班妮意大利餐廳 (已結業)

到澳門吃自助餐是其中一快樂事，而朋友至愛到這間班妮意大利餐廳吃中午138元半自助餐，食物質量好CP值超高，如果是沙會員還有折扣✌，半自助餐的好處昰如果大胃王可加錢吃不同主菜和每日精選，這兒的員工非常貼心，開始便會奉上烤包配橄欖油黑醋汁，烤包皮鬆脆有麥香，可惜醋汁不夠年份，其他食物款式豐富，除主食前菜又有不少凍肉、沙律、芝士、濃湯、甜品和生果，對剛起床的我們來說，真的太足夠，連主菜都吃不下，為有下次晚上再來吃到飽吧👉海鮮大拼盤。 …查看更多

餐廳位於澳門喜來登金沙城中心大酒店一層，坐近窗口位可以觀賞到路氹金光大道的繁華美景🏙🤗餐廳出名菜餚包括炭烤披薩🍕、意式燴飯、手工意大利面🍝、意大利冷盤與奶酪以及鮮美烤肉🍖。餐廳既食物都份量十足，食完一定會覺得好滿足😈。🔹🍴意大利手工牛油配巴馬臣芝士🧀闊麵🍝💰HKD$178餐廳職員👩🏻‍🍳👨🏻‍🍳會係你面前將闊條麵🍝同牛油、巴馬臣芝士🧀一齊撈勻然後再上菜。意粉🍝口感唔錯，煙韌彈牙🥳。但味道有少少失望🥺，芝士🧀味唔算太濃郁，同意粉因為冇其他配菜所以食落有少少寡😅。🔹🍴火焰🔥波士頓龍蝦🦞意大利粉🍝💰HKD$268廚師會搬所有需要煮食嘅爐具👨🏻‍🍳👩🏻‍🍳🥣🥄去到你嘅枱面前，即場煮呢個意粉🍝。煮到差唔多尾聲嘅時候，廚師會加入酒🍾，所以會令到佢煮嘅時候突然好大火（火焰🔥）好似睇緊美食live show咁😂。小編比較鍾意食呢個意粉，龍蝦🦞都幾大隻😍，食落口嘅時候啖啖肉😚，個source就用左蕃茄🍅，但唔會太酸，味道岩岩好😛。🔹蒜粒迷選香烤澳洲羊臂扒🐑💰HKD$198羊臂扒🐑嫩滑，唔會太蘇，餐廳特製調整既蜜糖🍯香醋醬汁配埋羊臂扒🐑一齊食，味道好夾🤩。因為羊臂扒🐑唔算好大塊，所以食完都唔會太滯🙆🏻‍♀。side dish仲會配埋薯仔🥔同紫椰菜沙律🥗，但味道無咩特別🤨。🔸金沙會金卡同Marriott集團會員都可享九折優惠，紅寶會員可享八五折優惠，鑽石會員可享八折優惠😏🥴🔸食物質素：💓💓💓💓環境美感：💓💓💓💓地點方便：💓💓💓服務態度：💓💓💓💓抵食指數：💓💓💓…查看更多

年初二的午餐，搞搞新意思，試一下西式的開年飯。看到酒店房間電視的介紹，就選擇了這裡，前一天，酒店還幫忙預訂了1點入座。星期一至五的中午12時至下午3時，班尼提供半自助午餐，價錢由$138至$318一位，前菜頭盤和甜品生果是自助形式。西式裝潢，水晶燈閃閃，氣氛高格調。我們3人，點了2份主菜，分別是油封鴨意大利飯和番紅花濃湯焗海鮮。主菜上枱時，待應會一手拿著一個架，另一隻手把放了主菜的托盤放到膊頭上，然後走到客人的枱前，放下架，再把托盤放在架上，再雙手把食物放在客人面前。令客人有被重視的感覺呢 !頭盤和前菜，放在餐廳近門口的中間位置，有沙律吧、幾款凍肉、近10款的餐前小食。甜品放在餐廳的中間位置，一邊放了3款生果，另一邊放了幾款蛋糕。…查看更多

