珍煮丹 (已結業)

早排好多唔同珍珠奶茶店又再攻陷香港，開到成行成市，每間都標榜著唔同賣點。但係我係一個唔飲珍珠奶茶的人，亦都好少飲甜的飲品，所以一直都無特別興趣去試。直到今日同朋友經過珍煮丹，由於實在太口渴，所以決定試一試。朋友話珍煮丹最出名係黑糖珍珠，見到menu其實都幾多唔同飲品選擇，所以就算係唔飲珍珠奶茶的都絕對可以揀到自己的喜好。最後選擇左黑糖檸檬珍珠，有多種溫度同甜度給客人選擇，好細心。珍珠比一般的偏細，但係好彈牙，好好咬口，而且帶有黑糖的甜味，好正。👍🏻

珍煮丹開店已有一段時間, 今天來到銅鑼灣, 終於有機會試了。同一條街, 店舖左右都有台式飲品店, 見人龍長短, 或可見其受歡迎程度。怕久等的, 或會因應情況改變選擇, 可能因為這個原因, 人龍得以疏導。Anyway, 是日目標清晰, 非珍煮丹莫屬。排在前頭雖有約10人, 但人龍消化得快, 不消一會, 飲品已到手。黑糖珍珠鮮奶 (少糖, 少冰) $30飲品要求少糖, 甜味剛好, 黑糖溫順可口。鮮奶雖然淡淡的, 卻不會被黑糖蓋過奶香。整體來說味道不錯, 可回頭。

最近黑糖大熱 特別係銅鑼灣 成條街 連環開黑糖奶茶店 要數最出名幾間是 老虎堂 幸福堂 珍煮丹 珍煮單的黑糖可選甜度 對放不好甜食的我 半糖味道剛好 珍珠煮得夠耐 夠軟腍煙韌 有咬口 黑糖味道濃

黑糖熱潮開始左幾個月 一直都冇特別想飲見到好多店嘅黑糖珍奶質素參差 其中珍煮丹評價吾錯 今次就去左一試叫左少甜少冰 個人黎講覺得啱啱好 黑糖味重又吾失奶味 珍珠都有咬口雖然冇試過其他店所以冇比較 但我覺得好飲

《必飲招牌黑糖珍珠鮮奶🥤》台灣珍煮丹殺到黎香港，見排隊人龍唔係太長決定試試💃🏻，連埋排隊加製作，其實都係要差唔多半個鐘🤦🏻‍♀️！黎到必試緊係黑糖珍珠鮮奶⚫️🥛，由於珍珠係熱辣辣，店員會溫馨提示客人不用叫小冰💁🏻‍♀️，而且熱珍珠會沉底，要記得攪勻才好喝🥤，甜度方便個人覺得小甜便可👍🏻，熱辣辣嘅珍珠非常煙韌，放入黑糖鮮奶當中，攪匀後飲落口一冷一熱🤤，有種冰火嘅感覺❄️🔥，黑糖味出眾🤩，令整杯飲品非常香濃，值得一試😋

黎到銅鑼灣,一出地鐵站就見到個個都一杯二杯,無辦法喇,數數手指,銅鑼灣大大小小既台式奶茶應該有15間,仲未計coffee shop呢?搞到大熱天時唔口渴既我都變左口渴了,見到大街後面果條街有好多人排緊,我自己份人就無咩耐性,唔想等咁耐,如果10幾個人既就ok ge,所以就行前左少少去timesquare附近,試下珍煮丹😁好多人都話珍煮丹好好飲,不過我自好少飲,朋友叫到咪一齊,黑糖珍珠鮮奶,我比較喜歡佢既珍珠,食落都幾彈牙,唔黏口奶味比較出,唔同以前既奶茶味,我自己就不太好,都係湊湊熱鬧

銅鑼灣的珍煮丹又是其中一間台灣出名黑糖珍珠鮮奶的店舖，所以排隊人龍不斷，在星期三的晚上都大約要排隊 15 分鐘左右先會去到收銀處的位置。這裡的手作黑糖和珍珠都是自家製的，所以對於這店所飲到的黑糖珍珠鮮奶期望都幾高下。一班年輕的店員忙過不停，他們在沖飲品時，份量計算都好嚴格，見到他們都會用量杯量度份量，攞飲品時店員亦會有溫馨提示飲之前記得要搖勻。珍煮丹已換了黑色紙杯，雖然冇膠杯的外觀咁好睇，亦都睇唔到黑糖流落黎時的紋路，但較為環保。摸住杯的底部是暖暖的，黑糖珍珠是經熱鍋炒香。因為來這店之前聽過D朋友講珍煮丹的珍珠煮得超甜，所以叫這杯黑糖珍珠鮮奶時，我只選擇了半甜，底部的珍珠是有點甜帶有黑糖的香，而珍珠都幾有咬口，鮮奶好滑，可能是成杯飲品搖勻的關係，飲落去甜度較為均勻，整體都唔錯。

黑糖珍珠奶鋪開到周圍都係😂😂😂早排起碼間間都排半個鐘所以一直都無飲到今日咁岩行過見唔使排太耐都係十分鐘到 決定一試！黑糖珍珠奶珍珠好岀色！好煙un好好味黑糖味夠👍🏻奶飲落唔會好快濟愈飲愈覺得有啲似好立克😂但係好味既👍🏻泰泰珍珠拿鐵男朋友係台灣飲過話好好味一拎上手我見到橙色係呆左🤣🤣不過佢話台灣濃啲好味啲整體唔錯 值得一試

