影片
港鐵中環站 D2 出口, 港鐵香港站 C 出口
繼續閱讀
電話號碼
23886982
97259926
營業時間
今日營業
11:00 - 15:00
18:00 - 22:00
星期一至五
11:00 - 15:00
18:00 - 22:00
星期六
18:00 - 22:00
星期日
全日休息
公眾假期
18:00 - 22:00
以上資料只供參考, 請與餐廳確認詳情
早陣子終於試咗！！！但早兩日見到做到年尾😭因為之前聽聞好難book位，所以一直無試😂直到有朋友日本返嚟，講起想打邊爐，於是試吓book位！網上book位早2個星期開放，較咗鬧鐘準時搭正12點就book😂 最尾都幾順利！餐廳位置就喺蘭桂芳附近，舖頭細細，一眼望晒，全場大約十張檯～唔怪得話難Book，因為真係好少檯！當晚book咗20:40，20:35去到門口已經有一堆人，一夠鐘就放人入去😆裝修都幾有特色，牆上貼咗啲有趣嘅揮春😂我哋坐中間，同隔離檯貼住咁濟，座位之間都幾迫🫢湯底叫咗 #潮州沙茶湯 $188之前已經聽聞呢度啲牛好食！！叫咗 #老蘭嫩牛四併 M $368有封門柳、牛頸脊、匙柄、胸簽肉眼可見啲肉肉顏色已經好靚！😍4款都好食！👍👍店員仲介紹 #活墨魚 $98呢個我平時好少叫，只要輕輕淥一淥就食得，估唔到咁新鮮彈牙，呢個有啲驚喜～👍#鮮製三寶手打肉滑 $158店員話係: 蝦+豬+羊滑羊肉食得多，羊滑真係第一次食，完全唔羶！#香酥腐竹 $68炸完大大舊，呢個又係淥一淥就食得~#生面 配蔥油、豉油 $48煮完個麵擺返落隻碟撈蔥油、豉油撈完啲香味出晒嚟~呢個都推介🙌🏻嘢飲我哋叫咗 #自製羅漢果 $88/揸唔會好甜，打邊爐熱氣飲呢個啱晒！佢其實仲有 #伯爵凍檸茶 呢個都好似幾吸引~下次想試呢個~~另外仲叫咗:#西洋菜 $58 #豆苗 $68#生根 $48店員仲請飲咗一杯嘢飲同甜品，仲好盞鬼咁叫我地擺pose影相😂呢間嘢食係唔錯，係坐得迫啲，不過氣氛搭救!! 😂早兩日見到原來做到年尾咋🥹最近仲推咗宵夜時段！！把握機會呀！！呢間餐廳質素好，又唔算貴，推介推介，希望佢哋搵到新舖搬啦！
繼續閱讀
預訂位真係難，屋企人好彩一個月前上網搶到位置。餐廳員工性格好玩得，同食客打成一片。餐廳主題掛住大大個『老蘭嫰牛』招牌，佢哋嘅牛肉拼盤實在吸引，特別係介紹嘅的騸牯牛，超新鮮啊，一食就愛上！火鍋湯底我地揀咗竹絲雞，滋潤得嚟又唔會太油膩，建議先飲幾碗先打邊爐。仲有預留咗海鮮，第一次試琵琶蝦，肉質似龍蝦咁爽口鮮甜。價錢唔算貴，如果唔飲酒，大概四百零蚊一位。如果你想食好味火鍋，呢度絶對係一個值得一試嘅好去處，不過聽講佢要結業，希望可以另覓地方重操故業
繼續閱讀
long time no 珍姐lunch🥺1215左右嚟到 排咗30分鐘就有位menu仍然一樣 今次放棄咗食咖喱羊 嗌咗其他嘢頭抽蔥油豬扒煎雙蛋飯 $65豉油甜甜哋 再加埋啲葱油 撈飯食一流豬扒份量都幾多 煎得幾香口又唔乾 唔錯唔錯老蘭嫩牛蔥油撈麵 $85正常版嘅牛肉份量都幾多牛肉大塊得嚟好厚身 肉味幾香濃🐮 走肉味重多過嫩滑路線 都要用啲力去咬😂凍伯爵檸檬茶暫時都係覺得咖喱羊最好食☺️希望4月可以book到位打邊爐啦🫡
繼續閱讀
🍽️ 今日午餐 @ 珍姐海鮮火鍋店今日去咗中環一間成日大排長龍嘅茶餐廳「珍姐海鮮火鍋店」食lunch。我哋大約12點到，前面已經有五個人等緊，不過等咗大概5至10分鐘就入得。舖頭環境算係乾淨整潔，係典型嘅茶餐廳格局。꙳ ੭ * ‧ ⨯ . ⁺ ✦ ‧ ⨯ (๑>ᴗ<๑) . ⁺ ✦ * . ˚ ⨯ ੭ * ‧🍜 牛肉蔥油撈麵叫咗個牛肉蔥油撈麵，麵底係豉油王炒麵，炒得幾香口，口感都唔錯。牛肉份量都幾多，而且係厚切，質地都幾嫩滑，可惜牛肉本身冇乜味，要靠醬汁提味。不過，個醬汁只係普通豉油，冇乜特別。整體嚟講，味道有啲普通，唔算好突出，唔係好明點解會成日大排長龍。 🧋 凍奶茶飲咗杯凍奶茶，茶味幾重，係典型茶餐廳嘅奶茶風味，濃郁得嚟又唔會太甜，算係成餐飯嘅亮點！꙳ ੭ * ‧ ⨯ . ⁺ ✦ ‧ ⨯ (๑>ᴗ<๑) . ⁺ ✦ * . ˚ ⨯ ੭ * ‧🌟 整體嚟講，食物質素中規中矩，環境同服務都算OK，但唔算有太大驚喜。如果你喺中環想搵間快靚正嘅茶餐廳，可以試吓～
繼續閱讀
星期五一點到排隊排10-15分鐘就可以堂食啦，不過可惜叫餐時雞飯已暫停，唯有試下珍姐既嫩牛加撈麵。有分regular and extra - 85 蚊同125 蚊，分別係正常量牛同多啲牛。飲品方面，加10蚊有凍熱飲檸茶，菜蜜柚子蜜等。嫩牛撈麵唔算好食到想再encore，嫩牛唔算好滑。反而想再返去試雞飯。
繼續閱讀