珍寶鮮豆漿

營業中

休息中

每次搭52×就一定去食返碗滑滑熱熱的豆腐花～真係好滑好食～掂！仲有其他糕點賣～仲有菜乾豬骨粥～仲有豆漿賣～不過～我就只吃佢的豆腐花～一个月食一次都不錯的！糯米磁都可以試下的！

我今日打算坐巴士去吃東北菜～車上看到呢間豆腐花店～二位老夫妻70歲左右經營～所以～我等登食完東北菜再回頭行半小時到這小店！我膽粗粗叫個豆腐花路邊吃～10元～超大碗～佢地仲有賣大菜糕～芝麻糕等香傳統甜品～一口把豆花放落口～就係佢啦～滑到冇人有！超級滑～超級耐都找唔返的好味道！所以我就多打包2個豆花同其他糕點～拿返屋企俾父母試！個芝麻糕未食都散發芝麻的香味！過幾日再去先！佢地仲話可以俾D豆渣我自己返屋企去整香酥魚～太好人了老扳

今日準備嚟搭巴士，見到巴士Apps話18號巴士要等多10分鐘，於是就周圍望就見到這間甜品店。門口坐着一位太太正在拿着一個金屬館吃豆腐花，我有看見大大桶的豆腐花木桶，熱辣辣，大大隻字寫住$10一碗，於是就按捺不着幫襯了一碗。老闆說：「你吃我的豆腐花根本不用懷疑，香港已經吃不到這些或豆腐花。」的而且確，香港很少平靚正又熱辣辣的豆腐花帶大碗又滑又多，這裏裏的豆腐花非常滑而且份量多。我只喜歡吃熱豆腐花，因為熱豆腐花才柔軟又滑又香，凍的就比較實，雖然豆味不是很濃，但是價錢平，又滑又多。性價比超高，

這一間平民豆腐花店「珍寶鮮豆漿」，位於深水埗「荔枝角道」一帶附近，「荔枝角道」的人流相對「長沙灣道」，或許沒有「長沙灣道」那麼多和熱鬧，但是「荔枝角道」的食店也不是一點賣點也沒有。就例如今次我要介紹的「珍寶鮮豆漿」，雖然「珍寶鮮豆漿」的面積不大，座位檯櫈為數也不算很多，但是憑我幫襯過後的試後感看來，「珍寶鮮豆漿」的最大優勢，應該是服務態度很好的店員。雖然「珍寶鮮豆漿」的店員，店員說的廣東話，稍為夾雜內地的方言。但是「珍寶鮮豆漿」的店員，店員有一點令我不得不承認，就是他們的服務態度其實很不錯，他們對食客都很有禮貌。另一方面，「珍寶鮮豆漿」的大部分食品跟飲品，價錢都頗為便宜。例如我的兩併豆腐花「凍芝麻糊加豆腐花」價錢只需要港幣十三元。至於「珍寶鮮豆漿」的另一款食品「花生糯米糍」，「花生糯米糍」的售價亦只是港幣六元而已，而且「花生糯米糍」價錢十分便宜，只需要六元而已。至於「珍寶鮮豆漿」的飲品「鮮豆漿」，「鮮豆漿」的售價亦只需要港幣八元而已。結果「珍寶鮮豆漿」三款食品飲品價錢合共加起上來，全部都只需要港幣二十七元而已。所以「珍寶鮮豆漿」的價錢水平，可以稱得上是「便宜」，至於「珍寶鮮豆漿」的食品

話說要行到附近等巴士，又有成10幾分鐘見到呢間豆腐花好多人買，就心思思想食返碗做甜品有個concern就係馬路邊企住食，怕污糟不過見個個都係咁，一於唔理三七21試下佢(明顯羊群心理舖頭招牌都褪哂色，感覺好似陳年老店，希望質素都有保證見到有人叫芝麻糊豆腐花，但係我就叫咗最普通嘅熱豆腐花($7)，凍嘅就貴$1豆腐花係個大筒入面新鮮裝出嚟質感好幼滑，而且有豆味，滑到可以飲，一下子滑落喉嚨黃糖係佢幫你落埋嘅，份量剛好食完一碗好滿足，時間到，食完就上車，真係幾方便