■ 黑糖珍珠鮮奶 $30**個人建議少甜少冰味道更好完勝老虎堂喎真心 個時係岩岩開無幾耐效率真係十分高！三十分鐘已經可以買完拎埋走人 （依家仲快手）仲有珍珠係勁好食 即使少甜亦唔覺得黑糖珍珠會好膩 係令人飲完一杯好想再飲多杯💯珍煮丹 > 幸福堂 > 老虎堂 我嘅排名😅/■ 黑糖珍珠布丁鮮奶 $30今次試埋有布丁嘅 一樣少甜少冰 但今次個杯竟然成杯都係冰 飲第一啖成口都係碎冰🤷🏽‍♀️ 不過同黑糖珍珠鮮奶一樣 好飲嘅 係多舊布丁食吓😋/■ 黑糖冬瓜 $24個人覺得偏甜 因為限制咗甜度，冇得少甜😕但係消暑嘅 清甜清甜

今天天雨，排隊的人唔多，要encore 一下珍煮丹。上次試過黑糖珍珠鮮奶，覺得唔錯，同老虎堂唔差太遠，而且不用排很久，前面只有十多人，今曰一定要試試其他口味。黑糖珍珠仙草鮮奶$30這黑糖仙草鮮奶味道幾特別，既香甜的黑糖味，又有鮮奶香，但相對黑糖珍珠鮮奶的味道無咁醇厚，可能是帶涼粉味的仙草味頗為突出。一啜之下，有又甜美又口感煙韌的黑糖珍珠，又有滑溜溜的仙草，感覺冰凍透涼。整體而言，都是一杯幾好味的飲品，但若再次光顧，還是會選原味的招牌黑糖珍珠鮮奶。

又一台灣過江龍黎左香港啦！黑糖珍珠鮮奶銅鑼灣有3間珍煮丹，幸福堂&老虎堂珍煮丹係唯一一間可以選擇甜度既比較flexible ...就番無飲甘甜人既口味佢既奶味係無老虎堂甘重既因為老虎堂有cream 加左既好飲聽講但珍珠好咬口夠煙un.鍾意珍珠既會好鍾意Hahhaa 好飲...絕對值得一試！

難得黎到銅鑼灣就試下呢期好紅既黑糖鮮奶 我就試過老虎堂 一芳 天仁 既版本 今次就試下呢間新開既星期六既4，5點 人龍唔算好長 排左3個字到就有得飲 比想像中快 呢樣值得加分 想當初排老虎堂排左差唔多個半鐘 真係想死Menu 有好多選擇 但都唔洗諗 揀最出名既黑糖鮮奶 比完錢等一陣就拎得賣相我覺得正常 我叫既係小糖小冰 當我搖勻晒黑糖 發現冰都溶曬 飲落常溫咁 唔夠凍 後悔叫左小冰 鮮奶味都ok 但老虎堂果隻有奶霜 感覺再creamy d 黑糖方面同老虎堂差唔多 唔識比較 但整體黎講 老虎堂暫時仲係我心目中既第1

我男朋友之前就同我講過銅鑼灣開咗台灣好出名嘅「珍煮丹」(佢知我係珍珠奶茶愛好者😆🤓)，今日冇野做就去潮聖下😂去到冇嚇親我😂因為冇好似排pancake果啲鋪頭咁長龍，但都排咗幾個鋪位！去到梗係一試佢主打嘅黑糖珍珠鮮奶，仲有得揀甜度𠻹！由於第一次試，我唔敢叫全糖，所以試下微甜點！店員好有禮貌叫我哋飲之前要先搖匀！一試，我覺得啲珍珠唔夠煙un，淋咗啲，但食得出啲珍珠係用黑糖煮過嘅！奶味都出，但我覺得老_堂嘅黑糖珍珠鮮奶好飲好多😅同珍煮丹杯嘢，我覺得珍珠比例上有啲多，變咗飮珍珠rather than飲奶...同會好滯...不過值得一讚係佢出飲品出得好快👍🏻

作為典型珍珠控，經常留意及嘗試不同飲品店，隨著珍珠奶茶，黑糖珍珠佔據大家的生活，更多的過江龍出現，決定逐一朝聖！今日路經珍珠飲品聖地-銅鑼灣，眼見珍煮丹的人龍可以接受，就排了，服務不錯，飲品亦很快準備好。其實個人較多飲珍珠奶茶，亦偏好優質茶底與奶的味道，但珍煮丹未有此類產品，所以今次一試黑糖珍珠鮮奶（$30）。以慣常口味，選了半糖、正常冰，一試有驚喜！黑糖珍珠鮮奶的奶香濃厚，珍珠亦彈牙有口感，加上黑糖尤其配合，未有其他同類產品的「死甜」感覺（建議半糖甜度）。

食完飯臨開會，見到開咗珍煮丹，滿心期待去幫襯，點知⋯⋯已經半糖，但都係甜到糖水一樣，唔知關唔關要咗小冰事，啲珍珠亦 overcooked，一pat pat 咁，入口立即 gel 住 gel 住，仲要 $30 一杯。同士林嗰杯比，唔會信係同一間店。雖然好多外地店一嚟香港就走樣，但呢間真係差太遠。都係留返過台北先飲啦。