收到信用咭最新餐飲優惠推廣，到指定的澳門餐廳，自助餐可享買一送一優惠。反正今次全家坐艇到澳門玩，就在這家提供買一送一優惠的餐廳，試試Sunday Brunch。正午時分來到餐廳，由職員帶領至內堂就坐後，放下行裝，大家就開始去＜搵食＞。　先是冷盤海鮮系列：蟹腳，波士頓龍蝦，螺，青口，蝦，小龍蝦，還有生蠔。不過，生蠔是即開的，在Sunday Brunch剛開始時段，要排隊等候職員開生蠔。　終於等到二隻生蠔了！Fine de Claire 生蠔海水味不太濃，肉脆且帶微微的甜味，食多几件當回本，當然也不能錯過波士頓龍蝦和蟹腳。然後來到都是凍冰冰的沙律／前菜／小食系列，還有芝士系列，粉紅色肉系列，仲有烤肉檔！狂風掃落葉之際，職員捧著大盤的主菜，向每枱客人推介。原來這是Sunday Brunch服務之一。長通粉　　口感煙韌的長通粉，配芝味濃郁的醬汁，真係好邪惡。不久，還有几位職員相繼捧出不同款式的意粉主菜。那麼多款的澱粉質，肯定容易飽。但要預留空間給予甜品系列，這個澱粉質不能食太多。　澱粉質過後，還有肉類呢！職員表示這是日本和牛肉，賣相不錯。粉紅色肉質表面有光澤，是剛煮好的。而且表面鹽粒明顯，不過也沒有蓋過牛肉原來的鮮味呢！豬肉　　也許是靚豬肉，但看得出好乾。炸雞　　黃金表面，雞肉仍算嫩滑。炸羊排　肉質好乾，加上黃金外皮都乾，口腔已被刮損了！　自己還是比較喜歡透出粉紅色肉的羊排。元貝都有！！！！！　幸好枱面放有彎彎小碟，方便放上這麼多款的主菜。來到甜品系列　　雖然甜品放滿多張枱，但細看之下，有几款都是重複的。取了多件，大家享用。當中最喜歡，就是核桃朱古力蛋糕和朱古力泡芙。泡芙中間有朱古力。自小都將CHOCOLATE叫做朱古力，即使餐牌以另一個中文展示，依然改不了口。這個西西厘卷，味道有如香港某大超市品牌的檸檬夾心餅。也有即焗的朱古力梳乎厘及Ｈ字頭雪糕。小插曲：　　來到一時左右，有位職員過來詢問：几位需要來一份大廚即點即煮的主菜嗎？只係68蚊。　大家都覺得好奇怪！　這個心中熱切期待的買一送一Sunday Brunch，原先以為可以在廿多款主菜餐牌中任點，再加半自助任食系列。如今職員表示，要另外加錢，就可享用即點即煮的主菜。　　　　不過，這個Sunday Brunch有多款美食，份量很豐富，環境又舒服，加上其中一位是免費的，總算價格合理！…查看更多

呢度係一間意大利餐廳 但點都估唔到會有自助早餐食😂😂😂😂😂自助早餐黎黎去去都係幾款食物🙈🙈印象最最最深刻係呢度d炒蛋同腸仔同埋佢早餐已經有pizza🍕🍕🍕炒蛋🍳🍳個樣都麻麻地😂😂😂😂😂😂😂😂腸仔得一款係好食 就係係蘑菇隔離果條😂😂😂其他都不過不失另外就係 唔個係味因為呢度係意大利餐廳 所以佢冇麵檔😂😂😂熱食種類唔算多 但都有蒸餃、粥、炒麵、菜.....麵包類比較吸引🍪有擺得好靚 睇見都好想食既牛角包同埋朱古力酥 哇個 朱古力酥真係幾好食幾唔錯💕💕💕仲有仲有 佢個waffle 好脆好好食 但可能會有人話我唔識食 因為人地鐘意食外脆內軟 但我寧願佢成個都脆😝😝😝😝😝…查看更多

My husband and i came here for semi lunch buffet， it was VERY nice! Good selection of antipasto and dessert to choose. Food is very good quality. Excellent sevice ( most of them are pleasant， except one of them a bit strange) We ordered the duck and risotto for main. Both were very good. Extremely value for money.…查看更多

