕開雞肉d肉汁爆曬出嚟 雞皮甜甜地 再點埋隔離嘅醬汁 辣辣地好惹味！印尼四大天王飯 我哋轉左斑斕飯 巴東牛肉好入味 醃得好淋 雞味都幾濃 仲有沙甸魚 好重蕃茄味 最鍾意就係呢個沙律 係熟嘅蔬菜上面淋上花生醬 花生醬香濃帶有點甜味 好好食！馬拉盞炒通菜 醬汁唔會過鹹 略嫌少咗點辣味 通菜軟硬適中嚟食印尼野梗係唔少得串燒 今次我哋叫咗雞肉同白鱔沙嗲 雞肉好香炭燒味 白鱔就好似鰻魚咁 爽口新鮮飲品我就叫咗杯黑糯米椰奶 好足料好多黑糯米 朋友就叫咗一杯印尼咖啡 兩者都唔會好甜特別想講呢度啲姐姐好友善 餐廳都有好多印尼人嚟食 證明夠晒正宗😂

銅鑼灣 • 印尼菜印尼菜以辣和煎炸為主，如果你想嚐嚐印尼菜，香港有一家做得住，很好吃的一家，叫「 班蘭葉 」。地方不難找，在銅鑼灣糖街，商務書店隔壁。店舖周邊熙來攘往，門口小小的，你若不留神便會錯過？我下班後六時到達，店內的都是印尼人，聽著他們說異鄉話，感覺抽離現實。待應熱情地招呼，他打開餐牌，跟我說著哪些是新菜式，哪些是受歡迎的。我聽著聽著，好像全部都好吃，但可惜胃袋空間有限。我點了印尼有名的煎魚，他們的煎魚只有好吃和非常好吃這兩種評語，彷彿印尼人都懂煎的藝術；配上外面少見的花膠湯和粉皮，很有中印文化交流的味道。翻一翻餐牌，我看到了有在賣串燒，心裡念掛著上月在日本餐廳吃的燒白鱔，不知道印尼人會否燒得更好。「 有沒有燒白鱔？」我問。「 有！很新鮮的。」待應回答。他說要等廿分鐘，廚師馬上燒。我忍著時間過，待應連同牛雞羊串燒端出來。主角白鱔燒得彈牙，魚味十足，一點也不乾，愛魚的你一定喜歡。煎魚來了，原條金黃色的魚放在桌上，但我看不到有用香料的痕跡，難道是乾煎嗎？此時待應拿了一小碟醬汁，咸咸酸酸甜甜的，用筷子拌到煎魚的上面，一入口，對味，真是極品。伴著有原塊花膠的蟲草花花膠湯吃，不怕喉嚨痛。

以前經開銅鑼灣糖街都沒有特別留意這間餐廳，只覺得這條街很多印尼的東西，但不懂選擇。這次在朋友介紹下來了這間餐廳，實在喜出望外。 Haven't paid attention to this restaurant when I passed through Sugar Street in Causeway Bay before. This street has lots of Indonesian stuff but I just don't have much idea about them. I had this amazing experience with this restaurant upon recommendation by a friend.烤雞斑蘭飯 grilled chicken with pandan rice 朋友推介的是烤雞，。我本來就喜歡雞（別想歪），也很喜歡斑蘭而且未試過斑蘭飯，所以點了烤雞斑蘭飯。一上菜就是撲鼻而來的烤雞香氣。那種雞肉經過炭燒帶出來的香氣不是快餐店可以比擬的。先嘗嘗斑蘭飯，有淡淡的斑蘭香，吃下去比較突出的卻是微微的椰子甜味。至於烤雞，真

今日放工同朋友去銅鑼灣揀聖誕禮物，朋友話想試D有特色既野食，我就揀左依間印尼野試試佢。係鋪頭門外放左唔同既印尼小食，有炸香蕉糕，炸椰絲糯米卷，仲有各種糕點同炸物，絕對係take away snack 既好選擇。餐廳入面網裝修簡約而不失印尼風味。我地坐低左，印藉店員都好主動用中文同我地介紹。我地叫左個印尼小食拼盤開心share。D炸物都係即炸，有炸雞、豆餅 、雞串燒、豆腐同秋葵。炸雞唔會好油，又夠Juicy，炸秋葵又好fresh，外脆內軟，好似食緊天婦羅咁。小食配上正宗印尼辣醬，店員怕我地唔食得太辣，貼心送上茄汁。主食方面，我就點左原條魚花膠湯粉皮，隻魚係原條黑鰂魚炸成，皮脆肉嫩，十分香口，又唔會有多餘既油份，而且成條魚炸完都仲保留到魚本身既鮮味，抵讚！而湯底超級高質，由濃郁既花膠雞湯底煲成，再加入杞子，最緊張係有原隻印尼花膠 ，有豐富骨膠原，足料又滋潤，岩晒貪靚既女士們。而粉皮就非常嫩滑，好似大片腸粉咁，白雪雪滑嘟嘟，仲有D米漿香， 正！跟住朋友叫左燒雞飯，有成半隻雞，大大份。D雞皮又香又可口，肉質唔乾，皮同肉中間帶有少量油脂，唔會過膩。最貼心係，佢會附上膠手套，等你可以用手拿住嚟食，