拜年經過，發現街頭美食，登登登，就係一碗平平無奇，又出奇地好味既豆腐花，落雨天凍凍地，食番碗暖笠笠既豆腐花真係一流，個種幼滑既口感，配埋甜甜地既黃糖，食碗豆花值十分，街坊風味十足，長期keep住有街坊幫襯就知有番咁上下水準，正！

年初二已經沒年可拜，街上又沒有什麼好逛的，就決定買點東西回家煮個什錦鍋，所以和鬆弛去深水埗街市看看有什麼好買。就在我們落了巴士走過對面馬路，就看到有一群人圍著一家店，人人都拿著一碗白色的東西，再走近一點看看，原來他們在吃豆腐花。我見豆腐花只是$5一碗，也就買了一碗熱的來試試。豆腐花配黃糖才是最好吃的，糖水根本沒得比。暖暖的豆腐花很滑溜，幾乎滑不留口，豆味濃郁，一點都不比大埔有名的那家差，才$5一碗，真的是又平又好吃的甜點呢。在寒風之下吃著，整個人都溫暖起來，下一次來深水埗記得來試試呢。

珍寶鮮豆漿o係我o黎親深水埗o既必到點, 今日終於o係 openrice 見到 kui, 可以介紹 kui 俾鐘意食涼粉o既人喇!我同家人o黎過呢度好多次, 因為 kui o既涼粉真係好正, 好滑, 甜度o岩o岩好 (糖水可加可唔加)。$5 一碗, 自家製, 完全唔駛擔心唔乾淨, 食完會肚痛。另外仲有豆腐花﹑豆漿﹑中式糕點賣。我o係街頭享受緊碗涼粉時, 有好多人買豆腐花 ($4.5), 等我下次都試下先!

小弟覺得阿蘇曾經說過一句評食的言論：『那，個個問我個間野有幾好食，去食過又覺得不外如是，那，如果呢間野質素OK，但係鬼咁貴又唔抵呢，我就梗係唔會recommend俾你啦，但係如果D野食ok，價錢超值既嘩呢，你地就唔好謙三謙四啦』，我是頗認同的。今天經過深水埗，突然想吃完滑滑豆腐花，但又不想走到老遠的公和去，看到附近有間小店有自製豆腐花，因『自製』的吸引，便前進一試。試嘗一碗豆腐花的水準，只有熱才能提出豆味吸其滑的程度。坐下，因為天氣之熱，想外帶熱豆花回家在冷氣下品嘗，『唔該一碗熱豆腐花拎走』，阿姐答了『係』之後，就片了一碗到發泡膠碗，添上一匙半的黃糖，我便用了３小元交收。回到家後，豆花仍是完整，是暖的，吃了一口，不知不覺自動滑到口，第一個感覺便是～滑！果然自製。第二口，品嘗其味道，卻只有黃糖的甜，豆味不知跑到哪裡去了，這碗豆腐花的豆味真的少得很。吃完一碗後，都是滿足的。雖然這碗豆腐花豆味不足，但以滑的程度來說，３元已是合格有餘（餘到爆呀），請大家不要想用廉價換到天價的食物呀^^，經過可以一試，在大熱天時滑一滑你的喉嚨。PS:豆花最紀吃冰的，因為大多都置於冰箱奇久，吃豆腐花，請吃熱的吧，

成日經過見門外有人企o係街邊食豆花一早已經想試無奈未有掟起心肝早幾日終於買左3蚊一碗熱豆花外賣糖仲可以另上又真係幾滑但豆味唔夠濃不過以呢個價錢真係好抵食另外佢有d糕點賣下次可以試下