初初來澳門嗰陣時，公幹就最鍾意來呢間餐廳度食。係我最早期認識嘅餐廳。我特別鍾意佢嘅係因為下午午餐嘅時候只需要＄200左右，就可以有一個主菜，餐湯同埋半自助嘅沙律，覺得絕對係物有所值。夜晚來食都係第一次，估唔到夜晚嚟食見到入邊嘅啲燈着埋都幾吸引幾靚。呢到見到大多數嘅枱都係食海鮮拼盤，都見到有大大隻龍蝦其實都幾靚。可惜今日朋友鍾意食海鮮，想食嗰啲普普通通嘅嘢。咁我就食我最鍾意食嘅卡邦尼亞意粉，我最鍾意嘅原因，就係佢上台嘅時候會用一舊好大舊嘅芝士包住啲意粉，通過熱力芝士就溶，芝士完全包住d意大利粉，真係芝士味十足。另外一個就試咗佢嘅蒜味香辣意大利粉，係推介嘅食品之一。但係反而呢一個意粉有點失色，同普通嘅香蒜意粉冇乜分別，而且隻蝦好一般，只屬於中規中矩。另外就仲叫咗個意大利腸拼盤，其實佢就係唔同嘅冷盤腸仔。但係我今次就叫左一種單拼嘅24個月巴拿馬火腿。以24個月來講，肥瘦均勻非常之好，肉嘅比例比脂肪嘅份量多。 食落去又唔會太咸，又會有煙燻嘅味道，配埋芝士粒食，口感更佳。忌廉蘑菇湯，呢到嘅啲蘑菇湯非常之濃稠，飲落去有蘑菇粒，蘑菇嘅比例比忌廉為多，中意有口感嘅湯就要選呢個。我鍾意嘅除咗有呢度嘅嘢食之外仲有拒嘅服務，除左完善的招呼之外，仲會介紹一下餐廳嘅優惠。好似佢啱啱同我介紹嘅星期日brunch 優惠，用world master 咭竟然有買一送一優惠，即係兩個500蚊左右埋單，堅吸引。其實。。其實。。我想試左個brunch 好耐，但一直太貴未捨得，今次仲唔比我等到，哈。…查看更多

My wife really doesn't like Italian food and I had to do a lot to convince her to try it. I saw the ratings and glowing reviews and thought I just had to try it outWe ordered pear salad, porcini soup, pork chops, lobster porcini spaghetti , lasagna, and spaghetti carbonara. Every dish was excellent. Pear salad had the right amount of dressing, and it was well tossed so every piece had some dressing on it. Pear was perfect. And good combination of walnuts and Gorgonzola cheese to add to the flavours. Porcini soup was fragrant and delicious. Full of fresh porcini and not some silly cream soup pretending to be a mushroom soup. Pork chops were perfectly cooked. Layer of fat added to the wonderful sweet taste and well paired with helping of mashed potato and red wine sauce. Lobster porcini tasted amazing. Real chunks of lobster could be found and it did not taste too much tomato. I normally dislike tomato based spaghetti but this is something I don't mind ordering again. Lasagna was full of cheese oozing out from the first touch. One of the best lasagnas I have tried in a while. Spaghetti carbonara was made on a cheese block and brought out on the block before it was served. Cheese was not overpowering but this is not the traditional carbonara. That was the only negative as I can tell there is cream in it but I'm sure most can't tell the difference. Still the taste was fantastic. Would definitely come back again for this. I have to compliment the service here as they were very good throughout. Some of the staff need more training on the food items available and what is in it, but their attitude was excellent and you can tell they are trying and they escalated and brought the person who knew. Cantonese and English were fine here so I don't understand the negative reviews on the staff languages abilities further down. This is a place I would strongly recommend for Italian food. The prices are also reasonable for the quality of food and service provided. …查看更多

聖誕節假期，一家人嚟澳門住返幾日。因為有小朋友嘅關係，唔想咁夜出去，所以就去酒店樓下食pizza。之前都嚟過N咁多次，裝修依然一模一樣，高樓底感覺寬躺宏偉，今次終於轉咗個Menu，Menu係用硬賿做，都幾好因為以前個Menu都好舊啦，有陣鹹魚味。但係啲嘢食就差左冇以前咁好食蘑菇湯本身個味都算OK，有松露油喺面，蘑菇味夠重，但係本身個湯唔夠熱，失色！海鮮湯反而幾出色，海鮮鮮味夠，又有大蜆丶青口丶魷魚丶仲有塊蒜蓉包點綴一下。不過因為太多料嘅關係湯其實唔係太多。炸魷魚簡直係不知所謂，魷魚切到好細條，好散，仲要係無味嘅，有個芝士醬喺隔離但係覺得味道唔匹配。最後要自己落手調味加鹽先可以食得落口。三文魚就整得唔錯，煎得夠香，皮脆肉嫩！有少量意大利飯薦底加埋菠菜及甜豆味道一流！辣蝦意粉好多油，成件事就係唔俾啲橄欖油累事。隻老虎蝦其實好好味好爽囗，蒜味好夠香，但係食完真係成口油囉。Pizza都算唔錯，風乾牛肉味道唔係太鹹，都幾好食，Pizza個底比以前厚咗，但係都可能係好事嚟，可以包啲呀嘛總結：其實都唔係太差，員工服務親切，不過動作慢左少少，食物味道差過以前但都算唔錯。…查看更多

