珊瑚堡 (已結業)

如題,我叫左個鐡板牛柳跟意粉,點知我係果碟意粉食左條頭髮出泥.........搞到我反晒胃........邊有d咁既野食比人食架.......於是叫黑衫過泥理論,個黑衫話唔好意思,一係換過碟比你吖......咁我算啦~~~就叫佢換過一碟........不過我以後都唔會再去呢度食野........D野食我自己認為真係信唔過~~~~~~

點了鐵板餐(吉烈魚柳+黑椒牛柳), 有湯, 有包, 有餐飲...個鐵板餐唔係好得..份量算幾細..我覺個係個湯同包唔錯...仲有咖哩羊腩飯, d咖哩唔錯...幾香幾好味...杯咖啡都唔錯..裝修係唔錯既...

(16/9/06)去過尖沙咀o個間,覺得像茶餐廳。聽到接待員稱道"後冷"的地方,我覺得那裡裝修得幾靚,但我地坐前舖,較弱勢,有出口俾貨上落。粟米龍脷柳飯,羅宋餐湯,餐包,樣樣都唔錯,尤其龍脷柳好香蛋味,粟米又唔係白汁,得呀!加$10 跟杯ICED cappuccion,攪笑既係我指住,張台上介紹單張,話呢杯野未黎,侍應竟然問要凍定熱??所以真係認同大家說,服務員好緊張。p.s.如果唔食餐,menu上既野都幾貴。

我住間餐廳附近,去過食幾次。最初開張果陣唔知係唔係唔夠人,除左d野食外,就真係樣樣都差d~今日再去食,見到多左d人返工,服務各方面都好左,係lunch果陣差d,不過夜晚就好好多low~P.S~~~我同屋企人食,四個人都$4xx埋單不過唔算貴!!~

D人做野個氣氛係非常緊張~~~~我一入到去想搵位坐,都幾乎比d侍應撞死~~~~同埋想叫野食,叫到口都乾埋先有人應~~~~但佢地d青口,牛扒,味道卻唔錯,價錢都算合理~~~~但唯獨是希望d人做野個氣氛真係唔好搞到咁緊張就好啦~~~~~

由於這餐廳是新開張,所以和朋友去一試 一坐底,友人沒餐具,於是叫籃衣侍應拿,叫到口水都乾埋都無人理!...最後要叫看似較高級的黑衣人拿,友人才有餐具用 食物不錯,我們試了鐵板牛柳和銅鍋咖哩雞 牛柳:餐牌寫6oz,但看似不夠6oz,order 5成但上桌的起碼8成!...幸好唔un! 銅鍋雜菜咖哩雞:上卓時竟然唔係用銅鍋!而係用普通的陶碟,即時叫黑衣人換,效率都算快,但雞只係急凍雞翼2隻+急凍雞脾2隻,好大陣雪味 service方面,係得d黑衣人似番個waiter/waitress,籃衣的人長時黑面,又叫極唔應,朋友中有兩個都叫了鐵板牛柳,一個跟薯菜,一個跟意粉,籃衣的人問"邊個要薯菜?"...要意粉的朋友應錯,就同佢講"sori, 我要意粉的"...籃衣人係即時黑面,非常不耐煩的樣子!! 錯左,調一調咪得lor...唔洗黑面掛?! 個場裝修都幾靚...p.s. service我其實想比0分

上次去左，ｄ下午茶就好似好抵咁～但服務就麻麻ｌａ，個埸太大了根本無人理ｄ客！我叫左一杯凍奶茶，一ｄ甜味都無．．叫人拎糖漿比我叫到埋單都未有人拎黎～真係火都黎埋．．．．．