見之前d食評話芝士煙肉意粉好正，所以去試下。點知連免費清水都無， waiter 話唔俾飲自己帶d水, 簡直係唔環保！ waiter 話飲自己帶d水請你出門口飲 (吓, 出門口飲?!), 唯有乾啃!  d芝士煙肉意粉又超咸.  早知去食McDonald!…查看更多

一年前食過晚餐，好ok喎。今次帶埋細路去食 星期六中午自助餐。一肚氣，服務態度勁差，問多二句走人。食物質素差差差。意粉還可以，pizza 見到都吾想食，以前是超薄批底，今次轉左超厚，1吋厚麵包批底，香港沒見過有甘厚，從未見識過，食一件等如食左一隻豬仔包，料小小。失望極。如食豬仔包，就吾會比 198一個人去食啦。原來佢做promotion, 588食四個自助餐的其中一間，為吾到本就吾好做啦，做成甘，我比正價入去食架。在五星酒店內的餐廳，影衰間酒店啦。以後吾會再去。…查看更多

長假期出外旅遊是不少港人的習慣，而就近的澳門絻對是一個對點。這間意大利餐廳也是難得可以再來光顧的食肆，原因當然是食物水準高啦。先來的巴馬火腿薄餅，即叫即製，讓薄餅的質感超好。軟硬適中之餘，溫度也十分之好。配上巴馬火腿及火箭菜自然是美味非常啦。另一個喜歡吃芝士或忌廉的人都一定愛上的就是卡邦尼意粉。在這裡會把煮好的意粉送到餐桌邊，在食客面前放在一大磚芝士上打轉，務求令到每一條意粉都有充足的芝士。其主要原因除了讓食客可以多一重享受之餘，更是要確保食客可以在完成那程序之後儘快進食，以免在運送的途中因冷氣的原故令芝士及意粉貼在一起，影響了食物的口感。最後一款要介紹的就是神戶牛柳，因有長者同桌，所以要熟一點，要了七成熟。但肉質仍是很柔軟，完全沒有太硬的感覺。牛味也濃，真的很美味。…查看更多

友人之前試過卡邦尼意粉激讚, 話有得睇有得食. 所以今次帶我再黎.由於時間尚早, 人流唔算多, 7:00PM之後才繁忙, 但服務好好.餐前麵包: 有三款, 而且仲有我喜歡的欖油同醋用來點麵包食.旁邊二款餅干, 一款是薄脆身好多香草好濃味, 一款是硬餅干條.中間的是鬆軟微暖麵包, 有蕃茄同橄欖, 而且份量大, 食完都半飽, 所以冇食哂.由於冇免費水提供, 可以叫礦泉水, 所以我們揀選無酒精雞尾酒.日出威尼斯(左) $65 :底層係草莓同蔓越莓打成汁, 上層係蜜桃蓉. 拌勻飲好易入口, 酸酸甜甜好清新開胃, 最岩配油膩食物.熱帶風情(右)$65 :果然有熱帶風情, 味道好豐富, 有芒果, 乳酪同香蕉既果甜奶香味, 帶少少菠蘿味. 好滑身好好飲.班尼特色前菜拼盤 ($198):原來超大盤, 有8款前菜. 食完已經好飽, 所以其實岩3-4人.蔬菜焗雞蛋 - 暖暖地, 雞蛋焗得好嫩滑, 食落似蛋批, 味道好香好好食.意大利香腸 - 開半煎香, 比較油膩, 但肉汁好又好咬, 啖啖肉.鮮蕃茄多士 - 鮮蕃茄經欖油同醋調味放上多士, 多士脆口與蕃茄嫩淋, 呢個組合好夾.酿乳豬仔 - 一片薄薄燒五花肉, 太肥膩又太薄身, 唔脆唔淋, 麻麻地.烤田園蔬菜 - 中間的蔬菜沙律新鮮爽脆, 上部的炸瓜類都唔錯, 只係黃色瓜超級苦, 食唔慣. 蕃茄伴水牛芝士 - 簡單好味, 有少少欖油, 蕃茄鮮嫩水牛芝士軟滑, 清淡好味.露煙肉卷 - 普通味道. 雞肉串燒 - 燒得唔乾, 肉質柔軟.煙肉香濃芝士意粉 ($158) :主角黎啦, 服務員會推一大個硬芝士出黎, 意粉已放在大芝士上, 服務員係客人面前拌芝士意粉, 上碟給客人.意粉熱力溶化芝士, 意粉掛上超多香濃芝士, 濃度好杰身. 意粉有多款選擇, 香濃醬汁可以揀長身的意粉, 如意大利麵/闊麵/偏意粉.....我們選偏意粉, 可以掛多d醬汁.意粉煮得唔夠硬身, 幸好無淋哂. 掛上超多芝士汁, 好香好濃郁芝士味, 帶有煙肉油香.每啖都係芝士同意粉, 好滿足. 不過食完都好膩.即場做會員有8折. 服務好好, 有禮貌又貼心. 上菜速度會留意客人進食速度.總括, 雖然價錢微貴, 但食物質素及服務水準都好好. 環境安靜燈光有情調.…查看更多

整個澳門喜來登大酒店有數間餐廳，其中一間就是意大利餐廳「Bene」。星期天早上來這裡吃意大利自助早午餐。今次是我第三次到訪「Bene」。上次來體驗米芝蓮菜式已很喜愛，此餐廳的裝潢富有現代氣息，環境依然優雅。吃 Sunday Brunch 似乎與海鮮已拉上緊密關係。早上拉開序幕的是一系列凍海鮮，波士頓龍蝦、法國麵包蟹、翡翠螺、阿拉斯加蟹腳、青口、聖子等都大量供應，而且質素與晚餐的不相伯仲，食客也相當私文，不會爭食。即開生蠔，每星期不同，用來配香檳就是一個美好的早上。今天供應的是法國 Fine de Claire，無限量供應，甜美爽口帶餘韻，喜愛生蠔的朋友不要錯過。各款意大利芝士，意式肉腸、cold cut，這個類別我吃得相當多，好吃。花多眼亂的意大利沙律：即焗 pizza，是薄皮類型。薄餅皮弄得非常脆，我最愛黑水欖的口味，有些餐廳會將橄欖浸得淡口，這裡仍保留那份鹹香，那才是傳統意大利口味。意大利迷你乳豬，裏面釀有意大利飯，重點菜之一，皮脆肉嫩：其他主菜有燒烤蔬菜、煙燻原條三文魚、肉排等，作為主食也甚誇張！我自己最愛 grilled vege，甘荀與茄子都很清甜，是真正的原汁原味。除了自助部份，brunch 也有超過20款任點任吃的主菜、肉類、意粉等等。我會建議多人分享一碟，因為可以試多幾款嘛！自助餐也少不了甜品的部份，有任吃意大利雪糕 Gelato 。吃完這一餐，滿足。順帶一提，在「Bene」用餐時大廚會大聲說「SCARPETTA」，乃意大利用語，意思是指賓客已盡享餐盤上的食物，是對廚師表示讚賞。我在此也要大聲說一聲，「SCARPETTA」！:-)…查看更多

早入去就有位, 跟住越來越多人, 呢間都幾多人未食都覺得應該好味跟住本來問侍應金沙卡有無折, 點知侍應話有入SPG 會,會有85折仲抵過普通的金沙卡我之前係申請左....職員就叫我寫低個EMAIL ADDRESS, 佢幫我SEARCH 返資料跟住俾左張紙仔我, 叫我埋單時俾佢D 同事就會有85折餐廳職員好細心, 見我大肚, 安排左一杯熱水俾我，仲拎左個咕臣俾我, 問我一個夠唔夠, 唔夠拎多一個俾我跟住我地就點野食點完就來面包, 有職員就來倒D 黑醋同橄欖油俾我地面包係好香, 都忍唔住食左好多呢度環境都幾有情調又好舒服食物一碟碟咁送上先來沙律, 份量好似細左D跟住呢個雜菌意大利飯,整得好好食 牛扒...係今餐最貴, 但整得好好食呢間餐廳食物質素都好有水準下次會再來…查看更多